साप्ताहिक झिल्का लेखन अभ्यासको ४० औँ शृङ्खला आइतवार अपरान्ह सम्पन्न भएको छ । झिल्का साहित्य समाज नेपालको आयोजनामा यो अभ्यास शृङ्खला निरन्तर हरेक हप्ता सञ्चालन हुँदै आएको छ ।
साप्ताहिक झिल्का कविता लेखन अभ्यासका विगतका शृङ्खलामाझैँ यसपटक पनि सहभागीहरूको निकै उत्साहप्रद सहभागीता रहेकोे थियो । जसमा नेपाल, भारत, भुटान लगायत विश्वका विभिन्न देशमा रहेर नेपाली भाषा, साहित्यलाई निरन्तर माया गर्नुहुने ६० जना झिल्काकारहरूको सहभागीता रहेकोे थियोे । यो उत्साहपूर्वक सहभागिताका लागि सम्पूर्ण सहभागीहरूमा संयोजक म्यामराज राईले हार्दिक धन्यवाद ज्ञापन गर्नुभएको थियोे ।
झिल्का कविताको उन्नयन, विकास र प्रवर्द्धन गर्नका लागि समाजले विभिन्न क्रियाकलापहरू सञ्चालन गर्दै आएको छ । त्यसमध्ये साप्ताहिक झिल्का लेखन अभ्यास शृङ्खला पनि एक भएको र साप्ताहिक रूपमा निरन्तर सञ्चालन गरिने यसका परिकल्पनाकार एवम् झिल्का कविताका प्रवर्तक वसन्त अनुभवले बताउनुभयो ।
शृङ्खलाबारे प्रष्ट पार्दै शृङ्खला संयोजक/प्रशिक्षक म्यामराज राईले हरेक हप्ताको शुक्रवार राति १२ बजे अभ्यासको सूचना झिल्का कविता फेसबुक समूहमा राखिने र उक्त सूचनाको कमेन्टमा इच्छुक झिल्काकारज्यूहरूले स्वत:स्फूर्त आफ्ना उत्कृष्ट झिल्काहरू राखेर सहभागीता जनाउन सकिने बताउनुभयो ।
झिल्का कविता, नेपाली माटोमा उम्रिएको एक नवीनतम एवम् लघुतम प्रयोगवादी काव्य विधा हो । जसमा विम्ब, प्रतीक र अलङ्कारको प्रयोग गर्दै चोटिलो पाराले तीन हरफमा लेख्ने गरिन्छ । जसको पहिलो हरफले विषयवस्तुको उठान, दोस्रो हरफले विषयवस्तुको बिस्तार र तेस्रो अर्थात् अन्तिम हरफले भावलाई उत्कर्षमा पुर्याई समापन गर्ने गर्दछ । यसका प्रत्येक हरफमा तीन/तीन शब्दहरू हुने गर्दछन् । जम्माजम्मी नौ वटा शब्दमा एउटा झिल्का कविता पूरा हुने भएकोले यसलाई नौ शब्दको कविता पनि भन्ने गरिन्छ ।
झिल्का कविताका तीन हरफ मध्ये पहिलो र तेस्रो हरफमा अन्त्यानुप्रास हुनुपर्ने विधान छ भने दोस्रो हरफ स्वतन्त्र हुने गर्दछ । अर्थात् दोस्रो हरफको अन्त्यमा पहिलो र तेस्रो हरफको अन्त्यानुप्राससॅंग मिल्ने समध्वनिक अक्षर नभएमा उत्तम मानिन्छ ।
साप्ताहिक झिल्का लेखन अभ्यास शृङ्खला- ४० मा सहभागी झिल्काकारहरूका सुन्दर झिल्काहरू-
…
१,
भाग्यभन्दा ठुलो कर्म
पाखुरीमा पसिना मिलाए
फल पाइन्छ विनासर्म ।
२,
उज्यालो बाटो बनाउॅंदै
सहज, कठिन साथसाथै
नवपुस्ताको भविष्य डोर्याउॅंदै ।
३,
ढुङ्गा बन्छ मूर्ति
मूर्तिमा गहिरिॅंदा ढुङ्गै
गरिरहन्छ विश्वासको आपूर्ति ।
- म्यामराज राई
…
१,
बालक गिलो माटो
जस्तो बनाए त्यस्तै
भविष्यको दह्रो पाटो।
२,
माइतीघर जन्मेको घर
छोड्नु पर्ने बाध्यता
फेरिँदै माइती थर। - सरस्वती श्रेष्ठ
…
१,
भाग्य ठुलो भन्छन्
तर व्यवहारले चाहिँ
दुर्भाग्यलाई नै गन्छन् !
