काठमाडौँ, मङ्सिर १५
अख्तियार दुरुपयोग अनुसन्धान आयोगले कपिलवस्तुस्थित मायादेवी गाउँपालिकामा वर्षौँदेखि फर्छ्यौट नहुँदै आएको पेस्की रकम हिनामिना भएको ठहर गर्दै सात जनाविरुद्ध विशेष अदालत काठमाडौँमा भ्रष्टाचार मुद्दा दायर गरेको छ ।

आयोगले सार्वजनिक गरेको विवरणअनुसार आ.व. २०७५/७६ देखि २०७८/७९ सम्म स्वास्थ्य कार्यक्रमका नाममा लिइएका विभिन्न शीर्षकका पेस्कीमध्ये कूल ४६ लाख ७ हजार ३ सय रुपियाँ बेरुजु रहेको पुष्टि भएपछि तत्कालीन प्रमुख प्रशासकीय अधिकृत, लेखा अधिकृत, लेखापाल, लेखा सहायकलगायतका सात जनामाथि मुद्दा दायर गरिएको हो ।

अनुसन्धानका क्रममा अधिकृत छैटौँ महेन्द्रप्रसाद यादवसहित पदाधिकारीहरूले पेस्की लिएर तोकिएको समयावधिमा बिल–भरपाई तथा कागजात पेस गर्न नसकेको, आवश्यक कार्यसमेत नगरी पुनः–पुनः पेस्की लिँदै सार्वजनिक रकम दुरुपयोग गरेको आयोगले जनाएको छ ।

मुख्य बेरुजु रकम

२०७५/७६ मा स्वास्थ्य कार्यक्रमका लागि लिइएको रु २२,६२,३०० मध्ये रु २०,१७,३०० बेरुजु

२०७७/७८ मा लिइएको रु १०,००,००० हालसम्म फर्छ्यौट नभएको

२०७८/७९ मा लिइएको रु १५,९५,००० मध्ये रु १५,९०,००० बेरुजु

पेस्की नियमविपरीत निरन्तर थपिँदै जानु, कार्यक्रम कार्यान्वयन नहुनु र बिल–भरपाई समयमै नआउनुले आपसी मिलेमतोसहित अनियमितता भएको स्पष्ट भएको आयोगको निष्कर्ष छ ।

कसुर र मागदाबी

भ्रष्टाचार निवारण ऐन, २०५९ को दफा १७ बमोजिम सरकारी रकम हिनामिना गरी सार्वजनिक सम्पत्तिमा हानि–नोक्सानी पुर्‍याएको अभियोगमा सबै प्रतिवादीविरुद्ध बिगो बराबर जरिवाना, कैद सजाय तथा हिनामिना भएको रकम असुल–उपर गराउन माग गरिएको छ ।

नामावली तथा तोकिएको बिगो

रामचन्द्र ढकाल, तत्कालीन प्रमुख प्रशासकीय अधिकृत – रु २०,१७,३००

प्रमेश्वर यादव, तत्कालीन प्रमुख प्रशासकीय अधिकृत – रु १५,९०,०००

कृष्णप्रसाद तिमिल्सिना, तत्कालीन प्रमुख प्रशासकीय अधिकृत – रु १०,००,०००

प्रकाश गौतम, लेखा अधिकृत – रु १५,६०,०००

महेन्द्रप्रसाद यादव, सि.अ.हे.व./अधिकृत छैटौँ – रु ४६,०७,३००

तुल्सीराम पौडेल, तत्कालीन लेखापाल – रु १९,१७,३००

गिरीराज गौतम, लेखा सहायक पाँचौँ – रु १४,१०,०००

आयोगका प्रवक्ता राजेन्द्रकुमार पौडेलका अनुसार कार्यक्रम कार्यान्वयन नगरी पेस्की रकम हिनामिना गरेको पुष्टि भएकाले मुलुकी कानुनअनुसार कारबाहीको मागसहित आरोपपत्र दायर गरिएको हो । मुद्दाको सुनुवाइ अब विशेष अदालत काठमाडौँमा हुनेछ ।

