Tag: टुक्का_कविता

‘टुक्का माथि टुक्का’ व्यङ्ग्यात्मक टुक्का लेखन शृङ्खला- १२९ सम्पन्न

काठमाडौँ । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १२९ औँ शृङ्खला सम्पन्न भएको छ ।
अभ्यासमा नेपाल लगायत विश्वका ४९ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १२९ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

टुक्का माथि टुक्का- १२९
आँखा छोप्नु कान थुन्नु नि सकिन्न भने बरु
किन जल्छौ म जे गरुँ देखीनसहनेहरू ?
वसन्त अनुभव

[१]
जल्नेहरू जलिरहून् खरानी नै बनून्
आफ्नो बाटो नछोड जसले जे जे भनून् ।
✍️ वसन्त अनुभव
घोराहीउपमहानगरपालिका १४, दाङ
[२]
पत्रपत्र जलेर खरानी भएको बेला
आगोमा घिउ थप्न भएछौ आएर भेला ।
✍️ अम्बिका अधिकारी
झापा बिर्तामोड
[३]
नेताको बोलीमा फेरि तिमी भुलियो
हन चियामा त कति चिनी गुलियो ।
✍️ नीमा छिरिङ भोटिया
जलढका कालेबुङ
भारत
[४]
हेर्दिनँ भने पनि देखिन्छ आँखा अघि भएपछि
यस्ताे हर्कत गर्नुभन्दा त ! मर ढुक्क गएपछि ।
✍️ बाबू विराज
बाणगङ्गा १ चार नम्बर, कपिलवस्तु
[५]
हावा निकै चल्यो
सत्ता हेर ढल्यो ।
✍️ नागेन्द्रप्रसाद यादव, दाङ
[६]
आँखा छोप्छु मुखै थुन्छु भुलिदिन्छु भनी
झल्को मेट्न सकिएनँ घाँटी रेटे पनि ।
✍️ मन्दिरा सेढाई
मलेखु,धादिङ
[७]
मानव बेचिने देशमा मानवताको छैन कदर
कानुन हुँदाहुँदै पनि हुने सजाय किन बदर ?
✍️ कार्की डिबी माकुम
सुनवल-४, नवलपरासी
[८]
छन् यहाँ धेरै अरूको उन्नति अनि प्रगतिमा जल्नेहरू
केही गर्न सक्दैनन् आखिर अह्राएको बुद्धिमा चल्नेहरू ।
✍️ बाबुराम पाण्डे
अर्घाखाँची
[९]
यहाँ सोच्दैछन् कसरी सकिन्छ छल्न
अरूको प्रगति भयो कि थाल्छन् जल्न ।
✍️ प्रतिज्ञा प्रतिज्ञा
मेहेलकुना सुर्खेत
[१०]
कसैले सक्तैन छेक्न जल्ने मानव जातिलाई
आफ्नो कर्तव्य नभुली बढौँ सही बाटो समाई ।
✍️ अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
[११]
जल्नेहरू हिँड्छन् सधैँ मुन्टो बटारेर
के नै खालो सार्लान् र खै खुट्टा लतारेर !
✍️ विवश पारदर्शी
झापा
[१२]
जलेर सकिनु सकियो सबै भित्र भित्र
हेर्नु सिवाय हेर्दै बस जलेको त्यो चित्र
✍️ बेदु न्यौपाने
[१३]
धेरै धेरै सम्झना हजुर, आँखा छोप्नु किन नि? मात्र सम्झेको
बहिरो बन्न सकिनँ, केही भन्न सकिनँ, व्यर्थ किन बम्केको ?
मोती सुब्बा
दार्जिलिङ निमकी डाँडा ।
[१४]
लाग्छ उन्नतिको शिखरमा पाइला टेकी मरुँ
प्रशस्त छन् आँखा लोभी र मन पापी गर्नेहरू।
✍️ भुपेन्द्र राना मगर
धादिङ
[१५]
खानु जति खायौ अब अति भयो बल्ल पो तिम्रो पालो हेर आएछ
आफूले गरेको बेइमानीले बल्ल लाग्दैछ मुटु कलेजो खाएछ।
✍️ सुशीला शिखा
काठमाडौं कागेश्वरी
[१६]
नजलाऊ धेरै जल्नै बाँकी के छ र अब
मिसिएपछि खरानी माटो नै भयो जब ।
✍️ होम प्रसाद नेउपाने
धरान,सुनसरी ।
[१७]
मान्छेहरूको स्वभाव नै जल्ने हो जल्न दिनु
बरु घिऊ तेल थपिदिनु गुनासो नलिनु ।
✍️ भुजेल अरुण शान्ति
गोरुबथान,कालिम्पोङ,भारत।
[१८]
अरूको प्रगतिमा जल्ने
रिसको आगो आफैँ गल्ने ।
✍️ संगीता खरेल
चन्द्रागिरी ८ काठमाडौँ
[१९]
भित्ताको पनि कान हुन्छ सुन्नुपर्ने सस्तो
हत्केलाले घाम नै छेक्ने भन तिमी कस्तो ।
✍️ धनुष न्यौपाने
गुठीचौर गाउँपालिका ०४ बिगारे जुम्ला
[२०]
गरिखानेकाे आरिस गर्छौ, तिमी आफैँ गर्दैनाै केही, त्यसै मर्छाै
पापैपापले भरेको घडा बाेकेर, भवसागर कसरी तर्छाै ।
✍️ रामप्रसाद पुरी, बादेल, खाेटाङ ।
[२१]
नेता न हुँ यो देशको तिमीहरूले नै चुनेको मलाई किन रिस गर्छौ
अवसर मैले पाएको छु मैले भकारी नभरे के तिमीहरुले भर्छौ ?
✍️ पवनकुमार बुढाथेाकी
काठमाडौँ
[२२]
गाँउ खायौ, सहर खायौ, खायौ सिङ्गो देश
जनतालाई झुक्याएर फेर्‍यौ आफ्नो भेष ।
✍️ ध्रुव श्रेष्ठ
हाल,काठमाडौ ।
[२३]
अरूको खुट्टा तान्नेहरू
धेरै छन् यहाँ जान्नेहरू ।
✍️ बि कुलुङ
रंगबुल दार्जिलिङ
[२४]
आफूले गर्न सक्दैनन् अरूलाई भन्छन् सजिलो गरी
छक्कै पर्छु आजभोलि कस्तो हो रुवाउँछन् धरधरी।
✍️ अनुग्रह राना मगर ‘पुष्प’
पाँचखपन नपा – ६ संखुवासभा
[२५]
परिश्रमी त देखासिकी सधैँ आफैँ गरिखान्छन्
आरिसे गरिखान नसकी रिसले मरिजान्छन् ।
✍️ राज कुमार राजभण्डारी खाेटाङ्गे
मध्यपुर ठिमी ५ संगम काेलाेनी राधे राधे भक्तपुर ।
[२६]
जतिसुकै अग्लाे टाकुराेमा बसेर काैलासे पनि लाज उद्रिन्छ
विधि विधान मिचेर गरेका कामले खै कसरी बानी सुध्रिन्छ ।
✍️ प्रद्युम्न चालिसे
भक्तपुर कटुञ्जे ।
[२७]
आँखा जलिरहेछ, पोलिरहेछ यो मन
अरूको प्रगति देख्दा असह्य हुन्छ झन ।
✍️ राजेन्द्र प्रधान ‘पासा’, दार्जिलिङ ।
[२८]
के के गर्न मन छ तिम्रो आफ्नो खुसी गर
काम कुरो बिगारेर मेरो भर नपर ।
✍️ नन्दलाल आचार्य
सिद्धार्थटोल, उदयपुर
हाल- एनेलकुटी, सिरहा ।
[२९]
मैले आँखा छोपे पनि सत्य कहाँ लुक्ला ?
गल्ती स्विकारी जनसामु अब को झुक्ला ?
✍️ सुस्मिता अधिकारी ,काठमाडौँ
[३०]
उद्यमीको ढुङ्गामा मेवा फल्छ
आरिस गर्ने सलाइझैँ जल्छ ।
✍️ बिके मुखिया
दार्जिलिङ,भारत।
[३१]
प्रगतिमा जल्नेलाई जलिरहनदेऊ
जता हुन्छ आफ्नो भलो त्यतै शरण लेऊ ।
✍️ त्रिलाेचन भण्डारी
मेचीनगर,झापा
[३२]
आँखा खोलेर हेर्नु कान कोट्याएर सुन्नु के देख्छौ सुन्छौ अरू
दुश्मन पनि कुनै दिन काम लाग्छ रे दोष नथोपर्नु बरु ।
✍️ चुडामणी देबकोटा
चनपा१३काठमाण्डौ
[३३]
वायुमण्डलमा प्रदुषण सार्है भयो चर्को
लाग्न थाल्यो मानवदेखि प्रकृतिलाई झर्को ।
✍️ शशीश्री आचार्य
बौद्ध कुमारीगाल काठमाडौं
[३४]
तिमी जस्ता भ्रष्टहरूको त को छ र साथी
जस्ले गर्छ असल कर्म ऊ नै हुन्छ माथि ।
✍️ दस्ता कौशिक
[३५]
जसले जति गरून् प्रगति उन्नति, किन आँखा तराैँ
हामी पनि गराैँ सकेजति प्रगति त्यसै किन मराैँ ।
✍️ हरिगाेपाल प्रधान
काभ्रे, बनेपा १४ साँगाबजार।
[३६]
झिँगाको सरापले डिँगो मर्दैन जे गर्छौ गर
सुर नछोडी गर्छु काम जली मर्नेहरू मर ।
✍️ सतीश पण्डित
चुँदी तनहूँ
हाल चनपा६ मातातीर्थ
[३७]
आलोचना गरेर सदनमा बिताए
एकले अर्काको कुभलो मात्र चिताए।
✍️ कला ढकाल, झापा
[३८]
आरिसेहरू जलिरहन्छ अरू के काम
वास्ता गर्न छोडिदिए, कमाउनु छ दाम ।
✍️ बुद्धिमान दनुवार ( सुरुङ्गेली कान्छो )
कनकाइ ४ झापा
[३९]
म जे गरौँ जसो गरौँ न तिमीलाई केको खसखस
अर्काको प्रगति देखेर जल्नेहरू आँखा चिम्ली बस ।
✍️ अनिता भण्डारी ताप्लेजुङ
[४०]
जल्न खोज्छन् आफ्नाहरू, सफलताको शिखर चढ्दा
गन्तव्य भुल्नुहुन्न परिश्रमी बनी अगाडि बढ्दा ।
✍️ शंकर कार्की,मकवानपुर ।
[४१]
कोसिस गरेको हो हजुर मूर्खलाई पाठ सिकाउन
कतै अन्धो कतै बहिरो हुनुपर्छ सम्बन्ध टिकाउन।
✍️ कृष्णकुमार वैद्य
बनेपा ९, काभ्रे
[४२]
मनमा सधैँ हामीले खुसी नै खुसी त छर्नु
मरेर गए पनि इतिहासमा नाम भर्नु।
✍️ श्रीकृष्ण धामी – बझाङ
[४३]
अरूको रिस गरे उल्टै आफूलाई नै खन्छ
आफ्नै कर्ममा विश्वास गर्ने ठूलो मान्छे बन्छ ।
✍️ गंगा खड्का
बूढानीलकण्ठ, काठमाडौँ
[४४]
कस्ले देख्छ र यहाँ भित्र भित्रै मन बल्छ
आगोमा हिड्नेकै यहाँ पाइलाहरू जल्छ ।
✍️ दीपा समभाव
खोटाङ्ग
[४५]
जल्नेहरू जलेर नै मरुन् छोड्दैनौँ आफ्नो ताल
लोभको प्यास जागिरह्यो भए पनि मालामाल l
✍️ बाबुराम गौतम, गुल्मी
[४६]
दुईजिब्रेको चालै त्यस्तै कुरा लगाइरहने
भएको थिचोमिचोमा हामी अब किन सहने ?
✍️ प्रेम थापा “मन”बागलुङ
[४७]
सङ्कीर्णताको राग अलाप्दै नसोध के भो भनी
झन् अघि अघि बढ्दै जानु विध्न बाधा आए पनि ।
✍️ डम्बर थामी ‘अनुपम ‘
कालिन्चोक गा. पा. -६, दोलखा
[४८]
जल्नेलाई जल्न दिने सहवास मैले माने
किचकिचेको सङ्गत छोडी अन्त कतै जाने ।
✍️ अच्युत घिमिरे, सर्पाङ, भुटान🇧🇹
[४९]
गाउँ र बस्ती मिलेर सारा सबैले सपार
माटोको माया बुझेमा आज हुनेछ अपार !
✍️ आर्त अकुलीन
~<•>~

