Category: अर्थ

काठमाडौं । ग्रेटवाल मोटरको लागि नेपालकोआधिकारीक वितरक भिजि इम्पेक्सले शोसल मिडियामा प्रचार सुरु गरेको छ । कम्पनीले ग्रेटवाल मोटर्सको आधिकारीक फेसबुक पेजको रुपमा ‘जीडब्ल्यूएम नेपाल’ (GWM Nepal) संचालनमा ल्याएको हो ।

कम्पनीले बनाएको फोसबुक पेजमा ग्रेटवाल मोटर्सको पुराना मोडलको तस्विर राख्नुको साथै, ग्रेटवाल र हावलका विभिन्न पाटोहरुलाई उल्लेख गरिएको छ ।

ग्रेटवाल नेपाल ल्याउन थुप्रै व्यवसायीक समूह लागेको भएपनि अन्त्यमा विशाल ग्रुप अन्तर्गतको भिजि इम्पेक्सले डिलर सिप पाएको थियो । अब कम्पनीले ग्रेटवाल मोटर्स अन्तर्गत रहेका ग्रेटवाल र हावल ब्राण्डका गाडी नेपाली बजारमा ल्याएर विक्री गर्ने छ ।
कहिलेसम्ममा नेपाली बजारमा ग्रेटवालका उत्पादन आउने छ भन्ने विषयमा कुनै जानकारी प्राप्त नभएपनि ग्रेटवालको चर्चित इलेक्ट्रीक कार ओरा आर १ भने नेपाल आउने आधिकारीक स्रोतले जानकारी दिएको छ । यसको साथै, कम्पनीले हावल ब्राण्डका एसयूभी नेपाली बजारमा ल्याउने जनाएको छ
संसारकै सस्तो मध्येको एक इलेक्ट्रीक कारको रुपमा नेपाल आउने ओरा आर १ धेरै नेपालीले प्रतिक्षा गरेको मोडलमा पर्छ । साथै, ग्रेटवालका पीकअप र हावलका एसयूभीले पनि धेरैलाई तान्ने अनुमान गरिएको छ ।

कम्पनीले आधिकारीक रुपमा यसको लञ्चिङ गर्ने समयमको जानकारी नदिएको भएपनि सम्भवत जुलाई अन्तिमसम्ममा यसको विक्री सुरु हुने अनुमान गरिएको छ ।

गत वर्ष सार्वजनिक भएको आइफोन–१२ को बक्समा चार्जर नभएका कारण एप्पलमाथि १९ लाख अमेरिकी डलर जरिवाना लागेको छ।
एप्पल इन्साइडरका अनुसार ब्राजिलको उपभोक्ता संरक्षण नियामक कम्पनी प्रोकन–एसपीले ब्राजिलमा चार्जर बिना आइफोन–१२ बेचेको विरुद्धमा एप्पललाई जरिवाना लगाएको हो।

डिसेम्बरमा प्रोकन–एसपीले एप्पललाई ब्राजिलभित्र आइफोन–१२ सँग चार्जर पनि प्रदान गर्न अनुरोध गरेको थियो तर महिनौँसम्म एप्पलले त्यसमा कुनै प्रतिक्रिया दिएन। आफ्ना प्रयोगकर्तालाई चार्जर दिन नसक्नुको कारण विस्तृतमा खुलाउन नसकेकाले ब्राजिलियन नियामक कम्पनीले एप्पललाई यहीँ मार्च १९ मा ठूलो रकम तिर्न लगाएको छ।

एप्पलले आफ्ना उपकरणबारे दिएको विज्ञापनमा झुटो कुरा फैलाएको र उपकरणहरु त्रुटीसहित बेचेको आरोपमा पनि ब्राजिलले एप्पललाई १९ लाख अमेरिकी डलरको जरिवाना लगाएको एप्पल इन्साइडरले लेखेको छ।
प्रोकन–एसपीका कार्यकारी निर्देशक फर्नांडो कापेजले भनेका छन्, ‘एप्पलले ब्राजिलमा कडा उपभोक्ता संरक्षण कानुन र संस्थाहरु छ भनेर बुझ्न र तिनलाई सम्मान गर्न आवश्यक छ।’

एप्पलले वातावरण संरक्षणको लागि गत वर्षबाट आफ्ना उपकरणहरुमा चार्जर नराख्ने घोषणा गरेको थियो, तर ब्राजिल एप्पलको यस वर्णनबाट सन्तुष्ट नभएको एप्पल इन्साइडरले जानकारी दिएको छ।
प्रयोगकर्ताले गरेका उजुरीमध्ये एप्पलले उपभोक्तासँग गर्ने सम्झौता पूरा गर्न नसकेको, आफ्ना वारेन्टी अन्तर्गत उपकरणहरु मर्मत नगरेको र आइफोन पानी प्रतिरोधपनि नभएको आरोप छ।