सभार : गोरखापत्र अनलाईन

कपिलवस्तु, मंसिर १४— मायादेवी गाउँपालिका कपिलवस्तुले गाउँभित्रका दुई महत्वपूर्ण सडक खण्डमा वर्षौंदेखि रहेका अव्यवस्थित र अतिक्रमित संरचनाहरू हटाउन ३५ दिनभित्र अनिवार्य रूपमा खाली गर्न सार्वजनिक सूचना जारी गरेको छ ।

सूचनामा डुमरा–रजवापुर–सिसवा हुँदै डुमारिया जाने मार्गमा सडकको दायाँ–बायाँ ५–५ मिटर क्षेत्र र २.५ मिटर सेटब्याक भित्र पर्ने सबै संरचना हटाउन निर्देशन दिइएको हो ।

यस्तै अभिराव–भरवलिया–बडसुडवा जोड्ने सडकमा सडक केन्द्रबाट दायाँ–बायाँ ७–७ मिटर सहित २.५ मिटर सेटब्याक क्षेत्र अतिक्रमणमुक्त गर्न सूचनामा उल्लेख गरिएको छ ।

गाउँपालिकाका अनुसार दुवै सडक खण्डमा बढ्दो आवतजावत र यातायात सुरक्षा चुनौतीका कारण भित्र रहेका टोल, चौतारा, पसल, घर, छाप्रोलगायत संरचना हटाउन यो निर्णय आवश्यक भएको हो ।

सार्वजनिक सडक ऐन, २०३१ को दफा ३(क) उपदफा (२) अनुसार सूचना जारी गरिएको गाउँपालिकाले जनाएको छ ।

कपिलवस्तु, फागुन १२ — प्रधानमन्त्री सुशीला कार्कीले महिला हिंसा विरुद्धको १६ दिने अभियानको शुभारम्भका क्रममा व्यक्त गरेको भनाइलाई लिएर कपिलवस्तुमा मुस्लिम समुदायले तीव्र असन्तोष जनाएको छ । उक्त अभिव्यक्ति मुस्लिम महिलाको मर्यादा र पहिचानमा प्रहार भएको भन्दै समुदायका अगुवाहरुले विरोध प्रदर्शनमा उत्रिएका छन् ।

बिहीबार साँझ मायादेवी गाउँपालिकास्थित पकडी चोकमा मुस्लिम अगुवा तथा स्थानीयवासीहरू भेला भई प्रधानमन्त्रीको पुतला दहन गरेका थिए । प्रदर्शनकारीहरूले प्रधानमन्त्रीको अभिव्यक्ति फिर्ता लिनुपर्ने माग गर्दै नाराबाजी गरेका थिए ।

यस्तै, सदरमुकाम तौलिहवामा पनि मुस्लिम समुदायका प्रतिनिधिहरूले छुट्टै रूपमा विरोध जनाएका छन् । उनीहरूले प्रधानमन्त्रीको अभिव्यक्ति “खेदजनक र पदको मर्यादाविपरीत” रहेको भन्दै तत्काल सच्याउनुपर्ने आग्रह गरेका छन् ।

विरोधसभामा बोल्दै नेपाली कांग्रेसका पुर्व केन्द्रिय सदस्य एवं संविधान सभा सदस्य अतहर कमाल मुसलमानले प्रधानमन्त्रीको अभिव्यक्तिले मुस्लिम महिलाको मर्यादा तथा सम्पूर्ण समुदायको भावनामा आघात पुगेको बताए । उनले भने,“प्रधानमन्त्रीको भनाइले मुस्लिम समुदायलाई गलत रूपमा प्रस्तुत गरेको छ । यस्तो अभिव्यक्तिले राष्ट्रको सामाजिक सद्भावमै असर पार्न सक्छ ।”

त्यसैगरी सो कार्यक्रममा स्थानीय मोहम्मद इसहाक ,निशार अह्मद र जम्शेद खानले पनि प्रधानमन्त्रीबाट आएको अभिव्यक्ति असाङ्गत भएको उल्लेख गर्दै समुदायमाथि परेको अपमानको जिम्मेवारी लिनुपर्ने माग गरे ।

