Category: Uncategorized

काठमाडौ। साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको ७७ औँ शृङ्खला यही चैत ११ गते शनिबार सम्पन्न भएको थियो।
अभ्यासमा नेपाल लगायत विश्वका ५७ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।

‘टुक्का माथि टुक्का’ व्यङ्ग्यात्मक टुक्का लेखनको ७७औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

अभ्यासका लागि राखिएको प्रतिनिधि टुक्का

खाली देख्छु जल्नेहरू, गर्नेहरू डाहा,
प्रगति त देखिसहन्नन् भन्दैनन् आहा ।
वसन्त अनुभव
घोराही, दाङ

सहभागी टुक्काकारहरूले अभ्यासका क्रममा सृजना गर्नुभएको टुक्काहरू

[१]
दुश्मन हुन् ती आफ्नै भए नि आरिसले जल्ने,
त्यस्तै हुन्छन् बर्बराउँदै जाँड खाएर ढल्ने।
🌑नवशिला
बेलबारी-२,लालभित्ती,मोरङ।

[२]
आकासै राम्रो देखिन्छन् यहाँ चन्द्रमा र ताराले,
तिम्रो र मेरो मित्रता देख्दा रिस गर्छन् साराले।
🌑कबिताहरी
सुन्दर हरैंचा नगरपालिका १ मोरङ

[३]
प्रगति गरोस् भन्ने मान्छे छन् र कहाँ,
गरिहाले प्रगति सबै जल्ने यहाँ ।
🌑योगेन्द्र भट्टराई
खोटाङ

[४]
आँसु लुकाई परेलीमा, तिमीलाई कुरिरहेँ,
चोट दियौ नसोचेको लास बनेर लडिरहेँ ।
🌑भरत खड्का

[५]
गाउँमा भन्दा सहरमा, बस्ने जनसङ्ख्या धेरै,
विवश छन् बाँच्न नरक तुल्य जीवन लिएरै ।
🌑पवन कुमार बुढाथेाकी
काठमाडौं

[६]
आरिसले मर्नेहरू आउ अघि जाउ,
कुरा काट्दै हिड्नु अझै बढ्छन् मेरा पाउ ।
🌑ताराप्रसाद चापागाईँ
धुनिबेसी

[७]
डाहा गर्ने र अरूको प्रगतिमा जल्नेहरू जहाँ हुँदैनन्
तिनीहररूकै प्रगतिमा अरू कोही कसैले पनि छुदैनन्।
🌑अर्जुन प्रसाद चौलागाई
रामछाप:-सुनापति-१
हाल:-अमेरिका,म्यासाचुसेट्स बोस्टन।

[८]
दौँतरी बनेर मन मस्तिष्कमा छुन्छ,
प्रगति गर्दा नि गिराउन जाल बुन्छ।
🌑भुपेन्द्र राना मगर
धादिङ

[९]
डाहा साहा गर्या हाेइन आकाश माथि उड,
असल बाटाेमा समाएर राम्राे सँग गुड।
🌑धन कुमारी रेग्मी
भरतपुर

[१०]
हरे जलन हुँदै पछि पर्छौ किन गर्छौ डाहा ,
देश विकास कहिल्यै छैन केको चाहियो आहा।
🌑बेदु न्यौपाने
काठमाडौ ❤️

[११]
दुईचार जना शत्रु नभई प्रगति नै हुन्न,
तिनीहरूको नाथे रिसले मलाई केही छुन्न ।
🌑सरिता सेढाई
धादिङ

[१२]
यस्तै हो प्रगतिमा आँखा लाउने धेरै हुन्छ,
आफू मेहनत गर्दैन, अरूको देखी रुन्छ ।
🌑अनुग्रह राना मगर ‘पुष्प’
पाँचखपन नपा- ६ संखुवासभा

[१३]
आहारिसेलाई दिनुपर्छ जलेर नै मर्न,
छाड्नुहुन्न निराश बनेर आफ्नो काम गर्न ।
🌑गंगा खड्का
बूढानीलकण्ठ , काठमाडौं

[१४]
टनाटन छन् त तिम्रै मात्रै झोला,
भलै, बिर्स्यौ क्यारे ! मरिजाने चोला।
🌑म्यामराज राई
भोजपुर।

[१५]
जति डाहा गरेपनि हुन्न यहाँ केही,
जल्नेहरू जल्दै गर्छन् शुद्ध राखाैँ देही ।
🌑त्रिलाेचन भण्डारी
मेचीनगर, झापा

[१६]
परिश्रमीहरूकाे आहारिस पाे किन सधैँ गरिराख्नु,
आहारिसेले मेहनत गरी परिश्रमकाे फल चाख्नु ।
🌑राज कुमार राजभण्डारी खाेटाङ्गे
मध्यपुर ठिमी ५ सङ्गम काेलाेनी भक्तपुर ।

[१७]
जल्नेहरू जलिरहुन् न आफू जल्नु हुन्न,
जल्नेले प्रगतिको शिखर कहिल्यै छुन्न।
🌑दीपक ठटाल जलन,२५.०३.२३

[१८]
समयअनुसार सबै अघि पछि चल्ने,
किन हो प्रगतिमा आफ्नाहरू धेरै जल्ने ।
🌑हिमा रोका
मेहेलकुना सुर्खेत

[१९]
चल्दै थियो चलिरहनेछ, खुट्टा तान्ने खेला,
म मात्रै अघि बढ्छु सफलता पार्दछु फेला।
🌑बि.कुलुङ
दार्जिलिङ

