उदक अभ्यास शृङ्खलाको १० औ भाग सम्पन्न, ७४ जना उदकयात्रीहरूको सहभागीता

  • १६ श्रावण २०७८, शनिबार १९:५४ मा प्रकाशित
  • उदक अभ्यास शृङ्खलाको १० औ भाग सम्पन्न भएको छ । नविनतम काव्य विधाका रूपमा परिचित उदकको उन्ननयन र प्रवर्द्धनका लागि अभ्यास गरिदै आएको अभ्यास शृङ्खलाका प्रशिक्षक एवं उदकका प्रवर्तक आर्त अकुलीनले जनाउनु भयो । उहाँका अनुसार हरेक साता संचालन गरिने तस्बिरमा उदक शृङ्खलामा आज शनिबार  ७४ जना उदकयात्रीले सहभागीता जनाउनु भएको थियो ।

    प्रशिक्षक अकुलिनका अनुसार सहभागी उदकयात्रीहरूलाई दिइएको तस्बिर हेरेर गहन भाव झल्किने एक एक उदक साँझ ५ बजेसम्म लेख्न अनुरोध गरिएको थियोे ।

    अभ्यासका लागि दिइएको तस्बिर

    तस्बिरमा लेखिएका स्रष्टाका उदकहरू :


    तुइन
    दुर्गम क्षेत्रमा
    ज्यान छ खतरामा !
    ✍️ पूर्णबहादुर श्रेष्ठ ‘हृदयङकृत’, पनौती-३, काभ्रे


    सपना
    हजाराैँ जिन्दगीका
    झुन्डिए तुईन जस्तै !
    ✍️ चन्द्रावती अधिकारी, काेहलपुर, बाँके


    सपना
    पानी जहाजको
    यथार्थ तुइनको यात्रा!
    ✍️ राजाराम रत्गैंया, अमौरा, कैलाली


    तुइन
    नदीमा टाँगेको
    फलामको सानो लाईन !
    ✍️ घनश्याम पौडेल, पोखरा


    आँखामा
    सरकारी नीति
    जीवन सङ्घर्ष व्यथीत !
    ✍️ सविता के सी, काठमाडौँ


    तुइन
    यात्रा गरेर
    ज्यान जोखिम मोलेर !
    ✍️ दिलिप राई सागर


    भाषणमा
    सिमित जहाज
    खोलामा तुइन यथार्थ !
    ✍️ सावित्री अधिकारी, काठमाडौँ


    तुइन
    चुँडायो डोरी
    आफ्नै छिमेकी सत्रुले !
    ✍️ चक्र शाही, लम्की, कैलाली


    बाध्यता
    उर्लँदो नदी
    तुइनको कष्टकर यात्रा !
    ✍️ समुन्द्रा शर्मा, सुनसरी

    १०
    तुइन
    यात्रा जोखिम
    कात्रो ओडेको पानीजहाज !
    ✍️ राम न्यौपाने, कैलाली

    ११
    हत्केलामा
    विवश जिन्दगी
    निर्विकल्प तुइन यात्रा !
    ✍️ रामबहादुर चौधरी, कैलाली, हाल : गोरखा

    १२
    आत्मसमर्पण
    लठारोको शरण
    संघर्ष जीवन मरण !
    ✍️ अगस्टीन राई, पूर्व सिक्किम, भारत

    १३
    बाध्यता
    तुइनकाे यात्रा
    जीवन मरणकाे खतरा !
    ✍️ मुना दाहाल, ललितपुर

    १४
    प्रभु
    जेत  होला
    राम राम राम !

    श्रीनगर
    तानसेन पाल्पा
    पुष्कर अथक रेग्मी !

    १५
    जिन्दगी
    एउटा चौतारी
    राम सुरक्षाको काम !
    ✍️ ईश्वरी अधिकारी, लमजुङ

    १६
    जनता
    तुइन यात्रामा
    सरकार अविरल जात्रामा !
    ✍️ वसन्त अनुभव, घोराही उपमहानगरपालिका-१४, दाङ

    १७
    तुइन
    खतराको भूमरीमा
    नदी माथिको जीवन !
    ✍️ सरस्वती श्रेष्ठ, रुपन्देही

    १८
    कठिन
    असहज जीवन
    यात्रा यात्री कर्म !
    ✍️ राेशन पराजुली, धरान

    १९
    गन्तव्यमा
    उर्लिएको नदी
    तुइनले कठिनाईको सामना !
    ✍️ रिता खराल, रुपन्देही

    २०
    समय
    कठिन यात्रा
    जिनगीक् एक पात्रा !
    ✍️ सागर कुस्मी, कैलाली

    २१
    वाध्यता
    प्राणको बाजी
    जिन्दगीकाे  कठिन यात्रा !
    ✍️ वासुदेव ठकुरी, शिवपुरी, नुवाकोट

