झिल्का लेखन अभियानको १८ औँ शृङ्खला (राजनीति विषयक) सम्पन्न भएको छ । झिल्का साहित्य समाज नेपालको आयोजनामा उक्त झिल्का लेखन कार्यक्रम सञ्चालन गरिएको थियोे ।
झिल्का कविता लेखनको यस विशेष अभियानमा पनि विगतका शृङ्खलाहरूमाझैँ सर्जकहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा छरिएर रहनुभएका नेपाली भाषा, साहित्यलाई निरन्तर माया गर्नुहुने ८२ जना झिल्काकारहरूको सहभागीता रहेकोे थियोे ।
झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये झिल्का लेखन अभियान पनि एक भएको र नेपाली समुदायका चाडपर्व, उत्सव लगायत विभिन्न विशेष अवसरहरूमा निरन्तर सञ्चालन गरिने यसका परिकल्पनाकार/प्रवर्तक/प्रशिक्षक वसन्त अनुभवले बताउनुभयो ।
झिल्का कविता, नेपाली माटोमा उम्रिएको एक नवीनतम, लघुतम, प्रयोगवादी काव्य विधा हो । जसमा विम्ब, प्रतीक, अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।
झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ ।
सहभागी झिल्काकारहरूका उत्कृष्ट झिल्का कविताहरू-
—————<•>—————
१//
राजनीति फोहोरी खेल
झुठो होला भनेको
यथार्थ लाग्दैछ अचेल ।
२//
गरेर अनेकन् छल
पुर्याउँछन् जेल सोझालाई
अन्यायलाई गर्दै मलजल ।
✍️
वसन्त अनुभव
घोराही, दाङ
————-==———–
१//
राजनीति कमाउने थलाे
विकास हुन सकेन
भएन जनताको भलाे ।
२//
छलकपट र बेइमानी
राजनीति गर्नेकाे काम
संसदमा छैनन् इमानी ।
३//
राजनीति शब्द राम्रो
व्यक्ति सही नहुँदा
शब्द भयाे चाम्राे ।
✍️
रबि पाैडल
दक्षिण भारत पाण्डेचरि
————-==———–
१//
सत्तामा भयो खेल
सोझासाझा यी जनतालाई
विनादोष पुर्याउँछन् जेल ।
२//
पानी माथिको ओभानो
दु:खी गरिब सुन्दैन
सरकार आफैँ कानो !
३//
बुढो गोरू सरकार
टन्न छँदैछ उसलाई
किन जनताको दरकार ?
✍️
बेदु न्यौपाने
————-==———–
१//
राजनीति खेल फोहोरी
कुर्सी समाउन मात्रै
सिंहदरबारको भित्र दोहोरी ।
२//
सिंहदरबार कमाउने थलो
बुझेर अगाडि बढौ
यसमै हुन्छ भलो ।
३//
देशलाई बिगार गरेर
जति भ्रष्ट्राचार गरून्
भोलि जान्छन् मरेर ।
✍️
ललिता गिरी सिन्धुली
हाल काठमाडौँ
————-==———–
१//
फोहोरी गराए राजनीति
झुटो नबोली नहुने
गर्नु नपरोस् सितिमिति ।
२//
सत्तालाई जालझेल गरेर
टिकाउन खोज्छन् जहिल्यै
कहिले यताउता सरेर ।
३//
सबैमा ठूलाबडाको हात
नहुनेलाई हुने गराउॅंदा
पापको लाग्ला खातैखात ।
✍️
अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
————-==———–
१//
नेताले देश खाए
लुकाए अन्याय गर्नेलाई
जनताले दुःख पाए ।
२//
कति सक्छन् लुट्न
सकेन केही गरेपनि
यिनका भुँडी फुट्न ।
३//
देशलाई खोक्रो पारेर
सबै खाइसके भित्रभित्र