काठमाडौँ । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १२८ औँ शृङ्खला सम्पन्न भएको छ ।
अभ्यासमा नेपाल लगायत विश्वका ५७ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १२८ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

टुक्का माथि टुक्का- १२८
डाडुपन्यु उनकै हातमा उनी परे भान्छे
भोकै छु भन्न हुने नहुने आफू सानो मान्छे ।
वसन्त अनुभव

सहभागी टुक्काकारहरूका सुन्दर टुक्काहरू-

[१]
धेरैबेर बसेँ र्‍याल काढ्दै टुलुटुलु हेरी
अघाएपछि देलाँ भनेको खानथाल्यो फेरि ।
-वसन्त अनुभव

घोराहीउपमहानगरपालिका १४, दाङ

[२]
उँचाे अझै माथि चढ्याे सबै उसकाे हातमा
थिचिएर मर्न लाग्याे निचाे अनेक बातमा ।
-ताराप्रसाद चापागाईँ

धुनिबेसी

[३]
खान एक्लै पल्केकाले अरूलाई दिन्थ्यो किन ?
यस्तै मोजमस्ती टिक्छ होला भन हरदिन ।
-अर्जुन प्रसाद चौलागाई
रामेछापः-सुनापति-१

हालः-अमेरिका,बोस्टन।

[४]
डाडुपन्यु आफ्नै हातमा चढेँ आफैँ माथि
हेर्‍या हेर्‍यै नै सबै भए अरू धेरै साथी।

-बेदु न्यौपाने 🇳🇵

[५]
आफ्नै हातमा भएपछि ढुकुटीको साँचो
अरूले जेसुकै खाऊन् मलाई केको खाँचो ।
-डम्बर थामी ‘अनुपम ‘

कालिन्चोक गा. पा. -६, दोलखा ।

[६]
डाडुपन्यु हातमा भए पनि भोकभोकै भान्छे
आफूलाईभन्दा अरूलाई सोच्ने संस्कारी मान्छे।

-प्रेम सुनार दैलेख

[७]
हातमा डाडुपन्यु भएर भाेकै भान्छे
धेरै दयालु हुन्छन् अरूकाे साेच्ने मान्छे ।
-केसर बाेहरा ( सङ्घर्ष )
सुदूरपश्चिम अछाम ।

हाल भारतबाट ।।

[८]
गरे जस्तै गर्छन् नेताहरू चोखो व्यवहार,
त्यसैको आडमा गर्छन् उनी खुब भ्रष्टाचार।
-सुरेशकुमार पाण्डे

दाङ घोराही १८

[९]
उमेर हेरेर दिँदा हुनेथियो भान्छेले
तब त चिन्थ्यो राम्रो भनेर अरू मान्छेले।
-अनुग्रह राना मगर ‘पुष्प’

पाँचखपन नपा – ६ संखुवासभा ।

[१०]
डाडुपन्युको सहारामा आफूआफैँ नै बाँचेका
भोक लाग्यो भन्न नसकेर रोएका न हाँसेका।
-अम्बिका अधिकारी

झापा बिर्तामोड

[११]
भान्सामा डाडुपन्यु आफ्नै हातमा पार्छु
मीठा मीठा खानेकुरा तर पनि मार्छु ।
-रचना मोक्तान “यात्री”

नमोबुद्ध न. पा.-५, काभ्रे ।

[१२]
डाडुपन्यु साथमा राखेरै पुगेको छु यहाँसम्म
मैले कुर्सी पाउनैहुन्न, किन पर्छन् अरू अचम्म ।
-राजेशराज गड्तौला

कॅाडाघारी, काठमाण्डौ

[१३]
आज तिमी बनेका छौ भान्से भोकै नरहून् कुनै
मानिस हौँ हामी तिमी जस्तो खाँदैनौँ धातु सुनै।

-भगवती दवाडी

[१४]
जहाँ पनि जसरी पनि बन्न खोजेर भान्छे
देवता बन्ने होडमा राक्षस बन्दैछ मान्छे !
-दीपा समभाव

खोटाङ्ग

[१५]
उही जगन्नाथ डाडुपन्यु पर्छ जसको हात
भोको छु म भन्नै हुन्न रे पेटमा मारिन्छ लात !
-विवश पारदर्शी

झापा,

[१६]
डाडुपन्यु जसको हातमा उसले मात्रै पेट भर्ने
खान दिन्छ भनी पर्खेर बस्ने जति भाेकै बस्नु पर्ने।
-राज कुमार राजभण्डारी खाेटाङ्गे

मध्यपुर ठिमी ५ संगम काेलाेनी राधे राधे भक्तपुर ।

[१७]
सबथाेक तिमीसँगै छ जिवनका हरपलमा
पाल या फाल अधरकाे चिन्तन छैन याे थलमा।
-हिरालाल न्याैपाने

सल्यान, बानपा ८

[१८]
यस्तै हो यहाँ जे पनि आफू आफू गर्ने
सोचिरहेका हुन्छन् कसरी पेट भर्ने ।
-प्रतिज्ञा प्रतिज्ञा

मेहेलकुना सुर्खेत

[१९]
बेमौसमी देशको ढिकुटी पस्कन थाल्छौ जब
तिम्रै घ्याम्पे भराऊ, दु:खीलाई नहेर भो अब ।

-प्रेम थापा “मन”बागलुङ

[२०]
दोबाटोमा एक्लाएक्लै हुन किन आउनु
तिम्ले बाटो मोडेपछि बेकार के धाउनु।

-घनश्याम पन्त, हरिवन सर्लाही

[२१]
सरकारले गल्ती गर्यो, गर्छन् मन्त्रीकै कुरा
नगरिकन चक्काजाम, हुँदैन इच्छा पूरा ।

-अजय कुमार झा, महोत्तरी, जलेश्वर

[२२]
सानाे मान्छे हाे भन्दैमा के खाना खानै नपाउने
मासु जति तिमी खाने हड्डीमात्रै म चपाउने।
-भवानी पाेखरेल (बाबू विराज)

बाणगङ्गा १ चार नम्बर कपिलवस्तु

[२३]
मह काढ्ने हात चाट्ने नियमै छ बारे
दोष मात्रै नफलाक्नु सके चाट प्यारे !

-कमला देवकोटा, पाल्पा

[२४]
आफ्नै मान्छे गतिला छन् सबैतिर मेरा
उनी बस्ने महलमा छैन मेरो डेरा।
-होम प्रसाद नेउपाने

धरान,सुनसरी।

[२५]
रोइलो गरेर के गर्नु अधिकार उनैले लिए
अभाव भोकमरी सधैँ उपहार सम्झेर दिए !
-नील हरि काफ्ले

सिन्धुली (हाल काठमाडौँ)

[२६]
ठुलालाई चैन छ यहाँ सास्ती छ गरिब दु:खीलाई
सामन्तहरू फुर्ती लाउँछन् समानताको गीत गाई ।
-बाबुराम पाण्डे

अर्घाखाँची ।

[२७]
यहाँ जहिले पनि हुन्छ गरिबलाई सास्ती
हुनेखाने ठुलाबडालाई हुन्न नाइँनास्ती ।

-अनिता भण्डारी ताप्लेजुङ

[२८]
पैसा र पद सबैथोक देख्दा भयो यो गति
नेताको हर्कतले नि सुध्रिने भएन मति ।

-पद्मा काश्यप पाण्डे, मोरङ

[२९]
भरोसाको खेतीमा भ्रमको आगो जलाई
सास्ती बाहेक के दियौ र खै सत्ता चलाई ।
-संगीता खरेल

चन्द्रागिरी ८ काठमाडौं

[३०]
सिकेका छन् मान्छेले पनि बकुल्लोको ध्यान
खोला झोलामा हाल्दाको कायदा पायो ज्ञान ।
-कृष्णकुमार वैद्य

बनेपा ९, काभ्रे

[३१]
रुम मिलाएँ मैले ऊ त अन्तै गयो
आफ्नोमान्छे आजभोलि अर्कैको भयो ।

-नागेन्द्रप्रसाद यादव

[३२]
सानोतिनो नगन्ने उहाँ, चाहन्थ्यो ठूलै भाँडो।
पाउँदा खेरि दुरुस्तै, देखियो उभिँदा ठाडो।
-कबिताहरी

सुन्दर हरैंचा नगरपालिका १ मोरङ

[३३]
उनकै राजमा बसेर उनलाई दोषी किन ठान्छौ
अर्काको भागसाग लुटी खानेलाई किन सानो मान्छौ ।
-नन्दलाल आचार्य
बेलका-२, उदयपुर

हाल- एनेलकुटी, सिरहा

[३४]
देख्छन् मात्र खाएर डाडुपन्यु चलाएको
देख्दैनन् ऊ भोकै बसेर खाना खुवाएको ।
-भुपेन्द्र राना मगर

धादिङ

[३५]
डाडुपन्यु उसको हातमा दिन्छ भन्दै हामी धर्ने
हेरेको हेर्‍यै भइगयो, कहिले रित्तो भाँडो भर्ने।
-शोभा आचार्य गौतम

काठमाडौँ

[३६]
नेपालमा बस्यो रीत, भान्छे मात्र अघाउने
मौन बस्छन् सिधासादा, छैन कोही सघाउने।

-रामशरण न्यौपाने, भक्तपुर

[३७]
जो पुग्यो माथि उसकै हातमा रहने हाे सबै साँचो
बाँचून् या त मरून् अब सबै अरू कसलाई के खाँचो ?
-सुशीला शिखा

काठमाडौँ कागेश्वरी

[३८]
भान्छे उनैलाई बनाइदियौ भोकोपेट बाच्यौ
दुःखकष्ट आफ्ना भागमा झुटा आशामात्र साच्यौ।

-सुस्मिता अधिकारी ,काठमाडौँ

[३९]
डाडुपन्यु छोप्नेलाई चढ्नाले धनको मात
आशामुखी जनताको भयो पुर्पुरोमा हात l

-बाबुराम गौतम, गुल्मी

[४०]
जुन जोगी आए पनि कानै चिरेका
जनताको नजरमा सबै गिरेका ।
-ध्रुव श्रेष्ठ

खोटाङ, हाल काठमाडौँ ।

[४१]
मिठो चोखो उसले खान्छ पन्यु जसको हातमा
रहलपहल बाँडिदिन्छ बल्ल सयौँ बातमा ।

-सरिता सेढाई धादिङ

[४२]
सानाको नै श्रम चुसेर ठूला मान्छे बन्छन् ,
दुनियाँले नि बेढङ्गले उनैलाई गन्छन् ।
-गंगा खड्का

बूढानीलकण्ठ ,काठमाडौँ

[४३]
गरिब जनताकाे रगत पसिना बग्याे खाडीमा
भ्रष्टाचारीकाे रजाइँ हेर सत्ताकाे बसे राडीमा ।
-प्रद्युम्न चालिसे

भक्तपुर कटुञ्जे ।

[४४]
भोकै नबस मुख फोड मागेर खाऊ कान्छा
दिन्नन् भने डाडुपन्यू खोस आफैँ पस भान्छा।
-पुष्पा सुवेदी

नेपालगन्ज,बॅाके।

[४५]
निरन्तर बलेको दीप मलिन हुँदाको क्षण
उज्ज्वलता दिने छ सोच, दुर्बलता कणकण ।

-होमनाथ गिरी

[४६]
पैसा भए सबै म ठूलो मान्छे हुँ त बन्छन्
दुनियाँका अगाडि धेरै पैसा आफैँ गन्छन् !

-श्रीकृष्ण धामी – बझाङ

[४७]
तिमी यहाँ कहिले सबैको साझा हुने
मनको कुरा बोली हरेकलाई छुने।
-नीमा छिरिङ भोटिया
जलढका कालेबुङ

भारत

[४८]
आफ्नै आफ्नाले पो भरे नेता हेर न देश चहारी
रनबन किन्छन् पैसाले न्याय निर्धो जन पछारी ।
-ईन्दु श्रेष्ठ

चितवन

[४९]
घुम्ने कुर्सीमा बसेर नेताले मज्जाले खाए
सोझा निमुखा जनताले आखिर दुःख पाए।

-कला ढकाल झापा

[५०]
खानको लागि के हुन्छ मनु आँगन धाएर
मानिस सबै चौतर्फी हेर रमेका खाएर !

