विश्व हिन्दु महासंघका अध्यक्ष डा. रामचन्द्र अधिकारीले गुरुकुललाई राज्यले हेर्नुपर्ने बताएका छन् ।
घाेराही उप महानगर पालिकाको चौघेरामा अवस्थित प्राचीन मठ गाेरक्ष पात्रदेवता सिद्ध रत्ननाथ मठमा संचालनमा रहेकाे गाेरखनाथ वैदिक गुरुकुलद्वारा संचालित जुम भर्चुअल कार्यक्रम ‘गोरक्ष चिन्तन’ मा उक्त कुरा बताएका हुन ।
विशेष गरेर मठ मन्दिरकाे प्रचार प्रसार ,गुरुकुलीय गतिविधिलाई विश्वसामु परिचित गराउने र सबैको ध्यान गुरुकुल प्रति आकर्षण गराउने, उद्देश्यले संचालित कार्यक्रमको आठौं शृङ्खलाको प्रमुख वक्ताको रुपमा अध्यक्ष डा रामचन्द्र अधिकारीले गुरुकुलीय शिक्षाकाे अभावलेनै विभिन्न प्रकारका विकृति र विसंगतिकाे चपेटामा हाम्राे देश परेको बताए ।
आज हिन्दूकाे वाहुल्यता रहेकोे नेपालमा गुरुकुल चलाउन अप्ठेराे स्थिति रहेकोे, राज्य माैन बसेर हेरेको आरोप लगाए । साथै अबकाे युग भनेकाे भाैतिक विज्ञान र आध्यात्मिक ज्ञान दुवैलाई जाेडेर लग्न सक्नु पर्ने बताए ।
उक्त कार्यक्रममा गुरुकुलका शुभचिन्तक अभिभावक महेन्द्र बहुमुखि क्याम्पसका प्राध्यापक माधव गाैतमले राष्ट्र गुरु नरहरिनाथले साधना गरेकाे चाैघेरा मठमा गुरुकुल चल्नु सबैकालागि खुसि र गाैरवकाे कुरा रहेकाे
बताए ।
साथै विश्व हिन्दू महासंघका पदाधिकारी वरिष्ठ उपाध्यक्ष शंकर खरालले गाेरखनाथ गुरुकुलले सबैकाे मन जित्न सफल भएकाे र सबैलाई एउटा मालामा उन्ने प्रयास गरेको बताए ।
डेढ घण्टा लामो चलेको उक्त कार्यक्रमका अन्य वक्ताहरुमा महासंघका उपाध्यक्ष प्रविण घिमिरे, गणेश न्याैपाने, पूर्व डिआईजी श्याम नेपाल, खगेन्द्र अवस्थि लगायतले गुरुकुलकाे याे कार्यले सबैमा राम्राे सन्देश पुगेकाे बताए ।
अन्तर्राष्ट्रिय वक्ता गुरुकुलका प्रमुख सल्लाहकार डा चिन्तामणि याेगीज्यूले गुरुकुलले सबैलाई जाेड्ने काम गरेकाे बताए ।
गुरुकुलका अध्यक्ष एवम् गाेरक्ष चिन्तनका संचालक प्रकाश भट्टराईले याे एउटा मठकाे मात्रै चिन्तन नभई राष्ट्र कै चिन्तन भएकाले अब पूर्व र मध्यका गुरुकुल र मठलाई जाेडेर लैजाने साेच रहेकाे बताए ।