सोझा जनतालाई मारेर ।
✍️
लक्ष्मण देउवा डोटी
हाल भारत चेन्नई
————-==———–
१//
राजनीति उत्तम नीति
अहिले अनर्थ भयो
उल्टो बस्यो थिति ।
२//
जनताको काम गरेर
बस्न म खोज्थेँ
बेथितिले छक्क परेर ।
३//
आशाको किरण देखियो
वाक स्वतन्त्रता भएर
जमिनमा जताततै लेखियो ।
✍️
नन्दलाल आचार्य
एनेलकुटी, सिरहा, मधेस प्रदेश ।
————-==———–
१//
राजनीति बेइमानीको घर
झुटोलाई साँचो बनाउने
ठगेर जीविकोपार्जन नगर ।
२//
विकासमा राजनीति लगाऊ
जनतालाई गराऊ शान्त
गरिबी अशान्ति भगाऊ ।
३//
फोहोरी राजनीति नगर
समृद्धिको सुवास फैलाऊ
चलोस् वासना वरपर ।
✍️
होम प्रसाद नेउपाने
धरान,सुनसरी।
————-==———–
१//
राजनीतिकाे यहाँ नाउँमा
हदैसम्म बढ्दै गयाे
भ्रष्टाचार पाे ! गाउँमा ।
२ //
जनताकाे बेचेर नाम
नेताहरूले कमाईरहन्छन् यहाँ
भित्रभित्रै कालो दाम ।
३//
भएपछि फाेहाेरी खेल
सदैव देखिरहन्छ यहाँ
हरेक कुरामा झेल ।
✍️
त्रिलाेचन भण्डारी
मेचीनगर,झापा
————-==———–
१//
हुन्छ भन्छन् जालझेल
सत्ता, भत्ताको लागि
खेलीने एउटा खेल ।
२//
सप्रदैछ केवल भ्रष्टाचार
गर्दैनन् चिन्ता देशको
जनतालाई बनाए शिकार ।
३//
मिथ्याको लिएर सहारा
आफ्नो खल्ती भर्छन्
लगाएर मात्र नारा ।
✍️
पृथक प्रकृति ,झापा
————-==———–
१//
सजिलै कमाउने साधन
नेतागिरी गरेर जिविका
राजनीतिको मलिलो आँगन ।
२//
आकाशको तारा झार्ने
गर्छ मिठो भाषण
राजनीतिले जनता मार्ने ।
३//
राजनीतिको मैलो खेल
बेइमानी उही हरे !
जनता साउनको भेल ।
✍️
दिल ठकुरी
टिस्टा भेल्ली दार्जिलिङ ।
————-==———–
१//
अनौठो यस्तो खेल
हारजित हुने खुसुखुसु
जनता माथिको जालझेल
२//
निर्णय गरिन्छ लुकेर
खैलाबैला चाहिँ ढाँटी
स्वार्थको कुटुरो बोकेर ।
३//
सराप अरे सतीको
राजनिती असल भइदिए
आशिक लाग्नेथ्यो धरतीको !
✍️
कमला
————-==———–
१//
भ्रष्टाचार मात्रै गर्छन्
बिकास गर्नलाई चाहिँ
अर्काको भर पर्छन् ।
२//
राजनीतिमा गरेर झेल
यहाँ सबै नेताले
षड्यन्त्रको खेल्छन् खेल ।
✍️
अनिता भण्डारी ताप्लेजुङ
————-==———–
१//
जहिले चल्छ राजनीति
देशमा छैन हजुर
उसको निश्चित मिति ।
२//
राजनीतिमा ठूलाबडाकाे हात
छैन गरिब जेहेन्दारलाई
दु:खमा कुनै बात ।
✍️
श्रीकृष्ण धामी – बझाङ
————-==———–
१//
सबैभन्दा आज बेथिति
कमाउमा लागेको रहेछ
निस्वार्थ भनेको राजनीति ।
२//
पाइलैपिच्छे भयो झुट
फोस्रा नारामा सिमित
राजनीति भयो लुट ।
३//
सोचेजस्तो भएन देश
लुट्ने तरिका उहीँ
केवल फेरियो परिवेश ।
✍️
शंकर कार्की, मकवानपुर
————-==———–
१//
राजनीति शब्दको अर्थ
गलत परिभाषित भयो
अर्थको लाग्यो अनर्थ ।
२//
भ्रष्टाचारको धमिरो फालौँ
राजनीतिलाई पृष्टभूमि बनाएर
राष्ट्रियताको जग बसालौँ ।