– आर्त अकुलीन

[५१]
भाँडो नै खोस्ने हो उनको हातको जसरी भए पनि
चाबी जसको गोजीमा छ हात पार्ने हो हनुमान् बनी ।

-म्यामराज राई, भोजपुर

[५२]
हात आफ्नै परेको छ अहिले सकेजति भर्नू
पर्दैन पछि तिम्रा सात पुस्तालाई दुख गर्नू ।

-शंकर कार्की, मकवानपुर

[५३]
माैका छाेपी पुर्‍याउँछन् हात जगनाथ
आफूमाथि पुगेपछि छाेडिजान्छन् साथ।
-हरिगाेपाल प्रधान

काभ्रे, बनेपा १४ साँगा बजार ।

[५४]
हक अधिकार पाउनलाई हात हात फैलाउने गर
सानो हुँदा पछि पार्छन् जहिल्यै नपर कसैको पनि भर ।
-धनुष न्यौपाने

जुम्ला

[५५]
घुमीफिरी उसैलाई छ भान्छे बन्ने पालो
बाँड्ने बेला देखिजाने त्यसैको मुख कालो।

-पुष्पा राई, खोटाङ ।

[५६]
बिरालो जस्तो भान्से के काम ? चुलोमा बसेर भाँडो रित्तो पार्ने
नेता त्यस्तै परे देशमा आफू लुट्ने जनता भोकभोकै मार्ने ।
-चुडामणी देबकोटा

चनपा१३काठमाण्डौ

[५७]
कुर्सी हानाहानमै यिनको जिवन गयो
विकासको नाममा काम चाहिँ शून्य भयो ।
-शशीश्री आचार्य
बौद्ध कुमारीगाल काठमाडौँ
~<•>~

काठमाडौँ । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १२७ औँ शृङ्खला सम्पन्न भएको छ ।
अभ्यासमा नेपाल लगायत विश्वका ६० जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १२७ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

टुक्का माथि टुक्का- १२७
यता या त उता, जता मिल्छ मोल
खेलाडी हुँ हान्छु, उतैतिर गोल !
✍️वसन्त अनुभव

सहभागी टुक्काकारहरूका सुन्दर टुक्काहरू-

[१]
जति सक्छौ सुटुक्क ठूलो हड्डी फाल
त्यसपछि पो ! देख्नेछौ मेरो कमाल ।
✍️ वसन्त अनुभव
घोराहीउपमहानगरपालिका १४, दाङ
[२]
दुनियाँ नै स्वार्थी छ दुनाे साेझ्याउन ताक्ने
चहार्दैमा मालामाल छ कहिल्यै नथाक्ने ।
✍️ ताराप्रसाद चापागाईँ
धुनिबेसी
[३]
काम गर्दै जाँदा साथी मिल्नुपर्छ मोल
म पनि त खेलाडी हुँ हान्दै लान्छु गोल ।
✍️ बेदु न्यौपाने
[४]
अर्काको आस त गरेर कतिन्जेल बस्छौ
हार्ने खेलको खेलाडी बन्न कम्मर कस्छौ
✍️ अम्बिका अधिकारी
झापा बिर्तामोड
[५]
मेरो काम हड्डी फाल्ने उसको कामै तान्ने
जसले फाल्छ झनै ठूलो उतैतिर मान्ने ।
✍️ अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
[६]
बेला यही हो फेरि फेरि आउन्न यस्तो मौका
जसले जे भने पनि छोड्नुहुन्न हान्न चौका ।
✍️ अनुग्रह राना मगर ‘पुष्प’
पाँचखपन नपा – ६ संखुवासभा ।
[७]
फूलबारीमा सजाऔँ सबै फुलाई रहर
देशको माया अमर हुन्छ गाउँ र सहर !
✍️ आर्त अकुलीन
[८]
त्यतिमात्र लिन्छु म त, जति सक्छु बोक्न,
नसिकाऊ त्यसपछि कुलेलम ठोक्न ।
✍️ होम प्रसाद नेउपाने
धरान,सुनसरी ।
[९]
खेलाडीले जहिले पनि ताक्ने हो नि पोल,
गोलभित्रको रहस्य त हुन्छ अनमोल ।
✍️ त्रिलाेचन भण्डारी
मेचीनगर,झापा
[१०]
यताउता जहाँ गए पनि गर्छु मैले शासन,
मैले सदैव गरिरहन्छु समृद्धिको भाषण ।
✍️ डम्बर थामी ‘अनुपम’
कालिन्चोक गा. पा. -६, दोलखा ।
[११]
अस्थिरताको गोल हान्ने भयो हाम्रो काम
जनतालाई भुलाए पाइन्छ बल्ल माम ।
✍️ प्रेम थापा “मन” बागलुङ
[१२]
राजनीतिको खेल हो, सत्ताका लागि मिल्नै पर्छ
म जस्तै नेता भए मात्रै लुटेरै शासन गर्छ ।
✍️ राजेशराज गड्तौला
कॅाडाघारी, काठमाण्डौ
[१३]
आकाशकाे तारा मिर्मिरेमा झरेर बिहानीपखमा नै झुल्किन्छ घाम
आमाले भन्छिन् देशको लागि मरेर सुनौलो अक्षरमा लेखाउ नाम ।
✍️ राज कुमार राजभण्डारी खाेटाङ्गे
मध्यपुर ठिमी ५ संगम काेलानी राधे राधे भक्तपुर ।
[१४]
फुटबल जस्तो पो भयो, पालैपालो गोल
बिक्न थाले मान्छे, जता आउँछ बडी मोल।
✍️ शंकर कार्की
थाहा नगरपालिका ३ मकवानपुर।
[१५]
म त खेलाडी मात्र हैन व्यवस्थापक हजुर
टिक्न टिकाउनु पर्छ माेलताेल हुन्छ जरूर ।
✍️ प्रद्युम्न चालिसे
भक्तपुर कटुञ्जे ।
[१६]
तिम्राे देशमा खेलहरू हुँदाेरहेछ प्राय: राती
खेल्दै जाँदा ख्याल गर्नु फेरि गाेल हाेला आत्मघाती ।
✍️ भवानी पाेखरेल (बाबू विराज)
बाणगङ्गा १ कपिलवस्तु
[१७]
जसले पायो उसले खायो
नपाउने टेबुल ठटायो ।
✍️ बिके मुखिया
दार्जिलिङ भारत।
[१८]
ओल्लो पोस पल्लो पोस मिलाएरै मोल तोल,
जसोतसो आफ्नै तर्फ मैले छिराकै छु गोल !
✍️ विवश पारदर्शी
झापा
[१९]
अचम्मको हुँदोरहेछ यो राजनीतिको खेल
जसले सक्छ उसले गर्छ षड्यन्त्र, जालझेल ।
✍️ बाबुराम पाण्डे
अर्घाखाँची
[२०]
जनताहरूलाई आँखामा छाराे हालाैँ
जहाँ घुस पाइन्छ त्यही कदम चालाैँ ।
✍️ केसर बाेहरा ( सङ्घर्ष )
सुदूरपश्चिम अछाम ।
हाल भारतबाट ।।
[२१]
असली गोलको मोल अचेल जिरो
जालझेलको पारखी दाइ नै हिरो ।
✍️ नन्दलाल आचार्य
सिद्धार्थटोल, उदयपुर
हाल- एनेलकुटी, सिरहा
[२२]
सकेसम्म त सोझ्याउँछु मैले आफ्नै दुनो
चाहे पुग्नु परे परोस् कठघराको कुनो !
✍️ कमला देवकोटा, पाल्पा
[२३]
मलाई पीडा भएको हो तिम्रो यही बानीले
पहिले यस्तो थिएनौ बिग्रीयौ भट्टी पानीले।
✍️ मन्दिरा सेढाई
मलेखु,धादिङ
[२४]
देश सकियो नेताहरूको मतिले
यो जनता धनी भयो आफ्नो गतिले ।
✍️ नीमा छिरिङ भोटिया