विरोध प्रदर्शनअघि मुस्लिम अगुवाहरूको टोलीले प्रमुख जिल्ला अधिकारी जनार्दन गौतममार्फत राष्ट्रपतिलाई ज्ञापनपत्र बुझाएको छ । ज्ञापनपत्रमा प्रधानमन्त्रीको अभिव्यक्तिले धार्मिक तथा सामाजिक सहिष्णुतामा प्रतिकूल प्रभाव पारेको उल्लेख गरिएको छ ।

समुदायका अगुवाहरूले तत्काल अभिव्यक्ति फिर्ता गरी सार्वजनिक रूपमा माफी मागिनुपर्ने माग गरेका छन् ।

कपिलवस्तु –७ मंसिर
संघीय सरकारका स्वास्थ्य तथा जनसंख्या मन्त्री डा. सुधा शर्मा गौतमले आज मायादेवी गाउँपालिका १ मा रहेको पकडी स्वास्थ्य चौकी र सोही गाउँपालिकाको वडा नम्बर ७, हरनामपुरमा निर्माण भएको १५ शैयाको अस्पतालको निरीक्षण गरेकी छन् ।

अस्पताल निर्माण कार्य सम्पन्न भइसकेको भए पनि गाउँपालिकाले थप बजेटको माग अघि सारेको थियो । निरीक्षणका क्रममा, अस्पतालको पूर्वाधारमा लिफ्टको समस्या रहेको कारणले गाउँपालिका अध्यक्ष वलिउद्दिन खानले मन्त्री गौतमलाई थप बजेट आवश्यक भएको जानकारी गराएका थिए । अध्यक्ष खानका अनुसार, अस्पताल व्यवस्थापन र १५ शैयाको अस्पतालमा लिफ्ट अनिवार्य भएकाले र पालिकाले डीपीआर बनाउनमा समस्या भोगेपछि थप बजेट आवश्यक भएको छ ।

मन्त्री गौतमले स्वास्थ्य मन्त्रालयबाट सक्दो सहयोग गरिने आश्वासन दिइन् । यस अस्पतालले गाउँपालिकामा स्वास्थ्य सेवा पहुँच र गुणस्तर दुवैमा सुधार ल्याउने विश्वास लिइएको छ ।

स्थानीय बासिन्दा र स्वास्थ्यकर्मीहरूले पनि नयाँ अस्पताल निर्माणसँगै स्वास्थ्य सेवामा छिटो र सुलभ पहुँच हुने अपेक्षा व्यक्त गरेका छन् । हालसम्म पालिकाका स्थानीयले जिल्ला अस्पताल वा भैरहवा मिडिकल कलेजसम्म पुग्न धेरै समय खर्च गर्नु पर्ने बाध्यता भोग्नुपर्थ्यो । तर यस अस्पतालले अब स्थानीयहरूलाई छिटो र सहज स्वास्थ्य सेवा उपलब्ध गराउनेछ ।

मन्त्री गौतमले निरीक्षणका क्रममा अस्पताल सञ्चालन र मानवशक्ति व्यवस्थापनमा आवश्यक सहयोग पुर्‍याउने वचन दिइन् । स्वास्थ्य मन्त्रालयले यसअघि नै स्वास्थ्य केन्द्र सुधारका लागि बजेटको व्यवस्था गर्दै आएको थियो ।

गाउँपालिका भित्रका स्वास्थ्यकर्मीहरूलाई थप तालिम तथा स्रोतसाधन उपलब्ध गराउन मन्त्रालयले अब छिटो योजनाहरू अघि सर्ने मन्त्री गौतमले जानकारी दिइन् ।