[२०]
आरिसले जल्नेलाई अझ जल्न नै दिए हुन्छ,
आखिर खरानी भएपछि उसको दिल रुन्छ ।
🌑प्रेम थापा “मन”
बागलुङ

[२१]
डाहा गर्ने त आफ्नै हुन्छन् काटी हिँड्छन् कुरा,
अघि देख्दा आहा भन्छन् पिँठमा हान्छन् छुरा ।
🌑एस जी दाहाल
मोरङ

[२२]
जल्नेहरू जल्दै गरुन् छोड्नु हुँदैन आफ्नो कर्म,
सत्संगत मात्र गर्न नछोड्नुहोस् कहिले धर्म ।
🌑भगवती दवाडी
झापा

[२३]
साँचेर दम्भ उत्सव जस्तै खुसीले नाचेका,
अर्काको भलो नदेख्ने मान्छे हाँसेर बाँचेका !
🌑आर्त अकुलीन
कैलाली

[२४]
जल्नेहरू जलिरहनेछन् , तर हात्तीको आफ्नै चाल,
खहरे नि वर्षातमा ~उर्लि ~गर्जन्छ उचालेर छाल।
🌑टिकाराम पुन टिपु
छत्रेश्वरि गाँउपालिका २
सल्यान

[२५]
जल्न देऊ ,जति जल्छन् उति गल्छन् ।
एक दिन पक्कै शत्रु आफैँ ढल्छन् !
🌑बिबस पारदर्शी

[२६]
पग्लिनेछ,मनको कुरा दयालु होलान् कोही,
मनको इच्छा पूरा गरे त, रुने छैन गोही ।
🌑होम प्रसाद
धरान,सुनसरी

[२७]
मुटु जलाऊ, आरिस अनि रिस पनि गर,
जो जो गर्छौ डाहा मेरो, त्यसले जलेरै मर ।
🌑राजेशराज गड्तौला
काँडाघारी, काठमाण्डौ
हाल- प्रवास

[२८]
जल्नेहरू जल्दै गरुन् अघि बढ्दै जानुपर्छ,
आफ्ना पाइला त सधैँ प्रगतिमा लानुपर्छ ।
🌑उर्मिला के.शी.
धनकुटा

[२९]
खान पाए वा वा गर्छन्, खराबै भएपनि साराले,
जतासुकै भद्रगोल भा’छ, समाज यस्तै पाराले।
🌑शंकर कार्की
थाहा३ मकवानपुर।

[३०]
जल्नेहरू जलिरहन्छन् गरी रिस र राग,
कुनै दिन हुन्छ तिनलाई पक्कै भागाभाग ।
🌑बाबुराम पाण्डे
अर्घाखाँची

[३१]
जल्नेलाई जल्न देउ, उहीँ सेकिन्छ,
सुर्यलाई हत्केलाले कहाँ छेकिन्छ?
🌑रोजिन श्रेष्ठ।
खोटाङ

[३२]
कठै भन्ने दिन गए सबै बिचरा भइरहे
सबैले आफ्नै बिन बजाउँछ दुख सहिरहे।
🌑सांग्रिस जी

[३३]
रिसराग त्यागेमा हुन्छ सबकाे जय,
घमण्ड बाेक्ने काे ठूलाे भयाे महाशय ?
🌑एस वि प्रगति
झिमरुक, प्यूठान

[३४]
आरिसे बानी,
आँखामा पानी ।
🌑रचना शर्मा प्रतीक्षा

[३५]
शताब्दिदेखिको बानी हाम्रो हेर आरिस गर्ने,
जिन्दगीभर रिस गरेरै त्यतिमै हामी मर्ने ।
🌑राजेन्द्र प्रधान ‘पासा’
दार्जिलिङ ।

[३६]
बेरोजगारको काम हुँदैन अरूको चियो चर्चो गर्छन्,
आफूहरू किनारमै छुट्छन् आँट गर्नेले नै खोलो तर्छन्!
🌑प्रमोद भट्टराई ‘प्रतीक’
कौशलटार, भक्तपुर

[३७]
कति जल्छ जल्न देऊ न आरिसेलाई, नछोडआफ्नो काम,
आफू असल बन्ने, अरूको भलै गर्ने यस्तै छ हाम्रो ठाम ।
🌑रामप्रसाद पुरी
बादेल खोटाङ

[३८]
मेरो जिन्दगी बनाउँदै लान्छु अझ धेरै आहा
जिन्दगी मेरो देखेपछि पो बल्ल पाउँछन् थाहा ।
🌑डम्बर थामी ‘अनुपम’
कालिन्चोक गा.पा.-६, दोलखा ।

[३९]
अगाडि चिप्लो घसेर पछाडिबाट हान्ने नगर छुरा,
जल्नेहरू पानीमा डुब्दै गर पोल्ला, गर्दा अर्काको कुरा ।
🌑अम्बिका अधिकारी

(४०]
रिसले आफू खा भन्छन् बुद्धिले खा अर्को,
मेरो प्रगतिमा तिमी किन मान्छौ झर्को ।
🌑पुष्पा सुवेदी
नेपालगञ्ज, बाँके ।

[४१]
बगलीमा छुरा राख्ने गर्छन् नाटककार,
डाहा गर्ने त धेरै हुन्छन् बनौँ होसियार ।
🌑चन्द्रकली राना मगर
नौबहिनी ३, प्युठान

