Category: राजनीति

२० भदौ, काठमाडौं । नेपाल विद्युत प्राधिकरणको कार्यकारी निर्देशकमा कुलमान घिसिङलाई गरिएको नियुक्ति खारेजको माग गर्दै परेको रिट प्रधान न्यायाधीश चोलेन्द्र शम्शेर जबरा आफैंले हेर्ने भएका छन् । आइतबार पेसी तोक्ने क्रममा उक्त रिट जबराले आफ्नै इजलासमा राखेका हुन् ।
निवर्तमान कार्यकारी निर्देशक हितेन्द्रदेव शाक्यले नियुक्ति बदरको माग गर्दै ३२ साउनमा सर्वोच्च अदालतमा रिट दायर गरेका थिए । रिटमा शाक्यले आफूलाई गैरकानूनी रुपमा प्राधिकरणको कार्यकारी निर्देशक पदबाट हटाएको दाबी गर्दै त्यसलाई बदर गरी आफूलाई यथावत राख्नुपर्ने माग गरेका छन् ।
रिटमा प्रधानमन्त्री तथा मन्त्रिपरिषद कार्यालय, ऊर्जा मन्त्रालय, ऊर्जामन्त्री, नेपाल विद्युत प्राधिकरणको सञ्चालक समिति र कार्यकारी निर्देशक कुलमान घिसिङलाई विपक्षी बनाइएको छ ।

एमाले अध्यक्ष केपी शर्मा ओलीले अमेरिकासँग भएको एमसीसी सम्झौता झुक्याएर पास गर्न खोजेको भन्दै वर्तमान सत्तारुढ गठबन्धनप्रति आशंका व्यक्त गरेका छन् ।

संघीय संसद्को प्रतिनिधिसभामा लामो समयदेखि रोकिएको एमसीसी सम्झौताबारे पछिल्लो समय चर्चा बढेको बेला पूर्वप्रधानमन्त्री ओलीको टिप्पणी आएको हो। ‘कांग्रेस र माओवादी भएको बेला एमसीसी सम्झौता गरे। अहिले एमसीसीबारे बोल्दैनन्। झुक्याएर पास गर्न खोजेका होलान्,’ ओलीले भने, ‘बोल्दैनन्। के गर्ने हो? भन्दैनन्।’

प्रधानमन्त्री शेरबहादुर देउवा र सत्तारुढ माओवादी केन्द्रका अध्यक्ष पुष्पकमल दाहाल एमसीसीबारे बोल्नुपर्ने ओलीले बताए। ‘जनताका अगाडि यिनीहरूले गरेको एमसीसी के गर्ने हो भन्नु पर्दैन? शेरबहादुर देउवाजीले भन्नु पर्दैन एमसीसी के गर्ने? अनि प्रचण्डजीले बोल्नुपर्दैन एमसीसी के गर्ने?,’ उनले थपे, ‘हिजो साइन गर्नुभएको थियो त !’

एमसीसीबारे देउवा र दाहाल चुपचाप रहेको ओलीले बताए। ‘यस्ता अनगिन्ती कुराहरू उहाँहरूले गोप्य राखेर, नेपाली जनतालाई छक्याएर विकास निर्माण विकासको गतिलाई रोकेर’ राखेको ‌ओलीको आरोप थियो।

तुलसीपुर । नेपाली कांग्रेसको १४औँ महाधिवेशनको औपचारिक सुरुवात भईसकेको छ । साढे पाँच वर्षपछि हुन लागेको महाधिवेशनमा वडा अधिवेशन आजबाट सुरु भएको हो । वडा अधिवेशन केहि जिल्लामा भने तयारी नपुगेको हुदा केहि पर सरेको छ । यता दाङमा पनि वडा अधिबेशन भदौ २१ गते हुने भएको छ । अधिबेशनको मिति नजिकिएसगै चुनावि माहोल तात्तीदा भेटघाट तथा प्रचार प्रसारले तिव्रता पाएका छन । नेताहरु चुनावि प्रचार प्रसारमा ब्यस्त देखिन्छन ।

सवै वडामा चुनावि गतिविधी बढ्दै जादा तुलसीपुर उपमहानगरपालीका वडा नम्बर ११ मा पनि नेतृत्वको लागी निकै रस्साकस्की सुरु हुन थालेको छ । उक्त वडामा खास गरि दुई वटा समुहले प्रचार प्रसारलाई यतीवेला ब्यापक बनाएका छन । वडाबाट प्रतिनिधित्व गर्ने तुलसीपुरकै प्रतिष्ठित उद्योगपति डिल्लीबहादुर बस्नेत र संविधान सभाका सदस्य बुद्धिराम भण्डारीको अलग/अलग गुट खडा भएको छ । उनिहरु आँफु पक्षधरलाई निर्वाचित गराउन घर दैलोमा पुगेका छन ।

भण्डारीको समुहले वडा सभापतिको उम्मेदवार जसपुरका हेमबहादुर वलीलाई बनाएको छ । त्यस्तै बस्नेतको समुहले मोतिपुरका तिर्थबहादुर बस्नेत (महेन्द्र) लाई उम्मेदवार बनाएको छ । श्रोतका अनुसार हेमबहादुर लाई कांग्रेसका केन्द्रीय सदस्य दिपक गिरी र लुम्बिनी प्रदेशका ग्रामिण तथा सहरी विकाश मन्त्री डिल्ली बहादुर चौधरीको साथ रहेको छ । त्यसैगरी रमेशबहादुर भण्डारी, निर्वाचन क्षेत्र नं. ३ (ख) का सभापति खिमबहादुर वली, होमप्रकाश गौतम, नेपाल तरुण दलका जिल्ला उपाध्यक्ष धुर्व आचार्य, क्षेत्र नं. ४ का क्षेत्रीय सभापति रमेश मल्ल, वडा सदस्य सुवास डाँगी लगायत खुलेरै आफ्नो पक्षमा भोट माग्दै हिडेको छन ।

