पृथ्वी जयन्ती तथा राष्ट्रिय एकता दिवस विशेष झिल्का लेखन शृङ्खला- ४ सम्पन्न

झिल्का कविता लेखन अभ्यासको चौथो शृङ्खला सम्पन्न भएको छ । पृथ्वी जयन्ती तथा राष्ट्रिय एकता दिवसको अवसर पारेर झिल्का साहित्य समाज, नेपालले उक्त कार्यक्रमको गरेको थियोे । कार्यक्रममा झिल्काकारहरूको उत्साहप्रद सहभागीता रहेकोे थियोे । नेपाल, भारत, भुटान लगायत विश्वका विभिन्न स्थानहरूबाट करिब ४ दर्जन बढी झिल्काकारहरूको सहभागीता रहेको थियोे ।

झिल्का नेपाली माटोमा उम्रिएको, अर्थपूर्ण संरचनायुक्त सरल, लघुतम एक मौलिक नवीनतम काव्य विधा हो । जुन विम्व, प्रतीक आदिको प्रयोग गरेर चोटिलो पाराले तीन हरफमा लेख्ने गरिन्छ । यसका प्रत्येक हरफमा तीन तीन शब्दहरू हुन्छन् । यसरी यस कवितामा जम्माजम्मी ९ शब्दहरू रहेका हुन्छन् । तसर्थ यसलाई नौ शब्दको कविता पनि भन्ने गरिन्छ ।

यसका तीन हरफहरू मध्ये पहिलो र  तेस्रो हरफहरूको अन्तमा तुक (अनुप्रास) अनिवार्य गरिएको छ । यसमा शब्दानुप्रास र एकाक्षरी तुकान्त पनि स्वीकार गर्ने गरिन्छ । तर अतुकान्त हरफहरूलाई यसको दोष मानिएको छ । यसको पहिलो हरफले विषयवस्तुको उठान, दोस्रोले समर्थन गर्दै विस्तार र तेस्रोले भावलाई उत्कर्षमा पुर्‍याउँदै समापन गर्दछ । यी तीनवटै हरफमा परस्पर प्रगाढ सम्बन्ध हुनुपर्छ ।

झिल्का लेखन अभ्यास शृङ्खला- ४ (पृथ्वी जयन्ती तथा राष्ट्रिय एकता  दिवस विशेष)

#सङ्कलन/सम्पादन/संयोजन- वसन्त अनुभव
~~~~~~~~~~~~~~~~~~
[१]
युद्ध चरण चरण 
गरेरै पृथ्वीनारायण शाहले
गरे नेपाल एकीकरण !
१)
पसिना  यही  माटोमा
बगाए  अगाडि  बढ्दछ
देश प्रगतिको बाटोमा ।
२)
खाइ नखाइ गरेर
लडे देशभक्त युवाहरू
कति गए मरेर ।
३)
✍️ वसन्त अनुभव
घोराही, दाङ
२०८०/९/२७
~~~~<•>~~~~
[२]
रह्नेछ पृथ्वीमा नाम
इतिहास बन्ने यहाँ
गरेर जनहित काम ।
१)
✍️ कार्की डिबी माकुम
सुनवल-४, नवलपरासी
~~~~<•>~~~~
[३]
उदय वंशको शाह
पृथ्वीनारायण शाहबाटै सुरु
नेपालको एकिकरण वाह !