कपिलवस्तु, ६ मंसिर –
शुद्धोधन गाउँपालिका–१, बगदीमा हिजोदेखि सुरु भएको विद्यार्थी गुणीय चक्र (एसक्यूसी) शैक्षिक महाकुम्भ भव्य र शैक्षिक वातावरणमा आरम्भ भएको छ । क्वेस्ट नेपालको समन्वय र सन लाइट इङ्लिस बोर्डिङ स्कुलको आयोजनामा प्रारम्भ गरिएको यस महाकुम्भमा जिल्लाका विभिन्न विद्यालयका विद्यार्थी, शिक्षक, शिक्षाप्रेमी तथा अभिभावकहरूको उल्लेखनीय सहभागिता देखिएको छ ।

उद्घाटन समारोहका प्रमुख अतिथि लुम्बिनी प्रदेश सरकारका युवा तथा खेलकुद मन्त्री सन्तोष पाँडेले पानसमा दीप प्रज्वलन गरी महाकुम्भको उद्घाटन गरेका थिए । उद्घाटन सत्रमा मन्त्री पाँडेलाले शिक्षालाई राष्ट्र विकासको मूल आधारका रूपमा व्याख्या गर्दै यस्ता शैक्षिक अभियानले विद्यार्थीको अव्यक्त क्षमता उजागर गर्न उल्लेखनीय योगदान पुर्‍याउने विश्वास व्यक्त गरे । उनले सामुदायिक तथा निजी क्षेत्रबीचको सहकार्यले शिक्षामा सकारात्मक परिणाम ल्याउने उल्लेख पनि गरे ।

सृजनशीलता, अनुशासन र नेतृत्व विकासमा केन्द्रित महाकुम्भ

आयोजक संस्था सन लाइट इङ्लिस बोर्डिङ स्कुलका प्रबन्ध निर्देशक एस. एन. त्रिपाठीका अनुसार महाकुम्भमा जिल्लाका १७ विद्यालयबाट ७०० भन्दा बढी विद्यार्थी सहभागी भएका छन् । उनका अनुसार विद्यार्थी गुणीय चक्रको उद्देश्य विद्यार्थीलाई केवल पाठ्यपुस्तकमा सीमित नराखी नेतृत्व क्षमता, समस्या समाधान सीप, व्यवहारिक ज्ञान र सकारात्मक सोच विकास गर्न मद्दत पुर्‍याउनु हो ।

कार्यक्रम स्थलमा विविध शैक्षिक प्रदर्शनी, समूहगत प्रस्तुति, अनुभव आदान–प्रदान, सिर्जनशील लेखन, विषयगत प्रतियोगिता तथा व्यवहारिक गतिविधिहरू निरन्तर सञ्चालन भइरहेका छन् । विद्यार्थीहरूले टोलीगत कार्य, सहकार्य भावना र अनुशासनपालनमा उल्लेखनीय उत्साह देखाएका छन् ।

विद्यार्थीको क्षमता उजागर गर्ने उद्देश्यसहित विविध गतिविधि सञ्चालन

महाकुम्भमा सहभागी विद्यार्थीहरूले गतिविधिले आत्मविश्वास, नेतृत्व क्षमता र समूहगत तालमेल वृद्धि गरेको प्रतिक्रिया दिएका छन् । अभिभावकहरूले बालबालिकाको रुचि, सीप र क्षमता पहिचानमा यस्ता अभियान अत्यन्त उपयोगी हुने बताउँदै कार्यक्रमलाई निरन्तरता दिनुपर्ने धारणा राखेका छन् ।

शिक्षकहरूले विद्यार्थीको सृजनशीलता, विश्लेषण क्षमता र सकारात्मक सोच विकासमा कार्यक्रम प्रभावकारी रहेको उल्लेख गर्दै एसक्यूसी अभियान स्थानीय तहमै शैक्षिक सुधारको प्रेरणादायी उदाहरण बन्न सक्ने विश्वास व्यक्त गरेका छन् ।

सांस्कृतिक प्रस्तुति, प्रतिभा प्रदर्शन, सिप विकास कक्षा तथा अन्तरक्रियात्मक सत्रहरूले कार्यक्रमलाई अझ आकर्षक बनाएका छन् । विद्यार्थीको व्यापक रुचि र क्षमतालाई अभिव्यक्त गर्न पाएको अवसरले महाकुम्भ विशेष प्रभावकारी देखिएको सहभागीहरूको भनाइ छ ।