[४२]
जल्नेहरूलाई जल्न देउ भित्रभित्रै पाकुन् ,
प्रगतिका पाइला देखेर डाहा गर्दै थाकुन् ।
🌑जमुना आचार्य
सिन्धुपाल्चोक

[४३]
जल्न देउ जल्नेहरूलाई जलिजली मर्छ,
अवैतनिक कर्मचारीले सेक्युरिटी गर्छ।
🌑मन्दिरा सेढाई
मलेखु,धादिङ

[४४]
मानिस हरपल रिसले छ जलेको,
बिना तेल झैँ बत्ती हरपल बलेको ।
🌑सुमित्रा पोखरेल
काठमाडौं

[४५]
आफू टोलीकै नाइके भएर पनि राम्रो काम गर्न जान्दैनन्
सुझ न बुझसँग कराउने मात्र, जान्नेले भनेको मान्दैनन् !
🌑पवन कुमार बुढाथेाकी
काठमाडौं

[४६]
शोषण र दोहनको आगो बाले हेर,
समाजमा आहाभन्दा डाहा नै छ धेर।
🌑रामशरण न्यौपाने,भक्तपुर

[४७]
आरिसले जल्नेलाई जलिरहन पुगोस् भन्छु,
परिआए आँसु लुकाएर सबै थोक सहन्छु।
🌑अच्युत घिमिरे
भुटानबाट🇧🇹

[४८]
अरूले गरेको आरिस किन आफू पनि नगर्ने काम,
कामै नगरी बसेर अब कसरी आगाडि आउला माम।
🌑सहयात्री शोभा अर्याल
बुटवल

[४९]
छक्याउँछन् जनतालाई छद्म भेसी माउले,
कुल्ची दिन्छन् भावनालाई अपवित्र पाउले ।
🌑बाबुराम गौतम
गुल्मी

[५०]
जले जति आफैँ जलोस् मरेपनी मरोस्
बाँदर हो बिगार हुने काम मात्रै गरोस् ।
🌑दस्ता कौशिक,पाँचथर।

[५१]
गर्नेहरूको डाहा गरेर भित्र भित्रै जलेका हुन्छन्,
गर्ने खुबी हुन्न रत्तिभर अल्छिको कसरी दिन खुल्छन्।
🌑सुरेशकुमार पान्डे
दाङ घोराही

[५२]
कुरा काट्ने काट्दै गर्छन् हुँदैन बाटो मोड्नु
लक्ष्य लिई अघि बढ्नु पर्छ हुँदैन छोड्नु।
🌑सरस्वती श्रेष्ठ
इटहरी

[५३]
डाहा ईर्ष्या गर्नेहरू आफैँ भोग्छन् कसी,
मुर्च्छा जति परे पनि बस्लान् घुँडा धसी।
🌑मनोहरी पौडेल
गैडाकोट १

[५४]
जति सक्दछाै तिमी मेराे, प्रगतिमा डाहा गर्ने गर,
आफ्नाे लक्ष्यअनुसार कदापि पछि हट्ने छैन तर ।
🌑प्रद्युम्न चालिसे
भक्तपुर कटुञ्जे ।

[५५]
देखासिकी गरी खानु भन्ने गर्छन्,
गर्न नसक्नेहरू डाहाले मर्छन्।
🌑भगवती दवाडी
दमक,झापा

[५६]
जल्नेहरू ती जलिराख्छन्, अगाडि त बढ,
कर्मठ ती पाइला चाली शिखरमा चढ ।
🌑शाेभा आचार्य गाैतम
काठमाडौँ
[५७]
खाली देख्छु जल्नेहरू, गर्नेहरू डाहा,
प्रगति त देखिसहन्नन् भन्दैनन् आहा ।

काठमाण्डौँ, साप्ताहिक तस्बिरमा उदक लेखन शृङ्खलाको ९३ औँ भाग शनिबार सम्पन्न भएको छ । उदक साहित्य समाज, नेपालले उक्त कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ५४ जना उदक स्रष्टाहरूको सहभागिता रहेको उदक लेखन शृङ्खलाका संयोजक, प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।

काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा उदक लेखन शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।

संयोजक एवम् प्रशिक्षक अनुभवका अनुसार शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि मात्र एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।

अभ्यासका लागि राखिएको प्रतिनिधि तस्बिर :

अभ्यासमा सहभागी उदक यात्रीका उदकहरू

[१]
मान्छे
लोभको चाल
पछिपछि अदृश्य काल !

• वसन्त अनुभव, घोराही, दाङ

[२]
मानव
नबन लोभी
आउँदै पछ्याउँदै काल !
भगवती दवाडी, दमक, झापा

[३]
काल
लखेट्दै आउने
मान्छे पैसा समाउने !

• डम्बर थामी ‘अनुपम’
  कालिन्चोक गा.पा.-६, दोलखा

[४]
मान्छे
लोभमा फस्ने
काल फिलाउने जाल !

• भवानी घिमिरे, सर्लाही

[५]
लोभ
पैसाको ल्याउने
सबैको पछाडि महाकाल !

• डुकछिरिङ लेपचा, भारत

[६]
मानव
लोभको घर
दौडिन्छ वरपर काल !

• सरस्वती श्रेष्ठ, सुनसरी

[७]
लोभ
धनपछि मानव
मानवपछि अदृष्य काल !

