Tag: टुक्का माथि टुक्का

काठमाडौँ । साप्ताहिक ‘टुक्कामाथि टुक्का’ व्यङ्ग्यात्मक टुक्का लेखनको १५९ औँ शृङ्खला सम्पन्न भएको छ ।
अभ्यासमा नेपाल लगायत विश्वका ५२ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १५९ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

टुक्कामाथि टुक्काको १५९ औँ शृङ्खलामा सहभागी टुक्काकारहरूका सुन्दर टुक्काहरू-

~~~~~<•>~~~~~
१)
देखाउनु छ समाजमा आनबान सान
ऋण काढेर तिहारमा  गर्नैपर्‍यो दान ।
-वसन्त अनुभव
घोराही, दाङ
२)
तिहारमा दान सान इज्जतकाे कुराे 
देखावटी गर्दा गर्दै खाेक्राे भयाे चुराे । 
-ताराप्रसाद चापागाई
३)
सिस्नुपानी देउसी भैलो तिहारमा खेलियो 
राजनीति सत्तामा खेल खेल्दा दशा झेलियो ।
-बेदु न्यौपाने
४)
इज्जत जान्छ भनेर नदेखाऔँ फोस्रो सान
आफ्नो गच्छे अनुसार गरौँ तिहारमा दान ।
-अर्जुन प्रसाद चौलागाई
अमैरिका, बोस्टन
५)
ऋण काढेर दान, गर्नुपर्छ नै हेर
तिहारपछि साहु आउँछ उत्तिखेर ।
-एवाइ प्रभात
खाल्स छेन्ताङ सहिदभुमि धनकुटा
६)
यसै त बडादशैँको ऋण काँधमाथि बोझ बनेको थियो
फेरि लैजा है केटा ऋण भन्दै साहुले केही रकम दियो ‌।
-कबिताहरी 
सुन्दरहरैंचा नगरपालिका १ मोरङ
७)
तिहारमा प्रतिष्पर्धा एकअर्को डाहमा 
घर घरको अर्थ व्यवस्था रुने आहमा ।
-कार्की डिबी माकुम 
सुनवल-४, नवलपरासी
८)
यो समाजमा जसरी पनि राख्नुपर्छ मान
इज्जतको कुरो छ गरेँ ऋण काढेर दान ।
-भुपेन्द्र राना मगर
९)
भन्छन् बाउ बाजेदेखी मानेर ल्याएको चलन
ऋणमाथि ऋण थपिँदा हुन्छ मनमा जलन ।
-अनुग्रह राना मगर ‘पुष्प’
पाँचखपन न. पा. ६ संखुवासभा ।
१०)
काग र कुकुर, गाई ,गोरु गरियो हजुर पूजा
ऋण काढियो दारु मासु गरियो जिउनार भुजा ।
-नवशिला
बेलबारी – २, नवदेव मार्ग, लालभित्ती, मोरङ।
११)
सयपत्री र मखमली बारीमा छ फुलेको
परदेशी भाइलाई सम्झेर मन डुलेको ।
-कला ढकाल, झापा
१२)
सयपत्री मखमली सेलरोटी हाम्रा पौराणिक चलन
तिहारमा दिदीले केही शर्त राख्दा राक्षसलाई जलन ।
-चुडामणी देबकोटा 
पुरानोनैकाप काठमाण्डौ
१३)
गलामा फूलको माला होस् त निधारमा सप्तरङ्गी टीका
मनाउँन पाउन सबैले तिहार नहोस् कसैको फिका ।
-अनिता भण्डारी, ताप्लेजुङ
१४)
सान देखाउने आदतले पारिसक्यो शुन्य
ऋणको भारले थिचेपछि केकाे मिल्छ पुन्य ?
-त्रिलाेचन भण्डारी 
मेचीनगर, झापा
१५)
तिहार बहिनी मानेर टीका लगाउने
उसैलाई प्रेमिका  बनाएर भगाउने ।
-नवराज भट्ट
कञ्चनपुर
१६)
हुनेले त देखाउलान्, दान गरी आफ्नो सान
नहुनेको कसरी  रहला, समाजमा मान ।
-राजेशराज गड्तौला
काँडाघारी, काठमाण्डौ
१७)
घाँटी  हेरेर सबैले चाडपर्व मनाऔँ
फजुल खर्च गरेर भड्किलो नबनाऔँ ।
-सतीश पण्डित
भानु६ चुँदी तनहूँ
हाल चनपा ६ मातातीर्थ।
१८)
आफ्नो गच्छे अनुसार पर्व मनाऔं 
देखासिकी गरी खराब नबनाऔँ ।
-दुर्गा भट्टराई
१९)
चाडपर्वमा फजुल खर्च गरी नदेखाउँ सान मान 
ऋण परी भविष्यमा कमन्डलु बाेकी माग्नुपर्ला दान ।
-राज कुमार राजभण्डारी खाेटाङ्गे
मध्यपुर ठिमी ५ संगम काेलाेनी राधे राधे भक्तपुर 
२०)
वर्ष दिनको चाडपर्वमा खुसी भई रमाउनुपर्छ 
जे छ त्यसमा सुखसङ्ग आनन्दित हर्षित हुनुपर्छ ।
-सबिता खड्का, कैलाली
२१)
चाडपर्व मनाई संस्कृतिलाई जाेगाउनु
दसैँ तिहार मनाउँदा ऋण नबोकाउनु ।
-प्रमाेद नेपाल
वीरगञ्ज । हाल का म न पा ५
२२)
दम्भले फुल्छन् सम्झेर सबैतिर खुला
जो भ्रष्टचारी फेरि उसैका फूर्ति ठूला ।
-प्रेम थापा “मन”बागलुङ
२३)
देखासिकी लौ गरि खानु
मरेपछि के छ र  लानु ?
-बुद्धिमान दनुवार ( सुरुङ्गेली कान्छो )
कनकाई ४ झापा
२४)
आजकलको जमानामा कस्ले पत्याउछ यहाँ रिन
सही  मान्छेले त  मान्नुपर्दछ सधैँभरि हेर्नुस् घिन !
-पवनकुमार बुढाथेाकी
काठमाडौं
२५)
दशा ग्रह पन्छाउन परेशानी किन ?
हिचकिच मान्नुहुन्न जाबो दान दिन !
-विवश पारदर्शी 
 झापा,
२६)
अरूको देखासिकीमा पाउनु छ सम्मान
ऋण काढेरै भए पनि गर्नुपर्‍यो दान ।
-डम्बर थामी ‘अनुपम’ 
कालिन्चोक गा. पा. -६, दोलखा ।
२७)
जहाँ पनि हुने खाने बढप्पन देखाउने देखिन्छ लर्काे
तर आफैँले बुझ्नुपर्छ देखासिकी छाेडेर, नगर्नु  चर्को ।
-रामप्रसाद पुरी, बादेल, खाेटाङ
२८)
ऋण काढेर देखासिकी नैं नगरौँ
संस्कृति जोगाउन सबै अघि सरौँ ।
-बिबा तामाङ
लाटपञ्चर सिटोङ खरसाङ
२९)
वर्ष दिनमा मनाइने रमाइलो चाड
भाँडभैलो नगर्नु पिएर रक्सी र जाँड ।
-बिके मुखिया
दार्जिलिङ,भारत
३०)
 रित्याई ढुकुटी गर्छौ झुटो पिर
संस्कृति भाडेर पार्छौ ठाडो शिर ।
-हरिगाेपाल न्हुच्छेँ प्रधान 
काभ्रे, साँगा बजार बनेपा १४
३१)
हर्ष र उमङ्ग पटक्कै छाएन यसपालिको तिहारमा 
सत्तरङ्गी फूलका माला राताे टीका भएन याे निधारमा ।
-नाम केसर बाेहरा ( सङ्घर्ष )
सुदूरपश्चिम अछाम । हाल भारत ।
३२)
दान गरी ठूलो बन्ने छैन मलाई चाहा
दुनियाँको बाल भएन छि: भनुन् कि आहा !
-मन्दिरा सेढाई, मलेखु, धादिङ
३३)
बाँडेर न्यायमा जोगिए जस्तो पुण्यमा जोगिँदैन 
लुटेको धनले मनमा शान्ति कहिल्यै भोगिँदैन । 
-सुस्मिता अधिकारी ,काठमाडौँ
३४)
घाँटी हेरी  देउसीलाई गर्नू दान
नदेखाऊ तिमीले आडम्बरी सान ।
-भगवती दवाडी
३५)
भित्रिँदैछ चाडपर्व वर्षैपिच्छे थरिथरिका 
आफ्नो चलन बिर्सिइकन खोज्छन् नयाँ तरिका ।
-सुनगाभा पोखरेल 
कपिलवस्तु १बैरिया
३६)
तिहार एक ठूलो पर्व
खुसीले सबै गरौँ गर्व !
-आर्त अकुलीन
३७)
ऋण काढेर भए पनि  गरिन्छ महादान 
नत्र कसरी  समाजमा रहन्छ उँचो सान ?
-बाबुराम गौतम, गुल्मी
३८)
समाजको लागि हैन आफन्त आफन्त मिलेर मनाऊँ
अरूले जे भने पनि रीतिरिवाज पहिले नै जनाऊँ !
-अम्बिका अधिकारी
झापा बिर्तामोड
३९)
सच्चाइ पुरानो रीति दान पुण्य कर्म 
ऋण काढी दान गर्न गरौँ अब शर्म ।
-मोती योन्जन सुब्बा,  दार्जिलिङ
४०)
दुनियाँलाई देखाउन गरिँदैन ऋण काढेर सान
सादा जीवन उच्च विचार त्यहीँ नै हुन्छ नि ठूलो मान ।
-शोभा आचार्य गौतम 
काठमाडौँ
४१)
पर्वहरू साल सालै महङ्गो हुँदै गयो
जसरी पनि गरीब मारमा पर्ने भयो ।
-अरुण कुमार भुजेल 
गोरू बथान,कालेबुङ,भारत
४२)
देखाए के हुन्छ फुर्तीसरि  हैसियत बरु
एकबारको जीवन हो जेसुकै भनुन् अरू ।
=अच्युत घिमिरे, सर्पाङ, भुटान🇧🇹
४३)
रमाइलो हाम्रो पर्व तिहार यो वर्षैपिच्छे आउँछ 
आफ्नो स्तर अनुसार मनाउँ है तब खुसी छाउँछ ।
-सुशीला शिखा 
काठमाडौं कागेश्वरी
४४)
ऋण काढेर देउसीलाई दिन्छ दान
अरूको अगाडि देखाउनै पर्यो सान ।
-दीप गोले तामाङ
४५)
गर्नैपर्यो केही न केही बचाउन आफ्नो सान
ऋण काढेर नि देउसीलाई दिनैपर्यो दान ।
-रचना शर्मा प्रतीक्षा 
इमाडोल, ललितपुर ।
४६)
चाडपर्व तिहार हामी नेपाली 
सेखासेखले संस्कृति रह्यो खाली ।
-हन्नाह छेत्री, दार्जिलिङ
४७)
मसलाको बढ्यो मूल्य फलफूल उसैगरी
फलामको भयो च्युरा तिहार पनि यो घरी ।
-रामशरण न्यौपाने, भक्तपुर
४८)
विकृति धेरै ल्याएर समाजमा चाडपर्व हरायो 
जहिले पनि अर्धनाङ्गो भई मञ्चमा धेरै करायो । 
-विकास क्षेत्री अञ्जान 
कैजले, बिजनबारी, दार्जिलिङ
४९)
यता पनि दान उता पनि दान, देउसी भैलोले फुटायो कान
पैसा फल्ने रुख नभएपछि, कतिलाई दिएर सक्नु सम्मान ।
-होमप्रसाद नेउपाने
धरान,सुनसरी ।
५०)
सायद कतै भूल भएको हुनुपर्छ संस्कृतिमा हाम्रो 
जानाजान सिको गर्दै अरूकाे संस्कार हुँदैछ नराम्रो ।
-ईश्वर साउद
रामारोशन गाउँपालिका  ६ सुदुरपश्चिम अछाम
५१)
जसरी कमाएर भएपनि गर्नु दान
समाजमा बढाएकै छ  हेर सानमान ।
-प्रद्युम्न चालिसे
भक्तपुर कटुञ्जे ।
५२)
दिदीबहिनी तिहारमा नआउने 
मैले भाइ टीका कसरी लगाउने ।
-भवानी पोखरेल (बाबु बिराज)
बाणगंगा १ चार नम्बर, कपिलवस्तु

काठमाडौँ । साप्ताहिक ‘टुक्कामाथि टुक्का’ व्यङ्ग्यात्मक टुक्का लेखनको १६० औँ शृङ्खला सम्पन्न भएको छ ।
अभ्यासमा नेपाल लगायत विश्वका ६४ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १६० औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

सहभागी टुक्काकारहरूद्वारा सृजित सुन्दर टुक्का कविताहरू-

~<•>~
१)
जात नै जाला जस्तो गर्छन् लेख्दा कतिपय
टुक्का अघि बढेकोमा आरिस हो कि भय ?