✍️
पुष्पा सुवेदी
नेपालगन्ज,बॅाके
————-==———–
१//
राजनीतिमा हुन्छ खेल
भ्रष्ट नेताको जमातले
गर्छन् अनेकौँ झेल ।
२//
राजनीति लाग्थ्याे राम्रो
झुट खेती गर्ने
नेता भयो हाम्रो ।
३//
गर्नु इमानदारी राजनीति
सधैँ सम्मानित हुनेछौ
जनताको मन जिती ।
✍️
राज कुमार राजभण्डारी खाेटाङ्गे
मध्यपुर ठिमी ५ संगम काेलाेनी राधे राधे भक्तपुर ।
————-==———–
१//
अर्काको पोल खोल्छ
अस्थिर गणतन्त्र नेपालको
राजनितीमा काण्डहरू बिथोल्छ ।
२//
राजनितिलाई तरङ्गित बनाए
सत्ता, शक्तिको घमण्डले
सडकदेखि सदनसम्म हँसाए ।
३//
सरकारलाई छैन थाहा
दुर्गम जिल्लाको घटनामा
न गम्भीररूपमा चाहा ।
✍️
कला ढकाल, झापा
————-==———–
१//
सिंहदरबारको त्यो राजनीति
जति बाघचाल खेल्छौ
उति प्रखर कुटनीति ।
२//
राजनीति लङ्गुरबुर्जा बाघचाल
जसले घुमाउन जान्यो
सत्ता समिकरणमा हाल ।
✍️
चुडामणी देबकोटा
पुरानो नैकाप काठमाण्डौ
————-==———–
१//
पेशा भयाे राजनीति
सेवा भनी बकबास
नगर चुनाव जिति ।
२//
अर्काकाे खुट्टा तान्ने
भर्याङ भयाे राजनीति
नबन आफूमात्र जान्ने ।
३//
स्वच्छ व्यक्ति छानौँ
जनताले सक्छौँ सपार्न
मजाले गाेल हानाैँ ।
✍️
हिरालाल न्याैपाने
बानपा ८ काेटमाैला,सल्यान
————-==———–
१//
गर्छन् मिली मनोमानी
आपसमा भागबण्डा नमिल्दा
राजनीतिमा चल्छ खिँचातानी ।
२//
भाषणमा आदर्शका कुरा
तड्पाउछन् जनतालाई घरीघरी
बोकेर बगलीमा छुरा ।
✍️
बाल कृष्ण श्रेष्ठ, सोलुखुम्बु
————-==———–
१//
राजनीति फोहोरी खेल
खुट्टा तान्न सिपालु
लडाउन गर्छन् जालझेल ।
२//
आटेर पुग्ने सिंहदरबार
मुसाको चोर दुलो
लुट्छन् चलाउँछन् घरबार ।
✍️
भुपेन्द्र राना मगर
धादिङ
————-==———–
१//
राज्य सञ्चालन विधि
राजनीति तथा शासन
जाेगाउनु राष्ट्रकाे निधि ।
२//
सर्वत्र सत्ताकाे माेहो
गर्न गाह्रो जनतालाई
बिहान, बेलुकाको जाेहो ।
३//
राजनीति गर्ने नेता
लाग्याे सधैँ दाग
भएनन् कहिल्यै सेता ।
✍️
डिल्लीराज (राजेन्द्र) भुसाल
सन्धिखर्क-२, कुर, अर्घाखाँची
————-==———–
१//
देश डुबाउने राजनीति
झुटो नबोली नहुने
यस्तै रहेछ तिथिमिति ।
२//
पुरानो नीतिलाई बढाउनुपर्छ
गर्दैछ आन्दोलन जनता
निमुखालाई देश चलाउनुपर्छ ।
३//
हराउँदैछ देश नेपाल
अब एमसीसीको नाममा
फाडौँ विदेशीको जाल ।
✍️
एवाइ प्रभात
सहिदभुमि धनकुटा
————-==———–
स्वार्थको पोको बोक्छौ
वितृष्णा नेपालको राजनीति
जनतालाई सास्ती तोक्छौ ।
✍️
प्रेम थापा “मन”बागलुङ
————-==———–
१//
राजनीति बनाए पेवा
मनपरी हैकमवाद लादेर
आफूलाई फलाए मेवा ।
२//
उग्र उदण्डताको नमूना
लम्पसारवाद भयो राजनीति
सर्वत्र विदेशीको टुना ।
३//
युवा आशाको दियो
थपियो झनै वेदना
विगतमा शान्ति थियो !
