काठमाडौं । गायक किरण गजमेरलाई नेपाल प्रवेशमा रोक लगाइएको छ । सिङ्गिङ रियलिटी शो ‘द भ्वाइस अफ नेपाल’का विजेतासमेत रहेका गायक गजमेर अमेरिकी नागरिक हुन् ।

गायक गजमेरले नेपाल बस्न पाउने अवधि गुजारिसकेकाले गृह मन्त्रालयले उनलाई नेपाल प्रवेशमा रोक लगाएको हो । एक प्रवेशाज्ञा (भीसा) वर्षमा अमेरिकी नागरिकहरुले १ सय ८० दिन मात्र नेपाल बस्न पाउने प्रावधान रहेको छ ।

अध्यागमनले नेपाल प्रवेशमा रोक लगाएसँगै गायक गजमेर सन् २०२१ भर नेपाल आउन पाउने छैन । अध्यागमनका अनुसार उनले सन् २०२१ मा नेपाल बस्न पाउने अवधि गुजारिसकेका छन् । अब उनी सन् २०२२ मा मात्र नेपाल प्रवेश गर्न पाउनेछन् ।

गत सोमबार कतार एयरको क्यूआर ६५० नम्बरको उडानबाट नेपाल आएका गायक गजमेरलाई सोही दिन त्रिभुवन अन्तर्राष्ट्रिय विमानस्थलस्थित अध्यागमन कार्यालयले त्यहीबाट अमेरिका फिर्ता पठाएको थियो ।

‘द भ्वाइस अफ नेपाल’ को तेस्रो संस्करणमा उनलाई दर्शकहरुले सर्वाधिक रुचाएका थिए ।

‘मिस नेपाल युएस २०२१’ को उपाधि प्रतिक्षा शुक्लाले जितेकी छन् । शनिबार अमेरिकाको न्यूयोर्कमा आयोजित फाइनलमा १०ल जना प्रतियोगीलाई पछि पार्दै प्रतिक्षाले उपाधि उचालेकी हुन् ।
प्रतियोगितामा फष्ट रनरअप कला न्यौपाने र सेकेण्ड रनरअप अलिशा लिम्बु हुन सफल भए । यो ‘मिस नेपाल युएस’को १० औं संस्करण हो । यो प्रतियोगीतामा अमेरिकाका विभिन्न राज्यबाट प्रतियोगीहरु सहभागी थिए ।
प्रतियोगीताको शिर्ष दश स्थानमा अपेक्षा सिंह गुरुङ परियार, कला न्यौपाने, प्रतिक्षा शुक्ला, प्रतिशा प्रधान, प्रितिजा जैसी, रीया श्रेष्ठ, सुनिता अधिकारी, सान्यमिता श्रेष्ठ ,सोन्याषा थापा तथा अलिशा लिम्बु पुगेका थिए । रहेका थिए ।
न्यूयोर्कको क्विन्स थिएटरमा यो प्रतियोगीता आयोजना भएको थियो ।

काठमाडौं । गायिका इन्दिरा जोशीले बिहीबार ‘इंगेजमेन्ट’ गरेकी छन् । उनले इंगेजमेन्ट गरेको भिडियो राखेर धेरैले सामाजिक संजालमा बधाइ दिएपछि वास्तविकता खुलेको हो ।

गायिका जोशीले सोबारे औपचारिक रुपमा भने कतै जानकारी दिएकी छैनन् । उनले हेलिकप्टरमा खुम्बू पुगेर फेसन डिजाइनर शरद केडियासँग इन्गेजमेन्ट गरेको पाइएको छ ।

उनले इंगेजमेन्ट गरेको भिडियो अहिले सामाजिक संजालमा जताततै छाएको छ । गायिका जोशीलाई क्याप्टेन विवेक थापाले टिकटकमा भिडियो राखेर बधाइ दिएका छन् । उक्त भिडियो अहिले भाइरल बनेको छ । उनले जोशी र केडिया दुवैलाई बधाइ दिएका छन् ।

गायिका जोशीले यसअघि नै प्रेममा रहेको बताएकी थिइन् । तरपनि उनले आफ्नो प्रेमीबारे भने खुलाएकी थिइनन् ।

असोज दोस्रो सातादेखि हल खुल्ने भएका छन् । नेपाली निर्माताहरुले दसैं लक्षित गरेर फिल्म प्रदर्शन गर्ने तयारी थालेसँगै हल खोल्ने तयारी भएको हो ।

यसअघि काठमाडौं, भक्तपुर र ललितपुरका प्रमुख जिल्ला अधिकारीले उपत्यकाभित्रका हल खोल्ने अनुमति दिएको थियो। तर हलहरुको छाता संगठन चलचित्र संघले नेपालभरको हल खोल्ने अनुमति दिनुपर्ने भन्दै हल नखोल्ने निर्णय गरेको थियो।

अब भने आफूहरु असोज दोस्रो साताबाट नेपालभरकाहल खोल्ने तयारीमा पुगेको चलचित्र संघका अध्यक्ष मदुसुधन प्रधान बताउँछन्।