    २२
    बाध्यता
    परिस्थिति दुःखदायी
    जिस्काउदै देशको अवस्थालाई !
    ✍️ नारायण कोइराला, तानसेन, पाल्पा, हाल:यूएई

    २३
    नेपाली
    मृत्युसँगको पौंठेजोरी
    अभिशप्त तुइन यात्रा !
    ✍️ गोपालप्रसाद पौड्याल, बिराटनगर

    २४
    भाषण
    तुइन विस्थापित
    कमिशनले आफ्ना स्थापित !
    ✍️ बुद्धिप्रसाद लामिछाने, कैलाली

    २५
    खतरा
    तुइन यात्रा
    बाध्यताको जीवन जात्रा !
    ✍️ बिके माकजू, भक्तपुर

    २६
    तुइन
    यातायात साधन
    कठिन दुर्घटनामा जोगाउन
    ✍️ मङ्गला उपाध्याय, कलैया-१, बारा

    २७
    तुइन
    प्राणको बाजी
    जीवनको कठिन यात्रा !
    ✍️ सरस्वती श्रेष्ठ, इटहरी

    २८
    तुइन
    विवश परिवेशमा
    भ्रष्ट नेता देशमा !
    ✍️ रामचन्द्र ढकाल, चितवन

    २९
    नदी
    पार गरेका
    जिन्दगी राखेर धरापमा !
    ✍️ रामचन्द्र भट्टराई, स्याङ्जा

    ३०
    परदेशी
    तुइन जात्रा
    पलपल बाध्यताको यात्रा !
    ✍️ पुष्प यात्री प्रदेसी, सुनसरी

    ३१
    आशा
    भयो विलिन
    मानव बन्यो काल !
    ✍️ विजया घिमिरे, जनकपुर

    ३२
    तुइन
    विवशताको यात्रा
    जोखिममा मानव जीवन !
    ✍️ आर्त अकुलीन, कैलाली

    ३३
    जिन्दगी
    भदौरे बाढी
    तुइनको अनपेक्षित यात्रा !
    ✍️ वेद प्रसाद रिजाल, इलाम

    ३४
    विवश
    तुइन यात्रा
    दुई दिनको जीवन !
    ✍️ कविता आचार्य, लम्की, कैलाली

    ३५
    आशा
    सधैँ निराशा
    तुइनको जोखिमपूर्ण बाध्यता !
    ✍️ तेजप्रसाद खनाल, दाङ

    ३६
    बाध्यता
    तुइनको यात्रा
    मानव जीवन जोखिम
    ✍️ सुशीला पौडेल, काठमाडौँ

    ३७
    समय
    सहज नहुने
    त्यसैले यात्रा कठिनाई !
    ✍️ एच.वी.अविरल, लम्की, कैलाली

    ३८
    तुइन
    विस्थापित भयो
    बजेट कतातिर गयो ?
    ✍️ दुर्गा अधिकारी’भमरकोटे’, काठमाडौँ

    ३९
    तुइन
    मर्नु बाँच्नु
    जीवनको भरोसा नहुने !
    ✍️ खेमराज पुरी, कैलाली

    ४०
    जीवन                                        
    तुइनको यात्रा
    नदिको छाती माथि !                      
    ✍️ बिमला आठपहरिया, धनकुटा

    ४१
    थुक्क
    ए जिन्दगी
    तुइनमा कति झुण्डिनु ?
    ✍️ हृदय लेकाली, भैरहवा

    ४२
    जिन्दगी
    आशाकाे व्यापार
    तुइनकाे तराजुमा जाेखिरहेछ !
    ✍️ जनार्दन अधिकारी ‘धड्क’, नैकाप, काठमाडाैँ

    ४३
    तुइन
    नेताको भाषण
    विस्थापन गर्ने नाटक !
    ✍️ रामराजा के.सी., फर्पिङ, काठमाडौँ

    ४४
    जीवन
    तुइनमा झुण्डिँदै
    अनगिन्ती सपना बुन्दै !
    ✍️ शिव खनाल, स्याङ्जा

    ४५
    भ्रष्टाचार
    समृद्धिकाे भाषण
    तारमा खाेला वारपार !
    ✍️ बलराज गिरी, कैलाली

    ४६
    तुइन
    बाध्यताकाे यात्रा
    असहज परिस्थिति सामना !
    ✍️ शाेभा अर्याल, बुटवल, रुपन्देही

    ४७
    बाध्यता
    दु:खमा जनता
    तुइनबाट मुक्त आश्वासन !
    ✍️ चन्द्रकला अधिकारी, पाँचथर

    ४८
    बाध्यता
    सङ्घर्षमय जीवन
    ज्यानको जुवा खेल्दै !
    ✍️ अरुणा श्रेष्ठ ‘अनु’, झापा

