काठमाडौ, २८ फागुन । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको २४ औँ शृङ्खला शनिबार सम्पन्न भएको छ ।
अभ्यासमा ४७ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखनमा पृथकता एवं फरकपन भित्राउने सिलसिला उक्त शृङ्खला सञ्चालन गरिदै आएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको २४औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
भुक्नेहरू भुकिरहून्, हिड्छु आफ्नै बाटो,
टन्न भुँडी भरिन्छ, देशभक्तिको साटो।
✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
जति हसुरे नि नभरिने, कस्तो होला थैलो,
आमा पनि बेची छाड्यौ, उघारी घरको दैलो ।
वसन्त अनुभव
घोराही उपमहानगरपालिका १४, दाङ
[२]
ओढेर देशभक्तिको दोसल्ला बेचेँ माटो,
मातृभूमि पुरै बेच्न बनाउँदैछुँ बाटो।
सुरेशकुमार पान्डे
दाङ घोराही १८
[३]
कार्यकाल सकिएपछि घरदैलोमा आउलास्,
फेरि यो पल्ट पनि जिताइदेऊ भन्दै धाउलास्।
म्यामराज राई
हतुवागढी-६,भोजपुर
[४]
कराउँदै जान्छ काग, पिना सुक्दै जान्छ,
हुतिहारा नामर्दले भन के पो खान्छ ?
रामजी लामिछाने
पोखरा
[५]
जता हेर्यो अस्त ब्यस्त छ खान मात्रै सिके,
स्याल बनी कुर्सी चढे सिंहको दम्भ झिके।
शंकर कार्की
थाहा नगरपालिका मकवानपुर।
[६]
भुकेर देश चल्ने भए सबै कुकुर राजा हुन्थे,
राजा हुन नपाएर होला व्यर्थै जाल किन बुन्थे।
दीपक ठटाल जलन
खरसाङ
[७]
देशभक्ति भन्या कुन चरी हो, रहेछ मात्रै नारा
टन्न खाइन्छ भरिन्छ भुँडी, लुटेर जनता सारा ।
राजेशराज गड्तौला
रतुवामाई- १०, मोरङ हाल- प्रवास
[८]
धेरै नभर नेता भुँडी, पड्किएला फेरि,
आफ्नै विकास गर्दैछाै, मार्लान् जन्ताले घेरी !
गाेपालकृष्ण डंगाेल
इटहरी, सुनसरी
[९]
लुक्ने भुक्ने ढुक्ने कुरा कैले बन्द हुन्छ साथी
कति भुँडी मात्र भर्दछौ मोज गरेर माथि ।
गुणनिधि घिमिरे
पाँचथर
[१०]
लुट्ने भुक्ने जुट्ने गर्छन् अधिकतर मात्रा,
जन्ता र देशलाई भने देखाउँछन् जात्रा ।
प्रेमकला सिटौला
[११]
चिप्लो घस्दै नेताले गाउँमा नआए हुन्छ,
जन्ताको बिजोग हुँदा कसको मन छुन्छ ।
तारा घिमिरे
संखुवासभा
[१२]
पत्याउन्नन् तिम्लाई साराले,
देशभक्तिका खोक्रा नाराले ।
रचना शर्मा प्रतीक्षा
ललितपुर ।
[१३]
अस्तिसम्म थियो तिम्रो झुपडीको बास,
जनता झुक्याइ जोड्यौ सम्पत्तिको रास ।
बिके माकजु
भक्तपुर ।
[१४]
सतीले सरापेको देशमा यस्तै हुन्छ,