• इन्दिरा देवकोटा, कपिलवस्तु

[८]
काल
छुटाइ दिने
लाेभ लालचकाे घर !

• राेशन पराजुली, धरान

[९]
मान्छे
लोभको जाल
पछिपछी आयो काल !

• सरिता सेढाई, धादिङ

[१०]
काल
लोभको भाँडो
पैसाले कहिल्यै नभरिने !

• आर्त अकुलीन, कैलाली

[११]
समय
पैसाको पछी
काल बस्छ हेरी !

• रमा पन्त, पाल्पा

[१२]
लोभ
अगाडि दौडन्छ
पछ्याउँदै कालले खेद्छ !

• समुन्द्रा शर्मा, सुनसरी

[१३]
मान्छे
लोभ जहिल्यै
धनले अघाउदैन कहिल्यै !

• रतन बिष्ट, आलिताल, डडेल्धुरा

[१४]
जिन्दगी
लोभले भर्यो
अन्तिममा कालले मार्यो !

• हीरा तामाङ, काभ्रे

[१५]
मान्छे
पैसाको भान्से
कतिबेला कालले खान्छे !

• सविता के.सी., काठमाडौँ

[१६]
जीवन
लाेभ गर्दागर्दै
सकिन्छ भेटिदैन लक्ष्य !

• शाेभा आचार्य गाैतम, काठमाडौँ

[१७]
काल
हान्दैछ फाल
लक्ष्य बिना अनिकाल !

• मिलन के. सी.(थापा)

[१८]
लोभ
लक्ष्य पैसाको
हेरन काल आएको!

• अनुग्रह राना मगर ‘पुष्प’
  पाँचखपन नपा -६, संखुवासभा

[१९]
मानव
जिवनभर अपुरो
पैसामा लोभकै कुरो !

• प्रेम थापा ‘मन’, बागलुङ

[२०]
काल
पछ्याइ रहेछ
छोडदैन मान्छे धन !

• अमृत सुवेदी, रुपासात, कास्की

[२१]
संसार
सुन्दर दलदल
तरीका आफू अन्सार !

• शारदा गौतम आचार्य

[२२]
भेटिने
लोभको लाभ
लाभले पार्दछ विलाप !

• होमप्रसाद नेउपाने
  धरान, सुनसरी

[२३]
मानव
दौडिन्छ लोभमा
कालले बनाउँछ शोकमा !

• सरस्वती वली, बर्दिया

[२४]
नभरिने
लोभको भाँडो,
उमेरले काटेर डाँंडो !

• भुपेन्द्र राना मगर, धादिङ

[२५]
लोभ
होला लाभ
पछि फेरि बिलाप !

• दुर्गा भमरकोटे, काठमाडौँ

[२६]
लक्ष्य
दौडदै मानव
कालले हेर पछ्याउँदै !

• धर्मी शाक्य, बुटवल, रुपन्देही

[२७]
जीवन
समाप्तिको बाटोमा
धन सोहोर्ने दौडमा !
गोपाल प्रसाद पौड्याल, विराटनगर

[२८]
स्वार्थ
चेतनाको अनिकाल
लोभले निम्ताउँछ महाकाल !

• ऋजु दिल्पाली,इटहरी-१, सुनसरी

[२९]
मान्छे
अदृश्य काल
पैसामा काढ्छ राल !

• पशपती राई, खोटाङ

[३०]
काल
अन्तिम सत्य
जिउन आवश्यक धन !

• नारायणप्रसाद उपाध्याय, कैलाली

[३१]
मानव
भौतिकताको दौडमा
असामयिक कालको ढोकामा !

• एस बी देशभक्त, लमही, दाङ्ग

[३२]
मान्छे
लोभले भरिएको
कलियुगको प्रभाव झल्किएको !

• रिता खराल,रुपन्देही

[३३]
दौड
धन प्राप्तिको
लखेट्दै अदृष्य काल !

• कण्ठराज गिरी, टीकापुर, कैलाली

[३४]
अदुरदर्शिता
लोभको हुत्याइमा
पुगिन्छ मृत्युको मुखमा !

• रामप्रसाद पुरी, बादेल, खोटाङ

[३५]
लोभ
भासियो स्याल
सम्पतिमा चुहायो राल !

• अम्बिका अधिकारी, झापा, बिर्तामोड

[३६]
मान्छे
पैसाको पछि
साथमा काल पनि !

• प्रदिप नेपाली
  बिहादी-५, उराम, पर्वत

[३७]
मानव
लोभमा लिप्त
हुनेछ मरेपछि तृप्त !

• टीकाराम पुन ‘टिपु’
  छत्रेश्वरी गाँउपालिका-२, सल्यान

[३८]
मानव
सम्पन्नताको दौडमा
काल आउँदैछ प्रहारमा !

• त्रिलोक रामदम

[३९]
परिस्थिति
दौडिरहेका मानिस
ज्यानको प्रवाह नगरी !

• खेमराज पुरी, कैलाली

[४०]
उपभोक्तावाद
राजाको चाहना
चपरी मुनिको बास !

• कोमलप्रसाद अधिकारी, कैलाली

[४१]
मानिस
लोभको भाँडो
काल खोज्दैछ चाँडो !

• पूर्णबहादुर श्रेष्ठ ‘हृदयङकृत’, काभ्रे

[४२]
नदौडे
धनको पछि
जानुछ एकदिन मरेर !

• मङ्गला उपाध्याय, बारा

[४३]
मानव
प्रगतिको निम्ति
जीवन सुम्पदै गरेको !