-वसन्त अनुभव
घोराही, दाङ
२)
टुक्का कविता छाेटाे मिठाे भावनाकाे कला 
मै हुँ भन्ने घमन्डीलाई पार्न सक्छ थला । 
-ताराप्रसाद चापागाईँ
३)
निरन्तर  फस्टाउँदै   गइरहेको   छ  टुक्का
आरिस गर्नेहरू होसियार है लाग्ला मुक्का !
-भोज विवश मगर
गैंडाकोट -३ नवलपरासी पूर्व
४)
थोरै शब्द धेरै वर्णन टुक्काको आसय  
पढ्दै गर्दा भाव बुझ्दा मन कवितामय !
-सागर आँसु -डोटी
५)
छोटो मिठो, चोटिलो भाव बोक्छ टुक्का
क्रान्ति बुझ्न नसक्दा खाने गर्छन् मुक्का ।
-दीपा समभाव 
दुबेकोल खोटाङ्ग
६)
नबोलौँ भनेको थिएँ जबरजस्ती बोलायो
कसेर गाँठो पारेको मन समेत खोलायो।
-प्रदीप के रिमाल
७)
लेख्नु काव्य बनोस् अझै  रसिलो
शब्द भण्डार बनून् झन् कसिलो ।
-भगवती दवाडी, झापा
८)
सबै विषयमा टुक्का लेख्न सकिन्छ 
हिँड्न नजानेमा खुट्टाले दु:ख दिन्छ ।
-कार्की डिबी माकुम 
सुनवल-४, नवलपरासी
९)
आरिसे  जतिले  गर्दै  गरुन्  रिस  अनि  डाहा
कस्को भविष्य कस्तो हुन्छ तिनलाई छ र थाहा ?
-अर्जुन प्रसाद चौलागाई
अमेरिका, बोस्टन
१०)
हुन्छन् समाजमा  दुष्ट मान्छे कति कति
हो हुँदैन कहिल्यै  त्यस्ताको राम्रो मति ।
-सतीश सिकारु
चनपा ६ मातातीर्थ।
११)
आरिसेकाे त खासै साहित्यमा छैन काम
टुक्का कविता नलेखी कहाँ आउँछ नाम ।
-राज कुमार राजभण्डारी खाेटाङ्गे
मध्ययपुर ठिमी ५ संगम काेलाेनी राधेराधभक्तपुर ।
१२)
भुक्ने कुकुर भुक्छ 
दैलोमा आई ढुक्छ ।
-नागेन्द्रप्रसाद यादव ।
१३)
कहिल्यै नखोज मान
कर्मले देखिन्छ सान !
-आर्त अकुलीन
१४)
खुट्टा तान्नेहरूको कमी छैन 
जे गरेपनि  खुशी भने  हैन ।
-कला ढकाल, झापा
१५)
पाप लाग्छ जस्तो गर्छन् पढ्दा महोदय
साहित्य नै होइन पो ! भन्छन् कतिपय ।
-होमप्रसाद नेउपाने
धरान, सुनसरी
१६)
लेख्न सजिलो र चोटिलो हुन्छ
टुक्काले समाजको मैलो धुन्छ ।
-अच्युत घिमिरे, सर्पाङ, भुटान🇧🇹
१७)
टुक्का कविता लेखौँ हामी भाव र कला भर्दै  
रिस डाहा  गर्नेहरू पछिपछि  लाग्छन्  सर्दै ।
-बेदु न्यौपाने 🌹🌹
१८)
टुक्का लेख्दा भाव चाेटिलाे आओस् महाशय
पढ्नेले  तुरुन्तै  बुझाेस् नि ! यसकाे  आसय ।
-नवराज भट्ट
कञ्चनपुर
१९)
लक्ष्यमा पुग्न टुक्काले गरेको देखेर यात्राको तय
शुभ चिन्तकलाई खुसीयाली छ आरिसेलाई भय ।
-पुष्पा सुवेदी
नेपालगन्ज,बॅाके।
२०)
समावेशी बनेको छ टुक्का लेखन सान्दर्भिकता लय
मुर्खको औषधि छैन आरिस गर्ने खुम्चिन्छ लेख्ने जय ।
-चुडामणी देबकोटा
पुरानोनैकाप काठमाण्डौ
२१)
चिनी राख्नुपर्छ धेरै जसो यस्तै हुन्छन् कतिपय 
अडिग  भै बढिरहनु  गरी आफ्नो  सुन्दर  तय ।
-अनुग्रह राना मगर ‘पुष्प’
पाँचखपन न. पा. ६ संखुवासभा ।
२२)
दुश्मनलाई ढाल्नुछ
कुरीतिलाई फाल्नुछ ।
-दीप गोले तामाङ, रौतहट
२३)
मै हुँ भन्ने यहाँ बिगार्न थाले, लेख्दा अचेल टुक्का
बिग्रियो भनी बताउँदा, तयार हुन्छन् हान्न मुक्का ।
-राजेशराज गड्तौला
कॅाडाघारी, काठमाण्डौ
२४)
छाेटाे मीठो हुन्छ टुक्का पढ्न नि सजिलो 
बाेक्ने गर्छ भाव अर्थ अति गहकिलो ।
-प्रमाेद नेपाल
वीरगञ्ज । हाल काठमाडौ -५
२५)
टोक्यो भन्दैमा कुकुरले मिल्छ र टोक्न कुकुरलाई
रोकेर  कहाँ  रोकिन्छ  र  सृजनशील  हात  समाई ।
-पुष्पा राई,बादेल,खाेटाङ।
२६)
जातै जाओस् तर टुक्का लेख्न छाेडिन्न
टुक्का छाेडी अन्ततिर ध्यान माेडिन्न ।
-भवानी पाेखरेल (बाबू विराज)
बाणगंगा १ चार नम्बर, कपिलवस्तु
२७)
सायद ठूला ठूला कवि भ‌एर होला
बगाउन चाहादैनन् यो टुक्काको खोला ।
-रमेश दियाली 
शेल्पू सिटोंग दार्जिलिङ भारत।
२८)
टुक्काहरू लेख्ने नलेख्ने आ-आफ्नै हो नि खुबी 
डाहा र रिसले  उन्नति हुन्न जाने हाे डुबी ।
-सुशिला शिखा 
कागेश्वरी काठमाडौं
२९)
लेख्न न छोडौँ है चोटिलो टुक्का
आरिसेको मुखैमा हानौँ मुक्का ।
-बिके मुखिया
दार्जिलिङ,भारत
३०)
टुक्काले त भ्रष्टलाई व्यङ्ग्य हान्दछ
त्यसैले त  ईर्ष्या गर्छ  खुट्टा तान्दछ !
-विवश पारदर्शी 
झापा
३१)
अचम्मका मान्छे यहाँ उस्तै रहेछ चलन 
सधैँ अरूको प्रगतिमा गर्ने गर्छन् जलन ।
-प्रतिज्ञा प्रतिज्ञा
मेहेलकुना सुर्खेत
३२)
छोटो मीठो दुई लाइनको यो कविता
आऊ सबले लेखौँ नबनाउँ रमिता ।
-बुद्धिमान दनुवार ( सुरुङ्गेली कान्छो )
कनकाई ४ झापा
३३)
कामना गर्दछु टुक्काले धरती आकाश छोओस्
आरिसे दुष्ट मोराहरू आँसुले मुहार धोओस् !
-मोती योन्जन सुब्बा,  दार्जिलिङ।
३४)
देखेर मात्र पुग्दैन कि त केही काम गरौँ
भनेर मात्र हुँदैन अझ, अघि पनि सरौँ ।
-प्रेम थापा “मन”बागलुङ
३५)
सानाठूला धनी गरीब मूर्ख विद्वान् सबै यहाँ पर्छ नाच्नु 
नेपाली साहित्यका आँगनमा सम्मानित नै भएर बाँच्नु ।
-रामप्रसाद पुरी, बादेल, खाेटाङ ।
३६)
भनेर मात्रै हुँदैन काम गर्दै जाऊँ
मिलेन टुक्का भने अवश्य क्षमा पाऊ ।
-रबि पाैडेल दक्षिण भारत पाण्डेचरी ।
३७)
मै मात्र हुँ कि जान्ने बुझ्ने जस्तो गर्छन् मेरै भनौदाहरू
मेरो केही नलाग्ने भएपछि भन्नुस् हजुर कसो गरुँ ?
-सुनगाभा पोखरेल
कपिलवस्तु १ बैरिया
३८)
टुक्का कविता लेख्दै गएमा धेरैले डाहा गर्छन् 
साहित्य कस्तो रसपान हाे बुझ्दैनन् पछि पर्छन् ।
-नाम केसर बाेहरा ( सङ्घर्ष )
सुदूरपश्चिम अछाम ।
हाल भारतबाट ।
३९)
नलेख्नेलाई लेखौँ  भन्दै कर पनि नगरौँ
टुक्कालाई मायाँ गर्ने जति सधैँ अघि सरौँ ।
-अरुण कुमार भुजेल 
गोरूबथान,कालेबुङ,भारत
४०)
कति रिस गर्छन्  बरै हामीले टुक्का लेख्दा
आरिसले जल्छ्न् नि टुक्का मौलाएको देख्दा ।
-अनिता भण्डारी ताप्लेजुङ
४१)
लेख्न जान्नेहरूका लागि लेख कला नै होला
टुक्का लेख्न नजान्ने आफैँ बगाउँछन् त खोला ?
-अम्बिका अधिकारी
झापा बिर्तामोड
४२)
साजबाज गरेँ धेरै, लेखूँ टुक्का मिठो भनी 
बङ्गारा नै सबै झार्‍यो, लोहाको चिउरा बनी ।
-रामशरण न्यौपाने, भक्तपुर
४३)
टुक्का चोटिलो हुन्छ कला विम्ब र यथार्थ बोल्छ
मनमा   पाप  हुनेहरूलाई  भतभती   पोल्छ ।
-डम्बर थामी ‘अनुपम’
कालिन्चोक गा. पा. -६, दोलखा 
४४)
यो मनको कुरा मनमै कति राखियो 
दुःख सुखको अनुभवबाट चाखियो ।
-नीमा छिरिङ भोटिया 
जलढका कालेबुङ
४५)
उसले जे जे गरि खान्छ आरिस किन गर्नू
बरु टुक्का कविता लेख्नु साहित्याकास भर्नू ।
-तिला लेकाली
४६)
साहित्य आफ्नाे भाव र भावनाका शब्दकाे मेल
दायाँबायाँ नहेरी बगाउनु सृजनाकाे भेल ।
-प्रद्युम्न चालिसे
भक्तपुर कटुञ्जे
४७)
 यहाँ कसले डाहा गरेर के हुन्छ 
साहित्यिक शब्द सबैको मन छुन्छ ।
-शोभा आचार्य गौतम 
काठमाडौँ
४८)
आरिस गर्दा हुन्छ है आफैँमा हानी
सकेसम्म रिस कम गरौँ है जानी ।
-बिबा तामाङ
लाटपञ्चर सिटोङ खरसाङ।
४९)
जति नै खुट्टा ताने पनि ढुक्कले टुक्का अघि बढ्दैछ
अनमोल विधा यो साहित्यको आज शिखर चढ्दैछ।
-तोया नाथ चापागाईं
दमक, झापा
५०)
लेख्दा पनि घमण्ड गर्ने है ! म जस्तो कोही छैन भन्ने 
हामी पनि लेख्छौँ कविता तर संज्ञा ठुटे कवि गन्ने ।
-कबिताहरी 
सुन्दरहरैंचा नगरपालिका १ मोरङ
५१)
आजभोलिका शासक डाडु पन्यू समाउन पाएर आफू आफैँमा छन् दङ्ग 
मन्त्रीलाई समेत फिर्ता पठाएकोले देखियो यिनका सुशासनको ढङ्ग !