१)
पृथ्वीनारायणलाई गरौँ सह्रनी
एकताको लागि उनले
कतिलाई गरे अह्रनी ।
२)
पृथक पृथक गरेर
बन्यो उनैबाट नेपाल 
गए योद्धा मरेर ।
३)
अहिलेको नेताको पारा
अरूको अगाडि लम्पसार
भए साह्रै हुतिहारा ।
४)
सारा जन मिल्दाखेरि
देश अघि बढ्थ्यो
भएन केही हत्तेरी ।
५)
✍️ अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
~~~~<•>~~~~
[४]
अखण्ड देशका लागि
एकता यो बनिरहोस्
सङ्घर्ष गरौँ नभागी ।
१)
पृथ्वी दिवस मनाऊँ
एकता बलियो सन्तान
देशभक्ति गित गाऊँ ।
२)
✍️ सुरेशकुमार पाण्डे
दाङ घोराही १८
~~~~<•>~~~~
[५]
ज्यानको बाजी लगाई
एउटै देश बनाए
पृथ्वीनारायणले पसिना बगाई ।
१)
टुक्रा राज्य जोडेर 
एउटै घर बनाए
दुश्मनकाे शक्ति तोडेर ।
२)
कुटनैतिक चाल गरेकाे
सिङ्गो राज्य बनाउन
थियोे बैरीसँग लड्नुपरेकाे ।
३)
पृथ्वीनारायणले युद्ध गरे
एउटै देश बनाउन
युवाहरू कति मरे ।
४)
राज्य बिस्तार गरे 
इतिहासमा नाम लेखाउँदै
एकताको सन्देश छरे ।
५)
✍️राज कुमार राजभण्डारी "खाेटाङ्गे"
मध्यपुर ठिमी ५ संगम काेलाेनी भक्तपुर ।
~~~~<•>~~~~
[६]
टुक्रा राज्य एकीकरण
गरे पृथ्वीनारायण शाहले,
लडेर  हरेक  चरण।
१)
शाहसी  एक  थिए 
गोर्खाली पहिचान बनाई 
राष्ट्रलाई योगदान दिए ।
२)
इतिहासमा नाम राखे
राष्ट्र  निर्माण  गर्दा,
जोखिममा आफूलाई जाके ।
३)
पुष्पा राई, खाेटाङ।
२०८०।०९।२७।
~~~~<•>~~~~
[७]
एकीकरणको सुत्रपात गरेर
नेपाल सिँङ्गो बनाउँदै
पृथ्वी  गए  मरेर ।
१)
मेटिँदैन इतिहास उनको
पृथ्वी जयन्ती मनाऔँ
सम्झना राखौँ गुनको ।
२)
✍️ होम प्रसाद नेउपाने
धरान,सुनसरी
~~~~<•>~~~~
[८]
अनेकतामा एकता खोज्दै
मान्छे भौँतारिएर हिँडिरहेछ
एकतामा अनेकता रोज्दै ।
१)
✍️ धुर्व श्रेष्ठ 
~~~~<•>~~~~
[९]
मिलाएर सबै प्रबन्ध
एकताको मालामा पृथ्वी
छरेका माटोको सुगन्ध !
१)
बिहानी पूर्वको लाली
गाउँघर भएको उज्यालो
सुन्दर मेची महाकाली !
२)
भयो हाम्रो एकीकरण
अनेकतामा एकताको पाठ
ठुलो बन्यो समिकरण !
३)
मनको कालो  हटाएर
एकतामा भावमा सधैँ
देशको प्रेम जगाएर !
४)
मलिलो देशको माटो
पृथ्वीको सौम्य सपना
सुन्दर गाउँघरको बाटो  !
५)
✍️ आर्त अकुलीन
~~~~<•>~~~~
[१०]
तिमीले चालेका पाइला
छाडेका सफलता पाएर 
पृथ्वीको हातै दाहिना ।
१)
टुक्रिएका राज्यको रचना
नेपाल एउटै मालामा
बनायौ देशको संरचना ।
२)
आधार सिङ्गो देशले
हरेक लडाइ जितेर
पृथ्वी खोज्छ परिवेशले ।
३)
✍️ अम्बिका अधिकारी
झापा बिर्तामोड
~~~~<•>~~~~
[११]
झिल्का अगुल्टो बन्नुपर्छ
साथ भरोसा लेखकको
भ्रष्टाचारको खोइरो खन्नुपर्छ ।
१)
तातेताते हिँड्दैछ झिल्का
हात समातेर तान्नुपर्छ
भ्रष्टलाई सम्झेर छिल्का ।
२)
देशका लागि लड्नेहरू
चरण चरणमा मारिए
उचाइमा पुराउन चड्नेहरू । 
३)
पुर्खाहरूको एकता दिवस
कोही रेटिए मारिए
लड्नैपर्ने मिली आपस ।
४)
✍️ चुडामणी देबकोटा 
चनपा १३ काठमाण्डौ
