काठमाडौ, १८ असार । साप्ताहिक तस्बिरमा उदक लेखन शृङ्खलाको ५८औँ भाग शनिबार सम्पन्न भएको छ । उदक साहित्य समाज, नेपालले उक्त कार्यक्रमको आयोजना गरेको थियो। उक्त शृङ्खलामा नेपाल लगायत विश्वका ५३ जना उदक स्रष्टाहरूको सहभागिता रहेको उदक लेखन शृङ्खलाका प्रशिक्षक एवं उदक साहित्य समाजका उपाध्यक्ष वसन्त अनुभवले बताउनुभयो ।
काव्य विधा अन्तर्गतको नयाँ उदियमान प्रविधा उदक कविताको उन्नयन र विकासका लागि साप्ताहिक रूपमा उदक लेखन शृङ्खला सञ्चालन गर्दै आएको उदकका प्रवर्तक एवं उदक साहित्य समाजका अध्यक्ष आर्त अकुलीनले बताउनुभयो ।
शनिबारको शृङ्खलाका लागि विहान एउटा तस्बिर दिएर उक्त तस्बिर अनुसारको गहन भाव खुल्ने गरि एउटा उदक साझ ५ बजेसम्म लेख्न सहभागी उदक यात्रीहरूलाई भनिएको थियोे ।
शृङ्खलाका लागि राखिएको तस्बिर
social media
तस्बिरमा उदक लेखन अभ्यास शृङ्खलामा सहभागी स्रष्टाहरूका उदकहरू
ऊ गल्लीमा मरेको युवा कसैले भुस्याहा कुकुर नभन्नु है पागल पनि नभन्नु है कुनै बेला ऊ एक सहासी योद्धा थियो आफ्नो छातीमा गोली थाप्ने ऊ शासकको रक्षा कवच थियो समाज रुपान्तरणको खोक्रो आदर्श बोकेको शासकको अन्धभक्त चेलो ऊ शासककै लागि गोली थाप्दा उसका छाती गोलीले भरियो उसको फोक्सो बारुदको धुवाँले भरियो फलामजस्तो देह उसका काँच जस्तो जताततै चर्किए त्यसपछि शासकको लागि उसको शरीर अयोग्य भयो शरीरका गोलीको घाउ उपचार गर्न शासकलाई बिन्तीपत्र चढायो उसले भोको पेटको लागि एक गास माग्यो न्यायको लागि अनशन बस्यो ऊ शासकले उसको बिन्ती सुनेन ऊ माथि उल्टै लात बजारी रह्यो अन्ततः उसले गल्लीमा नै प्राण त्याग्यो त्यसै गरी धेरै योद्धाहरू शरीरमा गोली बोकेर एक गासको लागि चिच्याइरहेका छन् आज पनि तर शासक बहिरोको अभिनय गरिरहेछ विगतदेखि वर्तमानसम्म !
१. आज स्कुल छुट्टी, कति साना खुट्टी । २. यताउता हेरी, राम्रो नाना फेरी । ३. चिची पापा खाऊँ, आज घुम्न जाऊ । ४. स्कुल जाने नानी, कति ज्ञानी बानी । ५. मन मेराे चाेरी, घुम्न जान्छे छाेरी ।
बालाैरी छन्द (४+३ = ७ अक्षरीय)
६. दिदी घर धाएर, चट्ट जामा लाएर । ७. मासु भात खाउँला, दाजु घर जाउँला । ८. बाबा आमा साथैमा, बसाैँला नि काखैमा । ९. मेलापात जाउँला, दही मही खाउँला ।