-पवनकुमार बुढाथेाकी
काठमाडौँ
५२)
बुझ्न छोटो मीठो टुक्का छायो मुटु मन
गर डाहा तिमी झाँगिँदैछ रनवन ।
-इन्दु श्रेष्ठ, चितवन
५३)
टुक्का कविता लेख्दा पढ्दा जान्छ भनेर हो कि जात
बोक्रे कविले बेलाबखतमा  गरिरहन्छन् घात l
-बाबुराम गौतम, गुल्मी
५४)
शब्दको भावभित्र हुन्छ जमेको
संसार यसैमा खुसीले रमेको ।
-कृष्ण बजगाई, भक्तपुर
५५)
समयलाई नफालौँ खेर
लेखौँ टुक्का सोचेर गमेर ।
-मन्दिरा सेढाई
मलेखु, धादिङ 
५६)
साहित्य साहित्य हुन्छ कसैकाे हुँदैन पेवा
नबुझे टुक्का हिरो हाे बुझेमा मिष्टान्न मेवा ।
-शारदा भण्डारी काफ्ले
विराटनगर
५७)
कुन शब्द खोजेर  कविता कोरौँ
‌मीठामीठा भाषा कहाँबाट गोरौँ ।
-घनश्याम पन्त हरिवन सर्लाही
५८)
कामपछि नाम आफैँ फैलिँदै जान्छ 
काम जस्तै जिवनकाे उचाइ लान्छ ।
-ईश्वर साउद(भिक्षु) 
रामारोशन गाउँपालिका ६ सुदुरपश्चिम अछाम
५९)
मौलाउँदै गएकोले पर्यो होला चोट
टुक्का कवितालाई कसले लायो खोट |
-सरिता सेढाई, धादिङ
६०)
विज्ञ छु भनेर घमण्ड गर्छौ किन ?
आफू कति पानीमा छु पहिले चिन ।
-विनोद साथी 
मिरिक
६१)
चुपचाप कर्म गर्दै जानुस्
बेथितिको विष स्वाट्टै खानुस् ।
-लक्ष्मी रिजाल 
रुपनगर, सप्तरी ।
६२)
कुनै दिन अवश्य लेख्ने छन् टुक्का रमाई 
धन्य बन्लान् टुक्का संग्रह खुसीले समाई । 
-सुस्मिता अधिकारी ,काठमाडौँ
६३)
जान्दछु भनेर कम्मर कस्ने पनि देखियो
आफ्नै घमण्ड ईर्ष्या बाहेक के नै पो लेखियो।
-बिकास क्षेत्री अन्जान
६४)
रूप बेग्लै प्रतिभा बेग्लै गराैँ सबैकाे मान
पृथक विधाकाे सत्कार गराैँ पुराऔँ ध्यान ।
-हरिगाेपाल न्हुच्छेँप्रधान
काभ्रे,बनेपा १४ साँगा बजार

काठमाडौँ । साप्ताहिक ‘टुक्कामाथि टुक्का’ व्यङ्ग्यात्मक टुक्का लेखनको १५६ औँ शृङ्खला सम्पन्न भएको छ ।
अभ्यासमा नेपाल लगायत विश्वका ५५ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १५६ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

~<•>~
प्रतिनिधि टुक्का- १५६
नरहोस् निधार बाँझो, नरहोस् हात खाली
सबैको इच्छा चाहना, पूरा होस् यसपालि ।
~<•>~

टुक्कामाथि टुक्काको १५६ औँ शृङ्खलामा सहभागी टुक्काकारहरूका सुन्दर टुक्काहरू-

१)
नरहोस् निधार बाँझो, नरहोस् हात खाली
सबैको इच्छा चाहना, पूरा होस् यसपालि ।
-वसन्त अनुभव
२)
जाेगाउनु छ संस्कृति लाेभ माेह छैन
आशीर्वाद त थापियाे पुग्ने हाे कि हैन ?
-ताराप्रसाद चापागाईँ
३)
दसैँमा टीका जमरा आशिर्वाद मानेर
सांस्कृतिक परम्परा जगाउन जानेर
-अम्बिका अधिकारी
झनपा बिर्तामोड
४)
आफ्नो त निधार रह्यो बाँझो, हात पनि रह्यो खाली
फेरि पनि दशैंँमा घर जान सकिन यसपालि ।
-कबिताहरी
सुन्दरहरैंचा नगरपालिका १ मोरङ
५)
नरहोस् है भन्छन् निधार खाली
प्रकृतिले नदिए भाँजो हाली ।
-मोती योन्जन सुब्बा दार्जिलिङ।
६)
चाडपर्व हाे हाम्रो आफ्नै सान
इष्टमित्र सबैको राखौँ मान।
-राज कुमार राजभण्डारी खाेटाङे
मध्यपुर ठिमी ५ संगम काेलाेनी राधे राधे भक्तपुर ।
७)
प्रकृतिले लगिदियो जनधन नै लुटेर
अभागीको निधार बाँझो टीका फुर्का छुटेर ।
-बिबा तामाङ
लाटपञ्चर सिटोङ खरसाङ
८)
टीका लगाउने समातौँ हेर पाटो
घाँटी हेरी हाड निल्ने निकालौं बाटो ।
-विष्णु पंगेनी (पाण्डे)
वालिङ स्याङ्जा
९)
ठूलाबडाको हातमा
टीका जमरा साथमा ।
-साहित्य प्रेमी सुशील
धनगढी
१०)
बरु महत्वाकांक्षी हुनू, नहुनू बदमास
हामीहरू लाग्नुपर्छ सत्यको पक्षमा खास ।
-मन्दिरा सेढाई
मलेखु, धादिङ
११)
खुसी भएर याे दसैँमा सबै मिठाे र मसिनाे खाउन्
सम्पूर्णका दुःख र पीडाहरू टाढा भैं भागेर जाउन्।
-केसर बाेहरा ( सङ्घर्ष )
सुदूरपश्चिम अछाम ।
हाल भारतबाट
१२)
टीका लगाउँदै उकाली ओराली
हात निधार नहोस् कसैको खाली ।
-प्रेम सुनार दैलेख
१३)
जोगाउँ संस्कार संस्कृति मोहमा परेर हैन
ठुलाको आशीर्वाद थाप्नुछ लानु त केही छैन
-बेदु न्यौपाने
१४)
आशीर्वाद दिदै टीका जमरा लगाउॅंछु अरूलाई
आफूले थाप्न नपाए नि खुसीका साथ बस्छु रमाई ।
-अर्जुन प्रसाद चौलागाई
रामेछापः-सुनापति-१
हालः-क्यानडा,क्यालगरी।
१५)
टीका, प्रसाद र जमराले सजिएको छ नि पुजाको थाली
जसलाई मिल्छ दुर्गा मताको आशीर्वाद उहीँ भाग्यशाली ।
-सुशीला शिखा
काठमाडौँ कगश्वरी
१६)
मान्यजनको हातबाट टीका लगाउने
एक आपसमा पनि सम्बन्ध बढाउने।
-सतीश पण्डित
भानु६ चुँदी तनहूँ
हाल चनपा ६ मातातीर्थ
१७)
धेरैलाई रुवायो बाढिले दसैँको मुखमा
सहारा कोही कतै भेटिँदैन पीडा दुखमा ।
-चुडामणी देबकोटा
पुरानोनैकाप काठमाण्डौ
१८)
धुप दिप नैवेद्यसहित घण्टी बज्यो मन्दिरमा
अब निधारमा टिका र जमरा लगाऊॅ शीरमा।
-पुष्पा सुवेदी
नेपालगन्ज,बॅाके।
१९)
जे जे भन्नू भयाे मेराे लागि त्यही नै भयाे
याे सालकाे चाडपर्व दुखैदुखमा गयाे ।
-भवानी पोखरेल( बाबु बिराज)
बाणगंगा १ कपिलवस्तु
२०)
नव दुर्गा भवानीले सदैव रक्षा गरुन्
शुभ शुभ आशीर्वाद सबै माथमा परुन् ।
-त्रिलाेचन भण्डारी
मेचीनगर, झापा
२१)
बेमौसमी झरी पनि दशैँमा आइ दियो
खोला किनारमा घर हुनेको ज्यान लियो ।
-कला ढकाल, झापा
२२)
खाली नहोस् कसैको निधार होस् जमरा टीका
छाओस् सबैमा खुसियाली नहोस् कसैको फिका ।
-अनिता भण्डारी, ताप्लेजुङ
२३)
खेतबारी बाँझै छन्, निधारको के कुरा
दसैँको यही बेला चेलीको फुट्यो चुरा ।
-राजेशराज गड्तौला
कॅाडाघारी, काठमाण्डौ
२४)
सबैमा मिलेर कुरा आनन्दको मनमा भरौँ
झमेला होइन बरु मनको मिठो बात गरौँ ।
-नीमा छिरिङ भोटिया
जलढका कालेबुङ
भारत
२५)
टीका र जमराको साथमा आशीर्वाद लिने चलन
मौलिकता हरायो भित्रियो विकृति मनमा जलन ।
-शान्ता पौडेल भट्टराई
टङ्कीसिनवारी, मोरङ
२६)
दुर्भाग्यलाई आशिषले गाल्नू
लगाएर टीका दुर्भाव फाल्नू ।
-विवश पारदर्शी
झापा
२७)
थाप्न चाहिँ थपियो आशीर्वाद पुग्छ कि पुग्दैन
प्रकोपले पनि रुवायो अझै अरू छ कि छैन ।
-अच्युत घिमिरे, सर्पाङ, भुटान🇧🇹
२८)
उत्साह अनि उमङ्गको बनोस् विजयादशमी पर्व
टीका र जमरा थापी बनाउनु छ आफूलाई गर्व ।
-तोया नाथ चापागाईं
दमक,झापा,नेपाल
२९)
कसैको निधार खाली
दैव नि भएका जाली !
-आर्त अकुलीन
३०)
विजयाको प्रतीक टीका जमरा नि लगाएर
आशीर्वाद पाउन सकूँ पिरव्यथा भगाएर ।
-नवशिला
बेलबारी-२, नवदेव मार्ग, लालभित्ती,मोरङ।
३१)
दशैँमा पनि भोकले भोजन डाक्नुपर्ने
सचेत भई होसले जीवन हाँक्नुपर्ने ।
-नन्दलाल आचार्य
बेलका-२, सिद्धार्थटोल, गल्फडिया, उदयपुर ।
३२)
कसैको मनमा हिनताबोध नहोस्
चाहन्छु यो दशैँ मङ्गलमय रहोस् !
-सरिता सेढाई धादिङ
३३)
सजाएर टीका अनि जमराले पूजाको थाली
आशिष् अनि प्रसाद बाँड्न पाइएन यसपालि l
-बाबुराम गौतम, गुल्मी
३४)
दशैँ नबनोस् कसैकालागि दशा
छाडौँ आजैदेखि मादकको नशा ।
-कार्की डिबी माकुम
सुनवल-४, नवलपरासी
३५)
निधारमा रातो टीका जमरा सबले लगाई
आफन्तसँग थाप्नु आशीर्वाद नमाग्नु कमाइ ।
-बुद्धिमान दनुवार ( सुरुङ्गेली कान्छो )
कनकाई ४ झापा
३६)
सबैले पर्व मनाउन् नहोस् कसैको उदर खाली
समानता बनोस् सबैमा शुभकामना यसपालि ।
-सङ्गीता खरेल
काठमाडौं
३७)
दसैँकाे दिन मान्यजनबाट टीका लगाउनू
जमरा पुगेपछि मेराे घरबाट मगाउनू ।
-नवराज भट्ट
कञ्चनपुर
३८)
डाँडाकाँडा ढाकुन् भन्थे उहिले आशिष दिँदाखेरी,
काम्छ जीउ अहिले डाँडाकाँडा सुन्दा विनाश हेरी ।
-कृष्णकुमार वैद्य
बनेपा ९, काभ्रे
३९)
सबका झुपडीमा हर्षोल्लास आओस् नेपालीकाे
यहीँ छ शुभकामना सबैलाई यसपालिको ।
-ईश्वर साउद(भिक्षु)
रामारोशन गाउँपालिका ६ सुदुरपश्चिम अछाम
४०)
मौलिक सम्पत्तिको गरौँ रक्षा
दशैँ बुझाउन नै लिऊँ कक्षा ।
-लक्ष्मी रिजाल
कञ्चनरूप १२, रूपनगर, सप्तरी ।
४१)
हाँसो खुसी भित्रियाेस् दशैँ मान्ने हर घरमा
मिलिजुली बाँचाैँ सधैँ एक अर्काकाे भरमा ।
-मित्र उराठी गाैतम
अमरपुर गुल्मी हाल तिलाेत्तमा-२,रुपन्देही
४२)
दशैँभन्दा ठूलो चाड छैन नेपालीको जसले जे भन
नमनाउनेहरूको नि रुन्छ अवश्यै भित्रभित्रै मन ।
-निमा शेर्पा
४३)
यसपालिको दसैँ भेलले लुट्याे
प्रकृतिले पनि चुट्नुसम्म चुट्याे ।
-प्रद्युम्न चालिसे
भक्तपुर कटुञ्जे
४४)
आउँछ्यौ भन्ने कुरा सुने, अनि पर्खी बसेँ बाटो हेरी
यहीँ थियो मनको चाहना , पूरा हुने भो अब फेरि ।
-अनुग्रह राना मगर ‘पुष्प’
पाँचखपन न.पा ६ द्सन्खुभा।
४५)
विकृति र कुसंस्कारलाई हटाई दशैँ मान्नुपर्छ
आफूभन्दा ठूलाबडालाई देउतैसरि ठान्नुपर्छ ।
-जानुका जानुका
४६)
निधारमा टीका शिरमा जमरा राख्ने पर्व हाम्रो
नेपालीहरूको महान् चाड बडादसैँ लाग्छ राम्रो ।
-कृष्ण बजगाई भक्तपुर
४७)
पाएँ आशीर्वाद मान्यजनबाट चाहेसरी
चुहिएकाे तक्दिर यो टालाैँ खोइ कसाेगरी ?
