Category: लोकप्रिय

वसन्त अनुभव
काठमाडौ, २९ बैशाख
हालसम्मको अध्यावधिक विवरण अनुसार नेपालमा कोरोना भाईरस संक्रमितको संख्या १२० पुगेको छ । कपिलवस्तु जिल्लामा थप कोरोना संक्रमित १० जना भेटिए सँगै संक्रमितको संख्या १२० हुन पुगेको हो ।

स्वास्थ्य तथा जनसंख्या मन्त्रालयबाट जारी प्रेस विज्ञप्तिका अनुसार कपिलवस्तु जिल्लाको यशोधरा गाउँपालिकाका ५ र वुद्धभुमि नगरपालिका वडा नं. ७ र १० निवासी १० जना पुरुषहरुमा कोभिड १९ संक्रमण देखिएको हो।

राष्ट्रिय जनस्वास्थ्य प्रयोगशाला टेकुमा उनीहरुको स्वाव नमुना पिसिआर प्रविधिबाट परीक्षण गरिए पश्चात् उनिहरुमा कोरोना भाइरसको संक्रमण देखिएको थियो ।

स्वास्थ्य तथा जनसंख्या मन्त्रालयका सहप्रवक्ता डा समिरकुमार अधिकारीका अनुसार भेटिएका नव संक्रमित १० जनामध्ये ९ जना १८, १९, २०, २०, २४, ३०, ३१, ३४ र ३४ वर्षका पुरुषहरु छन् भने एक जना पुरुषको उमेर खुल्न सकेको छैन । साथै उनीहरु स्वास्थ्यकर्मीको सम्पर्कमा रहेको र निजहरूको स्वास्थ्य अवस्था सामान्य नै रहेको विज्ञप्तिमा उल्लेख छ ।

नेपालमा कोरोना भनेर पुष्टि भएका १२० जना संक्रमित मध्ये ३१ जना उपचारपछि निको भइ घर फर्किसकेका छन् भने वाकीको देशका विभिन्न स्थानमा उपचार जारी रहेको छ । हालसम्म कोरोनाका कारण कसैको मृत्यु भएको पुष्टि भने भएको छैन ।

स्वास्थ्य तथा जनसंख्या मन्त्रालयबाट जारी प्रेस विज्ञप्ति

काठमाडौं । नेपाल कम्युनिष्ट पार्टी (मसाल)ले लिपुलेक, लिम्पियाधुरा र कालापानी क्षेत्र अतिक्रमणको विवादलाई संयुक्त राष्ट्रसंघ र अन्तर्राष्ट्रिय अदालतमा लैजान जोड दिएको छ ।

महासचिव मोहनविक्रम सिंहले जारी गर्नुभएको विज्ञप्तिमा त्यस्तो जोड दिइएको हो । विज्ञप्तिमा सत्तारुढ दल नेकपा र सरकार तथा सबैजसो राजनीतिक दलहरुले गरेको विरोधप्रति ऐक्यवद्धता प्रकट गर्दै त्यसको स्वागत गरेको छ ।

महामन्त्री मोहनविक्रम सिंहद्वारा जारी विज्ञप्तिमा सरकारले देखाएको कमजोरीप्रति भने आलोचना गरिएको छ । विज्ञप्तिको पूर्णपाठ भारतीय साम्राज्यवादले नेपालको कालापानी क्षेत्रको अतिक्रमण गरेर लिपुलेक हुँदै कैलास मानसरोबर जाने बाटोको जुन निर्माण गरेको छ, त्यसको नेपाल सरकार, नेपाल कम्युनिस्ट पार्टी (नेकपा)सहित देशका सबैजसो राजनीतिक पार्टीहरूले गरेको विरोध र उक्त विषयमा प्रकट गरेको ऐक्यवद्धतालाई नेकपा (मसाल)ले स्वागत गर्दछ ।

अहिले हामीले उक्त विषयमा सरकारले गरेको विरोधलाई स्वागत गरे पनि त्यसबारे सरकारले देखाएको कमजोरीको पनि आलोचना नगरिकन रहन सक्दैनौँ । प्रथम, भारतले त्यो सडकको निर्माण रातारात गरेको होइन । त्यसले सडक निर्माण गरिरहँदा पनि नेपाल सरकारले त्यसको विरोध गर्ने काम किन गरेन ? द्वितीय, भारतले कालापानी क्षेत्रलाई आफ्नो भूमिमा देखाएर नक्सा प्रकाशित गर्दा पनि नेपालले अहिलेसम्म कालापानी, लिम्पियाधुरा र लिपुलेक समेतलाई नेपालमा देखाएर नक्सा प्रकाशित गर्ने काम किन गर्न सकेको छैन ?

