Category: अर्थ

काठमाडौं, साउन ४ । इजरायलमा दीर्घकालीन सहायक श्रमिकका लागि छनोट भएका थप एक सय जनाको भिसा आएको छ । यसअघि इजरायलको परराष्ट्र मन्त्रालयमा कार्यरत ट्रेड युनियनले आन्दोलनका कारण रोकिएको थियो ।

वैदेशिक रोजगार विभागले सूचनामार्फत एक सय जनाको रोस्टममा परेकालाई कोभिड १९ विरुद्धको खोप लगाएर छ महिना नकटेको कार्डसहित व्यवसायी तथा सीप विकास तालिम प्रतिष्ठान भैँसेपाटीमा साउन ४ गते सम्पर्क गर्न आग्रह गरिएको छ । साथै रोस्टममा परेकाहरूको यही साउन ८ र ९ गते हवाई उडान हुने भएकाले सोहीअनुरूप तोकिएको एयरलाइन्समा गएर टिकट लिएर तयारी रहनसमेत आग्रह गरेको छ ।

वैदेशिक रोजगार विभागका महानिर्देशक शेषनारायण पौडेलले इजरायल जान छनोट भएर पनि विगत छ महिनादेखि प्रतीक्षामा रहेकाहरू अबको एक महिनाभित्र गइसक्ने जानकारी दिए ।

स्वास्थ्य परीक्षणमा हेपाटाइटिस, सिफिलिस, गोनोरिया, एचआईभी-एड्स, टीबीलगायतका रोगको पनि पुनः परीक्षण गर्नुपर्ने विभागले जनाएको छ । यसैगरी राहदानीको म्याद तीन वर्षभन्दा कम भएको अवस्थामा आवेदन दिएको मिति अर्थात् छ महिनाअघिसम्म तीन वर्षको भए मान्य हुने विषयमा इजरायल पक्षसँग सहमति भएको छ । गोरखापत्र दैनिकबाट

एजेन्सी- साउदी अरबले राज्यको तेल उत्पादन क्षमतालाई बढाएर प्रतिदिन १३ लाख ब्यारेल बनाउन निर्णय गरेको छ।

शनिबार राज्यले तेल उत्पादनलाई बढाएर बढीमा १३ लाख ब्यारेल प्रतिदिन बनाउने भएको साउदी अरबका राजकुमार मोहम्मद बिन सलमान अल साउदलाई उद्धृत गर्दै साउदी प्रेस एजेन्सीले आइतबार जनाएको हो।

साउदी अरबमा इन्धन उत्पादन थप बढाउने क्षमता नहुने पनि उनले बताए।

उनको घोषणा अमेरिकी राष्ट्रपति जो बाइडेन र खाडी सहयोग परिषद्का अन्य सदस्य राष्ट्रहरू, इजिप्ट, जोर्डन र इराकका नेताहरूसँग जेद्दामा भएको शिखर सम्मेलनको क्रममा शनिबार भएको हो।

राजकुमारले अवास्तविक ऊर्जा नीतिले उच्च मुद्रास्फीतितर्फ डोर्‍याउने बताए। यसले गम्भीर चुनौतीहरूको समयमा विश्व अर्थतन्त्रलाई सहयोग गर्ने एकीकृत प्रयासलाई आग्रह गर्दछ।

उक्त अवसरमा उनले विश्वव्यापी आर्थिक पुनःस्थापना र खाद्य तथा स्वास्थ्य सुरक्षा प्राप्त गर्न कोभिड-१९ र भौगोलिक स्थितिका चुनौतीहरूको सामना गर्न अन्तरराष्ट्रिय प्रयासको लागि आह्वान पनि गरे।

सन् २०२१ को प्रारम्भमा पदभार ग्रहण गरेदेखि आफ्नो पहिलो मध्य पूर्व भ्रमणको अन्तिम दिनमा बाइडेन शिखर सम्मेलन उपस्थित भएका हुन् ।

साउदी अरेबियाको प्रमुख सहर दमामको किंग फहाद अन्तर्राष्ट्रिय विमानस्थलले एयरपोर्टबाट बाहिर जाने उडानहरूको लागि ब्यागेजसँग सम्बन्धित नयाँ नियमहरू घोषणा गरेको छ।