-हरिगाेपाल न्हुच्छेँप्रधान
काभ्रे, साँगाबजार बनेपा १४ ।
४८)
जे छ त्यसैमा बस्नु छ रमाइरमाइ
दु:खमा आफन्त नै जीवनको कमाइ ।
-प्रेम थापा “मन”बागलुङ
४९)
विजयादशमी टीका निधारमा लगाउनू
विपत्तिकाे ठुलाे दशैँ जेनतेन मनाउनू ।
-शालिकराम दाहाल
चा न पा ३ झाैखेल३ भक्तपुर
५०)
गरिबीले डाँडो काटेको पकाउने भाडो खाली
टिनको छानो चुहिने भयो छाउनु पर्ने पाली ।
-दुर्गा आचार्य
मोरङ
५१)
दैवले चुडी लग्यो मेरो सबै घरको सुख
रमाइलो नै छैन केही आज दशैँको मुख ।
-शशी श्री आचार्य
बौद्ध कुमारीगाल काठमाडौं
५२)
महान् पर्व हो दशैँ रमाइलो गर्न पर्छ
समस्या जे जति भए पनि त्यो आफैँ टर्छ।
-अरुण कुमार भुजेल
गोरुबथान, कालेबुङ ,भारत।
५३)
सबैलाई शान्ति हाेस् नहाेस् कसैको नि निधार खाली
आशीर्वाद लागाेस् ठूलाबडाकाे बन्नु देशको माली ।
-रामप्रसाद पुरी, बादेल, खाेटाङ ।
५४)
महङ्गीले सेक्नुसेक्यो निम्न जनको ढाड
परै छ दक्षिणा त के राख्ने मुखमा माड ।
-इन्दु श्रेष्ठ, चितवन
५५)
पीडा मनमा लुकाई दसैँ मनाउन हाँसेर
ठूलाको आशिष् लिई निधारमा अछेता टाँसेर ।
-प्रतिज्ञा प्रतिज्ञा
मेहेलकुना सुर्खेत

काठमाडौँ । साप्ताहिक ‘टुक्कामाथि टुक्का’ व्यङ्ग्यात्मक टुक्का लेखनको १५४ औँ शृङ्खला सम्पन्न भएको छ ।
अभ्यासमा नेपाल लगायत विश्वका ६३ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १५४ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

~<•>~
प्रतिनिधि टुक्का- १५४
आफूले आफैँलाई वरिष्ठ कवि हुँ भन्नेहरू
जुर्मुराइरहेछन् कविताको खेदो खन्नेहरू ।
~<•>~

टुक्कामाथि टुक्काको १५४ औँ शृङ्खलामा सहभागी टुक्काकारहरूका सुन्दर टुक्काहरू-

[१]
आफूले आफैँलाई वरिष्ठ कवि हुँ भन्नेहरू
जुर्मुराइरहेछन् कविताको खेदो खन्नेहरू ।
✍️ वसन्त अनुभव, घोराही, दाङ
[२]
मै हुँ भन्ने वरिष्ठहरू फाल्दैछन् समय खेर
बेकम्मा भएर बस्दैछन् अरूकाे खेदाे खनेर ।
✍️ ताराप्रसाद चापागाईँ
धुनिबेसी
[३]
साहित्यको नाममा भएको छ है चलखेल
कला देखाउने ठाँउमा किन हुँदैन मेल ।
✍️ सङ्गीता खरेल
चन्द्रागिरी ८ काठमाडौँ
[४]
साहित्यमा पनि किन गर्दछन् रिस
तिर्न पर्दैन उनीहरूलाई फिस ।
✍️ रबि पाैडेल, दक्षिण भारत पाण्डेचरी
[५]
आफूले आफैँलाई ठान्दिनँ कवि तर लेख्ने गर्छु टुक्का कविताहरू
अरूले जेसुकै ठानुन् मतलब छैन, मनको बह पोख्ने गर्छु अरू ।
✍️ कबिताहरी
सुन्दरहरैंचा नगरपालिका १ मोरङ
[६]
कवितामा जिवन्त देख्नेहरू
किन बुझ्दैनन् भाव लेख्नेहरू ?
✍️ कृष्ण बजगाई, भक्तपुर
[७]
जुर्मुराएर कविताको खेदो खन्दा के हुन्छ फाइदा?
लहलहैमा नलागी अघि बढौँ यसमै छ काइदा ।
✍️ अर्जुन प्रसाद चौलागाई
रामेछापः-सुनापति-१
हालः-क्यानडा,क्यालगरी।
[८]
टुक्का लेखनमा सधैँ अब्बल नै बनौँ
शब्दको निखारले अब साहित्य खनौँ ।
✍️ विकास क्षेत्री अञ्जान
कैँजले, बिजनबारी, दार्जिलिङ।
[९]
ठूला हुँ भन्ने वरिष्ठहरू आर्काको खेदो खन्छ्न्
आफ्नो आङको भैँसी नदेख्ने अर्काको जुम्रो गन्छन् ।
✍️ बेदु न्यौपाने
[१०]
अहंवादले मान्छेकाे हैसियत मेटिन्छ
आफू मात्र जान्नेहरू साहित्यमा भेटिन्छ ।
✍️ प्रद्युम्न चालिसे
भक्तपुर कटुञ्जे
[११]
कसैले कसो पो गरे यो सुसेल्दा
कला उम्किएला गुनासो उकेल्दा !
✍️ दीपा समभाव
दुबेकोल खोटाङ्ग
[१२]
कोही नहुने रहेछन् संसारमा सर्वज्ञ
बहुमतको विचार मानौँ पवित्र यज्ञ ।
✍️ कार्की डिबी माकुम
सुनवल-४, नवलपरासी
[१३]
चानचुन हैन ख्याल गर्नुस् म हुँ आँसु कवि
देशभरि नै वाहवाही छ देखि मेरो छवि ।
✍ नवशिला
नवदेव मार्ग लालभित्ती,मोरङ।
[१४]
गुट उपगुट धेरै देखिन्छ
खुट्टा तान्नेहरू मात्र भेटिन्छ ।
✍️ कला ढकाल, झापा
[१५]
मपाईँत्व बढेपछि यस्तै गर्छन् कविहरू
नाङ्गिएर जान्छन् आफैँ हराउँछन् छविहरू ।
✍️ त्रिलाेचन भण्डारी
मेचीनगर, झापा
[१६]
साहित्यलाई समूह बनाई आफैँ वरिष्ठ बन्छन्
सहमती नगर्ने सबैलाई कामै नलाग्ने भन्छन् ।
✍️ राजेशराज गड्तौला
कॅाडाघारी, काठमाण्डौ
[१७]
साहित्यमा जाे राम्रो छैन वरिष्ठ कवि हुँ भनी ठान्छन्
अहम्ताले प्रतिष्ठामा दाग लागि नराम्रो धाेका खान्छन् ।
✍️ राज कुमार राजभण्डारी खाेटाङे
मध्यपुर ठिमी ५ संगम काेलाेनी राधे राधे भक्तपुर ।
[१८]
लेखौँ न कविता मनमा आएकाे
कसले देख्छ घरभित्र खाएकाे ।
✍️ नवराज भट्ट
कञ्चनपुर
[१९]
जहाँ पनि हुन्छन् हेर ! विपक्ष अनि पक्ष
खेदो खन्ने बिलाउॅछ अगाडि बढ्छ दक्ष ।
✍️ पुष्पा सुवेदी
नेपालगन्ज, बॅाके।
[२०]
अज्ञानको पर्दा हटेका छैनन्
मपाई बन्नेहरू ज्ञानी हैनन् ।
✍️ बिके मुखिया
दार्जिलिङ,भारत।
[२१]
कविता र कवि कहाँ रहन्छन् र परिभाषा भित्र
समसामयिक, सारपूर्ण हुन्छन् नि भावना चित्र।
✍️ मोती योन्जन सुब्बा, दार्जिलिङ
[२२]
जानेको मिल्ने वर्णमालाको शब्द चयन गरौँ
अर्थ बुझ्नेले लेख्छन् औडाहाले भुतुक्क नमरौँ ।
✍️ चुडामणी देवकोटा
पुरानो नैकाप, काठमाण्डौ
[२३]
खै के हो यस्तो तँछाडमछाड देखेर छक्कै पर्छु
आफू त जानी नजानी भए पनि खाली ठाँउ भर्छु।
✍️ अनुग्रह राना मगर ‘पुष्प’
पाँचखपन न. पा. ६ संखुवासभा ।
[२४]
अध्ययन, गहनता के चाहियो आफैँ बुझ छवि
भाव के हो अनि मर्म के हो भन्दै हिँड्छौ मै हुँ कवि ।
✍️ प्रेम थापा “मन”बागलुङ
[२५]
अग्रजले अनुजलाई दोहोर्याए छर्लङ्ग हुन्छ साहित्यको दर्पण
फलको आशा नगरी विरूवा रोपे भावी पिँढीलाई हुन्छ अर्पण ।
✍️ रमेश दियाली
शेल्पू सिटोंग दार्जिलिङ।
[२६]
सिर्जनाको खेतीमा झार पलायो
थाहा नै नदिएर विष फलायो !