जलढका कालेबुङ
[२५]
मेरो तेरो भन्दाभन्दै मरिन्छ
प्रभु नाम भुले कहाँ तरिन्छ ?
✍️ कार्की डिबी माकुम
सुनवल-४, नवलपरासी
[२६]
खेल हो कि जाल या झेल
हुन् सबै बेमेलको खेल !
✍️ दीपा समभाव
खोटाङ्ग।
[२७]
जतिसक्दो चाँडो हड्डी मैतिर फाल
थाहा पाउछौ तिमी मेरो बाघचाल ।
✍️ बुद्धिमान दनुवार ( सुरुङ्गेली कान्छो )
कनकाइ ४ झापा
[२८]
आऊ कुरा गरौँ रुम म मिलाउँछु
फाट्यो भने मन बिस्तारै सिलाउँछु ।
✍️ नागेन्द्रप्रसाद यादव , दाङ
[२९]
पालिरहेका नेपालीले बिनाआम्दानीकाे कालो हात्ती
रजाइँ छ, गरेर मस्ति मामाकाे धनमा मात्ती मात्ती ।
✍️ रामप्रसाद पुरी, बादेल, खाेटाङ ।
[३०]
तानातान भयो त्यो आमाको हड्डी
जता नि पुग्ने पाए पैसाको गड्डी ।
✍️ टिकाराम पुन पुकार
छत्रेश्वरी गाउँपालिका २ सल्यान
[३१]
भन्नेले भन्दै गर्दैछन् म गर्ने मोलतोल
खेलाडी हुँ घुमाएर हान्दछु सधैँ गोल ।
✍️ भगवती दवाडी ,दमक,झापा
[३२]
नेता हुन या खेलाडी खेल्नु नगरी झेल
कानुन बराबर गल्ती गर्नेलाई जेल ।
✍️ संगीता खरेल
चन्द्रागिरी ८ काठमाडौँ
[३३]
जता पनि ठिक्क पार्ने मोलमोलाइको भर
आफ्नो स्वार्थ पूरा भएमा अरूको छैन कर ।
✍️ शोभा आचार्य गौतम
काठमाडौँ
[३४]
सलाम तिमीलाई देशको इज्जत राख्न खेले खेल
पैसा र मस्तीतिर सोचे हजुर पक्कै परिन्छ जेल ।
✍️ ध्रुव श्रेष्ठ
खोटाङ,हाल काठमाडौँ ।
[३५]
खेलाडी हुँ भन्दैमा अरूलाई कमजोर नठानौँ
गोली पोष्टमा हान्नलाई विपक्षीको खुट्टा नतानौँ ।
✍ राजेन्द्र प्रधान ‘पासा’, दार्जिलिङ ।
[३६]
महाशयको हात लाग्यो कि डाडु पन्यु
चक्रव्युहमा फस्ला नि फेरि अभिमन्यु ।
✍️ कृष्णकुमार वैद्य
बनेपा ९, काभ्रे
[३७]
रहदैन कृति पिपलपाते चालले
बन्दैन सागर क्षणिक बर्खे भेलले ।
✍️ हरिगाेपाल प्रधान
काभ्रे, बनेपा १४ साँगा बजार
[३८]
टाठोबाठो नेताहरूलाई सधैँको सलाम
तर मर्दाखेरि भेट्छौ कि त जीउँदो मलाम ।
✍️ परिक्रमा श्रेष्ठ, धरान
[३९]
भ्रष्टाचारीहरूलाई भ्रष्टाचारमा मुछिदा लाग्न सक्छ राम्रो
भन्छन् रे ! देश रितिय रितियोस्, मन्त्रीहरूको पहुँच छ हाम्रो ।
✍️ कबिताहरी
सुन्दर हरैंचा नगरपालिका १ मोरङ
[४०]
मिसनको खेलो छोडेर आएको छु गोल हान्न
कसले सक्छौ भन मेरो तिकडमबाजी जान्न?
✍️ बाबुराम गौतम, गुल्मी
[४१]
भ्रष्टाचारीलाई जेल कोची देश बनाऊँ
युवाको सीप र क्षमता देशमै खनाऊँ ।
✍️ तेजप्रसाद खनाल दाङ।
[४२]
खेलाडीको धर्म हो आफ्नोतिर नै खेल्नु
मोल मिलाउनेलाई कुनातिर ठेल्नु ।
✍️ धनुष न्यौपाने
गुठीचौर गाउँपालिका ०४ बिगारे जुम्ला
[४३]
स्वार्थीको खेलो फड्को नै निमुखा निर्धा होच्याउने
काइते दिमाग सोच्ने दुनो कसरी कोच्याउने ।
✍️ उमा दाहाल
शुन्दर हरैँचा -१० मोरङ
[४४]
पेल्नसम्म पेल्यो मलाई निकाल्दियो तेल
देखायो है उसले आज खेलाडीको खेल।
✍️ नवशिला
नवदेव मार्ग लालभित्ती,मोरङ ।
[४५]
खेलकाे माेल नबुझेका ती के के किन हेर्छन् ?
देशकाे शान खेल हाे कि ? खेलाडीलाई फेर्छन् ।
✍️ जी.वि.कश्यप आज नेपालगञ्ज
[४६]
सदनमा बसी देखाए नेताले खेल
कामभन्दा बढी लुटपाट जालझेल ।
✍️ कला ढकाल झापा
[४७]
कोही कसैले मेरो कारण शिर झुकाउन नपरोस् यो अनमोल
खेलाडीले भकुण्डो खेल्दा अरूलाई हराउन हानुन् सान्दार गोल ।
✍️ चुडामणी देबकोटा
चनपा१३काठमाण्डौ
[४८]
जति उमेर ढल्के पनि गर्छु मैले शासन
जनताको मतले हाे मैले पाएकाे आसन।
✍️ सहयात्री शाेभा अर्याल
रुपन्देही
[४९]
गोलकिपर पनि म नै, म नै हुँ हान्ने
जो सुकै आए पनि जित्छु, म नै छु जान्ने ।
✍️ रचना शर्मा प्रतीक्षा , इमाडोल ।
[५०]
नेता न हौँ देस बनाउँछौ भन्ने हाम्रो नारा
कसले बुझेको छैन यहाँ मुख्य हाम्रो पारा !
✍️ पवन कुमार बुढाथेाकी
काठमाडौँ
[५१]
नगर गोलको मोल अनि तोल
चोक्टा खान जाँदा भाग पर्ला झोल ।
✍️ पुष्पा सुवेदी
नेपालगंज,बॅाके।
[५२]
मौका खोजी लोभी आँखा चारैतिर डुलाउने गर्छौ
यस्तो बानिले कुन दिन खै तिमी माकुरोझैँ मर्छौ ।
✍️ सुशीला शिखा
काठमाडौँ कागेश्वरी
[५३]
न त देश न त खेलाडीको माया गर्ने
सधैँभरि विदेशीको शरणमा पर्ने ।
✍️ दुर्गा आचार्य
मोरङ
[५४]
नेता पनि खेलाडीले जस्तै खेल्छन् यहाँ खेल
को चाहिँ चोखो होला यहाँ नगर्ने जालझेल ।
✍️ अनिता भण्डारी ताप्लेजुङ
[५५]
खासमा असली खेलाडी यसरी चिन्छ
मौका हेर्छ आफ्नै दललाई गोल दिन्छ ।
✍️ बि.कुलुङ
दार्जिलिङ
[५६]
जता जता जान्छौ तिमी, तरुणी र पैसामा पल्केर
नजाओस् है जिन्दगी व्यर्थ मुद्धा मामिलामा सल्केर ।
✍️ मोती सुब्बा
दार्जिलिङ निमकी डाँडा
[५७]
ऊ पनि मेरो म पनि उसको हामी बिच के हुन्छ मोल
कहिले मेरो कहिले उसको मिलाएर हानौँला गोल ।
✍️ पुष्पा राई, खाेटाङ ।
[५८]
भमराझैँ डुल्ने रहेछ तिम्रो बानी
बानीलाई नत्यागे होला फेरि हानी |
✍️ सरिता सेढाई धादिङ
[५९]
चारैतिर नै लाग्ने गर्छ जिन्दगीको मोल
हिमाल, पहाड, तराईको जेसुकै टोल ।
✍️ अजय कुमार झा
जलेश्वर, महोत्तरी
[६०]
जसले जान्यो लिन हुन्छ उन्नति छिटो
जति पनि आइलाग्छ रुपैयाँको बिटो ।
✍️ सुस्मिता अधिकारी, काठमाडौँ
~<•>~