✍️
ऋजु दिल्पाली
ईटहरी १ सुनसरी ।
————-==———–
१//
सेवाको कार्य महान
विश्वमा हो राजनीति
नागरिक मानेमा जहान ।
२//
अवसर पुण्य कमाउने
स्वयम्को खुबी रजाइँ
राष्ट्रको प्रेममा रमाउने ।
३//
फसाए अज्ञानी लोभीले
परावलम्वले उठ्नै गाह्रो
राज्य बुझेन रोगीले ।
✍️
मनोहरी पौडेल
गैडाकोट १
————-==———–
गर्छन् कति बेइमानी
राजनीतिमा छ आलोपालो
बुझ्नै नसकिने कहानी ।
✍️
नागेन्द्रप्रसाद यादव
————-==———–
१//
चारैतिर छ बेथिती
कानुन छ जङ्गलकाे
के काम राजनीति ?
२//
गरेर आस मेवाकाे
पैसा कमाउने माध्यम
हरायो भाव सेवाकाे ।
३//
युवालाई दिँदैनन काम
बुढै छन् शासनमा
राजनीति भयाे बदनाम ।
✍️
दिनेशकुमार शर्मा
हेटौंडा , मकवानपुर ।
————-==———–
१//
कस्तो हुन्छ काम
खाली जनता चुस्ने
राजनीति राख नाम ।
२//
हिजोआज नेता कति
म त कवि
गाउँघरको मान्छे जति ।
३//
सजिलो काम राजनीति
निष्पक्ष कर्म गर
नगर बेसी कुटनीति ।
✍️
नीमा छिरिङ भोटिया
जलढका कालेबुङ भारत
————-==———–
बुझिएन राजनीतिको परिभाषा
जबरजस्ती कानुन मिचेर
वनाउने सर्वत्र निराशा ।
✍️
लोकबहादुर क्षेत्री
————-==———–
१//
सम्पूर्ण नीतिको राजा
लथालिङ्ग देशमा राजनीति
बज्छ बेमौसमी बाजा ।
२//
होइन फोहरी खेल
हैन बेइमान राजनीति
शासकको हो जालझेल ।
✍️
कृष्णकुमार वैद्य
बनेपा ९, काभ्रे
————-==———–
राजनीतिमा गर्छौ खिँचातानी
जनतालाई विश्वास देखाएर
जहिल्यै गर्छौ बेइमानी।
✍️
बिरेन्द्र कुमार चौधरी
इटहरी १६ सुनसरी
————-==———–
१//
धेरै भयो जालझेल
रहेन इज्जत कुनै
छोडिदेऊ राजनीति खेल ।
२//
विश्वास तिमीले तोड्यौ
हराएर गयो आशा
बीच बाटोमै छोड्यौ ।
३//
धोका दियौ मलाई
संसारमा हाँसो देखाएर
गयौ जिउँदै जलाई ।
✍️
अनुग्रह राना मगर ‘पुष्प’
पाँचखपन नपा – ६ संखुवासभा ।
————-==———–
१//
अनेकौँ खेल राजनीतिमा
सेवाको छैन भाव
हिजोदेखि आजको मितिमा !
२//
शोकमा डुब्यो देश
मरिरहेछन् आज जनता
नेताको छ छद्मवेश ।
३//
यो कस्तो सङ्घीयता
सात टुक्रा पारेर
बलियो हुन्छ राष्ट्रियता ?