एप्पलले आफ्ना यी समस्या सुधारेर प्रयोगकर्ताका मागअनुसार परिवर्तन नल्याएमा ब्राजिलको नियामक कम्पनीले यो मुद्दा अदालतसम्म पुर्याउने बताएको छ।

नेपाल सुनचाँदी रत्न तथा आभूषण महासङ्घले बजारमा सुनको कृतिमा अभाव भई अवैध कारोवार बढेकाले सहज आपूर्तिको व्यवस्थापन गर्न माग गर्दै अर्थमन्त्री विष्णुप्रसाद पौडेललाई ध्यानाकर्षण गराएको छ । सङ्घका अध्यक्ष रमेश महर्जनको नेतृत्वको प्रतिनिधिमण्डलले मन्त्री पौडेललाई भेट गरी बजारमा सुनको माग अनुसारको आपूर्ति हुन नसक्दा यस क्षेत्रमा प्रतिकूल असर परेको जानकारी गराएको हो । साविकमा दैनिक २५ केजी सुन बिक्री वितरण हुँदै आएकामा कोभिड–१९ का कारण गत वर्ष चैतको पहिलो हप्तादेखि नै दैनिक १० केजीमा आयात झारिएकामा हाल अर्थतन्त्रका सबै क्षेत्र सामान्य अवस्थामा आइसकेकाले सुनको दैनिक कोटा वृद्धि गर्न ध्यानाकर्षण गरिएको छ । मागलाई धान्नै नसक्ने गरी अव्यावहारिक किसिमले आपूर्तिलाई नियन्त्रण गर्दा अवैध गतिविधि बढ्ने तथा राजश्व चुहावट हुने भएकाले वर्तमान अवस्थामा दैनिक कोटालाई कम्तीमा पनि ३० केजी बनाउनु पर्ने भनिएको छ ।सुनको बिक्री वितरणलाई विकेन्द्रीत गरी नेपाल राष्ट्र बैंकले जारी गरेको सुन आयात तथा बिक्री वितरण कार्यविधि–२०६८ ले तोकेअनुसार काठमाडौँको साथै धनगढी, नेपालगञ्ज, सिद्धार्थनगर, पोखरा, वीरगञ्ज, जनकपुर, विराटनगर र भद्रपुर अन्य आठ वटा स्थानबाट सुनको बिक्री वितरणको व्यवस्था गर्न ध्यानाकर्षण पत्रमा उल्लेख गरिएको छ । प्रतिनिधिमण्डलले मन्त्रिपरिषद् सचिवालयका सचिव बैकुण्ठ अर्याललाई पनि सोही विषयमा आज ध्यानाकर्षण गराएको छ ।

काठमाडौं : साउदी अरबस्थित नेपाली दूतावासले वैदेशिक रोजगार विभागको सूचना व्यवस्थापन प्रणाली (फेमिस) मा साउदी अरबस्थित रोजगारदाताहरुको विवरण तत्काल अपलोड गर्न आग्रह गरेको छ । नेपाली कामदारका लागि प्रमाणीकरण भएका डिमाण्डका कागजपत्र विभागको अनलाइन प्रणालीमा अपलोड गर्न जनशक्तिको अभावले गम्भीर समस्या उत्पन्न भएको दूतावासले बताएको छ ।
दूतावासमा प्रमाणीकरण भएका तर अनलाइन प्रणालीमा दुई हजार बढी फाइल अपलोड हुन सकेका छैनन् । करिब ५० हजार नेपाली कामदारको डिमाण्ड रहेको भन्दै वैदेशिक रोजगार व्यवसायीहरुले वैकल्पिक व्यवस्था गरी प्रमाणीकरण गरिएका ती मागपत्र तत्काल विभागको अनलाइन प्रणालीमा अपलोड गरी पठाउन माग गरेको छ ।
दूतावासले एक सूचना प्रकाशित गरी बिहीबारसम्म १ सय ७० रोजगारदाताहरुको विवरण नोपलका म्यानपावर कम्पनीले फेमिसमा अपलोड गरेको नदेखिएको भन्दै विवरण अपलोड नभएमा दूतावासले प्रमाणीकरण गरेपनि मागपत्र अनलाइन नहुने बताएको छ । दूतावासमा आइपुगेका फाइल प्रमाणीकरण भई अपलोड हुन नसकेको समस्या करिब दुई महिनादेखि समाधान हुन सकेको छैन ।