~~~~<•>~~~~
[१२]
एकताको माला गाँसेर
इतिहासमा उदाहरणीय बने
खण्ड खण्ड मासेर ।
१)
सिङ्गो राज्यको बिस्तार
नेपाल नेपालीको चिनारी
बनाएर छाडे सार ।
२)
कस्तो सरकार अहिले
जनताको वास्ता नगर्ने,
बुझ्दैनन् पिर कहिले ।
३)
नितान्त जोखिम मोलेर
पृथ्वीनारायण शाहले गरे
एकीकरण हृदय खोलेर ।
४)
लड्दै जितेका थिए
राष्ट्रको हित सोचेर 
उनले दिव्योपदेश दिए ।
५)
गर्छन् किन जालझेल
केवल अपारदर्शी नीति,
नबुझिने राजनीति खेल ।
६)
नमूना हाम्रो नेपाल
प्राकृतिक स्रोतको धनी
छन् सुन्दर हिमाल ।
७)
✍️ पृथक प्रकृति, झापा
~~~~<•>~~~~
[१३]
राष्ट्रनिर्माता देशका हाम्रा
पृथ्वीनारायण  शाहले गरे
एकताको  सन्देश  राम्रा ।
१)
राज्य बिस्तार गरेर
इतिहासमा नाम राखे
गए अमर भएर ।
२)
पौष सत्ताइस मनाऊँ
सारा देशभक्त जनता
शान्तिको सन्देश गुन्जाऊँ ।
३)
टुक्रे राज्य  जोडेर
एकताको  सुत्र उनी
गए संसार छोडेर ।
४)
✍️ कला ढकाल
झापा दमक।
~~~~<•>~~~~
[१४]
शिसाझैँ हेर फुटेर
टुक्रा टुक्रामा टुक्रिए
लैजाला देश लुटेर ।
१)
नगरौँ भाइ अबेर
एकता बल हो
कमिलाको दल हेर ।
२)
✍️ बिके मुखिया
दार्जिलिङ भारत।
~~~~<•>~~~~
[१५]
इतिहासको पाना हेरेर
पृथ्वी पृथक देखिए
यही माटोमा जन्मेर ।
१)
हरेक चरणमा लडेर
टुक्रिएको राज्य एकीकरण
स्वागत दिल खोलेर ।
२)
एकतामा बढेर अस्तायो
त्यो वीर पृथ्वीनारायण 
झगडा नगर्न खटायो ।
३)
नेपाल एकीकरण गरी
तिमी परलोक गयौ
एकताको सन्देश छरी ।
४)
एवाइ प्रभात
धनकुटा सहिदभुमि -३,कोड्लाङ
~~~~<•>~~~~
[१६]
गरेर फरक काम 
देश जनताको लागि 
राख्यौ आफ्नो नाम ।
१)
लगायौ ज्यानको बाजी
देश एकीकरण गर्‍यौ
बनाई जनता राजी ।
२)
✍️ रुना कर्माचार्य दाहाल 
चितवन
~~~~<•>~~~~
[१७]
जुटेर अगाडि सरौँ
सबैलाई देशको माया
अब खुसीले भरौँ ।
१)
देशले चिनारी दियो
सबैलाई अब चिनाऊ
यसैको हामी थियो ।
२)
उन्नति विकास भराऊ
हामी यही देशका
एकताको परिचय गराऊ ।
३)
✍️ नीमा छिरिङ भोटिया
जलढका कालेबुङ भारत
~~~~<•>~~~~
[१८]
लिन सकाैँ ज्ञान
बल हुन्छ एकतामा
दिए सबले ध्यान ।
१)
मानेर ठुलाे गर्व
देशभर सबले मनाऔँ
राष्ट्रिय एकताको पर्व ।
२)
स्वार्थभन्दा माथि उठेर
उचालाैँ सान देशकाे
एकसाथ हामी जुटेर ।
३)
✍️ त्रिलाेचन भण्डारी 
मेचीनगर,झापा
~~~~<•>~~~~
[१९] 
विचार आएर  सुपुत्रमा 
खण्डित यो देशलाई 
रचे एकताको सूत्रमा ।
१)
सयौँ भाषा जाति 
एकतामा बाँधिए मात्रै 
चर्किन्न नेपालको छाती ।
२)
तराई पहाड हिमाल 
सबै जुट्न सकेमा 
बन्छ सुन्दर नेपाल ।
३)
✍️ बाबुराम पाण्डे 
अर्घाखाँची
~~~~<•>~~~~
[२०]     
शब्दमा मात्र नहोस् 
राष्ट्रको राष्ट्रिय एकता 
सबैको काममा रहोस् ।
१)
राष्ट्रको स्वाभिमान खातिर 
चेतना, विकास, समृद्धि 
एकताले हुनेछ आखिर ।
२)
✍️ प्रेम थापा "मन"बागलुङ
~~~~<•>~~~~
[२१]
बगाए पसिना माटोमा
हरेक दिन हिँडेर
देशको  पवित्र बाटोमा !