✍️
दीप गोले तामाङ
चन्द्रपुर -१, रौतहट
————-==———–
गन्हाउने गराए राजनिती
सबै बेकामे गधाले
ल्याए जताततै बेथिति ।
✍️
सुनगाभा पोखरेल
————-==———–
१//
अनेक अनेक खेल
सधैँ हुन्छ राजनीतिमा
भष्ट्राचार, ठगी, जालझेल ।
२//
गर्छन् भाषणमात्र ठुलो
जनतालाई समस्या पर्दा
खोज्छन् लुक्ने दुलो ।
✍️
साबित्री प्याकुरेल, धादिङ्ग।
————-==———–
१//
अचम्मै ! छ नि
परिवर्तित राजनीतिले बनायो
नेतालाई मात्रै धनी l
२//
सङ्घीयता भयो घाँडो
न्याय भन्नु जनताकोलागि
रहेछ बनेलु काँडो l
३//
राजनीति साह्रै फोहोरियो
लक्षित वर्गको बजेट
नेताको घरमा सोहोरियो l
✍️
बाबुराम गौतम, गुल्मी
————-==———–
१//
भ्रष्टाचार अनि बेथिति
मेरो देशमा अचेल
घिनलाग्दो हुँदैछ राजनिती |
२//
अलापी मीठा सुर
जनता मख्ख पार्छन्
नेता धेरै चतुर |
✍️
सरिता सेढाई धादिङ
————-==———–
१//
अति नराम्रो खेल
राजनीतिको घानमा हाली
निकाल्छन् जनताको तेल ।
२//
भ्रष्टले घर भर्ने
बिचित्रको भयो राजनीति
जनताहरू भोकै मर्ने ।
३)
हुँदैन केही खास
स्वार्थीपन हावी भयो
राजनीतिमा रहेन विश्वास ।
✍️
अरुण कुमार भुजेल
गोरूबथान,कालेबुङ,भारत।
————-==———–
१//
फोहोरी देशको राजनितीले
देश कङ्गाल बनायो
भ्रष्ट नेताहरूको बेथितिले ।
२//
देशको विकास मन्द
खाली गफमा टारेर
फैलाए राजनितिको दुर्गन्ध ।
✍️
वेल थोकर तामाङ
मकवानपुर, बकैया _८
————-==———–‘
१//
राजनीति फोहोरी खेल
स्वार्थ पूरा गर्न
जनतामाथि सधैँ जालझेल ।
२//
भाँडो कमाइ खाने
नबिके अन्त कतै
राजनीति गर्न जाने ।
३//
बाटो स्वार्थतिर मोडे
असल मान्छे अब
राजनीतिमा आउन छोडे ।
✍️
शान्ता पौडेल भट्टराई
टङ्कीसिनवारी, मोरङ
————-==———–
१//
लुछाचुँडी गर्छन् सत्ताको
बनाई गरिबलाई शिकार
खल्ती भर्छन् तलबभत्ताको ।
२//
असल देशको थिति
शान्तिको सास फेर्न
चौतारी बनोस् राजनीति
✍️
नन्दा धामी
नौगड, दार्चुला
————-==———–
कही नभएको राजनीति
यही देशमा रहेछ
कसले बुझ्ने सितिमिति !
✍️
सुरेश कार्की
कुमारीगाल-७ काठमाण्डौ ।
हाल सिड्नी अष्ट्रेलिया
————-==———–
भाषण दिने काम
थाङ्नामा सुताउने जनतालाई
राजनिती यसको नाम ।
✍️
गंगाराम यादव
औरावनी २ सुनसरी
————-==———–
१//
पैसा भए पुग्छ
राजनीति गर्नका लागि
हिमाल पनि नुग्छ ।
२//
गर्छन् बेतुकका कुरा
भित्रभित्रै चलाउँदा रहेछन्
चुपी अनि छुरा ।
३//
काम गर्न पाइने
राजनीति बाहेक भन्नुहोस्
योग्यता भने नचाहिँने ।
४//
गर्छन् जनताका बात
गरेजस्तो देखाएर ती
हान्ने गर्छन् लात ।
५//
देशको राजनीति कस्तो ?