✍️ आर्त अकुलीन
[२७]
सकियो होला मानवता पनि अगाडि सर्दछन्
आफूलाई विज्ञ ठानेर यहाँ घमण्ड गर्दछन् ।
✍️ नबिन बिष्ट
नवदुर्गा ४ डडेल्धुरा
[२८]
एक अर्कामा रिस घमण्ड बोकिछ्न् चलेको
देखेनन् स्वाभिमानको पर्खाल आफैँ ढलेको ।
✍️ बुद्धिमान दनुवार ( सुरुङ्गेली कान्छो )
कनकाई ४ झापा
[२९]
अरूले तपाईँ नभनी मपाइँ हुने कवि
सहित्यमा साह्रै लामो टिक्दैन उसको छवि ।
✍️ अमित लोहोरूङ राई
सोनदह, दार्जीलिंग
[३०]
एउटा कविता लेखेपछि वरिष्ठ कवि भन्नेले
समाजलाई के सिकाउँछ ऊ आफैँ ठूलो बन्नेले ।
✍️ एवाइ प्रभात
सहिदभुमि धनकुटा
[३१]
कति गुनिलो छ नि यहाँ रवि
अलिकति लेख्दा नभन कवि ।
✍️ नीमा छिरिङ भोटिया
जलढका कालेबुङ भारत
[३२]
आफैँ वरिष्ठ कवि हुँ भन्नेहरू
चढ्दैनन् माथि ती झर्छन् उँधो बरु ।
✍️ भाेलामान बर्देवा धरान ८ सुनसरि
[३३]
कागले कान लग्यो भनेर पछि दगुर्नु हुन्न
हुनसक्छ अघि सरेका फसाउँने जाल बुन्न।
✍️ मन्दिरा सेढाई, मलेखु, धादिङ
[३४]
घमण्डी हुनुहुन्न कवि मुस्कान होस् मन्द
लेख्दै जानू टुक्का दिन्छ मनमा नै आनन्द ।
✍️ दीप गोले तामाङ, रौतहट
[३५]
बाढी र पहिरोले बेहाल गाउँबस्ती बनाउँदैछ
कथित शीर्षस्थ ती टाउकाहरू कता हराउँदैछ ।
✍️ घनश्याम पन्त, हरिवन सर्लाही
[३६]
वरिष्ठ भन्नेले हरेक क्षेत्रमा फुट ल्याउन थाले
किन यति उम्लिन्छन् कुन्नि सिउर ढलेको बुढो भाले।
✍️ अरुण कुमार भुजेल
गोरूबथान, कालेबुङ,भारत।
[३७]
कला थरीथरीका देखियो देखिन्छ हतार नगर
हिँड्दै जाउ सुस्तरी पाउहरू अघि सार्दै परपर ।
✍️ ईश्वर साउद (भिक्षु)
रामारोशन गाउँपालिका ६ सुदुरपश्चिम अछाम
[३८]
पहेँलो कविता सुनको थुप्रो
हरियो कविको घर छ झुप्रो।
✍️ होमप्रसाद नेउपाने
धरान,सुनसरी ।
[३९]
सकिँदैन गल्ती स्विकार्न घमण्ड भर्छन् महान् कवि बनी
लाजमर्दो कुरा राजनीति घुसाउँछन् साहित्यमा पनि ।
✍️ भुपेन्द्र राना मगर
धादिङ
[४०]
नयाँ विधा जन्माएर भन्छन् नेपाली साहित्य जगेर्ना गरौँ
सोचौँ बुझौँ सिकारुले सकरात्मक सोचले साहित्य भरौँ ।
✍️ सुस्मिता अधिकारी ,काठमाडौँ
[४१]
मेरै गोरुको बाह्रै टक्काले कविताको उन्नयन हुँदैन
म भित्रको अहमताले कदापि दिग्गजतालाई छुँदैन
✍️ राज बहादुर बडुवाल
कनकासुन्दरी-५,जुम्ला
[४२]
लेख्न खोज्दा कापीमा शब्द कुनै भेट्दैन
देखेको नै सत्य हुन्छ लेखेको मेट्दैन ।
✍️ सुनगाभा पोखरेल
हाल : नेपालगन्ज
[४३]
मनोमानी गर्दै आफ्नै दुनो सोझ्याउन दाउ छोप्नेहरू
असली किसान कहलिन्छन् गमलामा धान रोप्नेहरू ।
✍️ शान्ता पौडेल भट्टराई
टङ्कीसिनवारी, मोरङ
[४४]
दुई चार विधा लेखेरै आएँ कसले के गर्छ
कवि हुँ आफैँ गर्छु खुसीले जेसुकै मनपर्छ ।
✍️ अच्युत घिमिरे, सर्पाङ, भुटान🇧🇹
[४५]
जसले काव्यको भाव बुझ्दैनन् उनैले गर्दछन् ठुला कुरा
साहित्यमा छ उनैको बोलबाला दक्ष कवि भए बखुरा l
✍️ बाबुराम गौतम, गुल्मी
[४६]
कविले आफूलाई कवि भन्दा के फरक पर्छ
कविताको मर्मले बरू आफैँ तलमाथि सर्छ ।
✍️ कृष्णकुमार वैद्य
बनेपा ९, काभ्रे
[४७]
वरिष्ठले नाक ठड्याउँदा बजाऊ न ताली
नाम काम बढाउँदा त नगर्नुहोस् है गाली ।
✍️ लक्ष्मी रिजाल
कञ्चनरुप- १२ सप्तरी
[४८]
म वरिष्ठ कवि भन्दै साहित्यमा खोइरो खन्ने
कसैले तपाईँ नभन्दा नि आफैँ मपाइँ बन्ने।
✍️ बिबा तामाङ
लाटपञ्चर सिटोङ थ्री खरसाङ।
[४९]
राम्रो नराम्रो को वरिष्ठ छुट्टाउने हो अरूले
असल कर्म गर्दै रहनू मै हुँ भन्नेहरूले ।
✍️ सबिता खड्का, कैलाली
[५०]
भाव भावना पाेख्नेशैली आफ्नै स्वच्छन्द रुपमा कला जाेखाओैँ
मन शान्ति गर्ने चित्तवृत्ति वितरणमा मधुरस पाेखाओैँ ।
✍️ रामप्रसाद पुरी, बादेल, खाेटाङ ।
[५१]
एकताले मात्रै जित्न सकिन्छ हरेक युद्ध
सकिन्छ सहयोग गरौँ राखौँ नियत शुद्ध ।
✍️ पुष्पा राई
बादेल, खाेटाङ ।
[५२]
नकारात्मक चिन्तनहरू बढिरहेछन् आजभोलि
कर्म गर्ने हातहरूकै टन्न भरिँदैछन् सुर्के झाेली ।
✍️ हिरालाल न्याैपाने, बानपा ८ काेटमाैला, सल्यान
[५३]
बन्नुभन्दा पक्ष र विपक्ष
छुट्टै पहिचानी बनौंँ दक्ष ।
✍️ दुर्गा भट्टराई
मोरङ
[५४]
बुझ्नेले कुरा नबुझेपछि नजानि खेदो गर्नेले गर्छन्
मनमा लेख्न नआएपछि घाँस खानेहरू कुरा भर्छन् ।
✍️ अम्बिका अधिकारी
झापा बिर्तामोड
[५५]
सिर्जना नौलो जीवन्त बनायो
अथाह काव्य विनाश गरायो ।
✍️ भगवती दवाडी
[५६]
टुक्का कविता लेख्नै पो नजानेर
काव्य लेखेछन् ठूलो कवि ठानेर ।
✍️ विवश पारदर्शी
झापा,
[५७]
कसैले राम्रो नभने पनि जान्ने हुन्छन् आएर
टुप्पाबाट पलाउने पछि बस्छन् पछुताएर ।
✍️ अनिता भण्डारी, ताप्लेजुङ
[५८]
नजान्नेलाई सिकाउनुको सट्टा खिल्ली गरेर
हुन्छन् सबैभन्दा आफैँ जान्ने ती ग्रुपमा झरेर ।
✍️ दुर्गा आचार्य
मोरङ
[५९]
कोही कोही आफूले आफैँलाई नै ठूलो ठान्छन्
कसैको नसुन्ने झन् अरूको कुरा कहाँ मान्छन् ।
✍️ शोभा आचार्य गौतम
काठमाडौ
[६०]
सबैलाई सानो हो भन्छन् यहाँ जान्ने
गल्तीमा पनि झुक्दैनन् वरिष्ठ ठान्ने ।
✍️ प्रतिज्ञा प्रतिज्ञा
मेहेलकुना सुर्खेत
[६१]
हिँड्नै नजान्नेले अरूलाई देख्छ लँगडाे
आफूलाई जान्ने विद्वान ठान्ने गर्छ बडो ।
✍️ हरिगाेपाल न्हुच्छेँप्रधान
काभ्रे, बनेपा १४ साँगा बजा
[६२]
असोजमा बाढी पहिरो आयो यसवर्ष
आउन थाले चाडबाड छैन खुसी हर्ष ।
✍️ तिला लेकाली
[६३]
सृजना न हो जसले जे लेखुन् जथाभावी मफतमा किन यहाँ भन्नु
मुर्खको काम अरूलाई होच्याएर आफूलाई वरिष्ठ कोटीमा गन्नु ।
✍️ पवनकुमार बुढाथेाकी
काठमाडौँ

काठमाडौँ । साप्ताहिक ‘टुक्कामाथि टुक्का’ व्यङ्ग्यात्मक टुक्का लेखनको १५२ औँ शृङ्खला सम्पन्न भएको छ ।
अभ्यासमा नेपाल लगायत विश्वका ५५ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १५२ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
~<•>~
प्रतिनिधि टुक्का- १५२
बालबालिका सडक, भट्टी अनि कारखानामा
सुनिश्चित छ बालअधिकार, भाषण नारामा ।
~<•>~

टुक्कामाथि टुक्काको १५२ औँ शृङ्खलामा सहभागी टुक्काकारहरूका सुन्दर टुक्काहरू-

[१]
खान र लाउन दिए पुग्छ, दिनोस् भन्दै काम
बालबालिका आउँदा दिएको हुँ रामोराम ।
✍️
वसन्त अनुभव
घोराही, दाङ
[२]
कानुन बनाउनेले नै गरे बालश्रम शाेषण
उल्टै भन्छन् टेबुल ठाेक्दै गर्नेछाैँ भरणपाेषण ।
✍️
ताराप्रसाद चापागाईँ
[३]
बालबालिकाको शिक्षादीक्षा हरण गर्दै लगाए धनीले नै काम
खान लाउन दिए पुग्छ भन्दै बालशोषण गरे सत्ते रामोराम ।
✍️
बेदु न्यौपाने
[४]
बालश्रम शोषण हो भन्दै बनाए कानुन
व्यवहारमा किन उतार्दैनन् तिनै जानुन।
✍️
अर्जुन प्रसाद चौलागाई
रामेछापः-सुनापति-१
हालः-क्यानडा,क्यालगरी
[५]
बालश्रम मुक्तिको नारा भयो अति सस्तो
अधिकारीबाट बच्चा शोषित हुने कस्तो!
✍️
रचना शर्मा प्रतीक्षा
इमाडोल, ललितपुर
[६]
कानुनमा कागजी बाल अधिकारका कुरा
स्कूल पढ्न बञ्चित नै छन् नाबालक टुहुरा ।
✍️
नाम केसर बाेहरा ( सङ्घर्ष )
सुदूरपश्चिम अछाम
हाल भारतबाट
[७]
भाषण त दिन्छन् नेता नियंत्रण भएनन् सानासाना नानी
घरेलु कामदार ,ग्यारेज होस् , हटेन शोषण गर्ने बानी।
✍️
चुडामणी देबकोटा
पुरानोनैकाप काठमाण्डौ
[८]
दिऊॅ राम्रो शिक्षा गरौं राम्रो भरणपोषण
नगरौं बालबालिकाको अधिकार शोषण।
✍️
पुष्पा सुवेदी
नेपालगन्ज,बॅाके।
[९]
बनाइन्छन् प्रत्येक वर्ष बालअधिकारका नारा
तर बनेन बालमैत्री मैले पिउने पानी धारा ।
✍️
देव मगर
तिनाउ-१,कचल,पाल्पा
[१०]
बालअधिकारको कुरा गर्दा त जोस नचलेको हैन
यता फकाउँ कि उता फकाउँ काम गर्ने फुर्सदै छैन ।
✍️
पुष्पा राई, बादेल, खाेटाङ
[११]
जसले गरिरहेछन् एकआपसमा मिलेर बालश्रम शोषण
उनैले गर्दछन् बालअधिकार सुनिस्चितताको फोस्रो उद्घोषण l
✍️
बाबुराम गौतम, गुल्मी
[१२]
नारामा मात्रै सिमित बाल शाेषणकाे अन्त्य भएन
घरेलु हिंसा परेकालाई उद्धार गर्न काेही गएन ।
✍️
राज कुमार राजभण्डारी खाेटाङे
मध्यपुर ठिमी ५ संगम काेलाेनी राधे राधे भक्तपुर
[१३]
नारामा मात्र सीमित भयो,बालअधिकारको कुरा,
देशमा जताततै शोषण,नेताको भाषणमा पुरा।
✍️
एवाइ प्रभात
सहिदभुमि धनकुटा
[१४]
कैले आउँछ बालबालिका सुरक्षित हुने बेला,
कसरी मेटिएला कलिला हातहरुबाट ठेला।
✍️
रमेश दियाली
शेल्पू सिटोंग दार्जिलिङ
[१५]
मसिनो छ बोली झन् छ चिम्सा आँखा
बाल हिंसा रोकी राखौं अब काखा ।
✍️
दीप गोलेे तामाङ – रौतहट
[१६]
बालअधिकार पाउनुपर्छ भनी भाषण मात्र गर्ने
आएको अनुदान आधा देखाइ बाँकी आफ्नै पेट भर्ने ।
✍️
अनुग्रह राना मगर ‘पुष्प’
पाँचखपन न. पा. ६ संखुवासभा
[१७]
कराएर मात्र हुँदैन बाल अधिकारको नारा
ठुलै टाउके भुंडेहरुको ठीक छैन है नि पारा
✍️
सरिता सेढाई धादिङ
[१८]
मुखले बोलेर मात्र हुँदैन कामले अघि सरौँ
बालश्रम अन्त्य गर्नलाई हामी सबै लागि परौँ।
✍️
अनिता भण्डारी ताप्लेजुङ
[१९]
रातदिन सधैँ गरेका छन् काम,
बालबालिकालाई हेर न राम ।
✍️
आर्त अकुलीन
[२०]
रहेछ आजै बाल दिवस आएको
खै अनाथ टुहुराले पढ्न पाएकाे ।
✍️
प्रतिज्ञा प्रतिज्ञा
मेहेलकुना सुर्खेत
[२१]
बेसहारा छन् अधिकांश बालबालिका
सौम्य लगानी गर्‍यो र खै कुन पालिका ?