२,
राम्रो देख्ने नयन
कता हरायो कुन्नि !
अहिले खोज्दै अयन ।
३,
सम्झौतामा मन अडिन्छ
खुसी बाँडेर हिॅंड्दा
अगाडि छिटो बढिन्छ ! - अच्युत घिमिरे, सर्पाङ, भुटान
…
१,
मायाको प्रीति गाँसौँ
मन मिले कसैसँग
भित्री मनले हाँसौँ ।
२,
जीवन दिव्य उपहार
जन्म, मृत्यु घटना
आखिरमा जीवनकै सार ।
३,
इष्टदेवलाई मनमा टासौँ
कलह नहुनु राम्रो
क्लेश मनबाटै नासौँ । - कार्की डिबी माकुम, सुनवल-४, नवलपरासी
…
१,
कर्मले भाग्य बन्छ
पसिना बगाउँदा मात्रै
बल्ल फल रहन्छ।
२,
उज्यालो बाटो समाऊ
नजान्नेलाई सिकाउँदै तिमीले
ज्ञानको प्रवाह बगाऊ।
३,
ज्ञानको ज्योति बाल
भरसक त्यसैको लागि
कर्म आजैदेखि थाल। - अर्जुन प्रसाद चौलागाई, रामेछापः-सुनापति-१
हालः-क्यानडा,क्यालगरी।
…
१,
भाग्यमा छ भन्दैमा
कोहि ठुलो हुँदैन
पैसै पैसा गन्दैमा ।।
२,
मनभन्दा झन् धन
यहाँ देशभन्दा व्यक्तिको
ठुलो हुँदैछ मन ।
३,
विश्वास हो ठुलो
ढुङ्गालाई भगवान् सम्झेर
बाल्न सिकाउॅंछन् चुलो । - दीपा समभाव, दुबेकोल खोटाङ्ग
…
१,
अरूलाई दोष दिन्छन्
भ्रष्टाचारी नेताले सधैँ
स्वार्थ मात्र लिन्छन् ।
२,
आहा ! हरियाली ठाउँ
चियाबारी र धुपीसल्लाको
बिचमा सुन्दर गाउँ । - कला ढकाल, झापा
…
१,
कहिल्यै हार्नु हुन्न
अगाडि बढ्ने प्रेरणा
जितेर कदापि छुन्न ।
२,
अनौठो यात्रा भए
असल मान्छे भन्नेछन्
शिखर चढ्न गए ।
३,
बर्सेनि आकाश खस्छ
बराबर मानेर आऊ
तिमीमा दुनियाँ बस्छ । - अम्बिका अधिकारी, झापा बिर्तामोड
…
१,
गरिब सबैको हेला
गाँसबास नपाउनेहरू यहाँ
दु:खमा आएर भेला।
२,
देश छोडेर जान्छ
भ्रष्टाचारी नेता भएर
पसिना बेचेर खान्छ।
३,
भाषणमा चल्दैन देश
श्रम गरौँ सबैले
हरियाली बनाऔॅं परिवेश। - एवाइ प्रभात, खाल्सा छिन्ताङ सहिदभुमि, धनकुटा
…
१,
एउटा भैँसी पालौँ
दुध बेचौँ बजारमा
खाडीतिर फाल नहालौँ ।
२,
सीप हुँदैन हातमा
ऋण खोजेर हिँड्दा
पर्छन नेपाली घातमा।
३,
पैसा बरर झर्दैन
आफ्नो पेशा गरौँ
बाकसमा फर्किनु पर्दैन। - चुडामणी देबकोटा, पुरानोनैकाप काठमाडौँ
…
१,
गाउँतिर अब मोडौँ
गाई भैँसी पाली
खाडी जान छोडौँ । - सविता भट्टराई जनकपुरधाम
…
१,
जसले ज्यादा उचाल्छ
काँधमा हाली उसैले
भिरमा लगेर फाल्छ ।
२,
साथ दिन्छु भनेर
हावामा बही जान्छ
बेलुन जस्तै उड़ेर। - राजनारायण राई, राजदल बस्ती सोनादह
…
१,
कस्तो कालो माटो
हिँड्न भयो गाह्रो
कति सानो बाटो ?