• योगेन्द्र भट्टराई, खोटाङ्ग

[४४]
निल्दै
कालले चपाउँदै
यद्यपि लोभलालचमा दौडँदै !

• उर्मिला पन्त पाण्डेय, ज्ञानेश्वर, काठमाण्डौँ

[४५]
मृत्यु
तितो सत्य
तैपनि लोभको लक्ष्य !

• सरस्वती श्रेष्ठ, रूपन्देही, बुट्वल

[४६]
मानव
लोभको भाँडो
बनिरहेको माटाको भाँडो !

• म्यामराज राई, भोजपुर

[४७]
उदक/
जिन्दगी
भागदौडकै नालले
सोच्दैन पछ्याएछ कालले!

• जमुना आचार्य, सिन्धुपाल्चोक

[४८]
मानव
लोभी दानव
पछ्याउँदै हिड्छ काल !

• धनमाया चौधरी, कैलाली

[४९]
मानिस
लोभको घर
जीवन पैसाको भर !

• कविता आचार्य, कैलाली

[५०]
जीवन
दाउ लगाई
राखेका बिटो कमाई !

• जमुना कायस्थ,पोखरा

[५१]
दौडिँदै
कमाउने लोभमा
सकिन्छ यहाँ जिन्दगी !

• बाबूकाजी सुवाल

[५२]
धन
माहदेवका त्रिनेत्र
कमाउने तरिका विचित्र !

• प्रद्युम्न चालिसे, भक्तपुर

[५३]
मान्छे
धेरै आसक्ति
सधै पैसाको भक्ति !

• दुर्गा भट्टराई, मोरङ

[५४]
गाँठ
मान्छेको ताक
बुझ्दैन कालको हाँक !

• केशवप्रसाद ढकाल ‘प्रीतबीज’
  सिरान्चाेक-७, उपल्लो गाेहाेरे, गाेरखा

पञ्चाङ्ग चित्रपट भाग :- २९
लेख्नुपर्ने पञ्चाङ्ग सङ्ख्या :- ०१
मिति:-  २०७९/१०/२० गते साँझ ८ बजे ।

आदरणीय पञ्चाङ्गका अनुरागी  एवम् पञ्चाङ्ग स्रष्टाज्युहरू हार्दिक नमस्कार  ” पञ्चाङ्ग साहित्य समाज नेपाल” को आधिकारिक दर्ता पछिको २९[उनन्तिसौ]  चित्रपटमा छौं।
         यहाँहरुलाई हार्दिक स्वागत गर्दै

यस्  शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग भोलि साँझ ८:०० बजेभित्र आफ्नो नाम, ठेगाना र फोटो सहित कमेन्ट बक्समा लेख्नु हुन हार्दिक अनुरोध गर्दछौं!

प्रशिक्षक :
————
गुणनिधि घिमिरे
घनश्याम पौडेल
तोयानाथ सुवेदी

चित्र संकलन  धादिङबाट
—————–
सरिता सेढाई

शुद्धीकरण
————–
जमुना आचार्य
भवानी घिमिरे
पुष्पा नेपाल (सुवेदी )

संरचना
———
अनुप्रास :- आफू खुसी
स्थायी :- आफू खुसी
अक्षर :-  बराबरी

समायोजक
————-

सोमनाथ लुइटेल “रवि पाल्पाली”
                  तथा
पञ्चाङ्ग साहित्य समाज नेपाल
————————

चित्र अनुसार पञ्चाङ्गहरू [चित्रपट]
~~~~~~~~~~~~~~~~~~~~~
     चित्रमा पञ्चाङ्ग
~~~~~~~~~~~~~~

चित्रपय  पञ्चाङ्ग   [०१]

दौरा सुरुवाल कोट टोपी हाम्रो भेष हो रे ।
टिष्टा सतलज सम्म सबै हाम्रो देश हो रे ।
बावु बाजे  पिता पूर्खा लागे देश बढाउन,
लडे भिडे रे  देशको लागि ठूलो रेश हो रे ।
आजभोली हालत के भो मात्रै मधेश हो रे।

✍️गुणनिधि घिमिरे सूर्यविनायक ।
……………………………………………………………

चित्रपट पञ्चाङ्ग   [०२]

चार किल्लाभित्रको माटो रहेछ देश ।
हिॅडेर नसकिने  बाटो  रहेछ  देश।
मुटुभित्र सॅगालेर राख्न सक्यौॅ भने,
बिहान र बेलुकाको आटो रहेछ देश।
स्वार्थ भन्दा फरक पाटो रहेछ देश।

✍️घनश्याम पौडेल, पोखरा ।
……………………………………………

चित्रपट पञ्चाङ्ग   [०३]

टिष्टादेखि  सतलज सीमा आफैँ खाेल्छ।
हिजो नेपाल ठूलो थियोे नक्साले बाेल्छ।
भूमि   सानो  भएपनि  छैन  मन सानो ,
मायाप्रीति  लगातार  दुनियाँमा  घाेल्छ ।
शान्ति अनि मानवता  छताछुल्ल ढाेल्छ ।

✍️केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा ।
……………………………………………………

चित्रपट पञ्चाङ्ग   [०४]

सुन्दर अनि शान्तमा गनिन्छ हाम्रो देश नेपाल।
भेष भुषामा झपक्क बनिन्छ हाम्रो देश नेपाल।
चारै तिर हरियाली बन पाखा कल कल खोला,
पर्यटनको खानि हो भनिन्छ हाम्रो देश नेपाल।
सम्पदाको प्रतिकमा जनिन्छ हाम्रो देश नेपाल।