१)
हुनुपर्छ देशमा एकता 
पृथ्वीनारायणको जस्तै अहम् 
साहस अनि प्रतिबद्धता ।
२)
पृथ्वीको जस्तो चाहना 
होस् हामी सबैको
यही छ शुभकामना !
३)
✍️ श्रीकृष्ण  धामी - बझाङ
~~~~<•>~~~~
[२२]
राष्ट्रनिमार्ण भन्नै लाज
कार्यशैली उल्टाे भयो 
स्वाभिमान खोइ आज ।
१)
✍️ जि.बि.चिन्तन 
~~~~<•>~~~~
[२३]
साना राज्य जोडेर 
बनाए सिङ्गो घर
वैरीको सेखी तोडेर !
१)
प्रजा हर्षित थिए
एउटै डालीमा राख्दा
सबै दुश्मन देखिए ।
२)
टुक्रा राज्य सगाल्न
कुटिनीतिको चाल चले
राज्य बिस्तार थाल्न ।
३)
गर्जिन्थे शेर बनेर
घर बिगार्ने वैरीको 
टाउको काट्थे गनेर ।
४)
✍️ सीमा कार्की समर्पण
झिल्का कविता लेखन अभ्यास 
~~~~<•>~~~~
[२४]
टुक्रा टुक्रा थियो
सिङ्गो राष्ट्र बनाए
जनतामा बालेर दियो ।
१)
पूरा गरे रहर
बसेर जनताको मनमा
बनाए ठुलो सहर ।
२)
उच्च पारौँ शिर
जिवनमा आज्ञाकारी भई
मानेर उनलाई वीर ।
३)
✍️ अनुग्रह राना मगर 'पुष्प'
पाँचखपन नपा - ६ संखुवासभा ।
~~~~<•>~~~~
[२५]
पृथ्वीनारायणको सम्झेर चरण 
आत्मादेखि नै गरौँ
राष्ट्रनिर्मातालाई सधैँ  स्मरण !
१)
बल बुद्धि धन 
उनेर एउटै मालामा 
सम्पुर्ण नेपाली मन !
२)
हिमाल पहाड तराई
राखौँ उच्च विचार 
नसम्झी कोही  पराइ !
३)
समभावको मन्त्र  गुनेर 
सम्पूर्ण नेपाली जनलाई 
एउटै मालामा उनेर !
४)
विविधतामा एकताको मलजल 
शान्त देश बुद्धको
रहोस् सदा अटल !
५)
छाया परे महामानव
हावी भए यहाँ 
मानव रूपी दानव !
६)
डुब्नै लाग्यो देश 
महामानव आऊ फेरि  
बदलेर रूप भेश !
७)
✍️ दीपा गुरुङ 
~~~~<•>~~~~
[२६]
भिन्न भिन्न जातभित्र
पृथ्वीको शासन अघि
थियो अर्कै मानचित्र ।
१)
देशमा अशान्ति थियो
पृथ्वीनारायण शाहको कारणले
सबैमा एकता दियो ।
२)
आपसमै युद्ध हुन्थ्यो
एकीकरण अघिका देश
एकअर्काको कहाँ सुन्थ्यो ?
३)
✍️ बि.कुलुङ
दार्जिलिङ रंगबुल
~~~~<•>~~~~
[२७]
छरिएका फूल उनेर 
एउटा माला बनाए 
अस्तित्व रहन्छ भनेर । 
१)
देशको शिर उठाए 
भविष्य पहिल्यै सोचेर 
आफ्ना सैनिक पठाए । 
२)
नेपाल भन्न पायौ 
वीरको रगतले कोरेको 
नेपाली गीत गायौ । 
३)
✍️ सुस्मिता अधिकारी,काठमाडौँ
~~~~<•>~~~~
[२८]
नेपालविना त हामी
कहाँ, कसरी हुन्थ्यो
पहिचान नेपाली नामी । 
१)
पृथ्वीको अटल सान
नेपाल देश हो
सबै नेपालीले जान ।
२)
हाम्रा पृथ्वीनारायण शाह
जयहोस् तिम्रो सदा
देश नेपाल वाह ! 