उक्त विषयहरूमा हाम्रो नेपाल सरकारप्रति गम्भीर आलोचना छ । भारतले एउटा वक्तव्य प्रकाशित गरेर कालापानी क्षेत्र आफ्नो देशमा नै भएको दावी गर्दै त्यसले आफ्नो भूमिमा नै उक्त सडकको निर्माण गरेको बताएको छ । त्यसले विषयको गम्भीरतालाई झन् बढाएको छ । उक्त विषयमा सचिवस्तरमा वार्ता गर्नका लागि नेपालले पठाएको पत्रलाई भारतीय पक्षले लगातार उपेक्षा गर्दै आएको छ ।

वार्ताको ठाउँमा पुनः त्यही स्थानमा सडकको निर्माण गरेर भारतले आफ्नो साम्राज्यवादी चरित्रलाई नाङ्गो रूपले प्रदर्शन गरेको छ । उपरोक्त प्रकारको पृष्ठभूमिमा नेपाल सरकारले उक्त विवादलाई अन्तर्राष्ट्रियकरण गर्नुपर्ने तथा त्यसलाई संयुक्त राष्ट्रसंघ र अन्तर्राष्ट्रिय अदालतमा समेत लैजानुपर्ने आवश्यकतामा हाम्रो पार्टीले विशेष जोड दिन्छ ।

हामीले उक्त विषयमा बारम्बार जोड दिँदै आएका छौँ । तर सरकारले अहिलेसम्म त्यसबारे कुनै निर्णय गरेको छैन । त्यसका लागि पनि हामीले सरकारको आलोचना गर्दछौँ ।
दैनिक अनलाइन

वसन्त अनुभव
दाङ,घोराही, २७ बैशाख
अमेरिकाबाट गत चैत ५ गतेको फ्लाइटबाट दुबई हुँदै नेपाल आइपुगेका एक व्यक्तिको आज राप्ती स्वास्थ्य विज्ञान प्रतिष्ठानले स्वाव संकलन गरेको छ ।

प्रतिष्ठानका स्वास्थ्यकर्मिहरुको टाेलिले कोरोना भाइरस संक्रमणको आशंकामा उक्त बिरामीको स्वाब संकलन गरेका हुन । दाङ नारायणपुर घर भएका ती ब्यक्तिले विगत एकसाता देखि ज्वरो आई विसन्चो भएपछि घोराही स्थित प्राईवेट अस्पताल गोरखा हस्पिटलमा उपचार गराउदै आएका थिए ।

शुरुमा आफ्नो ट्राभल हिस्ट्री लुकाएर उनले त्यहाँ आफ्नो उपचार गराए । जहाँ उनको औषधि उपचार ईन्जेक्सनबाट गरिएको बुझिएको छ । त्यहाँ उनी ल्याव परिक्षण, अाैषधी खरिद तथा इमर्जेन्सी वार्डमा उपचारको क्रममा पटकपटक विभिन्न व्यक्तिसँग सम्पर्कमा आएको बुझिन्छ ।

अन्तिममा उनले आफ्नो ट्राभल हिस्ट्री अस्पताललाई बताएपछि अस्पतालले उनलाई तत्काल दाङ घोराही स्थित राप्ती स्वास्थ्य विज्ञान प्रतिष्ठानमा रेफर गरेको थियो । प्रतिष्ठानमा कोरोनाको आशंकामा उनको स्वाव संकलन गरिएको थियो ।

वसन्त अनुभव

तुलसीपुर, दाङ
स्वास्थ्य कार्यालय दाङको पहलमा तुलसीपुरमा विभिन्न पालिकाका क्वारेन्टाइनमा बसेका १०० जना व्यक्तिहरुको पिसिआर परिक्षणका लागि आज थ्रोट स्वाव संकलन गरिएको छ ।

जसमा तुलसीपुर उपमहानगरपालिकाका ४१ जना, बबई गाउँपालिकाका ४९ जना र शान्तिनगर गाउँपालिकाका १० जना ब्यक्तिहरु रहेका थिए ।