समापनमा उत्कृष्ट समूह तथा विद्यार्थी सम्मानित हुने

एसक्यूसी अवधारणामा आधारित यो शैक्षिक महाकुम्भ आज बेलुका समापन समारोहमा उत्कृष्ट प्रदर्शन गर्ने समूह, विद्यार्थी तथा सम्बन्धित संयोजकलाई सम्मान तथा पुरस्कार प्रदान गरी समापन हुने आयोजक संस्थाले जनाएको छ ।

शैक्षिक वातावरण, विद्यार्थीको सक्रियता र अभिभावकको उत्साहले महाकुम्भले स्थानीय तहमा शैक्षिक चेतना अभिवृद्धि गर्दै नयाँ ऊर्जा थपेको अनुभूति सहभागीहरूले व्यक्त गरेका छन् ।

कपिलवस्तु, ६ मंसिर –
शुद्धोधन गाउँपालिका–१, बगदीमा हिजोदेखि सुरु भएको विद्यार्थी गुणीय चक्र (एसक्यूसी) शैक्षिक महाकुम्भ भव्य र शैक्षिक वातावरणमा आरम्भ भएको छ । क्वेस्ट नेपालको समन्वय र सन लाइट इङ्लिस बोर्डिङ स्कुलको आयोजनामा प्रारम्भ गरिएको यस महाकुम्भमा जिल्लाका विभिन्न विद्यालयका विद्यार्थी, शिक्षक, शिक्षाप्रेमी तथा अभिभावकहरूको उल्लेखनीय सहभागिता देखिएको छ ।

उद्घाटन समारोहका प्रमुख अतिथि लुम्बिनी प्रदेश सरकारका युवा तथा खेलकुद मन्त्री सन्तोष पाँडेले पानसमा दीप प्रज्वलन गरी महाकुम्भको उद्घाटन गरेका थिए । उद्घाटन सत्रमा मन्त्री पाँडेलाले शिक्षालाई राष्ट्र विकासको मूल आधारका रूपमा व्याख्या गर्दै यस्ता शैक्षिक अभियानले विद्यार्थीको अव्यक्त क्षमता उजागर गर्न उल्लेखनीय योगदान पुर्‍याउने विश्वास व्यक्त गरे । उनले सामुदायिक तथा निजी क्षेत्रबीचको सहकार्यले शिक्षामा सकारात्मक परिणाम ल्याउने उल्लेख पनि गरे ।

सृजनशीलता, अनुशासन र नेतृत्व विकासमा केन्द्रित महाकुम्भ

आयोजक संस्था सन लाइट इङ्लिस बोर्डिङ स्कुलका प्रबन्ध निर्देशक एस. एन. त्रिपाठीका अनुसार महाकुम्भमा जिल्लाका १७ विद्यालयबाट ७०० भन्दा बढी विद्यार्थी सहभागी भएका छन् । उनका अनुसार विद्यार्थी गुणीय चक्रको उद्देश्य विद्यार्थीलाई केवल पाठ्यपुस्तकमा सीमित नराखी नेतृत्व क्षमता, समस्या समाधान सीप, व्यवहारिक ज्ञान र सकारात्मक सोच विकास गर्न मद्दत पुर्‍याउनु हो ।

कार्यक्रम स्थलमा विविध शैक्षिक प्रदर्शनी, समूहगत प्रस्तुति, अनुभव आदान–प्रदान, सिर्जनशील लेखन, विषयगत प्रतियोगिता तथा व्यवहारिक गतिविधिहरू निरन्तर सञ्चालन भइरहेका छन् । विद्यार्थीहरूले टोलीगत कार्य, सहकार्य भावना र अनुशासनपालनमा उल्लेखनीय उत्साह देखाएका छन् ।