‘हामीले हल खोल्ने तयारी गरिरहेका छौं नै। पहिला पनि हामीले कोभिडको समयमा हल खोलेका थियौं। तर हलले फिल्म नै पाएन। तर यसपालि ढिला भए पनि तयारीका साथ खोलौं भन्ने हिसाबले छलफलहरु गरिरहेका छौं, ‘प्रधानले भने, ‘८/१० फिल्मको प्रदर्शन क्यालेन्डर बनाएरै फिल्म हल खोल्ने तयारी हो। अब फिल्म हलमा नभएर बन्द गर्नु नपरोस् भन्ने उद्देश्यले हामी अगाडि बढाइरहेका छौं। जिल्ला प्रशासन कार्यालयले उपत्यकाभित्रको हल खोल्ने अनुमति दियो। उपत्यकाभित्रका हल खोल्दा निर्माता फिल्म दिँदैन। त्यसैले अहिले सबै जिल्लाका सिडिओलाई पत्राचार गर्दैछौं। धेरै ठाउँबाट सकारात्मक प्रतिक्रिया आइरहेको छ। यो असोज दोस्रो हप्ताभित्रमा हलहरु खुल्छ। हामी स्वास्थ्य मापदण्ड अपनाएर नै हल खोल्छौं।’

हालै निर्देशक सोभित बस्नेतले असोज २६ फूलपातीको दिनलाई लक्षित गरेर आफ्नो नयाँ फिल्म ‘डाँडाको वर पिपल’ प्रदर्शन गर्ने घोषणा गरिसकेका छन्। कोरोनाको त्रास घटेसँगै महामारीअघि नै प्रदर्शन रोकिएका फिल्महरुले प्रदर्शनको तयारी अगाडि बढाएका छन्।

‘चपली हाइट–३’, ‘हिजोआज भोलि’, ‘लक्का जवान’, ‘म यस्तो गीत गाउँछु’, ‘प्रेमगीत-३’, ‘चिसो मान्छे’ लगायतका फिल्महरुको प्रदर्शन पक्का गरेर फिल्म खोल्ने तयारीमा छ चलचित्र संघ। ‘अब फिल्म हल खुल्छ। खोल्नै पर्‍यो। यो निर्माण, वितरण र प्रदर्शनले चलचित्र क्षेत्र चलायमान बनाउन चालेको प्रयास हो। अब अहिले त धेरैले खोप लगाइसके, बजारहरु खुलिसक्यो। अब हामीले आँट गर्न बाँकी हो,’संघका अध्यक्ष प्रधानले भने।