✍️
प्रेम थापा “मन”बागलुङ
[२२]
सानासाना कलिला हातमा उठ्ने गरेर ठेला ,
काम गराएर बालकलाई नगरौँ है हेला ।
✍️
गंगा खड्का
बूढानीलकण्ठ ,काठमाडौँ
[२३]
हेर्नू बाल अधिकार कानुनमा मात्रै भयाे
पुग्दैन खान घरमा बालक काममा गयाे ।
✍️
रबि पाैडेल दक्षिण भारत पाण्डेचरी
[२४]
आजका हाम्रा बालबालिका भोलिका कर्णधार
पाएका छन् छैनन् खई तिनले बालअधिकार ।
✍️
सतीश पण्डित
भानु६ चुँदी तनहूँ
हाल चनपा६ मातातीर्थ।

[२५]
ऐन कानुन कागजमा व्यबहारमा छैन
बाल श्रम अन्त्य गर्दै दिउँ सबैलाई चैन ।
✍️
राज बहादुर बडुवाल
कनकासुन्दरि-५,जुम्ला
[२६]
जहिले पनि भाषण गर्छन् ~भनेर मानव अधिकार
छोड्दैनन् दुध खाने बच्चीलाई समेत गर्छन् बलात्कार।
✍️
भवानी पोखरेल (बाबु बिराज)
बाणगंगा १ चार नम्बर
कपिलवस्तु
[२७]
भाषणमा किन मख्ख माग अधिकार?
बालबालिका व्युझेर खाेज हक सार ।
✍️
जी.वि.घाेराही,दाङ
[२८]
बालअधिकार नारामा हुन्छ सिमित
भएन कहिले बालबालिकाको जीत ।
✍️
बुद्धिमान दनुवार ( सुरुङ्गेली कान्छो )
कनकाई ४ झापा
[२९]
बालअधिकार बग्छन् भाषण अनि नारामा
प्रताडितहरु बस्न पाएकाछैनन् थारामा ।
✍️
कमला देवकोटा, पाल्पा
[३०]
न बन्छ बालग्राम न हुन्छ बालपाेषण
घरमा भाँडा मझाई गर्छन् बाल शोषण ।
✍️
शालिकराम दाहाल
[३१]
नारामै सिमित रह्यो बालबालिकाको अधिकार
कहिले गर्न सक्लान् कठै, व्यभिचारको प्रतिकार ।
✍️
राजेशराज गड्तौला
कॅाडाघारी, काठमाण्डौ
[३२]
साना हात सानो दिमाग सहनुपर्ने ठूलो चोट
बाल शोषण अन्त्य गरेर नदेखाऔ कुनै खोट ।
✍️
सबिता खड्का कैलाली
[३३]
बालबालिकाकाे माैलिक हक संविधानकाे पानामा
शाेषित पीडित बालबालिका कारखानाकाे छानामा ।
✍️
डिल्लीराज (राजेन्द्र) भुसाल
सन्धिखर्क-२, कुर, अर्घाखाँची
[३४]
उच्च ओहदामा हेर बस्नेको बोली सस्तो
अधिकार बाट वञ्चित गराउने कस्तो ।
✍️
कला ढकाल झापा
[३५]
बालबालिका हाम्रा सृजनाका हुन् है खानी
बालश्रम अपराध रोकौं सबले जानी ।
✍️
रुना कर्माचार्य दाहाल
चितवन
[३६]
कानुनमा मात्रै रहेछ बालअधिकार
बालककै पसिना बेची गर्दैछ व्यापार।
✍️
हरिगाेपाल न्हुच्छेँप्रधान
काभ्रे, बनेपा १४ साँगाबजार
[३७]
ससाना नानीको नरम कोमल हुन्छ मन
सबैसँग नहुने किन नि ! बराबरी धन ।
✍️
सुनगाभा पोखरेल
[३८]
बालआश्रमको सुधारमा सबै मिलेर गरौ
अन्यायको जरा उखेल्न नेताको भर नपरौ ।
✍️
अम्बिका अधिकारी
झापा बिर्तामोड
[३९]
वडा बालमैत्री लेखेर विदेशीका छारो राख्न सजाए
बाल हकका आउने बाहिरी कमिसन भित्रै पचाए ।
✍️
इन्दु श्रेष्ठ, चितवन
[४०]
अन्याय र अत्याचार कहिल्यै कम भएन
रोकथाम र कार्यान्वयनमा ध्यान गएन।
✍️
अरुण कुमार भुजेल
गोरुबथान,कालेबुङ,भारत
[४१]
नेताले भाषणमा बालअधिकार हनन् भयो भनी सुनाउँछन्
ठुलाठालुको उद्योगमा बालबालिकालाई गलैँचा बुनाउँछन्।
✍️
कृष्ण बजगाई भक्तपुर
[४२]
सडकमा छन् बालबालिका बालअधिकार हरायो
भित्रभित्रै शोषण, नीति त कागजमा मात्र गरायो ।
✍️
शोभा आचार्य गौतम
काठमाडौँ
[४३]
बालबालिकाको हक देऊ
शिक्षाको बाटोमा सबै लेऊ।
✍️
नीमा छिरिङ भोटिया
जलढका कालेबुङ
भारत
[४४]
कलिला बालबालिकामा लगानी
भविष्यमा हुन्छ देशकाे आम्दानी।
✍️
प्रद्युम्न चालिसे
[४५]
नेता भाषण मात्र ठुला गर्छन् काम केही हुन्न
सडकमा जति रोउन् उनलाई त्यसले छुन्न ।
✍️
दुर्गा आचार्य
मोरङ
[४६]
गरिब अलपत्र नहुँदामा छाना खाना नाना
कुरैको मात्र बालअधिकार छैन तानाबाना ।
✍️
कृष्णकुमार वैद्य
बनेपा ९, काभ्रे
[४७]
बालबालिकाहरू के के सुघी हिँडेका छन् बाटामा
अभिभावक खै कतातिर अधिकार छ घाटामा ।
✍️
भगवती दवाडी
[४८]
आफ्ना परिवार र दलका बाहेक बच्चाबच्ची समेत हेर्दैनन्
नेता बने पछि त जागिर नि खान नपर्ने कसैलाई टेर्दैनन् ।
✍️
पवनकुमार बुढाथेाकी
काठमाडौँ
[४९]
सडकमा माग्दै धूलोमा पडी बसेको छ कति बालबालिका
कुपोषणले हैरान उनीहरूले नै पाउन सकोस् तालिका ।
✍️
बिबा तामाङ
लाटपञ्चर सिटोङ थ्री खरसाङ
[५०]
भविष्यका कर्णधार हुन् साना बालबालिका
शोषण रोक्न कदम उठाऊ न्यायपालिका ।
✍️
मन्दिरा सेढाई मलेखु, धादिङ
[५१]
होटल ग्यारेजका कामदार बालक नारामा अधिकार
सबै कुराबाट बञ्चित उनीहरू कसैले गर्दैन प्यार ।
✍️
घनश्याम पन्त हरिवन सर्लाही
[५२]
बालश्रम हटाएर बाल शिक्षा जगाऔँ
शिक्षाको ज्योति जगाई अन्धकार भगाऔँ ।
✍️
शशीश्री आचार्य
बौद्ध कुमारीगाल काठमाडौं
[५३]
बालबालिकाको अधिकारको कुरा सिमित हुन्छ नारामा
कानुन फितलो भएपछि सबै नाच्छन् आफ्नो आफ्नो पारामा।
✍️
मोती योन्जन सुब्बा दार्जिलिङ
[५४]
व्यवस्था धेरै धेरै परिवर्तन भयो
तर पनि बालअधिकार कता गयो ?
✍️
डम्बर थामी ‘अनुपम ‘
कालिन्चोक गा. पा. -६, दोलखा
[५५]
नि:शुल्क शिक्षा भए बालबालिका सक्षम बन्छन्
घरको चुल्हो बाल्न सके बल्ल बालहित गन्छन् ।
✍️
सुस्मिता अधिकारी ,काठमाडौँ

काठमाडौँ । साप्ताहिक ‘टुक्कामाथि टुक्का’ व्यङ्ग्यात्मक टुक्का लेखनको १५१ औँ शृङ्खला सम्पन्न भएको छ ।
अभ्यासमा नेपाल लगायत विश्वका ६४ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १५१ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
~<•>~
प्रतिनिधि टुक्का- १५१
ऋण धन गरी मनाइयो तिज पर्व
समस्याहरू ज्युँका त्युँ छैन केही गर्व ।

✍️ वसन्त अनुभव
~<•>~

टुक्कामाथि टुक्काको १५१ औँ शृङ्खलामा सहभागी टुक्काकारहरूका सुन्दर टुक्काहरू-

[१]
भोलिदेखि  साहु  छल्दै  हजुर  हिँड्नुपर्ने  हुन्छ
गरिब, दु:खी आर्तहरूको आवाज कसले सुन्छ ?
✍️
वसन्त अनुभव
घोराही, दाङ
[२]
हुनथाल्यो नि चाडपर्वमा देखाउने होड
गर्दैछन् नारीहरू तडकभडकमा जोड ।
✍️
पुष्पा राई, खाेटाङ ।
[३]
तिजसँगै महङ्गी  पनि पछि लागेर पो आयो
यो गरिबको मनमा  हेर कालो बादल छायो ।
✍️
पवनकुमार बुढाथेाकी
काठमाडौं
[४]
दुःख गरी कमाएका थिए परदेशको बास गरी
एकछिनको रमाइलोले तातो घाम जीवनभरि ।
✍️
अम्बिका अधिकारी
झापा बिर्तामोड
[५]
दीन दु:खीले मनाउन बाध्य छन् हरेक पर्व कनेर
नाङ्गो आङ र भोकोपेट लिई माग्नु कोसँग के भनेर ?
✍️
सतीश पण्डित
भानु६ चुँदी तनहूँ
हाल चनपा ६ मातातीर्थ
[६]
जे जति छन्, त्यसैमा पर्व मनाउनू है साथी
ज्यादै तडकभडक गर्दा ऋण काँधमाथि ।
✍️
मोती योन्जन सुब्बा, दार्जिलिङ।
[७]
तीज पर्व सधैँ आउँछ प्रत्येक आर्थिक वर्ष
फजुल खर्च गर्दा हामीलाई धेरै लाग्छ हर्ष ।
✍️
डिल्लीराज (राजेन्द्र) भुसाल
सन्धिखर्क-२, कुर, अर्घाखाँची
[८]
धनीकै रै’छ सबै चाडपर्व गरिबको लागि के नै भयो
उपाय केही नभएपछि  तिजको रहर मेटिँदै गयो ।
✍️
सुनगाभा पोखरेल
[९]
साथी ऋण काढेर नयाँ सारी, गहना किनियाे
घरमा जेसुकै हाेस् बाहिर देखाउन हिँडियाे ।।
✍️
रबि पाैडेल दक्षिण भारत पाण्डेचरी ।
[१०]
मान्नैपर्यो, पैसा छैन भनी मिल्दैन पन्छिन
तिज, पञ्चमी यस्तै चाड आउँछ दिनदिन ।
✍️
रचना शर्मा प्रतीक्षा
इमाडोल, ललितपुर ।
[११]
सकियो यसपालिको तिज पर्स खाली बनाएर
अर्को साल आउनू नयाँ जोश जाँगर जनाएर ।
✍️
कृष्ण बजगाई भक्तपुर
[१२]
चाडपर्व पनि उसैको, जसको छ भरिलो गोजी
नहुनेलाई त आइपर्ने दुःख पीडा खोजी खोजी ।
✍️
अच्युत घिमिरे, सर्पाङ, भुटान
[१३]
तिजको सबैले  जसोतसो खायो दर र भोज
आमाबाउको टाउकोमा ऋण अरूलाई मोज ।
✍️
बिबा तामाङ
लाटपञ्चर सिटोङ
[१४]
तीज पर्वले सिकायो बढी खर्च गर्न नारीलाई
साहुलाई तिर्न पैसा छैन कसरी  बस्नु रमाई ।
✍️
अर्जुन प्रसाद चौलागाई
रामेछापः-सुनापति-१
हालः-क्यानडा,क्यालगरी।
[१५]
भड्किलाे र खर्चिलाे भाे तिज पर्व हेर
पीडामाथि पीडा थप्याे ऋण लगाएर ।
✍️
ताराप्रसाद चापागाईँ
धुनिबेसी ।
[१६]
यसपालि ऋण गरेर मनायौं, हरितालिका तीज मज्जाले
मनोरञ्जन पनि गर्यौं तर हुस्की बियरको सहायताले।
✍️
कबिताहरी
सुन्दर हरैंचा नगरपालिका १ मोरङ
[१७]
सङ्गिनी मात्रै  थियो पिडा पोख्ने माध्यम पहिले पहिले
भड्किलो तिज मनाउनेले बुझ्छन् र परम्परा अहिले !