सोझा, सिधा जनताको
घाँटी नै रेट्लाजस्तो ।
✍️
सतीश पण्डित
भानु६चुँदी तनहूँ । हाल चनपा६ मातातीर्थ
————-==———–
१//
हरायो देश कुटनीतिले
मेरो समाजले देखेन
बर्बाद भयो राजनीतिले ।
२//
हुँदैन विकास सिद्धान्तले
खटिनु पर्छ मरिमेटी
राष्ट्रप्रेमी सब राजनीतिज्ञले ।
✍️
सम्पूर्ण जोशी कमरेड
अछाम तोषी
————-==———–
१//
राजनीतिमा निर्लज्ज दानव
दुर्जन भ्रष्ट राष्ट्रघाती
बनेनन् कहिल्यै मानव ।
२//
प्रमाणपत्र खोस्टा राजनीतिमा
विदेशको यात्रामा युवाहरू
एकता तोडेपछि कुरीतिमा ।
३//
धरती रुन्छिन् हारले
चुलियो कुकर्मका चुचुराहरू
थामिन्छ राजनीति संस्कारले ।
✍️
घनश्याम पन्त
हरिवन सर्लाही
————-==———–
हाम्रो देशको राजनीति
प्रभु ! मति दिनुहोस्
केवल यहाँ बेथीति ।
✍️
कार्की डिबी माकुम
सुनवल -४, नवलपरासी
————-==———–
१//
कुर्सीको होड चल्यो
नेपालको राजनीति हेर
सदैव जनता छल्यो ।
२//
आशाको बिहानी देख्न
सोच परिवर्तन गरौँ
सुनौलो कृति लेख्न ।
३//
पदलाई सलाम ठोक्छन्
मानेर अयोग्यलाई बाध्यताले
आँखाको आँसु रोक्छन् ।
✍️
सुस्मिता अधिकारी, काठमाडौँ
————-==———–
१//
भोट माग्दा नमन
स्वार्थ सकियो अनि
सुरू गर्छन् दमन ।
२//
कस्तो राजनीति चल्ने
शिक्षा स्वास्थमा पनि
सोझा जनता छल्ने ।
✍️
संगीता खरेल
चन्द्रागिरी ८ काठमाडौँ
————-==———–
१//
राजनीतिले देश बन्छ
तर यहाँ स्वार्थमा
नेताले नोट गन्छ ।
✍️
शोभा आचार्य गौतम
काठमाडौँ
————-==———–
राजनीति गरौँ अब
आउनुस् गाँजाको पक्षमा
देशभक्ति झल्कन्छ तब ।
✍️
लक्ष्मी रिजाल, रुपनगर, सप्तरी
————-==———–
१//
योग्यता पद प्रतिष्ठा
हुन्छ देशको प्रगति
भए नेतामा निष्ठा ।
२//
देशको सेवा गर्ने
राजनीति खेलाँ भन्दै
आफ्नै ढुकुटी भर्ने ।
३//
राजनीतिको अनौठो खेल
व्यवस्थालाई वेवास्ता गर्दा
पर्दछन् नेताहरू जेल ।
✍️
मोती सुब्बा
दार्जिलिङ निमकी डाँडा।
————-==———–
१//
गर्नेलाई महान् काम
जनहितमा लेखिए राजनीति
दुष्टहरूले गरे बदनाम ।
२//
भाषणले अगुल्टो बाल्छन्
राजनीति गरेरै कतिपयले
समाजमा पेट पाल्छन् ।
३//
राजनीतिमा के दिए ?
जनताको अधिकार खोसेर
सुविधाहरू नेताले लिए ।
✍️
बि.कुलुङ
दार्जिलिङ, रंगबुल
————-==———–
१//
किन गर्दछौ खास
कागको हुलमा बकुलो
बन्ने व्यर्थ प्रयास !
२//
उसैको नुन खाएर
गर्दछौ अनर्थ के
उसैको भजन गाएर ।
३//
सामन्तको गर्छौ सलामी
भोलि परेको बखत
जन्ती न मलामी !
✍️
विवश पारदर्शी
झापा,
————-==———–
१//
उर्लियाे खहरे भेल
खेल्छन् जनतामाथि नेताले
फाेहाेरी राजनीति खेल ।
२//
राजनीति गर्नेलाई मनाेमानि
देखिन्छ जताततै छलकपट
आखिर जनतालाई हानी।
✍️
काेपिला अधिकारी
सिरानचाेक – ७, गाेरखा
————-==———–
१//
सम्झदा लाग्छ दिक्दार
भएका छौँ जनताहरू
राजनैतिक अस्थिरताको सिकार ।
२//
निमुखा गरिबहरू सडकमा
नेताबाट मर्दैछन् आशाहरू
हिँड्दछन् ती तडकभडकमा ।
✍️
पुरुषोत्तम फुयाल
साकेला गाउँ पालिका-२ रतन्छा खोटाङ