यस्तै तिर्थ बहादुरलाई भने गेहेन्द्र गिरीको साथ रहेको श्रोतले बताएको छ । यो समुहमा वडाध्यक्ष चित्रबहादुर वली, नेपाली काँग्रेसका पूर्व वडा इकाई सभापति अर्जुनबहादुर केसी, लगाएका नेताहरु भोट माग्दै हिडेका छन् । वडामा दिपक गिरी र डिल्ली बहादुर चौधरीकोको बलियो पकड भएको हुदा हेमबहादुर सभापतीको बलियो प्रतिष्पर्धीको रुपमा रहेको नेताहरु बताउछन

यद्यपी पश्चिम भेगमा तिर्थबहादुरको पनि उत्तिकै माहोल खडा भएको हुदा केहि भन्न नसकिने वडाका नेताहरु टिप्पणि गर्दछन । यो वडामा खास गरि पहिले देखि नै भण्डारी खलक र बस्नेत खलकका विच चुनावि प्रतिष्पर्धि हुदै आएको छ ।

१७ भदौ काठमाडौं । नेपाली कांग्रेसको महाधिवेशन रोक्न माग गर्दै कांग्रेसका एक नेता रिट लिएर सर्वाेच्च अदालत पुगेका छन् ।
कोरोना महामारीका बेला महाधिवेशन गर्नु जनस्वास्थ्यका दृष्टिले प्रतिकुल हुने भन्दै बागमती प्रदेश सभाका सांसदसमेत रहेका नरोत्तम बैद्य रिट लिएर सर्वोच्च पुगेका हुन् ।
उक्त रिट सर्वोच्चमा दर्ता भने भइसकेको छैन ।
कांग्रेस महाधिवेशनको प्रक्रिया शुक्रबारदेखि सुरु हुँदैछ । १४ औं महाधिवेशन अन्तर्गत भदौ १८ बाट वडा अधिवेशन सुरु हुँदैछ । प्रदेश सांसदले बैद्यले कोरोनाको जोखिम कायमै रहेकाले महाधिवेशन रोक्न आफूले रिट दायर गरेको अनलाइनखबरसँग बताए ।
‘कोभिडको महामारी कायमै छ । कोरोना कारण महाधिवेशन केहि समय पर सारौं, कोभिडको जोखिम कम भएपछि महाधिवेशन गर्दा सकारात्मक सन्देश जाला भन्ने मेरो भनाइ हो,’ उनले भने, ‘कांग्रेसको महाधिवेशनले कोरोनाको अर्काे जोखिम नहोस् भन्ने हो । नागरिकको जीवन सर्वाेपरी हो । नागरिकको जीवन रक्षका लागि मैले यो गरेको हुँ ।’
उनले सबै नागरिकले खोप लगाइसकेपछि मात्रै कांग्रेस महाधिवेशन हुनुपर्ने आफ्नो माग रहेको बताए । ‘कांग्रेसको वफादार कार्यकर्ता हुनुको नाताले महाधिवेशन हुनुहुँदैन भन्ने मेरो चाहना होइन तर कोरोनाको खोप सबै नागरिकले लगाइसकेपछि महाधिवेशन गरौं भन्ने मेरो माग हो,’ उनले भने ।
कांग्रेस महाधिवेशन मंसिर ९–१३ सम्म काठमाडौंमा हुँदैछ । त्यसअघि वडा, पालिका, प्रदेश निर्वाचन क्षेत्र, प्रतिनिधि सभा निर्वाचन क्षेत्र, जिल्ला र प्रदेश गरी विभिन्न तहको अधिवेशन हुने कांग्रेसको विधानको व्यवस्था छ ।

१७ भदौ, काठमाडौं । नेकपा माओवादी केन्द्रका अध्यक्ष प्रचण्ड र नेकपा एकीकृत समाजवादीका अध्यक्ष माधव कुमार नेपालबीच भेटवार्ता भएको छ ।
प्रचण्ड र नेपालबीच माओवादी संसदीय दलको कार्यालय सिंहदरबारमा बिहीबार बिहान छलफल भएको हो ।
करिब २० मिनेटजति भएको छलफल सरकारमा सहभागिता र सरकारका काममा केन्द्रित रहेको प्रचण्ड निकट स्रोतले बतायो ।
नेकपा एमालेबाट अलग भएका माधव नेपालले दर्ता गराएको नेकपा एकीकृत समाजवादीले निर्वाचन आयोगबाट मान्यता पाएपछि मन्त्रिपरिषदलाई पूर्णता दिने भनिए पनि अझै टुंगो लागिसकेको छैन ।
निर्वाचन आयोगले विभाजित पार्टीका जनप्रतिनिधिहरुलाई दल रोज्ने विकल्प भदौ २२ गतेसम्म दिएको छ । त्यसैले भदौ २२ पछि मात्रै मन्त्रिपरिषदलाई पूर्णता दिने तयारी सत्ता गठबन्धनका नेताहरुले गरेका छन् ।
हाल एमालेबाट अलग भएको नेकपा एकीकृत समाजवादी र जनता समाजवादी पार्टी (जसपा)बाट अलग भएको लोकतान्त्रिक समाजवादी पार्टीका प्रदेश र स्थानीय तहका जनप्रतिनिधिहरुको सनाखत गर्ने क्रम जारी छ ।