✍️
दीपा समभाव
दुबेकोल खोटाङ्ग
[१८]
ऋण काढी मनायौँ तीज
नआओस् अब भो यो चीज ।
✍️
दीप गोले तामाङ
रौतहट
[१९]
जेनतेन  दु:ख  सुख तीज मनाइयाे
आफैँले आफैँलाई नै  ऋणी बनाइयाे।
✍️
भवानी पाेखरेल (बाबू विराज)
बाणगंगा १ चार नम्बर कपिलवस्तु
[२०]
सादा जीवन उच्च विचार नै हरायो
तडकभडक तिजले ऋणी गरायो ।
✍️
कार्की डिबी माकुम
सुनवल-४, नवलपरासी
[२१]
सन्सारमा ऋण दुश्मन कसैलाई नलागोस्
काम गरेर दुख हटाउने साहस जागोस् ।
✍️
चुडामणी देबकोटा
पुरानोनैकाप काठमाण्डौ।
[२२]
दुई दिनको जिन्दगीमा  रमाउँदै आजै माेज गर
ऋण धनमै चल्दै गर्छ जीवन भाेलिकाे छैन भर ।
✍️
रामप्रसाद पुरी, बादेल, खाेटाङ ।
[२३]
दरकाे नाममा रातभरि मासु खान्छन्
बिहान व्रत भन्दै फेरि मन्दिर जान्छन्।
✍️
नवराज भट्ट
कञ्चनपुर
[२४]
घाँटी हेरी हाड निल्नुपर्छ भन्ने भुलेर
चेलीले अति गरे पार्टी प्यालेस डुलेर ।
✍️
कला ढकाल झापा
[२५]
ऋण धन भए पनि लगातार चाड आयो खुब खर्चिलो भएर
ऎया नभनी नभनी मान्नै पर्‍यो परिवारको त्यो चित्तमा गएर ।
    ✍️
बेदु न्यौपाने
[२६]
खुसीका साथ आयो नि तिज पर्व
तिज आउँदा नारीलाई  झन् गर्व ।
✍️
श्रीकृष्ण धामी – बझाङ
[२७]
ऋण काढेर नै भए पनि खानैपर्यो दर
नत्र त समाजमा अटाइदैन भन्ने डर ।
✍️
अनिता भण्डारी ताप्लेजुङ
[२८]
संस्कृति बचाउने नाममा नराम्रो विकृति भित्रियाे  तीज पर्वमा हेर
दर खादा चाडकाे बदनाम गरी रक्सी वियर खाने नारी भयो धेर।
✍️
राज कुमार राजभण्डारी खाेटाङे
मध्यपुर ठिमी  ५ संगमकाेलानी राधे राधे भक्तपुर ।
[२९]
तीजले नदिनु दियो ऋणको भारी
कसरी लैजाने यो जीवन लतारी !
✍️
प्रेम थापा “मन”बागलुङ
[३०]
सही तरिकाले फस्टाएर जाओस् तिज
नरोपौँ है कुसंस्कारको कहिल्यै बीज ।
✍️
बि.कुलुङ रंगबुले
दार्जिलिङ
[३१]
घमण्ड देखाएर के गर्नु आज
समाजमा भोलि हुनेछ नि लाज ।
✍️
सङ्गीता खरेल
चन्द्रागिरी ८ काठमाडौं
[३२]
शान्ति सेवामा गरेर कर्म
आखिर सत्य हुनेछ धर्म !
✍️
आर्त अकुलीन
[३३]
देखासिकी गर्दै मान्यौँ तीज फुर्ती देखाएर धेर
ऋण सम्झी सम्झी पछुताई रुन पर्यो यतिखेर।
✍️
विवश पारदर्शी
झापा,
[३४]
मैले चाहेर के भो तिमीले चाहेनौ
सधैँ हिँड्ने बाटो आज किन आएनौ ?
✍️
शशीश्री आचार्य
बौद्ध कुमारीगाल काठमाडौं
[३५]
मन दुख्ने किन तीज मनाएको
मुटु खाने कुरो किन जनाएको ?
✍️
नन्दलाल आचार्य
सिद्धार्थटोल, उदयपुर ।
[३६]
जसरी हुन्छ मनाइयो तिज पर्व
संस्कृतिमा रमाउँदा लाग्दछ गर्व।
✍️
शोभा आचार्य गौतम
काठमाडौँ
[३७]
मान्नुथियाे मानिहाल्याै अब के लिन्छाै पीर
दायाँबायाँ पैसा खाेजी साहुको ऋण तिर ।
✍️
त्रिलाेचन भण्डारी
मेचीनगर,झापा
[३८]
समस्यामा पारेर आफैँलाई पर्व मान्नु हुँदैन
आफैँलाई सताउने हो अरू कसैलाई छुँदैन ।
✍️
घनश्याम पन्त, हरिवन सर्लाही
[३९]
दिनभर नाचियो हरे
उस्तै र उही बह भरे ।
✍️
नागेन्द्रप्रसाद यादव ।
[४०]
कति मज्जाले गरियो तीज पर्व
खै त कसैमा छैन हजुर गर्व ‌।
✍️
नीमा छिरिङ भोटिया
जलढका कालेबुङ
[४१]
हर्ष उल्लास साथ तिज पर्व मानाइयो
खुसी भए सबै सहज भन्ने जनाइयो  ।
✍️
सबिता खड्का कैलाली
[४२]
हिजो नै अर्काको देखासिकीमा उडायौ सम्पत्ति
आज घर बाउ बिरामी परे पैसा छैन रत्ति ।
✍️
रमेश दियाली
शेल्पू सिटोंग दार्जिलिङ।
[४३]
ऋण  गरी  चाडबाड  मनाउनु छैन
लुछ्ने चुस्ने खानेकुरा दर पनि हैन।
✍️
महेन्द्र मान बलामी
[४४]
वर्ष दिन दुख काट्ने तिजकाे एकदिन खुसी
खरकाे  छाना फेर्न सकिएन चुल्होभित्र ढुसी ।
✍️
हिरालाल न्याैपाने ,बानपा ८ काेटमाैला,सल्यान
[४५]
खान लाउन र नाच्न त मजै आयो
तीजको खर्च हेर्दा त विरक्तै छायो ।
✍️
होमप्रसाद नेउपाने
धरान,सुनसरी ।
[४६]
बाटोभरि पैह्रो गयो माइत जान डराएँ
चाडका मौलिकता आज भोलि कता हराएँ ।
✍️
सुस्मिता अधिकारी ,काठमाडौँ
[४७]
घुमीफिरी आयो हाम्रो यो तीज पर्व
मितब्ययिता अपनाउँ  हाम्रो गर्व ।
✍️
कमला देवकोटा,  पाल्पा
[४८]
सकियो तिज शान्त भो बल्ल सहरबजार
रक्सी र मासु खर्च भो टन्नै नौ दश हजार ।
✍️
ध्रुव खोटाङ
[४९]
पोहोर झैँ ऋण काढेर मनाइयो तीज यो वर्ष
आर्थिक बोझ झनै थपिदा खोसियो मनको हर्ष l
✍️ 
बाबुराम गौतम, गुल्मी
[५०]
परिवारमा शोकका बीच मनाइयो तीज पर्व
भिनाजुको स्वर्ग हुँदा मलाई केही भएन गर्व।
✍️
भगवती दवाडी ,झापा
[५१]
मनाउनु पर्छ पर्व वर्ष दिनमा आउने
किनेर ल्या’को रातो साडी फेरी फेरी लाउने ।
✍️
दुर्गा आचार्य
मोरङ
[५२]
घाँटी हेरि हाड निल्नु भन्ने उखान थियाे
भुल गरेर किन त ! हजुर ऋण लियो ।
✍️
प्रद्युम्न चालिसे
भक्तपुर कटुञ्जे
[५३]
ऋणको भारी बोकेर मजाले तुजुक देखायौ
तीज पर्व मनाउॅदा जड्याहॅामा नाम लेखायौ ।
✍️
राजेशराज गड्तौला
कॅाडाघारी, काठमाण्डौ
[५४]
विदेशबाट  बुढाले  पठाइदिए   मीठो  मसिनो खाएँ ।
कसैको बाउको खा’को छैन मैले खाफ्नै लोग्नेको उडाएँ ।
✍️
मल्ल लक्ष्मी श्रेष्ट
मेची किनार, बिर्तामोड झापा
[५५]
भुसको  रोटी बुहारीले वर्षैभरि खान्थे अरे
मिठो दर दुःख पीडा पोख्न माइत जान्थे भरे ।
✍️
ममता पौडेल
बुढीगङ्गा – २ , मोरङ
[५६]
मनाइयो तिज रिन काढेर भए पनि
अर्को साल बाँचिन्छ, मरिन्छ के थाहा अनि ?
✍️
बुद्धिमान दनुवार ( सुरुङ्गेली कान्छो )
कनकाई ४ झापा
[५७]
लगाए देखाउनकै लागि सबै चिज
भड्किलो बन्दै गयो अचेल हाम्रो तिज ।
✍️
प्रतिज्ञा प्रतिज्ञा
मेहेलकुना सुर्खेत
[५८]
महिना दिन चल्यो तिजको दर खाएनन् खिर
खै कति पो रित्तियो रुपियाँ पैसा मान्दैछन् पीर ।
✍️
शुक्रराज कुँवर
[५९]
कति खानु दर नि पुरै महिनाभर
वर्षभरि कमाएकाे छिनमै नछर ।
✍️
हरिगाेपाल न्हुच्छेँप्रधान
काभ्रे, बनेपा १४ साँगाबजार।
[६०]
पूरा हुने कामना मनभरि आशा लिएर
बाँचिरहेछु तिम्रो प्रतिक्षामा आँसु पिएर ।
✍️
ईश्वर साउद(भिक्षु)
रामारोशन गाउँपालिका ६ सुदुरपश्चिम अछाम
[६१]
जता पनि छताछुल्लै मदिरा भन्छन् तिजी पर्व,
यस्तो देख्दादेख्दै पनि कसरी  गरौँ हामी गर्व।
✍️
सुरेशकुमार पाण्डे दाङ घोराही १८
[६२]
संस्कार संस्कृति हो तिज मनाउन पर्यो
सेखासेखले तिजको अनुशासन झर्यो ।
✍️
हन्नाह छेत्री
[६३]
सकियो रमझम तीजको
तिर्नुछ दाम चिजबिजको।
✍️
अरुण कुमार भुजेल
गोरूबथान, कालेबुङ,भारत।
[६४]
दर खान पार्टी धाउँदा नारी भए कायल
महङ्गीले तिजको बेला मर्द बने घायल।
✍️
-रामशरण न्यौपाने, भक्तपुर

काठमाडौँ । साप्ताहिक ‘टुक्कामाथि टुक्का’ व्यङ्ग्यात्मक टुक्का लेखनको १५० औँ शृङ्खला सम्पन्न भएको छ ।
अभ्यासमा नेपाल लगायत विश्वका ५१ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
टुक्का माथि टुक्का’ व्यङ्ग्यात्मक टुक्का लेखनको १५० औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
~<•>~
प्रतिनिधि टुक्का- १५०
हिजोआज खै किन मलाई पर्छ साह्रो ?
