एउटै मायां काफी हुन्छ, जिन्दगी यो बिताउन !
रात भरी शिरानीमा, मायाँ साटी निदाउन !!
हजार हुन्छन् ताराहरू, जून केवल एउटा हुन्छ !
लाखौं मान्छे भेटे पनि, रोज्नु पर्ने एउटा हुन्छ !!
एउटै छाती काफी हुन्छ, दुःख सुख विसाउन !
रात भरी शिरानीमा, मायां साटी निदाउन !!
एउटा मुटु लाई दुखे, अर्को लाई दुख्ने गर्छ !
मायां बिना जीन्दगी यो, खहरे झैं सुक्ने गर्छ !!
चोखो मायाँ जान्दैन त्यो, कैले पनि रिसाउन !
रात भरी शिरानीमा, मुटु साटी निदाउन !!
एउटै मायाँ काफी हुन्छ जिन्दगी यो बिताउन !
रातभरी शिरानीमा , मायां साटी निदाउन !!
शुशील पराजुली,मकवानपुर