२,
कुन होला थर ?
जान्नु मन लाग्यो
बनाउनु पर्यो घर।
३,
माया प्रेममा हाँस्यौँ
दुईदिने यो जिन्दगीमा
परिवारको मायामा बाँचौँ । - नीमा छिरिङ भोटिया, जलढका कालेबुङ, भारत
…
१,
सधैँको पापी मन
इज्जत इमान फालेर
नथुपार कालो धन ।
२,
देखायौ राक्षसी गति
गर्दैछौ दानवी कर्म
देखिएन राम्रो मति !
३,
धर्मबिनाको त्यो कर्म
अहङ्कारले भरिएको मन
हरायो लाजघिन सर्म । - ऋजु दिल्पाली (राजेन्द्र घिमिरे ), इटहरी १ सुनसरी
…
१,
देश कति सुन्दर
छ हिमालको काखमा
तिम्रो हाम्रो घर।
२,
हिमालसम्म दुष्टको नजर
मिलेर जोगाऔॅं सम्पत्ति
जोगिए बन्छ रहर ।
३,
के गर्छौ लुटेर ?
आफ्नै स्वाभिमान पनि
आफैले खान्छौ भुटेर। - सुरेशकुमार पाण्डे, घोराही -१८, दाङ
…
१,
सौहार्दको कामना गर्दछु
भेटघाट छैन सन्जालमा
आत्मियताको रङ्ग भर्दछु ।
२,
चाडपर्वको रमाइलो याम
फूलहरू ढकमक्क आँगन
चेलीको चटारो काम ।
३,
माइतीको इमान बढोस्
सफलताको पाटो पछ्याउँदै
उत्तरोत्तर प्रगति चढोस् । - मोती योन्जन सुब्बा, दार्जिलिङ
…
१,
पानी भर्ने कुवा
देशलाई बाजी थापेर
खेलिदियो आज जुवा ।
२,
भर पर्छ कोचमा
मुलुक फेर्ने कुरा
आएन यिनको सोचमा ।
३,
मुलुकको भविष्य सोचौँ
हामी सबै मिलेर
देशद्रोहीलाई अब कोचौँ । - दीप गोले तामाङ, रौतहट
…
१,
प्रकृति छ सुन्दर
जगत् यो जीवनमा
अनौठो छ रहर ।
२,
मातापिता भगवान् राम्रा
गर्नुपर्छ सेवा सधैँ
हुन् जीवनदाता हाम्रा । - नेत्रबहादुर श्रेष्ठ, ठुलो सिरुवारी, सिन्धुपाल्चोक-१३
…
१,
छोरी अर्काको नासो
भन्छन् किन होला ?