तीज हो कि रत्यौली छुट्याउनै भो गाह्रो ।
~<•>~

व्याङ्ग्यात्मक टुक्का लेखन शृङ्खला: १५० मा सहभागी टुक्काकारहरूका सुन्दर टुक्काहरू-

१.
टु पिसको मच्छरदानी हुने गर्छ तनमा
न पर्वको लाज ढाक्छ्न् न इज्जत छ मनमा ?
✍️
वसन्त अनुभव
घोराही, दाङ
२.
गीत कस्ता बनाएका सुन्नै गाह्रो हुने
नृत्य उस्तै शव्द छैनन् हाम्रो मन छुने ।
भगवती दवाडी ,झापा
३.
हिड्नै पर्यो तीज मनाउन सारी लगाउँछु फेरी
पोइ भनाउँदा ती के भएका हुन् आँखा तर्छन् हेरी ।
✍️
पुष्पा राई, खाेटाङ ।
४.
भित्रियो तिजमा देखासिखी बढ्यो हरेक कुरामा
कति नाचियो आमा दिदीसंँग बाल्यावस्था भुरामा।
✍️
चुडामणी देबकोटा
पुरानोनैकाप काठमाण्डौ
५.
तीज मनाउन रेष्टुरेन्टमा गएको श्रीमती मेरी
दर खाएर घर आइपुग्दा चिनेन मलाई फेरि ।
✍️
राज कुमार राजभण्डारी खाेटाङे
मध्यपुर ठिमी ५संगमकाेलाेनी राधे राधे भक्तपुर ।
६.
तीज मनाउन मान्छेहरू होटल, रेष्टुरा चले
वियरसँग चोचे सितन, खाँदाखाँदै त्यही ढले ।
✍️
एवाइ प्रभात
सहिदभुमि धनकुटा
७.
साहित्यमा छन् अनेकथरी रस
चुप लाग तमासा हेरेर बस ।
✍️
पुष्पा सुवेदी
नेपालगन्ज,बॅाके।
८.
लाग्दैन कसैको चिन्ता पिर छैन केही डर
रक्सी अनि मासु सङ्गै खाइन्छ तिजको दर ।
✍️
अनिता भण्डारी ताप्लेजुङ
९.
कार्तिकमै बिहे हुन्छ, मान्छे वा कुकुर के भन्नु
तीजको दर कति दिन खाने, कसरी पो गन्नु ।
✍️
राजेशराज गड्तौला
कॅाडाघारी, काठमाण्डौ
१०.
जति हेर्छु उति राम्रो,मन यसै जाग्ने
तिज हो कि गाईजात्रा उस्तैउस्तै लाग्ने।
✍️
होमप्रसाद नेउपाने
धरान,सुनसरी ।
११.
संस्कृति जोगाउने गर्नुछ काम
जोगाएर सबैले राख्नु छ नाम !
✍️
आर्त अकुलीन
१२.
रेष्टुरेन्टमा रक्सी खाएर छर्छन् दरको भ्रम
परम्परा संस्कृतिको देखिन्छ यहाँ टुटदो क्रम ।
✍️
रुना कर्माचार्य दाहाल
चितवन
१३.
तीजको गीत सुनेर म छक्क परेको
होइन रत्यौली खेलेको जस्तै गरेको ।
✍️
कला ढकाल, झापा
१४.
तीजको दरसँग चट्ट टिप्स लाएपछि
गाह्रो त भैहाल्छ नि नानाभाँती खाएपछि ।
✍️
अच्युत घिमिरे, सर्पाङ, भुटान🇧🇹
१५.
हाम्रो संस्कृति रमाइलो पर्व हो तिज
सबैले जोगाउ नखाउ अभक्ष्य चिज।
✍️
वि के मुखिया
दार्जिलिङ,भारत।
१६.
जिन्दगी जिउन छ यहाँ कति गाह्रो
सम्झी बसे सबै काम हुन्छ नि साह्रो।
✍️
नीमा छिरिङ भोटिया
जलढका कालेबुङ
भारत
१७.
निर्लज्ज तीजको गीतले संस्कृति माथि प्रहार
लोप हुने भयो सनातन परम्परा संस्कार ।
✍️
कृष्ण बजगाई। भक्तपुर
१८.
आज तिम्रो बिस्ताराले पोल्यो
बिस्तारै आफ्नै पोल त खोल्यो ।
✍️
नागेन्द्रप्रसाद यादव ।
१९.
तीज हाम्रो संस्कृतिको रमाइलो हो पाटो
भावी पिँढीलाई संस्कार दिने यो हो बाटो ।
✍️
रमेश दियाली
शेल्पू सिटोंग दार्जिलिङ।
२०.
आजभोलि तीज गीत कस्ता हुन थाले
हेर्दा पनि कताकता लाज लाग्ने खाले ।
✍️
डिल्लीराज (राजेन्द्र) भुसाल
सन्धिखर्क-२, कुर, अर्घाखाँची
२१.
तिजको दर खाको हो कि पाटी भोज
छुट्याउन सकिँदैन गर्छन् है मोज ।
✍️
बुद्धिमान दनुवार ( सुरुङ्गेली कान्छो )
कनकाई ४ झापा
२२.
तिजमा पर्व मनाउँछन् रातो सारी लगाउँदै
रत्यौली खेल्छन् छिमेकी बिहे भोजमा सघाउँदै।
✍️
मोती योन्जन सुब्बा
दार्जिलिङ।
२३.
खै कुन्नि कस्तो खाले संस्कृति हो यो तीज?
जताततै देख्छु म त वियरको फिँज ।
✍️
बि.कुलुङ रंगबुले
दार्जिलिङ रंगबुल
२४.
गाह्रो पर्ला भनेर नै लाएको हो जालो जस्तो टालो
तीज पर्व मान्ने आयो नयाँ परिवर्तनको पालो ।
✍️
विवश पारदर्शी
झापा
२५.
लगातार नेपाली संस्कृति हराउन थाल्यो
शब्द र नृत्य नराम्रा,यही विकृतिले गाल्यो ।
✍️
प्रेम थापा “मन”बागलुङ
२६.
तिजको मौलिकता लाग्छ हराउँदै गयो
जसरी हुन्छ रमाइलो गर्ने पर्व भयो ।
✍️
शोभा आचार्य गौतम
काठमाडौँ
२७.
मैले पनि छुट्याउनै सकिन भन्छन् तीजका गीत
सुन्न हेर्न लाज भयो नि बसेर परिवारसित |
✍️
सरिता सेढाई धादिङ
२८.
कुन जमाना आयो यस्तो खै सुन्न हेर्न लाउने गाह्रो
यही पाराले हो भने संस्कृति जोगाउन झनै साह्रो ।
✍️
अनुग्रह राना मगर ‘पुष्प’
पाँचखपन न.पा. ६ संखुवासभा ।
२९.
वेदनाले त पाेल्दैन यहाँ आज बिस्ताराले पाेल्छ
लाज थाम्छन् कसरी ? शरिरमा एकपिसकाे खाेल्छ।
✍️
रबि पाैडेल, दक्षिण भारत पाण्डेचरी ।
३०.
अश्लीलतामा रमाउनु नै संस्कृतिकाे उपहास
याैवनकाे आहालमा डुब्दै जाँदा इज्जतकाे नास ।
✍️
हिरालाल न्याैपाने
बानपा ८,काेटमाैला सल्यान।
३१.
कतै रमाइलो कतै भने छ रुवाबासी,
अस्तित्व नै मेटाएर कसरी बस्नु हाँसी ।
✍️
दीपा समभाव
दुबेकोल खोटाङ्ग
३२.
भन्छन् देख्दा पनि लाज लाग्ने छाडा भयो तीज
राम्रोका लागि राम्रो नै चाहिन्छ होलान् नि बीज ।
✍️
कृष्णकुमार वैद्य
बनेपा ९, काभ्रे
३३.
देखेका छैनन् दुःख पार्टी गर्दै दिनहुँ नाँच्छन्
तीजको नाममा महिनौ नै दर खाँदै हाँस्छन् ।
✍️
सुस्मिता अधिकारी ,काठमाडौँ
३४.
हेर्नै हुन्न नाङ्गो नाँच नसुन्नु अश्लिल गीत
पुरानै संस्कृतिसँग लगाउनु पर्छ मीत ।
✍️
अरुण कुमार भुजेल
गोरूबथान,कालेबुङ,भारत।
३५.
कता हराए माैलिक भाखा तिजकाे गीतमा
झुम्न थालेछ सबैजना आयातित रीतमा ।
✍️
हरिगाेपाल न्हुच्छेँप्रधान
काभ्रे, बनेपा १४ साँगा बजार
३६.
विकृति र विसङ्गतिले गाउँघरमा छायो
ठाडो घाँटी लगाएर दर खाने दिन आयो ।
✍️
मन्दिरा सेढाई, मलेखु,धादिङ
३७.
नारी तिज तिमी नारी चिन्न सके टर्छ
किन तिज ? के हाे तिज ? साेच्न सक्नुपर्छ ।
✍️
जी.वि.कश्यप
घाेराही,दाङ
३८.
हुँदाहुँदै संस्कारमा नि आयो विकृति
के भनी राख्लान् खै पुस्ताले नि अब स्मृति ।
✍️
इन्दु श्रेष्ठ, चितवन
३९.
तीजको रमझमलाई पचाउॅंनै भयो गाह्रो
छाडा प्रवृति बढ्दै जाँदा कति हुन लाग्यो साह्रो।
✍️
अर्जुन प्रसाद चौलागाई
रामेछापः-सुनापति-१
हालः-क्यानडा,क्यालगरी।
४०.
तीजका गीत भन्दा बढी छाडा गीत आउन थाले
कपडा त झन् कस्ता लाउछन् यीनले इज्जत फाले।
✍️
भवानी पाेखरेल (बाबू विराज)
कपिलवस्तु
४१.
तिजकाे माैलिकता पाउनै भयाे गाह्रो
दर खान्छन् कि दारु खुट्याउनै पाे साह्राे ।
✍️
त्रिलाेचन भण्डारी
मेचीनगर,झापा ।
४२.
चाडको नाममा पनि ढोङ्गको परिवेश रचिन थाल्यो तीजमा,
समाजलाई नकारात्मक विचार छरेर नाङ्गो नाच्छन् गीतमा।
✍️
बिकास छेत्री अञ्जान
कैजले, बिजनबारी,दार्जिलिङ।
४३.
छाडापन भित्र्याएर मौलिक साँस्कृतिक पर्व तीजमा
इङ्गित गर्दै नाँच्न थाले अति संवेदनशील चिजमा l
✍️
बाबुराम गौतम, गुल्मी
४४.
संस्कार संस्कृतिमा हिजोआज विकृति छायाे
शिक्षाले भूषित नारी परम्परा भुल्दै आयाे।
✍️
प्रद्युम्न चालिसे
भक्तपुर कटुञ्जे ।
४५.
जता छाडा उतै गाढा, बन्न चाहन्छ मानव
रत्यौली तिजको पर्व, मिसमास भयो हव ।
✍️
रामशरण न्यौपाने, भक्तपुर
४६.
परिवार बसेर हेर्न र सुन्न नमिल्ने गीत आयो
यस्ता शब्दलाई पनि हेर कसले स्वीकृति जनायो ।
✍️
सङ्गीता खरेल
चन्द्रागिरी ८ काठमाडौं
४७.
जति खान्छौ खाऊ तिम्रो पेट कहिल्यै अघाएन
त्यत्ति माया लगाऊ भन्थे मेराे मन रमाएन ।
✍️
शालिकराम दाहाल
चा न पा ३ झाैखेल
४८.
बुद्धको शान्ति सन्देस बिर्सेकाे नि कति भयो
परेवाका जोडी हरे ! भाग्नु पर्ने गति भयो ।
✍️
तुलसी शर्मा
दार्मा १,सल्यान
४९.
समाजमा संस्कार कता गयो संस्कृतिको कुरै छोडे
इज्जत छैन बाउ माइतीको परम्परा अन्तै मोडे ।
✍️
दुर्गा आचार्य
मोरङ
५०.
नजिकिँदै गर्दा यो तीजको पर्व
विकृतिले गर्दा छोड्यो लाग्न गर्व ।
✍️
सतीश पण्डित
भानु ६ चुँदी तनहूँ
हाल चनपा ६ मातातीर्थ।
५१.
फेसन फेरियाे संस्कृति फेरियाे
तीज पर्वमा झन् विकृति हेरियाे ।
✍️
ताराप्रसाद चापागाईँ
धुनिबेसी