काठमाडौँ । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १२५ औँ शृङ्खला सम्पन्न भएको छ ।
अभ्यासमा नेपाल लगायत विश्वका ६० जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १२५ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

टुक्का माथि टुक्का- १२५
होटेल जाऊ क्यासिनो जाऊ खेल्ने गर जुवा
मोज गर्ने नै यही हो बेला बुझन ए सुवा !
वसन्त अनुभव

सहभागी टुक्काकारहरूका चोटिला टुक्काहरू-

[१]
शिव जस्तै पोइ चाहियो, व्रत बस्दै मागेँ
व्रत तोड्न दारु खोज्दै होटेलतिर लागेँ ।
✍️वसन्त अनुभव
घोराही, दाङ
[२]
विश्वासीलो पोइ भनेर सधैँ गर्छन् पुजा
होटलमा केटी लगेछन् माया धुजाधुजा
✍️अम्बिका अधिकारी
झापा बिर्तामोड
अञ्जान कृत मनको डायरीबाट ✍️
[३]
शिक्षा छैन अब दार्जिलिङमा ज्ञान बाड्न छाड्यो,
जता हेर्यो हिंसा हत्या राजनीतिले जरा गाड्यो।
✍️ बिकास छेत्री अञ्जान
बिजनबारी, दार्जिलिङ
[४]
विकृति र विसङ्गतिले संसार खाइसक्याे
अरू खबर म चैँ ठिक छु भन्दै अर्काे बक्याे ।
✍️ ताराप्रसाद चापागाईँ
धुनिबेसी
[५]
क्यासिनो अनी बारका ढोका गाह्रो होला खोल्न
भित्ताका नि कान हुन्छन् पर्छ बिचारेर बोल्न ।
✍️ उमा दाहाल
शुन्दर हरैँचा -१० मोरङ
[६]
गएर होटेल गयो पैसा खेलेर लास
आउँछ कि आउँछ कि भनी मानेर आस ।
✍️ प्रेम सुनार दैलेख
[७]
बैँस रहुन्जेल गरियो मोजमस्ती, अहिले पछुतो लाग्ने
समय फर्केर आउँदैन आउँदाखेरि अनिन्द्रामा जाग्ने।
✍️ कबिताहरी
सुन्दर हरैंचा नगरपालिका १ मोरङ
[८]
आफू व्रत बसेर मलाई देखाउॅंछिन् भए जति रिस
शिव जस्तै भाङ खाने भएको भए हुन्थ्यो नि सधैँ मिस ।
✍️ अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
[९]
विसङ्गतिले गर्दा मैले दिनै होटलतिर जुवा खेल्न लागेँ
भाङ धतुरो सेवन गर्दै शिव प्रसाद केटी लिएर भागेँ ।
✍️ बेदु न्यौपाने ✍️🇳🇵
[१०]
अन्धो भएर गर्दै गर मोजमस्ती, कमाउने यो बेला
जब सकिन्छ अनि थाहा पाउछौ हुँदा अरूबाट हेला ।
✍️ अनुग्रह राना मगर ‘पुष्प’
पाँचखपन नपा – ६ संखुवासभा ।
[११]
अर्काकाे धनमा पाए मान्छेले गर्ने हाे मस्ती
हाेटल भित्र छिरेर रमाउँदै थिए अस्ति।
✍️ कल्पना भण्डारी
सिन्धुपाल्चोक ,हाल काठमाडौँ
[१२]
होटल जान्छौ रक्सी खान्छौ खेल्छौ जुवा तास
गराउने नै भयौ क्या हो सडकको बास ।
✍️ सरिता सेढाई धादिङ
[१३]
विकृतिले बिगार्ने भयो, भविष्यको जोहो गर्ने बेला
अहिले बाटो बिराएर परिवारले गर्ला नि ! हेला ।
✍️ शंकर कार्की, मकवानपुर।
[१४]
बनाऊँ भविष्य चार दिनको जिन्दगी गरौँ काम राम्रो
तिमी विदेश म डिस्को आत्मनिर्भर हुन्छ बालख हाम्रो ।
✍️ सुरेशकुमार पाण्डे दाङ घोराही १८
[१५]
जुवा खेल जिन्दगी नै राखेर दाउमा
कही पनि बिक्ने छैनौ कौडीको भाउमा ।
✍️ डम्बर थामी ‘अनुपम ‘
कालिन्चोक गा. पा. -६, दोलखा ।
[१६]
क्यासिनाेमा छिरी जुवा तास खेली गरेउ मस्ती
ऋणै ऋणको बाेझ खेप्न नसकी सरेउ बस्ती ।
✍️ राज कुमार राजभण्डारी खाेटाङ्गे
मध्यपुर ठिमी ५राधे राधे भक्तपुर ।
[१७]
होटेल, बार, क्यासिनोमा जाने आदत खुब बस्यो
लतका कारण भावी जीवन अन्धकारमा फस्यो ।
✍️ त्रिलाेचन भण्डारी
मेचीनगर,झापा
[१८]
सबले मस्ती गर्नुपर्छ यही हो साथी बेला,
दोहोरी साँझ जाने जति चोकमा हुनु भेला।
✍️ नवशिला,
नवदेव मार्ग, लालभित्ती,मोरङ।
[१९]
विकृती र विसङ्गतिमा उर्लदो छ जनभावना
भिरमा जाने गोरुलाई के दिनु र शुभकामना।
✍️ टिकाराम पुन पुकार
छत्रेश्वरी गाउँपालिका २ सल्यान
टुक्का
[२०]
जुवा नि खेल्यौ, तास नि खेल्यौ, समाज भडायौ
विकृति ल्याई , यसरी सधैँ जनता लडायौ ।
✍️ प्रेम थापा “मन”बागलुङ
[२१]
जुवा खेल्न छोड युवा कमाउने हो बेला
जिन्दगी त लामो छ नगर साथी झमेला।
✍️ तोया नाथ चापागाईं
दमक,झापा,नेपाल
[२२]
सत्तामा जाउ, भत्ता खाउ काम चैँ केही नगर
गाडीमा घुम भाषण देउ मरिलानु के छ र ?
✍️ होम प्रसाद नेउपाने
धरान,सुनसरी ।
[२३]
होटल गई बोतल हल्लाऊ, यौवन मस्त बनाई
ऋणी बनेर कतारमा जाऊ जीवन ध्वस्त गराई ।
✍️ अजय कुमार झा
महोत्तरी, नेपाल
[२४]
कोही युवा मस्त देशमा कोही खाडीमा पसिना झार्छन् तर्तरी
मस्त युवाका मस्त परिवार खाडी जानेको आँसु गहभरी ।
ध्रुव श्रेष्ठ
खोटाङ, हाल काठमाडौँ ।
[२५]
सृष्टिको भाव सुन्दर हुन्छ बुझेर परानी
आखिर सबै जीवन बन्छ जलेर खरानी !
✍️ आर्त अकुलीन
[२६]
विकृति विसङ्गति पलायाे देशमा
बर माग्ने गर्दछन् पहेलाे भेषमा ।
✍️ शलिकराम दाहाल
चा न पा ३ झाैखेल भक्तपुर
[२७]
अमूल्य जीवन खेर गयो इन्द्रियकै भरमा अल्झी
मन र मुटु अझै चस्किँदैछ माया पल्टैपल्ट बल्झी ।
✍️ दीपा गुरुङ – समभाव
[२८]
भनाई असह्य भयो मन सारै रुने
जुवामा हारेँ सबैलाई भन्न नहुने ।
✍️ चुडामणी देबकोटा
चनपा१३काठमाण्डौ
[२९]
बाहिर क्यासिनो र बृजसम्म खसम
दुलही रुन्छे छैन नुन टम्म कसम !
✍️ कमला देवकोटा, पाल्पा
[३०]
छेपारा देखाउँदै मान्छेले बदल्ने गर्छ रङ्ग,
सद्दे ठानेर पछि लागेका सब परेछन् दङ्ग !
✍️ कृष्णकुमार वैद्य
बनेपा ९, काभ्रे
[३१]
दौडाएर कौडा हान्यौ बासै रित्तो भयो
नाङ्गै भयौ च्याँखे थाप्दा सबै धन गयो ।
✍️ नील हरि काफ्ले
सिन्धुली (हाल काठमाडौँ)
[३२]
चलेको छ रङ्गरेली होटलमा र क्यासिनोमा आज
जुवा तास सौदाबाजी धन्दा नाना निर्धक्क विना लाज !
✍️विवश पारदर्शी
झापा
[३३]
उमेर हुँदा चैँ गर न मोजमस्ती धन मासी
बुढेसकालमा सुस्केरा हाल्दै हुन्छ रुवाबासी ।
✍️ मोती सुब्बा
दार्जिलिङ निमकी डाँडा।
[३४]
सत्मार्गमा हिँडेमा जीवन हुन्छ ढुक्क
अन्यथा जीवनभर गर्लान् बाबै थुक्क ।
✍️प्रद्युम्न चालिसे
भक्तपुर कटुञ्जे।
[३५]
नखेल ए साथीहरू यहाँ जुवा तास
यसले गर्छ नि ! हजुर धनको नाश ।
✍️ नीमा छिरिङ भोटिया
जलढका कालेबुङ भारत
[३६]
उर्वर जिन्दगी उमेर हुँदा खाएर बसेर नासेकाे
बुढेसकाल लागेपछि दुःखमा नसुहाउने हाँसेकाे ।
✍️ रामप्रसाद पुरी, बादेल, खाेटाङ ।
[३७]
घरै भाँडेर पनि राेडीमा सुवा गाउने
अनि खै कसरी घरकीले शान्ति पाउने ?
✍️ हरिगाेपाल प्रधान
बनेपा १४ साँगा धजार ।
[३८]
मोज गर जीवनभर नहुन्जेल रल्ल
असली स्वाद जिन्दगीको आउनेछ बल्ल ।
✍️ धनुष न्यौपाने
गुठिचौर गाउँपालिका ०४ बिगारे जुम्ला
[३९]
दिनहुँ खान्छाैँ रक्सी खेल्छाैँ जुवा अनि तास
हुने भयाे अब जिन्दगी आश्रमकाे बास ।
✍️ सहयात्री शाेभा अर्याल
रुपन्देही
[४०]
खेलेऊ तिमीले हजारौँ किसिमका जुवा तास
मुहार देखाउनै लाज भो छिमेकी आसपास ।
✍️ मुक्ति काफ्ले
कोक्राझार असम, भारत
[४१]
मोजमस्ती गर्छौ काम छोडी मिली साई सुवा
बुढेसकालको यो मस्तीले लिकाल्नेछ धॅुवा ।
✍️ पुष्पा सुवेदी
नेपालगन्ज, बॅाके।
[४२]
भट्टी जान्छौ रक्सी खान्छौ हिँड्छौ हल्ला गरी
ज्यान जान सक्छ हेर अफ्ट्यारोमा परी ।
✍️ अनिता भण्डारी, ताप्लेजुङ
[४३]
जुवा खेल्नु राम्रो हैन पाण्डवको भयो वनबास
सत्चरित्रवान् कर्मनिष्ठ भए गर्छन् सबैले आस ।
✍️ शुक्रराज कुँवर
धरान १०
[४४]
बेलैमा मोज गर तिमी देशका युवा
वृद्ध भएपछि खेल्न सकिन्न नि जुवा ।
✍️ भगवती दवाडी, झापा
[४५]
मोजमस्तीमा सधैँभरि किन हराउनु ?
गलत कदममा प्रभुसँग डराउनु ।
✍️ कार्की डिबी माकुम
सुनवल-४, नवलपरासी
[४६]
क्यासिनो जाने, जुवातास खेल्ने भयो अति
बेलैमा होस् पुगाऊ नत्र होला तिम्रो क्षति ।
✍️ रुना कर्माचार्य दाहाल
चितवन
[४७]
दिन उमेरमा बहाना गरी मोज गरौँ
वृद्ध उमेर ईश्वरीय चरणमा परौँ ।
✍️ सुस्मिता अधिकारी, काठमाडौँ
[४८]
लाग्यौ होटल क्यासिनोतिर भने बेचिन्छ गैह्रीखलो
थाम्नुपर्छ युवा जुटेर अब लौ यो देशको नै बलो।
✍️ रामशरण न्यौपाने, भक्तपुर
[४९]
जति उच्च स्तरमा जान्छन् यहाँ पार्टी क्यासिनोमा गर्ने
जनताको पीडा कसले देख्ने, आफ्नो खल्ती मात्र भर्ने।
✍️ शोभा आचार्य गौतम
काठमाडौँ
[५०]
उमेर यही हाे छाेड्नुहुन्न याे रमाउने बेला
हुनुपर्छ साथीहरू हाेटल क्यासिनाेमा भेला ।
✍️ काेपिला अधिकारी
गाेरखा सिरानचाेक
[५१]
रक्सी पिउनु जुवा खेल्नु त आजकलको फेशन
मान्छे हेर्दा सुटेड बुटेड, घरमा छैन बेसन ।
✍️ राजेशराज गड्तौला
कॅाडाघारी, काठमाण्डौ
[५२]
बिचार गरी खेल्ने गर पिरतिको खेल
मन बिग्रियो भने फेरि जानुपर्ला जेल ।
✍️ हिमा आर सी
मेहेलकुना सुर्खेत
[५३]
बिग्रिन्छ घरबार जुवाले हुन्छ हेर सर्वनाश
नशाको पोखरीमा जाकिए बन्छ है जिउँदो लाश ।
✍️ राजेन्द्र प्रधान ‘पासा’, दार्जिलिङ ।
[५४]
पढ्ने र कमाउने बेलामा खेलेर जुवा तास
जिम्मेवारी काँधमा बढेपछि लाग्ला उठिबास ।
✍️ संगीता खरेल
चन्द्रागिरी ८ काठमाडौँ
[५५]
कति सुन्नु मैले च्याङच्याङ च्याङच्याङ दिक्कलाग्दो
निराशाले म‌ आफैँलाई देख्छु होटलतिर भाग्दो ।
✍️ अच्युत घिमिरे, सर्पाङ, भुटान🇧🇹
[५६]
बुझ्नुपर्छ समयको महत्व
हुनुपर्छ आपसी अपनत्व ।
✍️ भेष कुमारी लामिछाने
देवदह ०५, खैरेनी रुपन्देही
[५७]
रमाउने अनि कमाउने यही हो बेला
सकिएपछि त्यो जवानी सबैबाट हेला ।
✍️ प्रविना प्रयासी
ओखलढुंगा
[५८]
हुन् अब तिमीले मनमा डुलेर
के फाइदा छ सबै वाचा भुलेर ।
✍️ श्रीकृष्ण धामी – बझाङ
[५९]
रमाइलो गरौँ जिन्दगी हो दुई चार दिन
आऊ न बस मायालु छेउमा लौ एकैछिन ।
✍️ बुद्धिमान दनुवार ( सुरुङ्गेली कान्छो )
कनकाई ४ झापा
[६०]
जुवा, तास, मोजमस्ती छिनभरका हुन् खेल
रङ्गीचङ्गी सकिएपछि बन्छ जीवन जेल ।
✍️ पद्मा काश्यप पाण्डे, मोरङ
~<•>~