✍️दुर्गा आचार्य , मोरङ ।
……………………………………………………………………

चित्रपट पञ्चाङ्ग   [०५]

मन सानो नहोस् देश यो सानो नहोस्।
हामी बस्ने घर अरुको छानो नहोस् ।
मातृ भूमि नेपालको होस् मानचित्र ,
रक्षा होस् सिमानाको सत्ता कानो नहोस्।
मायाले मुरी मुरी भरोस् मानो नहोस्।

✍️होम प्रसाद नेउपाने,धरान,सुनसरी ।
………………………………………………………

चित्रपट पञ्चाङ्ग   [०६]

हिजो थिए हाम्रा पू्र्खाहरू कहाँ आज हामी कता हेर यहाँ ।
यस्तो कारुणिक अवस्थादेखि चस्स दुख्छ मनमा धेर यहाँ।
सिमा रक्षा र तारवार छैन झगडा कुर्सी मै  भै रहे पनि,
भोलि छिमेकीले सिङ्गै देश निल्न लाउदैन कत्ती बेर यहाँ ।
देश बचाउन करोड जनता जाग्नै पर्छ एक फेर यहाँ ।

✍️रुपा  गौतम , निज्गढ बारा ।
……………………………………………………………………

चित्रपट पञ्चाङ्ग   [०७]

टिष्टा देखुन सतलज सम्म विशाल थियो।
संसारमा  गुलाम  नभएको मिसाल थियो।
थर्कमान थिए गोर्खा विरहरूलाई  देखी,
हाम्रो मस्त यो मधेश पहाड निसाल थियो।
विर जातिलाई देखी दुनियाँ रिसाल थियो।

✍️सुरेशकुमार पान्डे।
दाङ घोराही १८
……………………………………………………

चित्रपट पञ्चाङ्ग   [०८]

राम्रो  भूमि  देख्नै  हुन्न हडपेर लगि छाडेका छन्।
चारैतिरबाट भ्याएसम्म मस्त किल्ला गाडेका छन्।
किन राख्दथे यतैका पो  नेतृत्व पनि मिलेपछि,
आफ्ना आर्जित जमिनहरु घटाएर बाँडेका छन्।
सिमानामा न त तारबार न तगारो फाँडेका छन् ।

✍️जमुना आचार्य, सिन्धुपाल्चोक ।
…………………………………………………………

चित्रपट पञ्चाङ्ग   [०९]

दुइ ठुला देशको बिचमा सानो मेरो देश छ।
अरु देशको भन्दा भिन्न मेरो देशको भेष छ।
हिमाल पहाड तराई मिली बनेको छ देश,
खोला नाला ती वन जंगल हरियाली फेस छ।
जे जस्तो भयपनि मलाई मेरै देश बेस छ।

✍️सरिता सेढाई धादिङ
…………………………………………………………

पञ्चाङ्ग   [१०]

तराई,पहाड, हिमालकाे देश हाम्रो।
जातीय विविधता भएको भेष हाम्रो।
आफ्नाे देश राम्रो देख्दा  गर्व लाग्छ,
देश हिमालले सजिएको लेस राम्रो।
खाेलानाला, हरियाली डाँडा फेस राम्रो ।

✍️शाेभा आचार्य गाैतम,काठमाडौँ ।
……………………………………………………

चित्रपट पञ्चाङ्ग   [११]

सगरमाथाको देश हाम्रो सान हो ।
वीर गोर्खालीको यहि राम्रो मान हो।
विकास अनि समृद्धि हाम्रो चाहना ,
नेपाल र नेपालीको त यामान हो।
बुद्धले दिएको शान्ति ज्ञान  दान हो ।

✍️तारा घिमिरे स्वेच्छा, सङ्खुवासभा ।
………………………………………………

चित्रपट पञ्चाङ्ग   [१२]

टिष्टादेखि सतलजसम्म हिजो हाम्रो देश ।                                                    मेचीदेखि महाकालीसम्म आज राम्रो देश।                                           सुगौली सन्धिलाई सम्झदा पनि मुटु दुख्छ,                                         दुई छिमेकीको बिच चेपिएको दाम्रो देश ।                                        थाह छैन कहाँ पुग्ने हो भोलिको चाम्रो देश ।   
                                   
✍️देबकी के.सी. , दक्षिणकाली ३,काठमाडौ ।
………………………………………………………

चित्रपट पञ्चाङ्ग   [१३]

ग्रेटर नेपाल कल्पनामा मात्र सिमीत भयाे हाम्रो ।
पटके सन्धिमा सिध्याएर नेपाल यस्ताे गयो हाम्रो ।
अझै बाँध लगाउँदै पिल्लर सार्दछ छिमेकी ,
नेता आसन फेरेर गरेकाे शासन के बयो हाम्रो ।
गएकाे भूमी आउँदै नआउने विलय लयाे हाम्रो ।

✍️धन कुमारी रेग्मी, चितवन ।
………………………………………………

चित्रपट पञ्चाङ्ग   [१४]

सहिदको सपना पुरा गर्ने कोहि भइदिए हुने।                                                   
भ्रष्टाचारको भारी बोक्नेहरु चाडै गइदिए हुने।
बलात्कार ,हत्याहिंसा, अपराध बढाउनु भन्दा नि,
समय खर्चिलो पावन्धीलाई छोडि धोइदिए हुने।
कता टिष्टा सतलज चिनेर राष्ट्र रइदिए हुने।