भुँडी भर्नेको नामले नै उचाइ छुन्छ ।
गंगा खड्का
बूढानीलकण्ठ काठमाडौँ
[१५]
भाषणमा भन्छौ भने छुन्छु म आकाशकै जून,
जनताको हकहित त देखाउने दाह्रा हुन ।
Bhushan Jung
Nepal
[१६]
चुनावका बेला मात्र घर घर धाउँछन्
अरू बेला नेताहरूले मुन्टो लुकाउँछन्।
सरस्वती श्रेष्ठ
इटहरी
[१७]
देश बनाउँछु भनी जनतालाई ढाँटेर आफ्नै महल बनायौ,
भो नआऊ यता जनताको सामु तिमी भ्रष्टाचारी ढुङ्ढुङ्ती गनायौ ।
अनुग्रह राना मगर ‘पुष्प’
संखुवासभा हाल मलेसिया
[१८]
जनता प्रति नै भेदभाव गर्यौं, अब त कुकुरको दशा हुन्छ,
चुनाव आउँदैछ नेता ज्यू, भोट मागी चिच्याउँदा कसले सुन्छ।
कबिताहरी
सुन्दर हरैंचा नगरपालिका १ मोरङ
[१९]
रातो भाले कालो बोको देश बनाउने मन्तर,
शक्ति राष्ट्रभक्ति भित्र छैन हाम्रो कुनै अन्तर।
होम प्रसाद नेउपाने
धरान,सुनसरी ।
[२०]
जस्ताे गर्याै त्यस्तै बाेल्याै, झुठो भुक्नुसम्म भुक्याै ,
देश लुटी पुगेन उता हात पसार्दै झुक्याै ।
प्रद्युम्न चालिसे
[२१]
खाऊ घुस गर मोज, रित्तो गोजी भरेर,
आउँदैन शान्ति यो देशमा, केही गरेर ।
रिजाल विनोद
[२२]
जीवन सबै अर्पण गरेकाे छु नेता बन्नलाई,
दमनमा राख्छु जनता तिनकै करमा रमाई ।
ताराप्रसाद चापागाईं
धुनिबेसी ।
[२३]
देशभक्तिको नारा बोकी, जनता उचाली हिड्छौ ,
कुर्सीको लागि हानथाप गर्दै आपसमा भिड्छौ ।
बुद्धिमान चौधरी
कनकाई नगरपालिका ४ झापा
[२४]
निस्वार्थी जति चैँ शहिद भए, स्वार्थी सत्तामा रहे,
लोभी जति पदमा नै गए, जनताले धेरै सहे ।
पवन कुमार बुढाथेाकी
काठमाडौं
[२५]
सधैँ राष्ट्रभक्तिको जपेर मूल मन्त्र,
देशमा मच्चाउनु पर्दछ लूट तन्त्र ।
बिबस पारदर्शी
भद्रपुर – २ ( झापा )
[२६]
देशभक्ति गफ मात्रै हो चुनाव जित्नलाई,
त्यसपछि आफ्नो बाटो, के रह्यो र बित्नलाई ।
अच्युत घिमिरे
भुटान बाट 🇧🇹
[२७]
देश दुख्यो जनता दुखे तिम्लाई के को वास्ता,
झोला भर भुँडी भर तिम्ले चट्ट खाइ नास्ता ।
शान्ता निरौला
पाँचथर ( कन्याटार)
[२८]
डलरले भर्यौ भुँडी भयौ मालामाल,
पछि भुँडी फुटी होला भ्यागुताको चाल ।
बेदु न्यौपाने
💕काठमाडौ
[२९]
दु:ख मनाउ झैँ लाग्यो सुन्दाखेरि देशभक्तिको नाम,
सबै शोषक भ्रष्टाचारी जन्मे कस्ले गर्ने राम्रो काम ।
जि कुमार गौतम भद्रपुर -१
(पृथिविनगर) झापा
[३०]
जनताको बजार भाउले डँडाल्नो सेक्ने हो कति,
नेताले मन्त्री बनेर सत्तामा बसे झन् हुन्छ खति ।
भगवती दवाडी
झापा
[३१]