दमाम एयरपोर्ट कम्पनी (DACO) ले सबै यात्रुहरुलाई, एयरपोर्ट जानु अघि, ब्यागेज सम्बन्धी नियमहरुको बारेमा अधिकभन्दा अधिक जानकारी राखी जारी नीतिनियम हरु पालना गर्न अनुरोध गरेको छ।

अथोरिटीका अनुसार ब्यागेजसँग सम्बन्धित नयाँ दिशानिर्देशहरू निम्नानुसार छन्।

अनुमति दिइएको सामानको नमूना:

• कम्तिमा एउटा समतल सतह भएको सामान, ७६ सेमी लम्बाइ, ५१ सेन्टिमिटर चौडाइ र ३१ सेमी चौडाइमा।
• ७६ सेन्टिमिटरको लम्बाइ, ५१ सेमी चौडाइ र ३१ सेन्टिमिटर चौडाइमा समतल सतहसहित राम्ररी प्याक गरिएका बक्सहरू।

अनुमति नभएको वा निश्चित गरिएको ब्यागेजको प्रकार :-

• गोलो र अनियमित आकारको सामान।
• अनियमित आकारको झोला डोरीले बाँधिएको।
• लामो वा खुकुलो पट्टि भएको सामान।
• नयाँ नीतिले गोलो र अनियमित आकारको झोला, खुकुलो डोरीसहितको झोला र लामो पट्टा भएको झोलालाई निषेध गरेको छ।

प्रवासी नेपाली समन्वय समिति पिएनसीसीले साउदी अरबमा रहेका नेपालीहरुलाई पुनः श्रम स्वीकृतिको लागि सहजीकरण गरिदिने भएको छ।

प्रवासी नेपाली समन्वय समिति साउदी अरवका संयोजक गणेश अर्यालका अनुसार पुनः श्रम स्वीकृति लिन चाहने शर्मिकहरुले सम्पूर्ण कागजात डकुमेन्टेसनको काम पिएनसीसीका साउदी अरबमा अवस्थित प्रतिनिधिले गरिदिने छन् भने यसमा लाग्ने दस्तुर श्रम विभागको बैन्क खातामा श्रमिक स्वयंले नै अनलाइनमार्फत जम्मा गरिदिए पुग्नेछ ।

साउदी अरबकालागि संयोजक गणेश अर्याल,
फोन (ह्वावटसप)०५३३५०३२६२.
श्याम कुमार महतो फोन (ह्वावटसप) ०५५३६०६७३६ तथा
काशिन्द्र पासवानलाई फोन (ह्वावटसप) ०५५४२०७०१३मा सम्पर्क गर्न सकिनेछ । छ भने तल उल्लेख गरिएका कागजात पेश गर्नुपर्ने छ।

नेपाल बाहिरबाट अनलाई श्रम स्वीकृति लिन लाई चाहिने कागजातहरु।

1. * पासपोर्ट को २ नम्बर पेजको फोटो
2. * पासपोर्ट को ३१ नम्बर पेजको फोटो
3. * बैदेशिक रोजगारमा आउदा खेरि पासपोर्टमा लागेको भिसाको पेजको फोटो
4. * अन्तिम श्रम गरेको फोटो
5. * आकामको अगाडी पट्टिको फोटो
6. * बैंक खाता नाम नम्बर भएको चेकबुकको फोटो

नेपाल बाटै अनलाई श्रम स्वीकृति लिन लाई चाहिने कागजातहरु।

१. पासपोर्टमा रहेको २ नम्बर पेजको फोटो.
२.पासपोर्टमा रहेको ३१ नम्बर पेजको फोटो.
३. वैदेशिक रोजगारीमा आउँदा पासपोर्टमा लागेको भिजाको फोटो.
४. अन्तिमपल्ट श्रम स्वीकृति लिएको पेजको फोटो.
५. अकामाको अगाडी पट्टिको फोटो.
६. नेपालमा रहेको बैंक खाताको नाम र बैंक खाता नम्बर भएको चेकबुकको फोटो.
७. त्रिभुवन विमानस्थलको आगमन विभागले पासपोर्टमा छाप लगाएको मिति सहितको फोटो.
८. पुनः प्रवेश (रि-इन्टिरी एक्जिट) भिसा लागेको पेजको फोटो.