‘टुक्का माथि टुक्का’ व्यङ्ग्यात्मक टुक्का लेखन शृङ्खला- १२४ सम्पन्न

काठमाडौँ । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १२४ औँ शृङ्खला सम्पन्न भएको छ ।
अभ्यासमा नेपाल लगायत विश्वका ५९ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १२४ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

प्रतिनिधि टुक्का-
जोगाउनै कठिन छ यहाँ आफूलाई सत्ता
पीडितहरू भन्छन् न्याय चाहियो अलबत्ता !
वसन्त अनुभव

सहभागी टुक्काकारहरूका चोटिला टुक्काहरू-

[१]
कुरै बुझ्दैनन् मूर्खहरू त्यत्तिकै जिद्दी गर्छन्
त्यही भएर विनाकारण पल्टैपल्ट मर्छन् ।
-वसन्त अनुभव
घोराही, दाङ
[२]
सत्ता जाेगाउन सधैँ गठबन्धन गर्छाै हामी
देश रहाेस् नरहाेस् हामी बन्नुपर्छ सधैँ नामी ।
-ताराप्रसाद चापागाईँ
धुनिबेसी
[३]
जबसम्म गठबन्धन रहिरहन्छ देशमा, सत्ता उनीहरूकै चल्छ
प्रतिपक्षमा बसेर सानोतिनो झिनामसिनाहरूको मन भने जल्छ ।
-कबिताहरी
सुन्दर हरैंचा नगरपालिका १ मोरङ
[४]
देश रहन्न रहने छैनाैँ काेही जनताहरू हामी
बढ्दो अत्याचारले गर्दा एकदिन आउँछ सुनामी ।
-केसर बाेहरा ( सङ्घर्ष )
सुदूरपश्चिम अछाम । हाल भारतबाट ।।
[५]
ए ! सरकार बचाउ यहाँ छोरीहरू सारा
अत्यन्त कडा बनाई फेर कानुनको धारा ।
-डम्बर थामी ‘अनुपम ‘
कालिन्चोक गा. पा. -६, दोलखा ।
[६]
कोपिलामै निमोठिए यहाँ कतिपय मुनाहरू
बेलामा नै फक्रन नपाई कति मर्ने हुन् पो अरू ?
-अर्जुन प्रसाद चौलागाई
रामेछापः-सुनापति-१ हालः-अमेरिका,बोस्टन।
[७]
युवाको सपना छैन यो देशभित्र
परिवर्तन गर्नेको चाला विचित्र ।
-पुष्पा राई, खाेटाङ।
[८]
यस्तै हो यहाँ हेर धेरै चलखेल गरेपछि
भुलक्कडले पनि बल्ल आहा! भन्छन् मरेपछि ।
-अनुग्रह राना मगर ‘पुष्प’
पाँचखपन नपा – ६ संखुवासभा ।
[९]
अपवित्र गठबन्धनमा सत्ता चल्छ यहाँ
जनतालाई न्याय राहत मिल्छ अनि कहाँ ?
-त्रिलाेचन भण्डारी
मेचीनगर,झापा
[१०]
तागत चाहिन्छ युद्ध गर्न, खुबी चाहिन्छ झुठो बोल्न,
चरम प्रगति गर्नैहुँदैन थालिहाल्छ मन पोल्न ।
-होम प्रसाद नेउपाने
धरान,सुनसरी ।
[११]
सत्ता कुर्सी पदकै लागी गरेको हो राजनीति,
के मतलव र मलाई तिम्रा संस्कृति र थीति।
-नवशिला,
नवदेव मार्ग ,लालभित्ती,मोरङ।
[१२]
सत्ता सुविधाको लागी युद्धमा धेरै जनता मान्छे रेटियो
देश जनताका रक्षक हैन कुलङ्घार शासन भेटियो ।
-चुडामणी देबकोटा
चनपा१३काठमाण्डौ
[१३]
के पाउँथ्यो र पीडितले न्याय एक्लै हुँदा खडा
अप्ठ्यारोमा साथ दिन छोडेर पाखा लाग्छन् बडा ।
-गंगा खड्का
बूढानीलकण्ठ ,काठमाडौँ
[१४]
हत्याराहरूको मात्र चलखेल बढ्दै गयो
गाउँघरमा त गरिखान नसकिने भयो !
-कला ढकाल झापा
[१५]
धरती सौम्य गरेर कर्म गर्नुछ कमाइ,
कर्मको बाटो नछोडी हिँड खुसीले रमाई !
-आर्त अकुलीन
[१६]
पाइन्छ कहाँ जनताले न्याय,भ्रष्टाचारीले हाकेको देशमा
काले गोरे फेरिदै आए,सिङ्गो देश सक्न जादुमय भेषमा।
-शंकर कार्की मकवानपुर,
[१७]
पुस्तौँपुस्तालाई पुग्ने गरेर सम्पत्ति कमाउँला
विदेशीकाे शरण परेर पनि सत्ता जाेगाउँला।
-राज कुमार राजभण्डारी खाेटाङ्गे
मध्यपुर ठिमी संगम काेलाेनी राधे राधे भक्तपुर ।
[१८]
कति सुन्नु हो जनताको करकर ?
आफूलाई छ सत्ता जाला भन्ने डर !
-विवश पारदर्शी
झापा
[१९]
गठबन्धनको सरकार हाम्रो सत्ता जाेगाइहाल्छाैँ
कुराेकानी मिलेन भने आफ्नै सरकार पनि ढाल्छाैँ ।
-भवानी पाेखरेल (बाबु विराज)
बाणगङ्गा १ चार नम्बर कपिलवस्तु
[२०]
जनताको न्यायभन्दा मलाई प्यारो सत्ता
टिकाउनलाई अचेलभरि बॅाड्छु भत्ता ।
-राजेशराज गड्तौला
कॅाडाघारी, काठमाण्डौ
[२१]
कस्तो न्याय नभएको देशमा जन्म दिएछौ नि हो आमा भन्दै
रुँदैछन् पीडित हत्या हिंसामा कहिलेसम्म हिँड्छौ पैसा गन्दै ।
-अम्बिका अधिकारी
झापा बिर्तामोड
[२२]
खाँदाखाँदा दलभुँडे भइएछ
सत्ताको आडमा धेरै दलिएछ ।
-नन्दलाल आचार्य
सिद्धार्थटोल, उदयपुर ।
[२३]
देश र जनताको ख्याल छैन खाली उही सत्ता
कुम्लाएको पैसा, अनि दम्भले बनाएछ मत्ता ।
-प्रेम थापा “मन”बागलुङ
[२४]
लिप्त छन् कोही केवल स्वादमा सत्ताको
जनताको छैन चिन्ता छ आफ्नै भत्ताको ।
-बाबुराम पाण्डे
अर्घाखाँची
[२५]
अति गर्याैं हामीले सत्तामा पुगेर जनतालाई
गठबन्धन नगरे खैराँते हुन्छौँ दलका भाइ ।
-प्रद्युम्न चालिसे
भक्तपुर कटुञ्जे ।
[२६]
जोगाउँदै गर तिमीले सत्ता
कलिला छोरी भैसके लापत्ता
-सरिता सेढाई धादिङ
[२७]
भ्रष्टाचार नियन्त्रण गर्ने छैन कानुन
भरौटे शासकले मात्र यी सबै जानुन
-शशी आचार्य
[२८]
जतिसुकै घाेचे पनि लास त किन रुन्न?
चितामाथि जलाउँदा नि दुख्छ भन्ने हुन्न ।
-जी.वि.कश्यप
घाेराही उपमहानगर -१४ दाङ ।
[२९]
युवा जति विदेशी भए घरमा बुढापाका
सुशासन त यस्तै भयो नेता खोइ के भाका ?
-उमा दाहाल
शुन्दर हरैँचा -१० मोरङ
[३०]
जहिल्यै यो देशमा जनता रोगाउछ नेता मोटाउँछ
हरिकङ्गाल पारेर देशलाई सरकार जोगाउँछ ।
-बि.कुलुङ
दार्जिलिङ रंगबुल
[३१]
सुकेको रूखमा न्यायको के आस
लुकेको ऋणमा गरिबको बास ।
-टिकाराम पुन पुकार
छत्रेश्वरी गाउँपालिका २ सल्यान
[३२]
जहाँ जेसुकै हाेस् देश र जनता
कसैगरी सत्ता जाेगाउँछन् नेता ।
-हरिगाेपाल प्रधान
काभ्रेपलाञ्चाेक बनेपा १४ साँगा ।
[३३]
लाख कोशिस गर अब जोगिँदैन सत्ता
चुपचाप बसे हुन्छ खाएर वृद्ध भत्ता ।
-पुष्पा सुवेदी
नेपालगंन्ज,बॅाके।
[३४]
कस्तो युग हेर यहाँ आयो
छोरीमाथि मात्र काल छायो ।
-नीमा छिरिङ भोटिया
जलढका कालेबुङ भारत
[३५]
जति जना आउँछौ सडकमा पीडित भयौँ भन्न,
खबरदार तयार हुनुहोस् देश विरोधी बन्न ।
-अच्युत घिमिरे, सर्पाङ, भुटान
[३६]
हुँदा खानेको आउनुपर्छ अब राज्यसत्ता,
दिँदैनन् न्याय हुनेखानेले सब छन् मैमत्ता ।
-कृष्णकुमार वैद्य
बनेपा ९, काभ्रे
[३७]
बाडेर खान नजान्ने एक्लै एक्लै खाने
आफू नै हो सर्वहारा माथि माथि जाने।
-दुर्गा आचार्य
मोरङ
[३८]
धेरै छन् हात बाँधी फटाहालाई गाली गर्नेहरू
देशलाई सरापेर बस्छन् अल्छ्याइँले मर्नेहरू ।
-निरज कोइराला
इटहरी -१६
[३९]
न्याय मरेको हाम्रो देशमा के गर्नु न्यायको आस
पीडितले न्याय खोज्दा खोज्दै भयो सडकको बास ।
-अनिता भणडारी
ताप्लेजुङ
[४०]
संसदमा त चलेको छ नेताज्यूको सत्ता
नेताज्यू मिलेर खाएको छ वृद्धाको भत्ता ।
-श्रीकृष्ण धामी – बझाङ
[४१]
कुर्सी र सत्ता जोगाउन मात्र नेताको जान्छ ध्यान
युवाको रगत पसिना अनि खाडीमा गयो प्राण ।
-रुना कर्माचार्य दाहाल
चितवन
[४२]
सत्तामा गएर कुर्सीमा बस्न पाए अरू केही चाहिँदैन,
जनताको सहुलियत टन्न खानु अन्य कतै पाइँदैन ।
-राजेन्द्र प्रधान ‘पासा’, दार्जिलिङ
[४३]
जसोतसो गरेर सत्ता जोगाउने काम,
अनि आइहाल्छ नि भनेजति कालो दाम।
-शोभा आचार्य गौतम
काठमाडौँ
[४४]
भ्रष्टाचार लुकाइदिने सहमतिमा सत्ता यो जोगाउँछौँ
जो खोज्छन् सत्य देखाउन उनलाई अझै कष्ट भोगाउँछौँ ।
-सुस्मिता अधिकारी ,काठमाडौँ
[४५]
न्याय खोज्दा सडकमा किन हुनु नि जन भेडा
लुकाउन केस जति उपहार दिए कि पेडा ।
-ईन्दु श्रेष्ठ
चितवन
[४६]
दु:ख लाग्छ न्याय दिलाउनेले नै चलखेल गर्दा
पीडितलाई नै राहत दिनुको साटो भुँडी भर्दा !
-पवन कुमार बुढाथेाकी
काठमाडौं
[४७]
सत्ता जोगाउँनै गाह्रो भयो विदेशी सङ्गठन भएर पनि
हामी नेताहरू सत्तामा हुँदाहुँदै न्यायमा हुनखोज्छन् धनी ।
-बेदु न्यौपाने
[४८]
देशको हालत हेर्दा आँखा आँसुले रसाउने
अपराधी हुदाँसम्म न्याय यहाँ छैन पाउने
-हिमा आर सी
मेहेलकना सुर्खेत
[४९]
न्यायको निम्ति हो लोक, लडेका जहिले पनि
लगायौ न्यायमै बार, महासामन्त नै बनी।
-रामशरण न्यौपाने, भक्तपुर
[५०]
कोहीलाई सत्ता जाला पिर, नपाउँदा कोहीलाई
जो जो जान्छ मोज गर्छ, जनता मर्छ न्याय नपाई ।
-ध्रुव श्रेष्ठ
हाल काठमाडौ ।
[५१]
यथावत हुन्छ नठान्नु है, जोगाएर सत्ता
प्रजाले खोसेको दिन त बन्लाऊ सुख्खा पत्ता ।
-मोती सुब्बा
दार्जिलिङ,भारत।
[५२]
देशको विकास किन गर्ने बरु गर खेल सत्ताको
देशको लागि मर्ने जनता नेपालमा विना पत्ताको ।
-भगवती दवाडी ,झापा
[५३]
आफ्नो भएजति बल मति फालेर सत्ता
जाेगाइरहेछु लगाैटी हुँदै म त मत्ता ।
-रामप्रसाद पुरी
बादेल, खाेटाङ
[५४]
विनाश कार्यमा हिँड्छौ सधैँ तिमी अगाडि सरी
यो व्यवहार बढ्दै जाँदा सुरक्षा हुन्छ के गरी ?
-पद्मा काश्यप पाण्डे, मोरङ
[५५]
जोगाऊ सत्ता पाल आफ्नो नातागोताहरू
समय फिर्दा त दुर्दशा होला तिम्रो बरु ।
-सुशीला शिखा
काठमाडौँ कागेश्वरी
[५६]
ठुला ठुला भाषणमा मात्रै सीमित भए काम
भ्रष्टाचार गरेर कमाएका छन् करोडौंँ दाम ।
-सहयात्री शाेभा अर्याल
रुपन्देही
[५७]
जोगाउन गार्‍हो भयो है चेलीबेटी
मौका पाए पापीले मार्छ्न् गला रेटी ।
-बुद्धिमान दनुवार ( सुरुङ्गेली कान्छो )
कनकाई ४ झापा
[५८]
सत्ता जोगाई अब कर्तव्य भुल्ने गर
सत्यको बाटो अँगाल्दै अलि अघि सर ।
-धनुष न्यौपाने
जुम्ला
[५९]
यहाँ आफूलाई सत्ता थाम्न सकस भएको बेला
न्याय माग्दै भेडाहरूले देखाइरहेका छन् खेला l
-बाबुराम गौतम, गुल्मी
~<•>~

काठमाडौँ । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १२३ औँ शृङ्खला सम्पन्न भएको छ ।
अभ्यासमा नेपाल लगायत विश्वका ६५ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १२३ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

प्रतिनिधि टुक्का

चाहे भनून् असल मलाई, चाहे भनून् गन्दा
घर भाड्ने काम छ मेरो, रकम लुट्ने धन्दा ।
✍️ वसन्त अनुभव