धेरैले गलाको पासो ।
२,
शिक्षा सीप धीरत्व
दाइजो भन्ने कुप्रथाको
दिन हुँदैन निजत्व ।
३,
ॠणको भारी बोकेर
महाजन भए खुसीको
समाजमा कोही खोकेर । - पृथक प्रकृति
…
१,
बेकामे जाल बुन्दैछन्
धान खाने मुसा
पालेर भ्यागुतो थुन्दैछन् ।
२,
जनताले कुरा सुन्दैछन्
आउँछ समय पर्खनु
उस्तालाई जस्तैले थुन्दैछन् ।
३,
डाँठै डाँठ छन्
जाली झेली धुर्तको
साँठगाँठ धेरै झन् । - रामप्रसाद पुरी, बादेल, खोटाङ
…
१,
ईश्वर आस्था हाम्रो
नैतिक शिक्षा दिएर ,
बनाऔॅं समाज राम्रो।
२,
ढुङ्गालाई मूर्तिको आकार
कलाको गर्छौं पूजा,
कर्मले सपना साकार ।
३,
हिॅंडेमा मनको बाटो
भेटिन्छ ईश्वर सहजै ,
सेवा धर्मको पाटो। - सुस्मिता अधिकारी, काठमाडौँ
…
१,
कर्मविनाको त्यो फल
अनिश्चित हुन्छ पक्कै
गर्छन् भगवान्ले छल। - कोपिला अधिकारी, गोरखा
…
१,
समय आउँछ पर्खिॅंदैन,
परिस्थितिले लायो पछुतो
बहेको खोलो फर्किॅंदैन।
२,
आफूलाई पर सार
बच्नलाई होला गारो
अरूलाई खोर पार।
३,
जेलजाल जानी जानी
विरोधीलाई तह लाऊ
क्रमश: छानी छानी ! - विवश पारदर्शी, झापा
…
१,
सबैले भन्छन् हाम्रो
पक्ष विपक्ष होइन
कता खोजौं राम्रो ? - प्रेम थापा “मन”, बागलुङ
…
१,
कर्ममा विश्वास गर्नु
फल मिठो हुन्छ
भाग्यको भर पर्नु ।
२,
उज्यालो संसार देख्न
धैर्यता र त्यागले
भविष्य पर्छ लेख्न ।
३,
भ्रममा पर्नु हुन्न
मान्छेको कठोर मनले
दुखेको दिल छुन्न । - कृष्ण बजगाई, भक्तपुर
…
१,
मिहिनेतले भाग्य बन्छ
पौरख गरेको देख्दा
सबैले आहा भन्छ।
२,
ज्ञानको ज्योति छर
सभ्य समाज बनाउनु
सबैमा सद्बुद्धि भर।
३,
विश्वास जसले गर्छ
ढुङ्गालाई भगवान् सम्झेर
सधैँ मख्ख पर्छ । - राज कुमार राजभण्डारी खोटाङ्गे, मध्यपुर ठिमी ५ संगम कोलोनी राधे राधे भक्तपुर
…
१,
सद्भावले मनाऔॅं पर्व
संस्कार परम्परा जोगाउन
चाहिँदैन अर्व खर्व । - मिसु श्रेष्ठ
…
१,
पीडाले देह गाल्छ
अति भएपछि मान्छे
मौन बस्न थाल्छ!
२,
सम्झन्छन् पू्र्खाको बिर्ता
लिन जान्नेले कहिल्यै
दिन जान्दैनन् फिर्ता!
३,
धनको मुख कालो
नगर्नु आफन्तमा कारोबार
भाइ, भतिजो, सालो । - मन्दिरा सेढाई, मलेखु, धादिङ
…
१,
सुखदु:खले दसैँ सकायो
पछिपछि लागिरहेछ तिहार
चाडपर्वले शरिर मकायो ।
२,
मखमली फुल्यो बारीमा
दीपावली मनाउन गाउँघर
व्यस्तता देखिन्छ नारीमा । - कृष्णकुमार वैद्य, बनेपा ९, काभ्रे
…
१,
कर्म हाम्रो धर्म
कर्म गर्न कसैले
गर्नु हुँदैन शर्म।
२,
गर्वले फुल्दछन् छाती
जब जब पुग्दछन्