————-==———–
लगाउँछन् अनौठो शासन
षड्यन्त्र मजाले गरी
जोगाउँछन् आफ्नो आसन ।
✍️
सनत राेकाय बिवश
कुशे गा पा ८ , जाजरकोट
————-==———–
१//
राजनीति नहुँदा राम्रो
दिनानुदिन तल तल
खस्कियाे देश हाम्रो ।
२//
राजनीति फाेहाेरी खेल
सिद्धान्त र व्यवहारकाे
दुर्लभ देखिन्छ मेल ।
✍️
केशवप्रसाद ढकाल, गाेरखा।
————-==———–
१//
राजनीति गन्हाउने खेल
बगिरहन्छन् हेर सधैँभरि
जनताका आँखामा भेल ।
२//
देश खुकुलो बनाए
देशका सबै नेताहरू
हेर साह्रै गनाए ।
✍️
केसर बाेहरा ( सङ्घर्ष )
सुदूरपश्चिम अछाम । हाल भारत ।
————-==———–
१//
राजनीति रहेछ खेल
शकुनिको पाशा जस्तो
सधैँ हुने झेल ।
२//
राजनीति हो भाडभैलो
यसलाई बुझ्न कठिन
शासकको मन मैलो ।
३//
राजनीतिमा भ्रष्टाचारीको भेल
रित्याउन देशको ढुकुटी
हुँदैछ ठूलो खेल ।
✍️
शशीश्री आचार्य
बौद्ध कुमारीगाल काठमाडौँ
————-==———–
राजनीति नेताको खेल
सधैँ गर्छन् नेताहरू
आपसमा कुर्सीको तालमेल ।
✍️
बुद्धिमान दनुवार ( सुरुङ्गेली कान्छो )
कनकाइ ४ झापा
————-==———–
१//
बाँझिए सबै खेतबारी
किसानका छोरा परदेशिए
थाप्लोभरि ऋणको भारी ।
२//
भाषण मात्रै गुलियो
जताततै नातावाद कृपावाद
भ्रष्टाचारै भ्रष्टाचार चुलियो।
३//
मोज भयो अति
नेतालाई रहेछ लोकतन्त्र
सहिदको रगतको क्षति ।
✍️
पशपती राई खोटाङ ।
————-==———–
१//
फोहोरी खेल बनेको
हे राजनीतिकर्मीहरू सुन
छिट्टै सुध्रिनु भनेको ।
२//
जनताले रोजेर पठाउने
तिमी आफैँ रमाएर
किन जनता हटाउने ?
✍️
दुर्गा आचार्य
मोरङ
————-==———–
१//
मीठो कुरा भाषणमा
राजनीतिले कोल्टे फेर्दा
कठोर हुन्छ शासनमा ।
२//
छिचिमिरो जस्तै लाग्ने
राजनीतिको क्षणिक अनुहार
भोट सिद्धिएपछि भाग्ने ।
३//
सत्ता तुर्ने डरले
गाउँघर नेता पसेर
नमस्कार गर्छन् करले ।
✍️
राजनारायण राई
राजदल बस्ती सोनादह
————-==———–
राजनीतिले चलाउँछ देश
निरन्तर खेल सत्ताको
यस्तै छ परिवेश ।
✍️
दीपा समभाव
खोटाङ्ग
————-==———–
राजनीतिमा अनेक खेल
गर्दछन् नेता भनाउँदाहरू
कुटनीति र जालझेल ।
✍️
भाेलामान बर्देवा
धरान ८ सुनसरि
————-==———–
१//
राजनीतिले गर्छ बेइमानी
झुटा आश्वासन दिई
देश लुटेर खानी ।
२//
दिएर विकासको नाउँ
नेता आफ्नै सुरमा
भ्रष्टाचार सर्वत्र गाउँ ।
३//
जन्ताका लागि काम
सरकार ! अब देऊ
हेर रोजगारको नाम ।
✍️
मन्जु बोहरा
सुदुरपश्चिम बझाङ
————-==———–
मनोकामना गर्न सफल
कसम खान्छ झुटो
राजनीति गर्छ पलपल ।
✍️
नबराज ओझा “दियालो”
धनगढी,कैलाली
————-==———–
१//
राजनीति सही हुनुपर्छ
हुन्छ देशको उन्नती
जनताको हित गर्छ ।
२//
जनता सचेत बन्दैछन्
लाग राष्ट्रको हितमा
नेपाली सारा भन्दैछन् ।
✍️
पुष्पा राई
ऐसेलुखर्क, खोटाङ।
————-==———–
१//
कस्तो फोहोर राजनीति
जालझेल छलकपट मात्र
जताततै छ बेथिति ।
२//
राजनीति भयो व्यापार
हेरेर नाफा, घाटा
गरिन्छ यहाँ व्यवहार।
३//
यो कस्तो राजनीति ?
