झिल्का कविताहरू
१)
तातो गोली खानुहोस्
रोजगारी सम्पन्न मुलुक
कोसेली नगद लानुहोस् ।
२)
ठुलै उत्सव मान्यो
भुसुनालाई कुल्चेर यहाँ
सिंहले बहादुरी ठान्यो ।
३)
आँसुको रङ्ग कस्तो
साउन भदौको वर्षात्
पानीभन्दा नि सस्तो ।
४)
पाच्य अपाच्य प्रथाहरू
सजिएको छ छातीभित्र
अनुभूतिका कैयौँ कथाहरू ।
५)
घनिष्ठ मित्र बनेर
लुकामारी खेल्छन् आँसुमा
आँखामा चित्र सजेर ।
६)
कस्तो हुन्छ तालमेल
रमाउँछ सधैँ स्वार्थमा
उद्देश्य बन्छ जालझेल ।
७)
सबैभन्दा पैसा ठुलो
आत्मियता टिकाउ बन्छ
स्वार्थभित्र मापन तुलो ।
८)
भर्याङ् बोक्ने फेदमा
भर्याङ चढ्ने शिखर
समाउने सधैँ खेदमा ।
९)
नयनको पानी नझार
जिन्दगीबाट धेरै टाढा
ओझेलमा मलाई नसार ।
१०)
अकालमा पर्यो मर्नु
कसरी पुण्य कमाउँला
डालीबाट त्यसै झर्नु ।
✍️
शरद प्रधानाङ्ग
विराटनगर – ७