३)
✍️ बिके माकजू , भक्तपुर ।
~~~~<•>~~~~
[२९] 
आउनू आज एकफेर
सहिदको गुणगान गरौँला
गाउँ धरा बसेर ।
१)
म पुज्छु धर्तीलाई
दिन्छ मलाई प्राण
आउन सम्पूर्ण दाजुभाइ ।
२)
 ✍️ मुक्ति कफ्ले
भारत, असम (कोक्रझार)
~~~~<•>~~~~
[३०]
कुटनैतिक खाडल खन्यो
पृथ्वीनारायण शाहकै अगुवामा
सिङ्गो नेपाल बन्यो ।
१)
शाह गोरखाबाट उदाए
गरेर जनताको हित
नुवाकोटको देवघाटमा अस्ताए
२)
✍️ भुपेन्द्र राना मगर 
धादिङ
~~~~<•>~~~~
[३१]
एकीकरण पृथ्वीले आँटेका
विशाल   बनाई   नेपाल 
एकताको सुत्रमा बाँधेका ।
१)
निस्वार्थ  थियो  एकता 
बिखण्डनवादीले जे भन
पाइन्न यस्तो जतातता ।
२)
एकता  हुन्छ  मायाले 
मुटुमा  राखेर  माटो 
बस्नुपर्छ देशको छायाले ।
३)
फूलबारी  हो  बहुजातकाे
नेपाल   साझा   घर 
परिचय आपतमा ओैकातकाे ।
४)
प्रतिबद्ध बनौँ एकतामा
हामी  जातै  नेपाली 
विश्वास नगराैँ जडतामा ।
५)
✍️ रामप्रसाद पुरी ,बादेल, खाेटाङ ।
~~~~<•>~~~~
[३२]
फुटेर हैन जुटेर
राष्ट्रियता तब बाच्ला
नत्र लैजाला लुटेर ।
१)
स्वाधीनताले  उठ्दछ गर्व
विविधतामा थियो  एकता
जुटेर सबै वर्ग ।
२)
भाइ भाइमा फुट
राष्ट्रघात यहीँ  हो
गर्छ वैरी ब्रह्मलुट ।
३)
किन चेतना गिर्‍यो
नेपाली  जन जनको
यसैले आमालाई  पिर्‍यो ।
४)
विन्ती नाम नाममा
फुटेर नगुमाऊ  अस्तित्व
जुटौँ एकताको काममा ।
५)
✍️ मनोहरी पौडेल 
गैडाकोट १
२०८०/९/२७
~~~~<•>~~~~
[३३]
पुर्खाको रगतले बनेको
हाम्रो स्वाभिमान नेपाल
विश्वमा सगरमाथा सजेको ।
१)
हिमाल पहाड तराई 
गोर्खालीको यो सान
कोही छैन पराइ ।
२)
उत्तर हिमाल टल्किन्छ
नेपाल देश प्यारो
तराई समथर झल्किन्छ ।
३)
✍️ शरद प्रधानाङ्ग, विराटनगर -७
~~~~<•>~~~~
[३४]
पृथ्वीनारायण एक गरे
अहिले नेता भ्रष्ट 
के हुन्छ भरे ?
१)
अनेक फूल जोड्यौ
देशको एउटै माला
बनाई तिमी छोड्यौ ।
२)
राष्ट्रिय गहना थियौँ 
भारेभुरे थिए राज्य
एक बनाई दियौँ !