त्यस्तै तुलसीपुरको क्वारेन्टाइनमा आज ९ जना व्यक्तिहरू थपिएका छन । यिसँगै तुलसीपुर क्वारेन्टाइनमा बस्नेको संख्या ३९ पुगेको छ। एक जना महिला सुत्केरी भएर अस्पतालमा भर्ना भएको बाहेक अन्य सवैको स्वास्थ्य अवस्था सामान्य रहेको छ ।

सुत्केरी महिला र बच्चाको उपचार तुलसी बाल अस्पतालले गर्दै

तुलसीपुरको क्वारेन्टाइनमा रहेकी एक महिलाले जुम्ल्याहा बच्चा पाएपछि उनलाई तुलसी अस्पताल तुलसीपुरमा भर्ना गरि उपचार जारी रहेको छ । हिजो शुक्रवारमात्र ती महिलाले राप्ती प्रादेशिक अस्पताल तुलसीपुरमा बच्चा जन्माएकी थिइन ।

ति महिलाले जन्माएको जुम्ल्याहा २ वटा छोरीलाई अहिले तुलसी वाल अस्पतालको आइसियुमा राखी उपचार चलिरहेको छ ।

ती सुत्केरी महिला र उनको जुम्ल्याहा बच्चहरुको उपचारमा लाग्ने सम्पुर्ण खर्च डा किशोर खत्रीले नि:शुल्क गरिदिने वताउनु भएको छ भने अन्य व्यवस्थापन तुलसीपुर उपमहानगरपालिकाले मिलाउने जनस्वास्थ्य प्रवर्द्धन शाखाका जस्वानी विमल केसीले बताउनु भयो ।

हेल्थ डेस्कबाट हिजो र आज गरि ६६८ जनाको स्वास्थ्य परिक्षण

तुलसीपुर उपमहानगरपालिकाले संचालन गरेका विभिन्न ४ स्थानमा रहेका हेल्थ डेष्कहरुबाट हिजो र आज गरि ६६८ जना यात्रुहरूको स्वास्थ्य परिक्षण गरिएको छ ।

जसमध्ये बालापुर हेल्थ डेस्कबाट हिजो २९ जना र आज ५५ जनाको, मजगै हएल्थ डेस्कबाट हिजो २३८ जना र आज १८८ जनाको, दमारगाउँ हेल्थ डेस्कबाट हिजो ३९ जना र आज १२जनाको र पवननगर भमके हेल्थ डेस्क्बाट हिजो ३१ जना र आज ७६ जनाको स्वास्थ्य परिक्षण गरिएको र सवैको स्वास्थ्य अवस्था सामान्य रहेको जानकारी तुलसीपुर उपमहानगर कोभिड १९ का फोकल पर्सन विमल केसीले दिनुभयो ।

विराटनगर, २७ बैशाख । उदयपुरको त्रियुगा नगरपालिका ३ भुल्केमा थप एकजनामा कोरोना संक्रमण पुुष्टि भएको छ ।

शनिबार विहान तीनजना महिलामा कोरोना संक्रमण पुष्टि भएको थियो । शनिबार बेलुका थप एकजना महिलामा कोरोना संक्रमण पोजेटिभ देखिएको हो ।

संक्रमण पुष्टि भएकी महिला ४३ वर्षको रहेको कोशी अस्पताल विराटनगरकी मेडिकल सुपरीटेण्डेन्ट डाक्टर संगीता मिश्राले जानकारी दिइन ।

शनिबार बिहान उदयपुरको भुल्केमा १८, ४५ र ६५ वर्षिय महिलामा संक्रमण देखिएको थियो । संक्रमितलाई विराटनगरको कोशी अस्पताल कोभिड १९ उपचार केन्द्रमा भर्ना गरिएको छ ।

यो सँगै प्रदेश १ मा कोरोना संक्रमितको संख्या ३५ पुगेको छ । देशभरमा संक्रमितको संख्या ११० पुगेको छ ।

संक्रमित एउटै परिवारका
शनिबार संक्रमण पुष्टि भएकाहरु यस अघि संक्रमण देखिएका व्यक्तीको परिवारका सदस्य रहेको जिल्ला जनस्वास्थ्य कार्यालय उदयपुरका प्रमुख मोहन सुवेदीले बताए ।

दुई जना संक्रमित व्यक्तीका श्रीमती रहेको बताउँदै उनले एकजना महिला भने छुट्टै बसाेबास भएपनि खानपान एउटै घरमा हुने गरेकाे बताए ।