विद्यार्थीको क्षमता उजागर गर्ने उद्देश्यसहित विविध गतिविधि सञ्चालन

महाकुम्भमा सहभागी विद्यार्थीहरूले गतिविधिले आत्मविश्वास, नेतृत्व क्षमता र समूहगत तालमेल वृद्धि गरेको प्रतिक्रिया दिएका छन् । अभिभावकहरूले बालबालिकाको रुचि, सीप र क्षमता पहिचानमा यस्ता अभियान अत्यन्त उपयोगी हुने बताउँदै कार्यक्रमलाई निरन्तरता दिनुपर्ने धारणा राखेका छन् ।

शिक्षकहरूले विद्यार्थीको सृजनशीलता, विश्लेषण क्षमता र सकारात्मक सोच विकासमा कार्यक्रम प्रभावकारी रहेको उल्लेख गर्दै एसक्यूसी अभियान स्थानीय तहमै शैक्षिक सुधारको प्रेरणादायी उदाहरण बन्न सक्ने विश्वास व्यक्त गरेका छन् ।

सांस्कृतिक प्रस्तुति, प्रतिभा प्रदर्शन, सिप विकास कक्षा तथा अन्तरक्रियात्मक सत्रहरूले कार्यक्रमलाई अझ आकर्षक बनाएका छन् । विद्यार्थीको व्यापक रुचि र क्षमतालाई अभिव्यक्त गर्न पाएको अवसरले महाकुम्भ विशेष प्रभावकारी देखिएको सहभागीहरूको भनाइ छ ।

समापनमा उत्कृष्ट समूह तथा विद्यार्थी सम्मानित हुने

एसक्यूसी अवधारणामा आधारित यो शैक्षिक महाकुम्भ आज बेलुका समापन समारोहमा उत्कृष्ट प्रदर्शन गर्ने समूह, विद्यार्थी तथा सम्बन्धित संयोजकलाई सम्मान तथा पुरस्कार प्रदान गरी समापन हुने आयोजक संस्थाले जनाएको छ ।

शैक्षिक वातावरण, विद्यार्थीको सक्रियता र अभिभावकको उत्साहले महाकुम्भले स्थानीय तहमा शैक्षिक चेतना अभिवृद्धि गर्दै नयाँ ऊर्जा थपेको अनुभूति सहभागीहरूले व्यक्त गरेका छन् ।

कपिलवस्तु – ०४- मंसिर

कपिलवस्तुका प्रमुख जिल्ला अधिकारी जनार्दन गौतम, मायादेवी गाउँपालिका अध्यक्ष वलिउद्दिन खान, जिल्ला प्रहरी कार्यालयका प्रमुख प्रहरी उपरीक्षक सन्तोष आचार्य, प्रस्तावित सशस्त्र प्रहरी बल सीमा सुरक्षा गुल्म चाकरचौडाका गुल्मपति मनोज धिताल, र इलाका प्रहरी कार्यालय पकडीका प्रमुख एवं प्रहरी निरीक्षक सुबाश खतीवडा सहितको टोलीले आज चाकरचौडा सीमा क्षेत्रको निरीक्षण गरेको थिए ।

निरीक्षणका क्रममा सीमा क्षेत्रमा बढ्दो चोरी–पैठारी, अपराधिक गतिविधि नियन्त्रणका उपाय, र छोटी भन्सार कार्यालयलाई पूर्ण रूपमा सञ्चालनमा ल्याउनका लागि आवश्यक व्यवस्थाबारे छलफल समेत भएको थियो ।

यसअघि टोलीले मायादेवी गाउँपालिका कार्यालयको पनि निरीक्षण गरेको थियो । सो अवसरमा गाउँपालिका अध्यक्ष वलिउद्दिन खानले प्रमुख जिल्ला अधिकारी र सुरक्षा निकायका पदाधिकारीकारीहरुलाई स्वागत तथा सम्मान गरेका थिए ।

स्वागत कार्यक्रममा संविधानसभा सदस्य अतहर कमाल मुसलमानले पनि सहभागी पदाधिकारीहरूसँग नजिकिँदै गरेको संघीय निर्वाचनको तयारी, सुरक्षा व्यवस्था र स्थानीय राजनीतिक वातावरणसम्बन्धी विषयमा विस्तृत छलफल गरेका थिए ।