शिखरमा हाम्रो जाति। - बिके मुखिया, दार्जिलिङ, भारत
…
१,
दुई जोईको पोइ
विचरो तानातान भएर
कुनामा बसेर रोइ।
२,
खोज्दै थियो फसाउन
सकेन कहिल्यै उसले
मजाले जनता हॅंसाउन।
३,
जुत्ताको माला लगाउँछन्
आजित भइसके जनता
सर्वत्र नगर घुमाउँछन्। - सतीश पण्डित, भानु -६, चुँदी तनहुँ (हाल चनपा६ मातातीर्थ)
…
१,
अल्छी नबन नानी
समय आउँछ पर्खॅंदैन
कर्मले गर्दैनन् हानी ।
२,
जिज्ञासा राख ज्ञानी
नयाँ खोज अनुसन्धान
ज्ञानले हुन्न सानी ।
३,
मर्ने एकदिनको चोला
भ्रष्टाचार गरेर कतिन्जेल
मित्र बाँच्ने होला । - भगवती दवाडी, झापा
…
१,
माया जीवनभरिको अभिभारा
नसकिॅंदो रहेछ प्राणी ,
बाँच्नलाई यहाँ बिनाआहारा ।
२,
यहाँ बोटबिरुवालाई पनि
चाहिने पानी घाम,
पौष्टिकको रूपमा अनि ।
३,
दाल, भात, तरकारी
खाँदा जीवन स्वस्थ ,
हुँदैन मासुको भारी । - सीमा कार्की समर्पण, मेलचोक पर्सा
…
१,
आमाको मुटु चर्किन्छ
कमाउन पर्देशिएको छोरो
बाकसमा सुतेर फर्किन्छ ।
२,
छैनन् पेटमा हरि
तड्पाइ तड्पाइ मार्छन्
कठै ! सहन्छन् कसरी !
३,
खेलिन्थ्यो कपर्दी छुर
हातखुट्टामा चोट लाग्दा
लागेन कहिल्यै झुर । - शान्ता पौडेल भट्टराई, टङ्कीसिनवारी , मोरङ
…
१,
मैले गरेको माया
तिमीलाई तीतो लागे
तिमी घाम छायाँ ।
२,
जिन्दगी रहेछ चोला
यो जीवन बाँचे
पुन: भेट होला ।
३,
मैले सपनीमा देखेँ
तिम्रो मुहार माया
त्यसैले स्नेहले सेकेँ । - शशीश्री आचार्य, बौद्ध कुमारीगाल काठमाडौँ
…
१,
आकाश राम्रो जूनले
ताराहरु माझ हुँदा
धर्ती सुन्दर फूलले ।
२,
फुल राम्रो चमेली
बास्ना आउँछ हरर
भॅंवरो बस्छ खेली । - बुद्धिमान दनुवार ( सुरुङ्गेली कान्छो ), कनकाई ४ झापा
…
१,
भाग्य आफै बनाउने
अडिॅंदैन ढुङ्ग्रोमा दुध
बुझेर आफै जनाउने।
२,
रहरको जाल हान्दा
स्वास्थ्यमा समस्या नपारौ
नबुझी जाल तान्दा। - दुर्गा आचार्य, मोरङ
…
१,
दसैँले नेटो काट्यो
अब बहार तिहारको
द्यौसीभैलोले माहोल बाट्यो ।
२,
पिङ त मच्चिरहेछ
गाउँ बेँसी सँगाली
चचहुइ टुप्पो खसिरहेछ । - हरिगोपाल न्हुच्छेँप्रधान, काभ्रे, साँगा बजार बनेपा -१४
…
१,
दोषीले दोषीलाई समाउँछ
आफ्नो आङको भैँसीलाई
आङभित्रै लुकाई खेलाउँछ।
२,
युवापुस्ता देख्नै नसक्ने
धर्मराउँदै बोल्छन् बेहोसमा
आफैमा स्थिरता नबक्ने।
३,
कुहिएका सडेगलेका थुप्राहरू
बुझ्दैनन् एक्काईसौ शताब्दी
सत्तामा लत्पतिएका कुप्राहरू । - घनश्याम पन्त, हरिवन सर्लाही
…
१,
ढकमक्क कर्म फुल्छ
जसले बगाउँछ पसिना
उसैले फल बटुल्छ l