सहभागी टुक्काकारहरूका टुक्काहरू

[१]
हुने नहुने कुरा गरी, आपसमा लडाएर
भाइरल बन्नुछ हेर, लाइक भ्यू बढाएर ।
✍️ वसन्त अनुभव
घोराही उपमहानगरपालिका १४, दाङ
२०८०/११/१२
[२]
अहिंसा बढ्दैछ भनेर कसैलाई सुनाउन मनै छैन
यो ठूलो भुँडी कहाँ घटाएर मान्छेको अगाडि गन्निदैन ।
✍️ अम्बिका अधिकारी
झापा बिर्तामोड
[३]
भाङ पेलाइ, देशकाे विकासलाई
याे देह नढलेसम्मा सत्ता समाइ ।
✍️ प्रद्युम्न चालिसे
[४]
धन भएपछि सबले गर्छन् हाइ हाइ
दुःखमा परेमा काेही हुँदैनन् दाजुभाइ ।
✍️ केसर बाेहरा ” सङ्घर्ष “
सुदूरपश्चिम ” अछाम ” हाल भारतबाट ।
[५]
भर्नु नै छ ठूलो भुँडी भाइरल हुनु छैन
घर भाँड्ने काम नगरे त हुँदैन नि चैन ।
✍️ बेदु न्यौपाने ✍️🇳🇵
[६]
नहुने काम गरेर नि भाइरल अवश्य हुन्छु
भ्यूज धेरै आएपछि त झन सगरमाथा छुन्छु ।
✍️ अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
[७]
यस्तै काम नगरेमा खाएको नि पच्दैन
मोजमस्ती गर्नैपर्यो सुको पनि बच्दैन ।
✍️ सरिता सेढाई धादिङ
[८]
बनाउछौँ देश सके अमेरिका नसके भारत,
त्यस्तै विकास नगर्दासम्म मुटु पोल्छ भतभत ।
✍️ सुरेशकुमार पाण्डे।
दाङ घोराही १८
[९]
गन्दाभन्दा अर्को उचित त ठान्दै ठानिनँ
दिए अर्ती कति धेरै तर मान्दै मानिनँ ।
✍️ त्रिलाेचन भण्डारी
मेचीनगर,झापा
[१०]
आफू त रित्तै परियो अरूको लाई नै पो आँखा लाउने
लाज सरम छोडे मैले पैसा हो जसरि नि कमाउने ।
✍️ सुशीला शिखा
काठमाडौं कागेश्वोरी
[११]
अरू काम जेसुकै होस् समाज नै भाँड्छु ,
लाखौँलाख उठाउँछु अलिकति बाँड्छु ।
✍️ डम्बर थामी ‘अनुपम ‘
कालिन्चोक गा. पा. -६, दोलखा ।
[१२]
जेसुकै भनून् मान्छेले म त भाइरल बन्ने
अनि पो जसरी पनि होला सर्वत्र नै गन्ने ।।
✍️ भगवती दवाडी ,झापा
[१३]
समय यस्तै छ, मलाई पनि सिकायो लुट्न
जानेको छु परिवेश अनुसार गफ चुट्न ।
✍️ शंकर कार्की, मकवानपुर
[१४]
मह काँढेपछि अलिकति हात चाट्छु
बढी कुरा गर्‍यो भने म नि कुरा काट्छु ।
✍️ रचना मोक्तान “यात्री “
नमोबुद्ध न. पा. -५, काभ्रे ।
[१५]
चौरासी जुनी पछि पाएको जीवन हो हेर
पछुतो होला आफैँलाई, खान छोड लुटेर ।
✍️ पुष्पा सुवेदी
नेपालगंन्ज,बॅाके।
[१६]
सकेजति त कुरा लाउँछु , घर फुटाउन
जसले जे भनुन् लाग्छु आफ्नै काम जुटाउन ।
✍️ बुद्धिमान दनुवार ( सुरुङ्गेली कान्छो )
कनकाई ४ झापा
[१७]
दश दुनियाँको चियोचर्चो गर्ने मेरो काम
व्यवहारले छुरा रोप्छु मुखले भन्छु राम ।
✍️ नवशिला
नवदेव मार्ग लालभित्ती,मोरङ।
[१८]
मान्छेको जुनीमा लुटपाट त गर्नै पर्यो
बल्लतल्ल मौका पाउॅदा खल्ती टन्नै भर्यो ।
✍️ राजेशराज गड्तौला
कॅाडाघारी, काठमाण्डौ
[१९]
जस्तोसुकै भए पनि सत्ताभित्र बस्छु
कि त सर्प कि त मुसा बनी भित्र पस्छु ।
✍️ समुद्र
[२०]
परिवेश नै तेस्तै छ मनले मान्दैन ,
नलुटिकन घर खर्च धान्दै धान्दैन ।
✍️ भेष कुमारी लानिछाने
देवदह ०५, खैरेनी रुपन्देही
[२१]
देशको लागि लड्नेहरू सबै स्वार्थी भएछन्
स्वार्थी मनको झिल्काहरू सडकमा गएछन् ।
✍️ एवाइ प्रभात
सहिदभुमि छेन्टाङ धनकुटा
[२२]
लुट्न सजिलो छ यहाँ अरूभन्दा
कसले गर्छ यसरी काम धन्दा ।
✍️ हिमा आर सी
मेहेलकना सुर्खेत
[२३]
कथित व्यवहार लुकाउने छारो हानी कामको
ईमान नै नभएपछि के अर्थ हुन्छ खै दामको ?
✍️ दीपा तिम्सना पौडेल-ईलाम
[२४]
खोज्ने गर्छन् सबैले अचेल धन पैसाको थैलो
पैसाको अभाव हुँदा हुन्छ घरमा भाँडभैलो ।
✍️ बाबुराम पाण्डे
अर्घाखाँची
[२५]
दुनियाँलाई देखाएर नाङ्गो नाच नाच्याे हेर हाम्रो अगि ,
ठग्नु रहेछ समाज र देशलाई घिच्याे हामीलाई ठगी ।
✍️ रामप्रसाद पुरी, बादेल, खाेटाङ ।
[२६]
छलकपट गरी आर्जेको धनले
गर्छौ के तिमीले नाङ्गै जाने तनले।
✍️ बिके मुखिया
दार्जिलिङ भारत।
[२७]
जसले जेसुकै भनाेस् देश लुट्न त छाडिन्नँ
देशभक्त जनताले भनेको मान्दै मानिन्नँ ।
✍️ राज कुमार राजभण्डारी खाेटाङ्गे
मध्यपुर ठिमी ५ संगम काेलाेनी भक्तपुर ।
[२८]
यो देशमा चोर गुन्डा पुग्ने रहेछ माथि
असल मान्छे नबन है तिमी पनि साथी ।
✍️ विके माकजू , भक्तपुर ।
[२९]
उन्नतिका सारा सपनाहरू त्यहीँ दिन खस्यो
जुन दिन यो देशको सत्तामा डाकाहरू बस्यो।
✍️ बि.कुलुङ
दार्जिलिङ रंगबुल
[३०]
गरिब भनुन् बरु मलाई, उठाउँदिन चन्दा
जतिसुकै गर रोकिँदैन खराब कालो धन्दा।
✍️ होम प्रसाद नेउपाने
धरान,सुनसरी ।
[३१]
देशभित्र चलेको छ लुटको नै खेल
भाँङ पेल या धतुरो लेऊ मेरो तेल ।
✍️ रामशरण न्यौपाने, भक्तपुर
[३२]
प्रख्यात छ दुनियाँमा मन्थराको नाम
गर्व लाग्छ धर्म ठान्छु घर भाड्ने काम !
✍️ विवश पारदर्शी
झापा
[३३]
जीवन गति कहिले उकाली कहिले ओराली
सुखमा रमाउने दु:खमा बस्नुपर्छ सम्हाली !
✍️ दीपा समभाव
काठमाडौ ।
[३४]
अरू काम जेसुकै होस् समाज नै भाँड्छु
लाखौँलाख उठाउँछु अलिकति बाँड्छु ।
✍️ डम्बर थामी ‘अनुपम ‘
कालिन्चोक गा. पा. -६, दोलखा ।
[३५]
साेझाे औँलाे बनाएर आउँदैन घिउ
लुट्ने काम नगरे कसरी पाल्ने जीउ।
✍️ काेपिला अधिकारी
गाेरखा, सिरानचाेक
[३६]
देशमा अस्थिरता ल्याएर बीउ रोपेछौ ठुलो
आफ्नैमा मात्र पुग्ने गरि मिलायौ पैसाको तुलो ।
✍️ प्रेम थापा “मन “बागलुङ
[३७]
जसले जति लुटे पनि छुट छ यो देशमा
सबै सबै नै लागेकै छन् लुटिखाने रेसमा ।
✍️ ध्रुव श्रेष्ठ
हाल काठमाडौँ
[३८]
यस देशको माटोमा नोट फलायो
नेताहरूले अब देश नै गलायो ।
✍️ नीमा छिरिङ भोटिया
[३९]
कलिको सेरोफेरो सबै हुनुपर्छ मेरो
अलिकति केही भएमा लगाउँछु घेरो।
✍️ टिकाराम पुन पुकार
छत्रेश्वरी गाउँपालिका २ सल्यान
[४०]
कसलाई पो भनौ तेरो मेरो सबै उस्तै
दिउन्जेल आहा नत्र त दुश्मन दुरुस्तै ।
✍️ चुडामणी देबकोटा
चनपा १३ काठमाण्डौ
[४१]
बुझेर राम्रो गरे, सुरम्य यहीँ संसार
यो लोकमा काम बिग्रे, माथि हुनेछ हार ।
✍️ मोती सुब्बा
दार्जिलिङ।
[४२]
यथार्थ भन्यौ तिमीले आज, त्यस्तै रहेछ तिम्रो बानी
लुट्नसम्म लुटिछाड्यौ, बनाउँछु भन्दै दिलकी रानी।
✍️मन्दिरा सेढाई
मलेखु,धादिङ
[४३]
जसले जे गरे नि आखिर बाँच्नु रहेछ भन्दै
नराम्रो काममा पनि हात हालेँ यो पैसा गन्दै।
✍️ शोभा आचार्य गौतम
काठमाडौँ
[४४]
सत्कर्मको फल मनुष्य अमृत जस्तै हुन्छ
तिम्रो दुष्कर्मले आज निर्दोष बालक रुन्छ।
✍️ धनुष न्यौपाने
गुठीचौरगाउँपालिका ०४
बिगारे जुम्ला
[४५]
आफ्नो मात्र थैलो भर्ने अरू सबै भाँडमा जाए
कस्तो उल्टो चलन आयो, तिनले नै सुख पाए ।
✍️ शशी आचार्य
[४६]
अर्कालाई नराम्रो पार्ने घर बिगार्ने छ मेरो काम
यसरी नै चलेको छ कमाएका छन् दाम अनि नाम ।
✍️ अनिता भण्डारी ताप्लेजुङ
[४७]
वाह ! लाग्या होला कति ठूलो काम गरेँ भनेर
तब थाहा पाउँनेछौ फिर्ता गर्नुपर्दा गनेर ।
✍️ अनुग्रह राना मगर ‘पुष्प’
पाँचखपन नपा – ६ संखुवासभा ।
[४८]
मानव तनकाे दिव्य खेलाँ
नगराैँ कहिल्यै पनि हेलाँ ।
✍️ हरिगाेपाल प्रधान
काभ्रेपलाञ्चाेक बनेपा १४ साँगा ।
[४९]
असल धन्दा चलाउन ताकत लाग्छ
गन्दा धन्दा छिटो मिठो मनोवेग जाग्छ ।
✍️अच्युत घिमिरे, सर्पाङ, भुटान🇧🇹
[५०]
सामाजिक प्रतिष्ठा चाहिॅंदैन मलाई, पुग्छ कुर्सी भए,
सात पुस्ता पुग्ने धन कमाउने हो, मेरो याम नगए ।
✍️ म्यामराज राई, भोजपुर
[५१]
नत घर भाँडिन्छ नत लुटिन्छ नै बरु दिइन्छ
दिएर उनीहरूसँगै मज्जाले मदिरा पिइन्छ ।
✍️ कबिताहरी
सुन्दर हरैंचा नगरपालिका १ मोरङ
[५२]
कोइली र न्याउली बाँस्न लागे सधैँ बन
चैत महिनामा हुन्छ उदासी मेरो मन ।
✍️ श्री कृष्ण धामी – बझाङ
[५३]
देशमा नेता जन्मायौँ
छिमेकी देश हसायौँ ।
✍️ एकान्त प्रेमी
कालेबुङ
[५४]
प्रेमलाई वस्तु देख्छु किनबेच हुन्छ हिजोआज
नैतिकता पतन भयो मान्छन् गल्ती स्विकार्नु लाज ।
✍️ संगीता खरेल
काठमाडौँं
[५५]
घर भाँडे पनि मन पराए उनैलाई जनले
खाए बाँडे अनि छुटे फेरि पुगे पदमा धनले।
✍️ सुस्मिता अधिकारी ,काठमाडौँ
[५६]
कलियुगमा जन्म्या दानव धर्म कर्म छोडी
मनै फुटी धनै लुटी नाता रगतको तोडी ।
✍️ यामनाथ आचार्य
पर्वत
[५७]
लुटी ल्याउने र भुटी खाने बानी छैन हाम्रो
परिश्रमको कमाइले जीवन चल्छ राम्रो ।
✍️ पद्मा काश्यप पाण्डे, मोरङ
[५८]
चोरी चाकरी चल्दैन अब नयाँ प्रविधिको जमाना
जतासुकै जडित क्यामेरा ,सुरक्षित गर्छ खजाना ।
✍️ शुक्रराज कुँवर
धरान १०
[५९]
पैसाको मुख हेरी अरूलाई कसले हेर्ने,
गति यति विकासको, निकासको बाटै फेर्ने ।
✍️ जमुना आचार्य
[६०]
रुपियाँमा मोह बस्यो नि अरू चाहिँदैन
झुट मुट बोलिरन्छु किरिया खाईँदैन !
✍️ कमला देवकोटा, पाल्पा
[६१]
धेरै जना भएका छाैँ खेलीखाने भैलाे,
देश टाट भए पनि भर्छाैँ हाम्रो थैलो ।
✍️ केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा।
[६२]
सिमाना बेची नपुगेर देशै बेच्ने अरे
आफूले खन्नु खाल्डो अनि आफैँ पुर्नु भरे।
✍️ दुर्गा आचार्य
मोरङ
[६३]
भ्रष्टाचार गर्न सजिलो छ सबैभन्दा
भित्रभित्रै गरेका छन् है यिनैले धन्दा ।
✍️ सहयात्री शाेभा अर्याल
रुपन्देही
[६४]
भएजति खाइसके अब बाँकी छैन
सबै चोर खन्चुवा कोही अछुतो भैन ।
✍️ शालिकराम दाहाल
[६५]
दिउँसै देखाउँछन् तारा
पेट भर्ने संसार सारा !
✍️ आर्त अकुलीन

काठमाडौँ। साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १२२ औँ शृङ्खला सम्पन्न भएको छ ।
अभ्यासमा नेपाल लगायत विश्वका ५९ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १२२ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

अभ्यासमा राखिएको प्रतिनिधि टुक्का

बुझेर नि ! नसक्नु छ कलियुगको खेल
मिलेसम्म त मोजमस्ती कुरा बिग्रे जेल ।
वसन्त अनुभव