सरकारले मोबाइल आयातलाई झनै कडाई गरेको छ । यसअघि वैशाख महिनामा आयात विदेशी मुद्राको सञ्चिती जोगाउन भन्दै सरकारले ६०० डलरभन्दा महँगा स्मार्टफोन आयातमा बन्देज लगाएको थियो । यसलाई थप कडाई गर्दै सरकारले ३०० डलरभन्दा महँगो स्मार्टफोन आयातमा बन्देज लगाएको हो ।
आजको विदेशी विनिमय दर अनुसार ३०० अमेरिकी डलरको नेपाली रुपैयाँ ३८ हजारभन्दा माथि हुन आउँछ । सरकारले वैशाख महिनादेखि नै महँगा स्मार्टफोन आयातमा रोक लगाएको थियो । जुन, भदौ १४ गतेसम्मका लागि थप गरेको हो ।
गत आर्थिक वर्ष २०७८/७९ को जेठ महिनासम्मको अवधिमा नेपालले विदेशबाट ३८ अर्ब ६ करोड ६९ लाख रुपैयाँको स्मार्टफोन आयात गरेको छ । यसअवधिमा ५५ लाख ८६ हजार सेट स्मार्टफोन भित्रिएको भन्सार विभागको तथ्याङ्कले जनाएको छ ।

राघवेन्द्र चौवे

कपिलवस्तु

मायादेवी गाउँपालिकाको दशौं गाउँसभाले आगामी आव ०७९/०८० को बार्षिक बजेटसहितको योजना तथा कार्यक्रम सर्वसम्मत रुपमा पारित गरेको छ। मंगलबार बसेको चालु गाउँसभाको दशौ बैठकले उक्त बजेटसहितको कार्यक्रम सर्वसम्मत रुपमा पारित गरेको हो। गाउँसभामा अध्यक्ष वलीउद्दिन मुसलमानले प्रस्तुत गरेको आगामी आव ०७९/०८० का लागि ६२ करोड ७९ लाख ६१ हजार बजेट सभामा पेश गर्नु भएको थियो।

बजेटमाथि विभिन्न छलफल पश्चात मंगलबार गाउँसभाले पास गरेको हो। मायादेवीले विशेष गरि बजेटमा शिक्षा र स्वास्थ्यको क्षेत्रलाई मजबुत बनाउने लक्ष्यसहितको कार्यक्रमलाई प्राथमिकता दिएको छ। बजेट भाषण गर्दै गाउँपालिका भित्रका ८ वटै वडाको विकासका लागि सुक्ष्म ढङ्गबाट बजेटले समेट्ने प्रयास गरिएको पनि अध्यक्षले दाबी गर्नुभएको छ।

२९ असार, धनगढी। बुधबार काठमाडौंबाट धनगढी उडेको बुद्ध एयरको जहाजमा चुरोट तान्ने एक यात्रु पक्राउ परेका छन् ।

बुद्ध एयरका सूचना अधिकृत दीपेन्द्र कर्णका अनुसार उडान नं २५३ बाट अपरान्ह धनगढी उडेको जहाजको सीट नं ‘११ ए’मा बसेका एक यात्रुले शौचालय छिरेर चुरोट तानेका थिए । त्यसपछि उनलाई उडानमा खटिएका कर्मचारीले उडान अवधिभर निगरानीमा राखेका थिए ।

धनगढी अवतरण भइसकेपछि उनलाई धनगढी प्रहरीको जिम्मा लगाइएको कर्णले जानकारी दिए ।

जिल्ला प्रहरी कार्यालय कैलाली टीकापुर नगरपालिकाका अन्दाजी २८ वर्षीय नारायण उपाध्यायलाई पक्राउ गरि अनुसन्धान भइरहेको जनाएको छ ।

जहाजमा सलाई, लाइटरसहितका प्रज्वलनशील वस्तु साथमा लैजान पाइँदैन । साथै चुरोट तान्न निषेध गरिएको छ । यात्रुबाट भएको गम्भीर लापरबाहीमा विमानस्थल सुरक्षामा खटिएका प्रहरीको समेत कमजोरी देखिएको छ । यस्तो वस्तु यात्रुको साथमा हुँदा दुर्घटनासम्मको जोखिम हुन्छ ।