नैतिकता र इमानदारिता
देख्नै पाइन्न सितिमिति ।
४//
राजनीति भयो बेहाल
मालामाल छ नेताहरूलाई
देश हुँदैछ कङ्गाल ।
५//
कुर्सीका लागि खिँचातानी
रमाउँछौँ झोले बनेर
हामी धेरै भाग्यमानी ।
✍️
ज्ञानबहादुर क्षत्री
सन्धिखर्क – २, अर्घाखाँची।
————-==———–
१//
राजनीतिमा हुने जालझेल
भनाइ अनि गराइको
कहिले नहुने मेल ।
२//
लगाउने ठूलो नारा
सबै नेता मन्त्रीको
देखियो उस्तै पारा ।
✍️
रुना कर्माचार्य दाहाल ,चितवन
————-==———–
राजनीतिमा छैन गतिविधि
भ्रष्टाचार बढेको जताततै
सत्तामा छैनन् गुणनीधि ।
✍️
भगवती दवाडी
————-==———–
१//
राजनितिमा हुन्छ झेल
सबैले सोच्छन् सधैँ
यसलाई फोहोरी खेल ।
२//
पाइन्छ घृणा धेर
पाइन्छ अपहेलना मात्रै
गर्दैनन् सम्मान हेर ।
३//
जनताले दुःख पाउँछ
सही मार्ग भाषणमा
यथार्थमा अन्धकार बनाउँछ ।
✍️
सीमा कार्की समर्पण
मेलचोक पर्सा, नेपाल
————-==———–
१//
राजनीतिले खेलाउॅंछ खेल
छिर्के लाग्दै, लगाउॅंदै
खोजिन्छ बेमेलभित्र मेल ।
२//
झुण्डको झन्डा बोकेपछि
आँखा टालिन्छ गुनको
देशको झन्डा बिर्सेपछि ।
✍️
म्यामराज राई, भोजपुर
————-==———–
राजनीति बाउसे बुरुक्क
सदाबहार पन्ध्र असारको
चुनाव आयो झुलुक्क ।
✍️
ममता पौडेल
बुढीगङ्गा -२ , मोरङ
————-==———–
१//
राजनीतिमा निष्ठा हरायो
नेताका कर्तुत देखेर
आदर्श उसै डरायो ।
२//
भ्रष्टाचारीहरूको बढ्यो शान
सज्जन कोही भए
हुन्छ उसको अपमान ।
३//
भाषण गर्छन् चर्कोचर्को
जनता सारा भोकानाङ्गा
पिछ्लग्गुहरूको छ लर्को ।
✍️
जयनारायण नेपाल
इलाम हाल सूर्यविनायक २
बालकोट भक्तपुर ।
————-==———–
१//
सच्चा देशभक्त वीर
विकास हुन्छ देशको
नेता भए धीर ।
२//
राज्यको सञ्चालनको विधि
राजनीतिमा हुन्छ तर
भयो कमाउने निधि ।
३//
दलाल जन्माउने यन्त्र
बेच्छन् युवा खाडीमा
नेतालाई आयो गणतन्त्र ।
✍️
पद्मा काश्यप पाण्डे, मोरङ
————-==———–
१//
पगरी नेता पदकाे
कामकुराे सबैकाे व्यापार
तैपनि ठूलाे कदकाे ।
२//
कुचालमा राजा फालिएको
सिद्धान्तहीन भयो राजनीति
कसैकाे अनुग्रहमा पालिएकाे ।
३//
देशकाे स्थिति खस्केको
माैलायाे विकार, विकृति
झुटो आश्वासन पस्केकाे ।
✍️
प्रद्युम्न चालिसे
भक्तपुर कटुञ्जे
————-==———–
१//
फितलो बुँदा बोकेर
समातेर हिँड्छन् झन्डा
ज्यान तराजुमा जोखेर ।
२//
राजनीति गरेर नथाक्ने
हामी बन्यौँ मूर्ख
अब कहिले जाक्ने ।
✍️
बिकास छेत्री अञ्जान
कैजले, बिजनबारी, दार्जिलिङ।
————-==———–
—-<••:जय झिल्का! जय साहित्य!:••>—-