गत ५ बैशाखमा उदयपुरकाे त्रियुगा नगरपालिका ३ भुल्केमा १२ जनामा कोरोना संक्रमण देखिएको थियो । ६, ८ र ९ बैशाखमा थप १६ जनामा संक्रमण देखिएको थियो ।

संक्रमित मध्ये १४ जना उपचार पछि निको भएर फर्किएका छन । काेशी अस्पताल काेभिड १९ उपचार केन्द्रमा २० जना उपचार गराइरहेका छन ।

काठमाडौं, वैशाख २७ गते । आइतबारदेखि सरकारी कार्यालय खुल्ने कुरामा कुनै सत्यता नभएको प्रधानमन्त्री तथा मन्त्रिपरिषद् कार्यालयले स्पष्ट पारेको छ । कार्यालयका अनुसार अत्यावश्यकीय सेवा प्रदान गर्ने सरकारी तथा सार्वजनिक संस्थानहरुमा आवश्यक कर्मचारीमात्र कार्यालय आउने यस अघिको व्यवस्था यथावत छ ।

केही सञ्चारमाध्यमले गलत समाचार प्रकाशन गरेका कारण कर्मचारी वर्गमा अन्यौल बढेको थियो । प्रधानमन्त्री तथा मन्त्रिपरिषद् कार्यालयका प्रवक्ता राजेन्द्रकुमार पौडेलका अनुसार वैशाख २४ गतेको मन्त्रिपरिषद्को निणर्यानुसार बैंक वित्तीय संस्था, विमा, सहकारी तथा धितोपत्रसँग सम्बन्धित सार्वजनिक कार्यालयहरु भने आंशिक सञ्चालनमा आउनेछन् ।

ती कार्यालयले पनि आम सेवाग्राही आउने गरी नभई आन्तरिक र प्रकृयागत कार्यसञ्चालनका लागि कार्यालय प्रमुखले आवश्यकता अनुसार निश्चित तहका न्यूनतम कर्मचारी मात्र कार्यालयमा बोलाउन सक्ने व्यवस्था गरिएको हो ।

यस अनुसार कर्मचारी सञ्चय कोष, नागरिक लगानी कोष, राष्ट्रिय विमा कम्पनीजस्ता कार्यालय भने आंशिक सञ्चालनमा आउनेछन् । “अवस्था हेरेर कार्यालको आवश्यकता अनुसार निश्चित स्वास्थ्य सुरक्षाको मापदण्ड पूरा गरेर मात्र काम सञ्चालन गर्ने हो तर सेवाग्राही बोलाउने गरी ती कार्यालय सञ्चालन हुने होइनन्,” पौडेलले भन्नुभयो ।

सरकारले कोरोना जोखिमका कारण जारी गरेको बन्दाबन्दी जेठ ५ गते सम्मका लागि घोषणा गरेको छ । यस अनुसार अत्यावश्यक सेवा बाहेकका कर्मचारीहरुलाई आवश्यक पर्दा कार्यालय आउन सक्ने गरी घरमै बस्ने गरी विदा दिने निर्णय गरेको थियो ।
गोरखापत्र अनलाइन

काठमाडौं । लिपुलेकमा भारतले सडक मार्ग खोलेको विरोध गर्ने क्रममा नेपाली सेनाका पूर्व जर्नेल प्रेमसिंह बस्न्यात र नेपाल प्रहरीका पूर्व एआईजी ठाकुरमोहन श्रेष्ठ पक्राउ परेका छन् ।

शनिबार दिउँसो सत्तारुढ दल नेकपाको पार्टी कार्यालय अगाडी शंकपार्कमा उनीहरुले लिपुलेकको विषयमा पत्रकार सम्मेलन गर्दै गर्दा पक्राउ गरेको हो ।

अहिले पक्राउ गरिएका बस्न्यात र श्रेष्ठलाई प्रहरी कार्यालय महाराजगञ्जमा राखिएको हिरासतबाटै पूर्व जर्नेल बस्न्यातले जानकारी दिए । “हामी लिपुलेकमा भारतले बाटो बनाएको विरोधमा केही पत्रकारहरुलाई बोलाएर प्रेस विज्ञप्ति पढ्दैथियौं । त्यतीबेलै हामीलाई भारतको विरोध नगर भनेर समातेर महाराजगञ्ज प्रहरी कार्यालयमा ल्याइएको छ,” उनले भने ।
बाह्रखरी