अब चाहीँ फेर्नुपर्दछ आफू हिॅड्ने बाटो,
देश विकास गर्नुपर्छ भुॅडी भर्नु साटो ।
सरस्वती श्रेष्ठ
[३२]
बहकाउँछु जनताकाे मन, मेरै भुँडी हेर्दै,
चुनावी नारा घन्काउँछु, खाएको कसम फेर्दै।
प्रदीप के रिमाल
इटहरी, सुनसरी।
[३३]
खोजी गरेर सजाय दिनुपर्छ भ्रष्टाचारी,
देश सफा गरेर फोहोर फालौँ है बिचारी ।
अम्विका अधिकारी
झापा विर्तामोड
[३४]
चुनाव आउँदा जनता चिन्छन् नत्र बिर्सी जान्छन्,
भ्रष्ट्रचारी चोर नेता सधैँ देश लुटेर खान्छन् ।
ललिता अभागी
सुनकोशी५-सिन्धुली
[३५]
देशभक्ति भन्ने कुरा नारा मात्रै हुन जान्छ,
जसले सक्छ उसैले मिलाई मिलाई खान्छ ।
डम्बर थामी ‘अनुपम’
कालिन्चोक गा.पा. -६, दोलखा
[३६]
गरेर आफै गल्ती कसलाई दोष दिउँ अरु,
बुद्धि पुराई समयमा नै सचेत बन्छु बरु ।
माहादेव भट्ट
दशरथ चन्द नगरपालिका 01 गुरुखोला कलौन बैतडी
[३७]
भुक्ने कुकुर भुकिरहन्छ छोड्दैन हात्तीले चाल,
छोडिदेऊ नानाथरि सबैकुरा खानुपर्छ माल ।
कमला देवकोटा
पाल्पा
[३८]
जनतालाई कुकुर भन्छन् चुतिया हुँडारहरू,
यस्ता घिचुवा सबै मर्नुपर्ने, भुँडी फुटेर बरू ।
लक्ष्मी श्रेष्ट
बिर्तामोड झापा
[३९]
चिप्लाे घसी बाेलिदिन्छु, नेता भनुन् धन्न ,
भुँडी भर्छु बसी बसी हसुरेर टन्न ।
रामकृष्ण दुवाडी
पाेखरा
[४०]
भ्रष्टाचारी अनि दलाल हुँदा शान्ति छैन देशमा,
नेपाली जनता रमाउने गर्छ सजिए भेशमा ।
संझना कुसुम
[४१]
जनताका पसिनामा सधैं कति गर्छौं हो मोज,
तिम्रा दिन गए अब नेताज्यु लुक्ने ठाउँ खोज ।
दुर्गा भट्टराई
मोरङ
[४२]
सहयोग लिनेमा भनि जनताको नाम सोचिन्छ
नाम तिम्रो देखाएर पैसा आफ्नो खातामा कोचिन्छ।।
जमुना आचार्य
सिन्धुपाल्चोक
[४३]
झुकिरहून् परचक्री भुली आफ्नै देशकाे माटाे,
सबै जन मिलाैँ चुनाबमा देखाऔँ तेर्साे बाटाे ।
निरज काेइराला
बेलका १ हालः इटहरी
[४४]
आफू भलाे जगत भलो टन्न भर आफ्नाे भुँडी,
बाँकी रहे जनतालाई खाओ भन बाँडीचुडी ।
रामकृष्ण रिजाल
बागलुङ
[४५]
जति विरोध गरेपनि नडराउने बानी,
कमाइयो कालो धन मस्त भयो जिन्दगानी ।
मनोहरी पौडेल
नवलपुर ,गैडाकोट १
[४६]
तिमी जस्तै बाठो जनता,अब छैनन् लाटो,
खाकाे तिम्रो भुडी फुटाई खुवाउँछन् माटो ।
रामप्रसाद पुरी
ऐसेलुखर्क २ खोटाङ
[४७]
गरेनन् काम कोही, देश पछाडि पर्यो,
खै कुन नेताले यहाँ राम्रो काम गर्यो ।
अनिल प्रसाद यादव
रुपन्देही हाल पाल्पा
✡️✡️ जय टुक्का ! जय साहित्य !!✡️✡️