६ असोज, काठमाडौं । मान्छेको स्वभाव– लुकेको/लुकाइएको कुरालाई धेरै हेर्न खोज्छ । कुनै पनि कुरालाई जति लुकाइन्छ, त्यसप्रति चासो र उत्सुकता त्यति नै बढी हुन्छ । नदेखेको, नभेटेको कुरामा मान्छेले स्वाभाविकै बढी चासो दिन्छ ।
सांगीतिक बजारमा विष्णु माझी त्यस्तै एक चासो र रहस्यले भरिएकी लोकगायिका हुन् । उनीप्रति मानिसको चासो अत्यधिक छ । किनभने, उनी सार्वजनिक जीवनमा देखिएकी छैनन् । सर्वत्र उपलब्ध छैनन् । बजारमा देखिएकी छैनन् ।
‘विष्णु माझी कस्ती छिन् ?’, ‘उनी किन सार्वजनिक छैनन् ?’, ‘गुप्तवास उनको स्वेच्छा कि बाध्यता ?’, ‘मान्छे सामाजिक प्राणी भएपछि समाजमा घुलमिल हुन खोज्छ । उनले गुप्तवास जीवन बिताउन चाहिरहेको हो भने किन ?’, ‘कस्तो खालको जीवन उनले खोजेको हो ?’, ‘श्रीमानले नजरबन्दमा राखेर उनी सार्वजनिक नभएकी हुन् कि ?’, ‘त्यसो हो भने उनले विद्रोह गर्थिन् होला ।’
यी र यस्तै दर्जनौं चासो, चिन्ता र जिज्ञासाहरू उनीमाथि केन्द्रित छ । यिनै सवालले उनलाई ‘हटकेट’ बनाएको छ । त्यसमा सोसल मिडिया (फेसबुक, टिकटक)ले बढी नै मलजल गरेको छ । यही मेसोमा विष्णु माझीका एकपछि अर्को माधुर्य गीतहरू सार्वजनिक भैरहेका छन् । उनको गीतमा यति धेरै माधुर्यता र मोहनी लगाउने क्षमता हुँदैन थियो भने शायद गुप्तवास बसे पनि उनको यति धेरै सोधीखोजी हुँदैनथ्यो होला । अवस्था यस्तो छ कि उनका हरेक गीतले श्राेता/दर्शकलाई अत्यधिक तानिरहेको छ ।
तीजमा ‘चरी जेलैमा’ले यत्रतत्र, सर्वत्र चर्चा पायो । अहिले उनको दशैं तिहार गीत सार्वजनिक भएको छ । बुधबार मात्रै सार्वजनिक गीतको बोल छ, ‘दशैं तिहार आइसक्यो’ । यस गीतले पुनः दर्शक/श्राेतालाई तान्ने आकलन गरिएको छ ।
सांगीतिक बजारमा फेरि केही दिन उनको गीतको बोलवाला बढ्ने संगीतकर्मीहरूकाे अनुमान छ । यतिसम्म कि नयाँ गीत सार्वजनिक गर्ने तयारीमा रहेका अन्य केही गायक–गायिकाहरू यो गीत आएपछि ‘ब्याक’ भएका छन् ।
एक चलेका लोकगायकले अनलाइनखबरसँग भने, ‘आज दशैं तिहार गीत सार्वजनिक गर्ने तयारी गरेका थियौं । तर, हिजो साँझ विष्णु माझीको गीत सार्वजनिक भएछ । अब आज र भोलि त्यस गीतको रेस्पोन्स हेरेर मात्र हाम्रो गीत सार्वजनिक गर्नुपर्ला ।’
तीज गीत ‘चरी जेलैमा’पछि आफ्नै म्युजिक कम्पनी (सपना म्युजिक इन्डष्ट्रिज)मार्फत सार्वजनिक भएको गीत हो– ‘दशैं तिहार आइसक्यो’ । यस गीतमा पनि विष्णु माझीकै श्रीमान सुन्दरमणि अधिकारीको शब्द र संगीत छ । विष्णु माझीको स्वर रहेको गीतमा महिमा आचार्यको कोरस गायन छ ।
सुन्दरमणिले गीतका शब्दलहर निकै सरल रूपमा उनेका छन् । उसो त उनी आफैंमा लोकदोहोरीका यस्ता स्रष्टा हुन्, जसले मौलिक, मर्मस्पर्शी गीत रचना गर्ने, संगीत भर्ने क्षमता राख्दछ । त्यहीअनुसारको भिडियो निर्माण गर्न सक्छन् उनी । उनका यसअगाडिका गीतले उनको क्षमता प्रमाणित भइसकेको छ ।
त्यसकै निरन्तरता हो, ‘दशैं तिहार आइसक्यो’ । यस गीतलाई विष्णुले निकै मज्जाले गाएकी छिन् । गीतमा दशैं तिहार आइसकेको र झल्को लाइसकेको जनाउँदै आफ्नो परदेशी मान्छेलाई गाउँमा बोलाइएको छ ।
गीतको भिडियो उत्तिकै राम्रो बनेको छ । भिडियोको मनमोहक दृश्यले जोकोहीलाई लोभ्याउन सक्छ । अडियोले जस्तै भिडियोले दर्शकलाई मोहित बनाउँछ । भिडियोमा शिव विकको कोरियोग्राफी निकै गज्जब देखिन्छ । शिव नेपाली म्युजिक भिडियो निर्देशनमा निकै सफल व्यक्ति हुन् । यसअगाडि विष्णुको ‘चरी जेलैमा’ गीतलाई पनि उनै शिवले कोरियोग्राफी गरेका थिए ।
सुन्दरमणिकै निर्देशन रहेको भिडियोमा प्रिया विष्टले अभिनय गरेकी छिन् । रोचक कुरा के भने, विष्णुको तस्वीर तथा भिडियोहरू सार्वजनिक नभएको अवस्थामा विष्णुका श्रीमान भने मिडियामा नआए पनि भिडियोमा देखिइरहेका हुन्छन् । यस गीतको भिडियोमा पनि सुन्दरमणिले अभिनय गरेका छन् ।
शम्भु चालिसेको छायांकन रहेको भिडियोलाई सुजन शाहीले सम्पादन गरेका छन् । भिडियोले युट्युबमा भ्यूजको गति बढाउँदै गएको छ । सार्वजनिक भएको २४ घण्टा नबित्दै भिडियोलाई ४ लाख ८० हजार भन्दा धेरैपटक हेरिसकिएको छ । टिकटकमा पनि यो गीतले चर्चा बटुल्दै गएको छ ।

नायिका प्रियंका कार्की आमा बनेकी छिन् । प्रियंकाले छोरीलाई जन्म दिएकी हुन् । सामाजिक संजालमा तस्वीर पोष्ट गर्दै प्रियंकाले आफू आमा बनेको उल्लेख गरेकी छिन् । प्रियंकाले यो सुन्दर संसारमा छोरी आयंका कार्कीलाई स्वागत छ भनेर लेखेकी छिन् । तस्वीरमा प्रियंका र आयुष्मान देशराज जोशी खुशी देखिएका छन् ।
नायिका प्रियंका र नायक आयुष्मान देशराज जोशीले वि.सं २०७६ साल फागुण १६ गते बिबाह गरेका थिए ।
पहिलो चरणको लकडाउनपछि प्रियंका गर्भवती भएकी थिइन् । गर्भवती भएपछि प्रियंकाले सामाजिक संजालमा पोष्ट गरेका तस्वीरहरुले उनको चर्चा, आलोचना सबै भएको थियो ।