परराष्ट्र मन्त्रालयमासमेत ध्यानाकर्षण गर्दा पनि समस्याको समाधान नभएपछि नेपाल वैदेशिक रोजगार व्यवसायी संघले गत हप्ता श्रम, रोजगार तथा सामाजिक सुरक्षा मन्त्रालयका सचिव सुर्य प्रसाद गौतमलाई भेटी मागपत्र अपलोड गर्ने व्यवस्थाको लागि पहल गर्न माग गरेको थियो । व्यवसायीहरुले साउदी अरबस्थित नेपाली दूतावासले मागपत्र प्रमाणीकरण गरेर नपठाउँदा नेपाल आउने डिमाण्ड बंगलादेश लगायतका देशमा डाइभर्ट हुन थालेको दावी गरेका छन् ।

दूतावासले भने प्रमाणीकरण भएका मागपत्र विभागको अनलाइन प्रणालीमा अपलोड गर्ने जनशक्तिको अभाव रहको बताउँदै आएको छ । दूतावासले दूतावासको अनलाइन प्रणाली (https://demand.nepalembassy.gov.np) र विभागको वैदेशिक रोजगार सूचना प्रणाली (फेमिस) एक आपसमा जोडिन नसकेका कारण प्रमाणीकरण भएका मागपत्र विभागको सूचना प्रणालीमा अपलोग हुन नसकेको बताएको छ । दूतावासले कार्यबोझ बढेको भन्दै मार्च १० तारिख अर्थात आगामी सोमबारसम्म नयाँ मागपत्र प्रमाणीकरण नगर्ने बताइसकेको छ ।

यसैबीच मागपत्र प्रमाणीकरण भई नआएका कारण रोजगारीका लागि साउदी अरब जान स्वास्थ्य परीक्षण गराइसकेका हजारौं कामदारहरुको मेडिकल रिपोर्ट डेट एक्पाएर भई पुनः मेडिकल गर्नुपर्ने अवस्था सिर्जना भएको छ ।

वैदेशिक रोजगार ऐन अनुसार भिसा प्राप्त भएपछि मात्रै वैदेशिक रोजगारीमा जाने कामदारहरुको स्वास्थ्य परीक्षण गर्नुपर्ने भएपनि साउदी अरबमा रोकिएका डिमाण्ड आएमा एकै चोटी स्वास्थ्य परीक्षण गराउँदा व्यवहारिक कारणले कठिनाई हुने आँकलन गरी धेरै म्यानपावरहरुले कामदारलाई आफ्नो स्वास्थ्य परिक्षण गराई राख्न भनेको रोजगारीका लागि साउदी अरब जाने तयारीमा रहेका धनुषा नकजाझिजका सलिम मियाँले बताए । साउदी अरबको हालको नियम अनुसार मेडिकल रिपोर्टको अवधि ३ महिना मात्र हुन्छ । तीन महिना नाघेपछि त्यस्ता कामदारहरुले पुनः मेडिकल गर्नुपर्ने व्यव्स्था रहेको छ  ।

source: madhyaneadaily.com

धनगढी,२२ फागुन । धनगढी उप-महानगरपालिकाको वडा नम्बर ४ चटकपुरमा रहेको आलोक मल्टी कन्सर्न प्रा.लि.उद्धघाटन हुन नपाउँदै खरानी भएको छ । लामो समय डडेल्धुरामा व्यवसाय गरेका युवा व्यवसायी भोजराज भट्टले सुदूरपश्चिम प्रदेशलाई लक्षित गरि धनगढीमा तीन करोड लगानिमा आलोक मल्टी कन्सर्न उद्योग संचालनमा ल्याउन लागेका थिए ।त्यो  उद्योगमा लागेको आगोले उद्योग संगसगै  युवा व्यवसायी भोजराज भट्टको करोडौं पैसा र पसिना अनि व्यवसायमार्फत समग्र सुदूरपश्चिम प्रदेशलाई सेवागर्ने सपना समेत खरानि भएको छ।हाउस डेकुरेसन संगसंगै कन्सल्टेन्सी सेवा उपलब्ध गराउने उद्धे्रश्य बोकेका भट्टले धेरै सेवाग्राहीले घरभित्रको डिजाइन कस्तो राख्ने रु वास्तुशास्त्र अनुसार कुन दिशामा वेड, किचन, बाथरुम, ट्वलेट राख्दा शुभ मानिन्छ यी सबै पक्ष, अर्थात प्रश्नहरु मा समेत ग्राहकहरुलाई सन्तुष्ट गराउने भट्टको उद्धेश्य चक्नाचुर भएको छ ।आगलागीको कारण भने खुल्न बाँकी रहेको प्रहरीले जनाएको छ। आगलाागी बाट करोडौंको नोक्सान भएको आकलन गरिएको छ ।उद्योगमा भएको आगलागी करिब दुई घण्टापछि नियन्त्रणमा आएको हो ।साभार :पश्चिम टुडे