वसन्त अनुभव
दाङ,घोराही, २७ बैशाख
अमेरिकाबाट गत चैत ५ गतेको फ्लाइटबाट दुबई हुँदै नेपाल आइपुगेका एक व्यक्तिको आज राप्ती स्वास्थ्य विज्ञान प्रतिष्ठानले स्वाव संकलन गरेको छ ।
प्रतिष्ठानका स्वास्थ्यकर्मिहरुको टाेलिले कोरोना भाइरस संक्रमणको आशंकामा उक्त बिरामीको स्वाब संकलन गरेका हुन । दाङ नारायणपुर घर भएका ती ब्यक्तिले विगत एकसाता देखि ज्वरो आई विसन्चो भएपछि घोराही स्थित प्राईवेट अस्पताल गोरखा हस्पिटलमा उपचार गराउदै आएका थिए ।
शुरुमा आफ्नो ट्राभल हिस्ट्री लुकाएर उनले त्यहाँ आफ्नो उपचार गराए । जहाँ उनको औषधि उपचार ईन्जेक्सनबाट गरिएको बुझिएको छ । त्यहाँ उनी ल्याव परिक्षण, अाैषधी खरिद तथा इमर्जेन्सी वार्डमा उपचारको क्रममा पटकपटक विभिन्न व्यक्तिसँग सम्पर्कमा आएको बुझिन्छ ।
अन्तिममा उनले आफ्नो ट्राभल हिस्ट्री अस्पताललाई बताएपछि अस्पतालले उनलाई तत्काल दाङ घोराही स्थित राप्ती स्वास्थ्य विज्ञान प्रतिष्ठानमा रेफर गरेको थियो । प्रतिष्ठानमा कोरोनाको आशंकामा उनको स्वाव संकलन गरिएको थियो ।