२,
जिन्दगी कर्कलाको पानी
मरिलानु केही छैन
नपुर्याऔॅं कसैलाई हानी l
३,
नगरेर ढिला सुस्ती
नित्य गरौँ व्यायाम
जीवन्त रहन्छ तन्दुरुस्ती l - बाबुराम गौतम, गुल्मी
…
१,
रात जुनेली राम्रो
आआफ्नो व्याख्या हुन्छ
मत राख्यौं हाम्रो ।
२,
शिशिरको आगमन सॅंगसँगै
बाली भित्र्याउँछ किसानले
किन्दा पर्छ महँगै ।
३,
माया पिरती गासौँ
मन मुटु साटेर
पलाएको घमण्ड नासौँ । - धनमाया चौधरी, कैलाली
…
१,
गर्नलाई कुनै कर्म
पसिना बगाउन धरमा
नमान कहिल्यै सर्म ! - आर्त अकुलीन
…
१,
यादका झिल्काहरू बोकेर
साथ लागेर आएँ
जिन्दगीको यात्रा रोकेर ।
२,
हिॅंडेँ बाटो बनाउॅंदै
एक्लै भएर पनि
यात्रीको अस्तित्व जनाउॅंदै ।
३,
समयको रहेछ खेल
सकिएन बुझ्न बेलैमा
आयो डरलाग्दो भेल । - राजेशराज गड्तौला, काडाघारी, काठमाडौँ
…
१,
उतारचढाव जीवन खास
प्रगतिका खातिर जरुरत
उकालीमा बढ्छ सास ।
२,
ढाल्न लाग्दैन बेर
निर्माणमा महिनौ लाग्ने
काँडामा हिॅंडनु धेर ।
३,
ढुंगा सालिग्राम बन्न
निरन्तर पानीमा घस्रन्छ
थाल्छन मानवमा गन्न । - हिरालाल न्यौपाने, बानपा -८, कोटमौला, सल्यान
…
१,
समयले धेरै सिकायो
रुनु हुँदैन भन्दा
आँसु किन झिकायो।
२,
दसैँ पनि सकियो
हाँसो रोदनको बीचमा
गरिबको आँसु मक्कियो।
३,
समयले सिकाएको खेलमा
हारजित अवश्यै हुन्छ
नपरौँ कहिले झेलमा। - विकास क्षेत्री अञ्जान, कैजले, बिजनबारी, दार्जिलिङ
…
१,
बसौँ सबैको आँखामा
लालीगुराँसझैँ सुन्दर फुलौँ
रङ्गीन बनी पाखामा।
२,
मनमा छन् चिहान
इच्छाहरूको लास छोपेर
आवोस् उज्यालो बिहान। - अन्मोल मुस्कान, तकदाह छाउनी, दार्जिलिङ
…
१,
विश्वासमा छक्याउँदै भयो
ढाँटेर झोली भर्छन्
जनतालाई झुक्याएर गयो ।
२,
एक मुठ्ठीको सास
कहिले जाने हो
देखाए जनतामा आस ।
३,
ढाँटेरै झोली भरेका
आफ्नो स्वार्थको लागि
पाटी हेर्दाहेर्दै सरेका । - बेदु न्यौपाने
…
१,
परिश्रमको मिठो फल
प्राप्त हुन्छ अवश्य
समयमा गरे मलजल ।
२,
भेटिन्छ यही माटोमा
हामीले चाहेको सबै
हिॅंडेपछि सही बाटोमा ।
३,
नेपाली माटोमा उम्रेको
मनभरि नेपालीपन मिसाएर
साहसी, बहादुरी उफ्रेको । - ईश्वर साउद (भिक्षु), रामारोशन गाउँपालिका ६ सुदुरपश्चिम अछाम
…
१,
नगर्नु गरिबलाई हेला
पृथ्वी गोलो छ
पछि परिन्छ फेला ।
२,
सद्भावमा मनाऔॅं संस्कार
आडम्बर छोडेर मनाऔॅं
अॅंगाल्दै सहिष्णुताको आधार ।
३,
सौहार्दको कामना गर्दै
हर्ष उल्लासका साथमा
विश्वासको रङ्ग भर्दै । - दुर्गा भट्टराई, मोरङ
…
१,