३)
✍️ शोभा आचार्य गौतम 
काठमाडौँ
~~~~<•>~~~~
[३५]
योजना बोकेर ताजा
सपना एकीकरणको महत्त्वाकाङ्क्षी
पृथ्वी गोरखाका राजा ।
१)
विशाल नेपालको निर्माता
थरी थरी फूलहरू
ओढाए एउटै छाता ।
२)
✍️ म्यामराज राई, भोजपुर ।
~~~~<•>~~~~
[३६]
हरेक राज्यलाई बुन्यौ
उन्यौ यौटै मालामा 
सयौँ शब्दहरू गुन्यौ ।
१)
तिमीले आर्जेको देश
आजकाल राक्षसको भेषमा
देशमा विदेशीको प्रवेश ।
२)
एक राजनेता थियौ
साँच्चिकै होनहार राजा
नेपालीलाई नेपाल दियौ ।
३)
✍️ शशी आचार्य 
~~~~<•>~~~~
[३७]
एकतामा एक दियो
हुँदा पृथ्वीनारायण शाह
स्वर्गको देश थियो ।
१)
✍️ कबिताहरी 
सुन्दर हरैंचा नगरपालिका १ मोरङ
~~~~<•>~~~~
[३८]
आऊ एता उठेर 
सफाइ गराैँ देशको
नरनारी सब जुटेर ।
१)
टुक्रा  राज्य जाेडेर
पृथ्वी नामका राजाले
गए नासाे छाेडेर ।
२)
ज्यानको  बाजी  लगाए
राजा पृथ्वीनारायणले हेर
सैतान टाढा  भगाए।
३)
✍️ केशवप्रसाद ढकाल 'प्रीतबीज'
सिरान्चाेक-७, उपल्लो गाेहाेरे, गाेरखा।
~~~~<•>~~~~
[३९]
बोकेर मन्त्र एकीकरणको
उदाए  पृथ्वी  ध्रुवतारा
सारा गणराज्य समीकरणको ।
१)
जुटौँ जनता सकसको
गाऔँ सुरिलो गीत
राष्ट्रीय एकता दिवसको ।
२)
नबाचौँ हामी फूटेर
अपसकुन बन्छ जातिको
अघि  बढौँ जुटेर ।
३)
✍️ मोती सुब्बा 
दार्जिलिङ, भारत।
~~~~<•>~~~~
[४०]
एक भएर मनाऔँ
राष्ट्रिय एकता दिवस
अखण्ड नेपाल बनाओैँ । 
१)
✍️ ताराप्रसाद चापागाईँ
धुनिबेसी 
(२७ पुस २०८०)
~~~~<•>~~~~
[४१]
एउटै मालामा उनेर 
चारवर्ण छत्तिस जातलाई 
साझा चौतारी चुनेर 
१)
बुद्धिमान दनुवार ( सुरुङ्गेली कान्छो )
कनकाई ४ झापा
~~~~<•>~~~~
[४२]
एकता हुनुपर्छ मनको
वर्गीय एकतामा मात्र
भलाइ यावत् जनको ।
१)
मुठ्ठी कस्नुको प्रतिफल
समान मजबुत किल्ला
बनाउँछ सशक्त सबल ।
२)
✍️ कृष्णकुमार वैद्य 
बनेपा ९, काभ्रे
~~~~<•>~~~~
[४३]
पृथ्वी थिए बडामहाराजा
देशमा एकता बनाउने
 नेपाली जनताका साझा ।
१)
नेपालका राष्ट्रिय विभूति 
एकीकरण गरे टुक्रिएकोमा
दलबल बनाई राउती ।
२)
✍️ भगवती दवाडी ,झापा
~~~~<•>~~~~
[४४]
विदेशी शक्तिको हरण
लगाएर ठुलो जुक्ति
गरे नेपालको एकीकरण ।
१)
दिव्य उपदेश राम्रा
नेपाल एक बनाउने
नायक पृथ्वीनारायण हाम्रा ।
२)
टुक्रा टुक्रा जोडेर
नेपाल एउटै बनाए
दुश्मनका गर्धन तोडेर ।
३)
✍️ शान्ता पौडेल भट्टराई
टङ्कीसिनवारी, मोरङ
~~~~<•>~~~~
[४५]
राष्ट्रिय एकता दिवस
विवश आनाकानी गर्नेहरू 
नगरी कुनै बहस l
१)
बाँधे देशलाई एकसूत्रमा