✍️अम्विका अधिकारी, झापा विर्तामोड।
………………………………………………………

चित्रमा पञ्चाङ्ग   [१५]

अभिभावक सरह हेर्न नासो राख्ने सरकार छ हामीलाई।
देश, जनताको हित् गर्ने सरकारको दरकार छ हामीलाई।
पुर्खाहरुको नासो, जनताहरूको उन्नति प्रगतिका खातिर,
आफ्नो सम्पत्ति नै संरक्षण गर्न नसक्ने अधार छ हामीलाई।
गर्न सके पुर्खाले आर्जित सम्पत्तिमा अपकार छ हामीलाई।

✍️रामप्रसाद पुरी बादेल, खोटाङ ।
………………………………………

चित्रपट पञ्चाङ्ग   [१६]

नेपाल बिशाल थियो रे।
कहि भारतले लियो रे।
मेची कालीमा सिमीत,
पुर्खाको श्राप पियो रे।
थियो त हाम्रो मियो रे।

✍️सुमित्रा पोखरेल, काठमाडौं ।
………………………………………

चित्रपट पञ्चाङ्ग   [१७]

फर्केर आउ युवा परदेश छोडेर आउ।
देश जोगाउन तिमी त्यो मन मोडेर आउ।
पराइले मिच्दै छ सिमा देश रहन्न अब,
मेट बिदेशी तक्दिर पर्खाल फोडेर आउ।
मनमा देश छ काँधमा झण्डा बोकेर आउ।

✍️रतन बिष्ट_ आलिताल,डडेल्धुरा ।
………………………………………………

चित्रपट पञ्चाङ्ग   [१८]

हिमाल पाहाड तराई बाडिएकोछ मेरो देश।
हाम्रो सिमाना चारकिल्ला गाडिएकोछ मेरो देश।
हरियो वन् नेपालो धन् गित सुनेकै हौला हैन र।
लिपुन्लेक अधुरामा बैरी  फाँक्यडिएकोछ मेरो देश।
यिनै भ्रष्टचारी ले धेरै माडिएकोछ मेरो देश।

✍️कमला पाण्डे पराजुली, झापा चारआलि ।
…………………………………………………

चित्रपट पञ्चाङ्ग   [१९]

हाम्रो देशको आफ्नै ठूलो शान छ।
विश्व सामु एतिहासिक मान छ।
गरिब भनेर कसैले नहेप्नु,
दुश्मनको जहिले लागि हान छ।
आत्मीयताको लागि भने दान छ।

✍️ह्यारिस काठमाडौं ।
…………………………………………

चित्रपट पञ्चाङ्ग   [२०]

प्रकृतिको यो धनी देश हाम्रो ।
अरु भन्दा फरक भेष हाम्रो ।
बिश्वमा   चिनिने नेपाली भनी ,
शुद्धता  नै मनको  क्लेश हाम्रो ।
चुडेर  रहेकोे याे शेष हाम्रो ।

✍️दुर्गा भट्टराई , मोरङ ।
…………………………………………

चित्रपट पञ्चाङ्ग   [२१]

पुर्व,पश्चिम चट्ट फैलिएकाे देश हाम्राे ।
दाैरा,सुरुवाल,काेट टाेपी हाे भेष हाम्राे।
पाैरखी र मिहनेती हामी सवैले जानाै,
परिश्रम गरी खाँदा लाग्दैन ठेस हाम्राे।
गाेर्खाली सन्तान हामी मिलकाे फेस हाम्राे।

✍️उर्मिला के.शी. , धनकुटा ।
…………………………………………………

चित्रपट पञ्चाङ्ग   [२२]

मेरो देशमा हीराको खानी छ हेर ।
चिन्न नसक्ने नराम्रो बानी छ हेर ।
सीप र श्रमको सही प्रयोग भए,
पाल्छ देशले निस्वार्थ  दानी छ हेर ।
फुट्न छोडौँ जुध्दै आफ्नै हानी छ हेर ।

✍️प्रभा पोखरेल , अमेरिका ।
……………………………………………

चित्रपट पञ्चाङ्ग   [२३]

हाम्रो देश कहाँसम्म छ नक्शाले बताउँछ यहाँ।
हेर्दा सारा नेपालीको रगत तताउँछ यहाँ।
हाम्रो देश कित्ता कित्तामा बिक्री हुँदै  छ दिनहुँ,
हाम्रो देशको मायाले दैनिक सताउँछ यहाँ।
हाम्रो देश किन अरु देशले जताउँछ यहाँ।

✍️सुशीला पौडेल ।
………………………………………………………

चित्रपट पञ्चाङ्ग   [२४]

देशलाई बचाउने नेता भएनन् । 
इतिहास रचाउने नेता भएनन् ।
दोहन गर्ने मात्र भए नेताले नै ,
हौसियत जचाउने नेता भएनन्। 
राम्रोसँग मच्चाउने नेता भएनन् ।

