साउदी अरेबियाले (इन्डोर डाइनिङ) अर्थात रेस्टुराँ, खाजाघर, चिया पसल लगायतमा तयारी भएका खानेकुरा घरभित्र खान खानुपर्ने प्रणाली हटाउने भएको छ । साउदी सरकारले मार्च ७ तारिखबाट इन्डोर डाइनिङ हटाउने, जिम र सिनेमाघर खुलाउन लागिएको साउदी अरेवीया को प्रतिष्ठित समाचार पत्र साउदी गजेटले उल्लेख गरेको छ । अब रेस्टुराँ तथा खाजाघर लगायतमा तयारी भएका खानेकुरा सोही ठाउँमै खाना सक्ने भएको छ ।
साउदी गजेटका अनुसार अति आवश्यक कामका लागि २० जनासम्म भेला हुनसके पनि विवाह, सभा, सम्मेलन लगायत भने अर्को सूचना जारी नभएसम्म बन्द रहने छन् । यसअघि साउदी सरकारले फेब्रुअरी ४ तारीखबाट १० दिनका लागि घोषणा गरेका इन्डोर डाइनिङ २० दिन थपेका थिए । कोरोना संक्रमित बढ्न थालेपछि इन्डोर डाइनिङसँगै सभा, सम्मेलन, विवाह, भोज, जिम र सिनेमाघर बन्द गर्न सरकारले उर्दी जारी गरेका थिए ।