झिल्का कविता
*********************
१)
बगैँचामा फुलेका फूल
जीवनमा नगर्नू है
चुँडेर ठूलो भूल !
२)
आमाको असीम माया
सधैँ सम्झिराख्नू है
नपरोस् कसैको छाया !
३)
साँचो साथी बन
छलकपट केही नगरे
आनन्द हुन्छ मन !
४)
बोल्दा गर विचार
शब्दमा हुन्छ शक्ति
नबनाऊ मनको भार !
५)
ज्ञानको दियो बाल
तिमी अन्धकार हटाऊ
पार जीवनलाई लाल !
६)
ढिलासुस्ती नगर कहिल्यै
समयको गरे पालन
जीवन चल्दछ जहिल्यै !
७)
पाइँदैन कतै सदाचार
देख्न सक्छौँ हामीले
हरेक क्षेत्रमा भ्रष्टाचार !
८)
ज्ञानको अमूल्य सार
भनेको रहेछ शिक्षा
जीवन जिउने आधार !
९)
नेता घुम्छन् गाडीमा
देशका मेरुदण्ड युवाशक्ति
पसिना चुहाउँदै खाडीमा !
१०)
राजनीति फोहोरी खेल
सोझासिधा जनतामाथि नै
गर्नुपर्ने अनेक झेल !
✍️
सतीश पण्डित
भानु६ चँदी तनहुँ
हाल चनपा ६ मातातीर्थ