सहभागी टुक्काकारका टुक्काहरू-

[१]
कतिबेला के हुने हो ? छैन कुनै टुङ्गो
फसाउने पो हुन् कि बनाउने हुन् बुङ्गो ।
✍️ वसन्त अनुभव
घोराही, दाङ
[२]
विकृति र विसङ्गति फैलिँदैछ अति
स्वार्थमा नै लिप्त भए साथीहरू कति ?
✍️ ताराप्रसाद चापागाईँ
धुनिबेसी
[३]
गाह्रो होला कि तिर्खा खप्न टाढा पर्ला खोला
थुक्ने ठाउँ नि चुन्नुपर्छ, सम्झी राख्नुहोला ।
✍️ उमा दाहाल
शुन्दरहरैँचा – १० मोरङ
[४]
मौका परे ठूला माछा हातभरि पर्छन्
कुरो नमिले भित्रको दुलामा सर्छन् ।
✍️ रचना शर्मा प्रतीक्षा
इमाडोल, ललितपुर ।
[५]
कुरा नै नबुझी गन्जागोलमा पस्छन्
सानो कुरा नमिलेपछि आफैँ फस्छन् ।
✍️ अम्बिका अधिकारी
झापा बिर्तामोड
[६]
कुरा मिले सबथोक हुन्छ, नमिले लगाउँछन् आरोप यहाँ
बाँच्नलाई गाह्रो भो सरकार, हामी युवालाई हरेक जहाँ ।
✍️ कबिताहरी
सुन्दर हरैंचा नगरपालिका १ मोरङ
[७]
ठुला माछा देखाएर खेल्छन् धेरै खेल
कुराकानी नमिलेमा आफैँ पर्छन् जेल ।
✍️ बेदु न्यौपाने 🇳🇵
[८]
मिलेसम्म ग्वाम्मै खान्छु कसैलाई दिन्नँ भाग
हेर्दै जाऊ देशलाई कति सम्म पार्छु खाग ।
✍️ अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
[९]
जम्मा गर्न खोज्छन् पैसाका ठुलठुला धोक्रा,
बाहिर बोक्रा देखिए नि भित्रभित्रै खोक्रा ।
✍️ डम्बर थामी ‘अनुपम
कालिन्चोक गा. पा. -६, दोलखा ।
[१०]
मोजमस्ती चल्छ, प्रेमको सहमतिहरू चल्दाखेरि
थोरै चित्त बुझेन भने बलत्कारको आरोप फेरि ।
✍️ शंकर कार्की
[११]
यहाँ पैसासँग जीवनकाल आकर्षित देखाउने
खेलले फेल खाएपछि सम्पूर्ण कहानी लेखाउने ।
✍️अच्युत घिमिरे, सर्पाङ, भुटान🇧🇹
[१२]
चिल्ला कुरा घस्दैँ लगाउँछन् मायामा करकाप
आराेप लागिसकेपछि हुन्छ जीवन धराप ।
✍️ केसर बाेहरा ” सङ्घर्ष “
सुदूरपश्चिम ” अछाम “
हाल ” भारतबाट ” ।
[१३]
मन मिले तयार मान्न भगवान पनि
नमिलेमा फसाइदिन्छन् यो दोषी छ भनी ।
✍️ सरिता सेढाइ धादिङ
[१४]
खेल खेल्न माहिर छन् , बुढा नेताहरू
आफू साँढे हुन राख्छन् आसेपासे बरु ।
✍️ बुद्धिमान दनुवार ( सुरुङ्गेली कान्छो )
कनकाइ ४ झापा
[१५]
सहमतिमा प्रेम प्रेमिका गर्छन् माेजमस्ती ठाउँ फेरि फेरि
साेचे जस्तो नभए बलत्कारकाे आराेप लाउँछन् मौका हेरि ।
✍️ राज कुमार राजभण्डारी “खाेटाङ्गे”
मध्यपुर ठिमी ५ संगम काेलाेनी भक्तपुर ।
[१६]
मोजमस्ती गरी सारा, गल्ली गल्ली चोकमा
जिन्दगी नै बर्बाद, एकछिनको झोकमा ।
✍️ चन्द्रकली राना मगर
नौबहिनी ३ , प्युठान
[१७]
मन मिलेसम्म हिँड्छन् हाँसो मिसाएर
काम बिग्रिएपछि के गर्नु रिसाएर ।
✍️ अनुग्रह राना मगर ‘पुष्प’
पाँचखपन नपा – ६ संखुवासभा ।
[१८]
मनमा पिर बोकेर सारा मानिस गएका
मातेर आज कलिका मान्छे के साह्रै भएका ।
✍️ आर्त अकुलीन
[१९]
खुसी हुने मन मिलेको बेलामा भगवान् भन्ने
चित्त नबुझ्दा आरोप प्रत्यारोपण खाल्डो खन्ने ।
✍️ भगवती दवाडी ,दमक, झापा
[२०]
चाहियो आजभोलि मुखमा रामराजा बगलिमा खाजा
छुस्स केही मनको नपुगेमा हेर बजाइदिन्छन् बाजा ।
✍️ टिकाराम पुन पुकार
छत्रेश्वरी गाउँपालिका २
सल्यान
[२१]
भागबन्डा मिलुन्जेल पिरती नै यहाँ बसाउँछन् ,
नमिलेमा बखेडा झिकी दलदलमा फसाउँछन् ।
✍️ त्रिलाेचन भण्डारी
मेचीनगर,झापा
[२२]
मोजमस्ती गर्नलाई होटलतिर जान्छन्
अदालतमा मुद्दा परे नाबालिग मान्छन्।
✍️ राजेशराज गड्तौला
कॅाडाघारी, काठमाण्डौ
[२३]
पैसा उडाई कति खेल्छौ जालझेलको खेल,
पापको घडा जब फुट्छ अनि जाउला जेल ।
✍️ ध्रुव श्रेष्ठ
हाल,काठमाडौ ।
[२४]
मौकामा चौका हान्न आफैँ अघि सर्छन्
मस्ती ल्याएपछि लोभको झोली भर्छन् ।
✍️ प्रेम थापा “मन”बागलुङ
[२५]
सबैँ कुरा बिग्रेकाे नीतिशास्त्रकाे भएकाे अभाव
खुलेर आयाे हेर त जताततै विदेशी प्रभाव ।
✍️ प्रद्युम्न चालिसे
[२६]
पहिले लुकीछिपी अङ्गालो बेर्दै मस्त धोको फेर्छन् चोर
कुरो बिग्रेपछि छेर्दै लाज पचाउन लगाउँछन् जोर ।
✍️ विवश पारदर्शी
झापा,
[२७]
भाग्य तिम्रो त्यस्तै रहेछ पिरतीमा लाग्दा
समाई हाल्छ कानूनले जहाँ जता भाग्दा।
✍️ भवानी पाेखरेल (बाबू विराज)
बाणगङ्गा १ चार नम्बर कपिलवस्तु
[२८]
टाठाबाठा एकै ठाउँमा छन् अनेकथरि खेल खेल्छन्
अरूलाई केटाकेटी सम्झेर सधैँभरि यहाँ पेल्छन् ।
✍️ पवन कुमार बुढाथेाकी
काठमाडौँ
[२९]
सम्झौतानुसार, बाेलेकाे खै कसैले पनि पूरा गरेका छैनन् काम
नगर्नेकाे हुँदैन दाेष, ऊ ‘नकचराे’ अगुवाहरूकै जान्छ नाम ।
✍️ रामप्रसाद पुरी, बादेल, खाेटाङ ।
[३०]
थाहा छैन यहाँ कस्ले कस्लाई फसायो
धनले न्याय जित्ने परिपाटी बसायो ।
✍️ सुस्मिता अधिकारी ,काठमाडौँ
[३१]
खै कस्को पो विश्वास गर्नु र पलपलमै कुरा गर्छ फेरिने
आफ्नो फाइदा हुँदासम्म मात्र राम्रो नत्र गलत नजर हेरिने ।
✍️ सुशीला शिखा
काठमाडौं कागेश्वरी
[३२]
दियो बलिरहने, थप्नुपर्छ तेल
खेलखेलमा पर्छ है, कहिले जेल ।
✍️ मोती सुब्बा
दार्जिलिङ भारत।
[३३]
स्वार्थका कुरा छाडौँ
दु:ख सबैको फाडौँ।
✍️ तेजप्रसाद खनाल
[३४]
सित्तैमा पाए अलकत्रा पनि खान्छन्
खाने मात्रै हाेइन झाेला भरि लान्छन् ।
✍️ नवराज भट्ट
कञ्चनपुर
[३५]
मोजमस्ती गरेकी छु पैसा टन्नै कमाउन
बैँसको सदुपयोग गरेकी छु रमाउन ।
समुद्र✍️✍️
जल्जला७गण्डकी
[३६]
बुझेर पनि नबुझ्ने, खेल हुन्छ यहाँ,
लज्जा पच्चाएको मान्छे बसेको छ जहाँ।
✍️ एवाइ प्रभात
धनकुटा
[३७]
नबुझेर मन बगाउँछन् आँसुका भेल,
आमाको सेवा गर्नेहरू नै पर्दैछन् जेल।
✍️ दीपा गुरुङ्ग (समभाव )
काठमाडौँ
[३८]
मन नमिल्दा आगो लाग्नु अनौठो हैन
असन्तोषको डढेलो सल्काउनु छैन ।
✍️नन्दलाल आचार्य
बेलका, सिद्धार्थटोल, उदयपुर, कोशी ।
[३९]
सहमती मै हुन्छ हजुर यहाँ सबै काम
फसाउने त अनि हुन नमिलेपछि दाम ।
✍️ अनिता भण्डारी ताप्लेजुङ
[४०]
मन मिले भन्छन् मेरो मनको राजा
मन नमिल्दा यहाँ बजाउँछन् बाजा ।
✍️ सरस्वती श्रेष्ठ इटहरी
[४१]
पैसा पाए बोली फेर्न लाउॅंदैनन् बेर
युगलाई दोष दिई बोल्छन् जतिखेर ।
✍️ पुष्पा सुवेदी
नेपालगंन्ज,बॅाके।
[४२]
तिमीलाई भेट्न भनेर यो गाउँमा धाउँदैछु ।
आरोप लाउनेको अगाडि उभिन आउँदैछु ।
✍️ चुडामणी देबकोटा
चनपा १३ काठमाण्डौ
[४३]
भाैतिक विलास मात्रै हैन हाम्राे जीन्दगी
गराैँ लाेककाे कल्याण नहोस् है जगजगी ।
✍️ हरिगाेपाल प्रधान
काभ्रेपलाञ्चाेक, बनेपा१४ साँगा
[४४]
माछो समात्दा हेर भ्यागुतो फस्यो
चतुरे उम्क्यो धूर्त दु्लोमा पस्यो ।
✍️ कमला देवकोटा, पाल्पा
[४५]
ठुलै भाग खोज्छन् सबैले कठिन रहेछ मिलाउन
गोजी भरिएपछि फेरि भन्छन् सोम रस पिलाउन ।
✍️ प्रमोद भट्टराई ‘प्रतीक’
[४६]
लाग्नुहुन्न लहैलहैमा जीवन जाला खेर,
बस्नुपर्ला सदा कुनामा रोइकराई धेर ।
✍️ गंगा खड्का
बूढानीलकण्ठ ,काठमाडौँ
[४७]
अनौठो दुनियाँमा देखिन्छ अनेक चाला,
राम्रो गर्दागर्दै फसाउँछन् भइन्छ हाला।
✍️ शोभा आचार्य गौतम
काठमाडौँ
[४८]
स्वार्थ मिलेसम्म बन्छन् सबै महामानव
लोभ डाह बढेपछि हुन्छ उहीँ दानव ।
✍️ इमान सिंह के.सी.
व्यास ९ धनुवेसी,कलेस्ति, तनहुँ
हाल नागार्जुन २ सुन्दरवस्ति,काठमान्डौ
[४९]
यहाँ राम्रो काम गर्दा भइहाल्छ जलन
सोझालाई फसाउने चलेको छ चलन ।
✍️ हिमा आर सी
मेहेलकना सुर्खेत
[५०]
धेरै उम्लियो भने पोखिन्छ भन्छन्
हिजोआज सम्बन्ध पैसामा गन्छन् ।
✍️ संगीता खरेल
चन्द्रागिरी ८ काठमाडौँ
[५१]
मनको जेल के साह्रो
अझ दिल झनै गाह्रो।
✍️ नीमा छिरिङ भोटिया
जलढका कालेबुङ भारत
[५२]
चन्द्र दाहिने रहुन्जेल कति खान्छौ खाऊ
ग्रहदशा बिग्रिएपछि मामा घर जाऊ ।
✍ राजेन्द्र प्रधान ‘पासा’, दार्जिलिङ ।
[५३]
कार्यान्वयन हैन नारा गर्ने रहेछन् चर्को
सुन्दा बहस यी नेतृत्वको लाग्न थाल्यो झर्काे ।
✍️ केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा।
[५४]
कहिल्यै नसकिने त्यही जुँगाको खेल
कतिसम्म सकेका हुन् गर्न जालझेल ।
✍️ गम्भीर दुवाडी
गजुरी-५,धादिङ्ग
[५५]
सबै कुरा बुझेकै छन्, विद्वान हुँ भन्नेले
उल्टो बाटो हिँडाइ दिन्छन् खाडल खन्नेले ।
✍️ होम प्रसाद नेउपाने
धरान,सुनसरी ।
[५६]
लेख्नु थियो सुनौलो अक्षरमा नाम तर लेखेनँ
मस्त थिएँ म जवानीको जोसमा आँखा नै देखेनँ ।
✍️ बि.कुलुङ
दार्जिलिङ रंगबुल
[५७]
समय पनि कस्तो आयो बुझ्नु जताततै डर
आफ्नै सम्झेर नै मन खोल्यो हुन्न कसैको भर।
✍️ दुर्गा आचार्य
मोरङ
[५८]
नबुझ्या झैँ गर्छन् घाटामा कोही बुझ पचाएर,
दुनियाँ सामु कोकोहोलो गर्छन् स्वर मचाएर ।
✍️ कृष्णकुमार वैद्य
बनेपा ९, काभ्रे
[५९]
हाम्रो जीवन रहेछ एउटा खेल
सलल बगेर जाने साउने भेल ।
✍️ बिके मुखिया
दार्जिलिङ भारत ।