जनमन माझ भिजेर
कहलाए सच्चा राष्ट्रपुत्रमा  l
 २)
राष्ट्रका हुन् हिरा
बनाए अखण्ड राज्य
जोडेर कैयन् चिरा l
३)
लडेर वीरताको समर
सिङ्गो नेपाल बनाई
बने युगपुरुष अमर l
४)
✍️ बाबुराम गौतम, गुल्मी
~~~~<•>~~~~
[४६]
नेपाल एकिकरण गरे
बडामहाराजाधिराजले तर आज
देश विदेशीले  भरे ।
१)
नेपाल नामाकरण गरेर
जिम्मा दिए सन्ततिलाई 
गए दिव्याेपदेश छरेर ।
२)
टुक्राटुक्रा राज्य उनेर
विशाल नेपाल बनाए 
सबैकाे सल्लाह गुनेर ।
३)
✍️ प्रद्यम्न चालिसे
भक्तपुर कटुञ्जे।
~~~~<•>~~~~
[४७]
टुक्रिएको राज्य एकीकरण
गर्दा  पृथ्वीनारायण शाहले
छोएनन् कसैको चरण l
१)
पृथ्वीनारायण एक थिए
टुक्रिएकाे राज्यलाई बनाई
राष्ट्रलाई याेगदान दिए ।
२)
ज्यान जाेखिममा राखी
विशाल  देश बनाए
भक्तलाई च्यापेर काखी ।
३)
✍️ सहयात्री शाेभा अर्याल 
रुपन्देही , बुटवल
~~~~<•>~~~~
[४८]
एउटै फूलमालामा  गाँसेर 
वीर साहसमा लड्दै 
पृथ्वीनारायण गए हाँसेर ।
१)
पूर्खाले आर्जेकाे नेपाल 
आहा ! रमणीय लाग्ने 
सुन्दर देश विशाल ।
२)
✍️ केसर बाेहरा ( सङ्घर्ष )
 सुदूरपश्चिम अछाम ।
हाल भारतबाट ।
~~~~<•>~~~~
[४९]
इतिहास बनायौ राम्रो 
गरेर सङ्घर्ष धेरै
बचायौ स्वाभिमान हाम्रो ।
१)
एकतामा हुन्छ शक्ति
गरेर मिहेनत हेर
कर्तव्य हो भक्ति ।
२)
अखण्ड नेपाल बनायौ
पछि राखेर चुनौति
वीर गोर्खाली कहलायौ ।
३)
✍️ दिपा तिम्सना पौडेल-ईलाम
~~~~<•>~~~~
[५०]
पृथ्वीको सन्देश देशभक्ति
अनुशरण गरे सबैले
एकतामा हुन्छ शक्ति 
१)
जोगाउन यो देश
सबै बढौँ अगाडि
आफ्नाे भाषा भेश । 
२)
कहाँ गयो स्वाभिमान ?
अब हाम्रो पालो
जोगाउनु पर्छ अभिमान ।
३)
✍️ पद्मा काश्यप पाण्डे, मोरङ
~~~~<•>~~~~
[५१]
राष्ट्रका गहना थिए
पृथ्वी सबैले बुझौँ
सिङ्गो राष्ट्र दिए ।
[१]
✍️ राजेशराज गड्तौला
कॅाडाघारी, काठमाण्डौ
~~~~<•>~~~~
[५२]
सबै एक भयो
टुक्रा भएको राज्य
माला बन्दै गयो ।
१)
✍️ धनुष न्यौपाने
गुठीचौर गाउँपालिका ०४
बिगारे जुम्ला
~~~~<•>~~~~
[५३]
अत्यन्त दुरदर्शी पहरेदार 
शान्ति   सम्वृद्धि  एकता
श्रद्धासिक्त भक्ति बारम्बार !
१)
गर्न सकेमा पालना
उनका ती दिव्योपदेशहरूको 
राष्ट्र विकासको सम्भावना ।
२)
स्वदेशी कपडा लगाऊ
उपदेशहरू दिव्य थिए 
स्वदेशमै उब्जाएर खाऊ ।
३)
एउटै फूलबारी सबको
सबै वर्ण जातजाति
भन्थे राजा जगको ।
४)
अर्पण गर्दछु श्रद्धाभक्ति
पृथ्वी जयन्ती विशेष
सर्वमान्य एकता शक्ति ।
५) 
✍️ गुणनिधि घिमिरे, अमेरिका
~~~~<•>~~~~