गरौँ सबैले सम्मान
फलाउँछन् अन्न बाली
लगाई टन्न किसान - चन्द्रकली राना मगर, नौबहिनी गा पा प्युठान
…
१,
भाग्यलाई दोष दिएर
कर्म नगरी बस्छन्
मनमा पिर लिएर ।
२,
भविष्यको चिन्ता गरेर
भाग्य आफैले बनाऔॅं
कर्ममा निरन्तर लागिपरेर ।
३,
जीवन परिवर्तन गरौँ
संसार उज्यालो बनाउन
आफै लागि परौँ । - ललिता गिरी, सिन्धुली
…
१,
सम्पत्ति पुर्खाले आर्जेको
उपभोग गर्न नजान्दा
विपत्ति सन्तानलाई आइलागेको ।
२,
जल्नेहरू सधैँ जलिरहन्छन्
अर्काको परिश्रमले मोटाउनेहरू
कुराको खेती गरिरहन्छन्।
३,
कर्मको दीप बालौँ
अरुको कुरा काटेर
समय खेर नफालौँ । - सुन्दरी घिमिरे खतिवडा, सङ्खुवासभा
…
१,
शरद् ऋतुमा आउने
महान् पर्वहरूको अवसरले
खुसीको गीत गाउने। - अरुण कुमार भुजेल, गोरूबथान, कालेबुङ, भारत
…
१,
राजनीतिमा देखिन्छ तनाव
बदलासॅंगै कमाउ धन्दा
नैतिकताको सर्वत्र अभाव ।
२,
बलियाको हातमा लाठी
राजनीतिका शक्तिशाली युवा
उमेर केवल साठी ।
३,
देश बनाए कङ्गाल
होइनन् असली पात्र
रहेछन् साह्रै चण्डाल । - जयनारायण नेपाल, इलाम हाल सूर्य विनायक २, बालकोट ,भक्तपुर
…
१,
हल्ला हल्लाउँदै आयो
ऋणको धोक्रो ठड्याउँदै
कुनाकाप्चा मज्जाले छायो । - नन्दलाल आचार्य, बेलका-३, उदयपुर
…
१,
दसैँ आयो गयो,
खुसी क्षणिक बनाएर,
अहिले शून्य भयो।
२,
खानेकुरा मिठा खाएर ,
खुसी दिगो नहुने,
राम्रा लुगा लाएर।
३,
स्वार्थमा पर्व चल्दैछ,
आनन्द दया भलाइ,
सोच्ने फुर्सद ढल्दैछ। - मनोहरी पौडेल, गैडाकोट १
…
१,
आफैले कर्म गरेर
यहाँ देखाऊ सबैलाई
उज्यालो ज्योति छरेर ।
२,
कर्म नगरी बसेर
फल त्यसै पाइँदैन
कुनै मन्दिरमा पसेर ।
३,
लेखिएको सकिन्न मेट्न
कसले सक्यो आजसम्म
भाग्य लेख्नेलाई भेट्न । - लक्ष्मण देउवा, डोटी
…
१,
मन छ डुलेको
आउँदैछ भनी तिहार
आँगनीमा सयपत्री फुलेको। - अनुग्रह राना मगर ‘पुष्प’, पाँचखपन न. पा. ६ संखुवासभा
…
१,
गर्नुपर्छ सत्य कर्म
रगत पसिना बगाउँदा ,
मिल्छ संस्कारमा धर्म ।
२,
ढुङ्गाको बन्छ मूर्ति
पर्ला घरको मान्छेले ,
धेरै नलगाउनु फूर्ति ।
३,
दसैँपछि आउॅंछ तिहार
जाउ साथी हो
घुम्न भारतको विहार । - श्रीकृष्ण धामी, बझाङ
…
१,
नमान आफै ठुला
मेहनत गर देसभित्रै
फलाऊ काउली मुला ।
२,
जहिले मकै मिठो
मेहनत चलाऊ जाँगरको
बन्नेछ अवश्य स्वादिलो ।
३,
प्यारो आफ्नो माटो
सत्कर्म गर सधैँ
हिॅंड सत्यको बाटो । - जानुका बास्कोटा, तारकेश्वर -९, काठमाडौँ
::::::::जय झिल्का साहित्य ! ::::::::::