✍️सोमनाथ लुइटेल “रवि पाल्पाली” पाल्पा
हाल बर्दिया ।
…………………………………………………

चित्रपट   पञ्चाङ्ग    [२५]
                                                                              स्वर्ग जस्तो जन्मभूमि नेपाल हाम्रो देश छ।                               नेपालीको छुट्टै चिन्न आफ्नै त्यो भुषा भेष छ।                                       जन्मभूमि नेपाल जस्तो स्वर्ग नि  प्यारो छैन ,                                         मेची काली तिब्बत नेपाल नक्साको रेस छ।                                   वीर गोर्खाली सन्तान भन्ने हाम्रो फेस छ।  
                                                                                                           ✍️बेदु न्यौपाने,काठमाडौ ✍️ ।                                                                                     ………………………………………………

चित्रपट पञ्चाङ्ग   [२६]

नेपालको सिमाना मिच्ने छिमेकी छ ।
नेपालकै पानीले सिच्ने छिमेकी छ ।
सुस्ता लिपुलेक लिम्पेधुरा हाम्रो हो ,
दिनदिनै सिमाना किच्ने छिमेकी छ ।
नेपालको अस्तित्व घिच्ने छिमेकी छ ।

✍️कला ढकाल ,झापा ।
…………………………………………

चित्रपट पञ्चाङ्ग    [२७]
                
विदेशीले नेतालाई नचाउने भयो ।
नेपालको धनमाल पचाउने भयो।
सिमाना दिनहुुँ सार्ने काम छिमेकी छ ,                                        चोर डाकालाईहरू बचाउने भयो।
लोभी हुँदै इतिहास रचाउने भयो ।

✍️गिता रिजाल , धरान ।
………………………………………

चित्रपट पञ्चाङ्ग   [२८]

मलाई आस देशको ।
किन हो खास देशको ।
कपास सौम्य माटोमा ,
स्वादिष्ट गाँस देशको।
मेरो त बास देशको ।

✍️आर्त अकुलीन, कैलाली ।
………………………………

चित्रपट पञ्चाङ्ग   [२९]

थोरै थोरै गर्दै देश साँघु-रीन थाल्यो।
राजनीति देख्दा किन लाग्न घिन थाल्यो ।
देशभक्ति ओँठे भन कहिलेसम्म ?
भ्रष्टाचार देशको बरु के दिन थाल्यो ।
गुमेका भूमी के नेपालले लिन थाल्यो ।

✍️तेजप्रसाद खनाल , लमही दाङ्ग ।
…………………………………………

चित्रपट पञ्चाङ्ग   [३०]

कमिलाले माटो खन्दा घर बन्छ अरे ।
फलाम तताई पिट्दा शर बन्छ अरे ।
चलन यहाँ चल्दै छ स्वीकार्दै छौँ हामी ,
बिहे गरे छाेरीकाे नि थर बन्छ अरे ।
घाँस राम्ररी सुकेमा खर बन्छ अरे ।

✍️भवानी घिमिरे, सर्लाही ।
……………………………………………

उपप्रधान एवं भौतिक पूर्वाधार तथा यातायातमन्त्री नारायणकाजी श्रेष्ठको उपस्थितिमा आज काठमाडौंमा फोरलेन सडकसम्बन्धी छलफल राखिएको छ ।

फोरलेन सडक निर्माणमा पहल गरिरहनुभएका निर्माण व्यवसायी महासंघ लुम्बिनी प्रदेश अध्यक्ष वलीभद्र रानाको पहलमा मन्त्री, आयोजना कार्यालयका प्रतिनिधि, ठेकेदारलगायतको उपस्थितिमा फोरलेन सडक निमार्णका विषयमा छलफल हुनेछ ।

आधिकारिक प्रतिनिधि भइसकेपछि घोराहीमा कार्यालय समेत स्थापना गरेर सुनिलजंग रायमाझीले काम गर्न शुरु गर्नुभएको छ । वलीभद्र रानाले निर्माण व्यवसायी महासंघको पहलमा काम शुरु गर्न लागेको बताउँदै ठेक्का रद्द भएमा दङालीले झन दुःख पाउने भएकोले पहल गरेर यो काम गर्न लागेको बताउनुभयो । ‘ठेक्का तोड्दा पाँच वर्ष विजोग हुने अवस्था हुन्छ । त्यसकारण सकेसम्म यसलाई सम्पन्न गर्नुपर्छ भन्ने हेतुले मैले पहल गरेर काम शुरु गरेको हो’– उहाँले भन्नुभयो– ‘काम शुरु गर्न प्राविधिक कुरा हेर्नुपर्छ । बालुवा गिट्टी थुपारेर मात्रै काम हुँदैन । पुराना पेटी ठेकेदारको सबै क्लियर गराएर मात्रै काम हुन्छ ।

त्यो भइरहेको छ ।’उहाँले पुराना ठेकेदारसँगको कारोबार मिलान गरेर नयाँढंगले काम शुरु हुने बताउनुभयो । ‘शुरुमा एकै चोटी २५ ठाउँबाट काम शुरु गर्ने इस्टिमेट भइसकेको छ, पाँच ठाउँ ग्राभेलको काम गर्ने र यस वर्ष असारसम्म बबईदेखि सर्रासम्म आधा पिच सक्ने अर्को आर्थिक वर्षको चैतसम्म सबै काम सक्ने गरी योजना बनेको छ’– उहाँले भन्नुभयो– ‘फोरलेन र टु लेनको सडकमा शुरुमा फोर लेन मात्रै काम गर्ने र बाँकी टु लेन पनि फोर लेन बनाउने गरी छ । हामीले बजेटको लागि पनि पहल गरिरहेका छौं । पैसा थप गर्न एक्जिम बैंक पनि तयार छ ।’