    ४९
    नेपाल
    स्वर्ग जिन्दगानी
    दु:ख कष्ट पीडा !
    ✍️ अबोध निर्मल, लम्कीचुहा-०३, कैलाली

    ५०
    यात्रा
    तुइनको बाटो
    जीवन मृत्युको दोसाँध !
    ✍️ मुकेश न्यौपाने, अछाम

    ५१
    जिन्दगी
    सुख दुःखको
    आखिर अनेकौं बाध्यता !
    ✍️ विश्वनाथ श्रेष्ठ, फिक्कल, सिन्धुली

    ५२
    तुइन
    चरम विवशता
    हरेक क्षण जाेखिम !
    ✍️ सुधा बाँस्कोटा ढकाल, काठमाडौँ

    ५३
    विकास,
    खै निकास ?
    जोखिममा सासको आश !
    ✍️ लोकेश खनाल ‘मधुकर’, कैलाली, लम्की

    ५४
    यात्रा
    तुइनकाे सहारामा
    जिन्दगीलाई जाेखिममा राखेर !
    ✍️ राजकुमार  राजभण्डारी, मध्यपुर ठिमी-५,भक्तपुर

    ५५
    तुइन
    झुण्डिएको तार
    खोलाको किनारमा वारपार !
    ✍️ टीकाराम पुन, छत्रेश्वरी-२, सल्यान

    ५६
    तुइन
    उर्लिएकाे नदी
    कठिन पहाडी जनजीवन !
    ✍️ नारायणप्रसाद उपाध्याय, कैलाली

    ५७
    तुइन
    बाध्यता हाम्रो
    नदी तर्नु पर्दा !
    ✍️ रमेश प्रभात, चितवन

    ५८
    जहाँ
    इच्छा त्यहाँ
    उपाए अवश्य हुन्छ !
    ✍️ ताेयानाथ सुवेदी, काठमाडौँ

    ५९
    यात्रा
    तुइनको लप्का
    नबनोस् मृत्युको झट्का !
    ✍️ दीपकराज गौतम, कैलाली

    ६०
    जिन्दगीमा
    खत्रै खत्रा
    पहाडी तुइनको यात्रा !
    ✍️ बालकृष्ण खनाल, टीकापुर, कैलाली

    ६१
    वारपार
    तुइनकाे भर
    डर्दैन हिम्मती रतीभर !
    ✍️ टीकाराम जोशी, कैलाली

    ६२
    बल्छीमा
    परेको माछा
    तुइनको विवश जिन्दगी !
    ✍️ माधव पोखरेल ‘गोज्याङ्ग्रे’, ताप्लेजुङ

    ६३
    राज्य
    असमान सन्धि
    कठिनाइ गरिवी दासता !
    ✍️ विक्रम शिशिर, कोहलपुर, बाँके

    ६४
    दु:खमा
    तुइनकाे यात्रा
    जाेखिमपूर्ण छ जीवन !
    ✍️ लता पाैडेल, इलाम

    ६५
    तुइन
    नेपालको भूगोल
    गर्छाैं कुरा स्विजरल्याण्डकाे !
    ✍️ खड्गबहादुर गुरुङ, कैलाली

    ६६
    यात्रा
    पानी माथिको
    भयो तुइनको साहारा !
    ✍️ गुलाब कान्छो, बाजुरा

    ६७
    तुइन
    सीमा सुरक्षा
    धरापमा जीवन यात्रा !
    ✍️ विजयराज सिंह, कैलाली

    ६८
    तुइन
    मच्चियो मच्चियो
    आफै भुइँमा थच्चियो !
    ✍️ कमला देवकोटा, पाल्पा

    ६९
    झसङ्ग
    हटेेन अझैँ
    तुइन यात्राको प्रसङ्ग !
    ✍️ खगेन्द्र बस्याल, रुपन्देही

    ७०
    विवसता
    उकाली ओराली
    तुइनको कठिन यात्रा !
    ✍️ अनुपमा आकृति, कैलाली

    ७१
    तुइन
    बैकल्पिक मार्ग
    जीवन बाध्यात्मक परिस्थिति
    ✍️ विष्णुदीप सङ्कल्प, विराटनगर

    ७२
    संघर्ष
    पीडा हर्ष
    जिन्दगी दैवी स्पर्श !
    ✍️ बादल गुरुङ वियोगी, चिचिला-१, बर्खे, संखुवासभा

    ७३
    दुःखान्त
    दुर्गमको जीवन
    शासकको कुरुप दृश्य !
    ✍️ केशब न्यौपाने, नुवाकोट

    ७४
    खोला
    तुइनको यात्रा
    जीवन एक जात्रा !
    ✍️ हिमाल अम्मै, घोडाघोडी नगरपालिका-१०, पहलमानपुर

    Leave a Reply