Category: खेल

जेद्दा – पर्यटन मन्त्री अहमद अल-खतीबले अर्जेन्टिनाका फुटबल स्टार लियोनल मेस्सी साउदी पर्यटनको आधिकारिक ब्रान्ड एम्बेसडर बनेको घोषणा गरेका छन्।

सोमबार जेद्दास्थित किङ अब्दुलअजिज अन्तर्राष्ट्रिय विमानस्थलमा पुगेपछि मेस्सीलाई भव्य स्वागत गरिएको थियो । उनीसँगै अर्जेन्टिनाको राष्ट्रिय टोलीका सहकर्मी र फ्रान्सेली क्लब पेरिस सेन्ट जर्मेनका मिडफिल्डर लियोनार्डो परेडेस र अन्य साथीहरू पनि थिए।

खेलाडीलाई स्वागत गर्दै मन्त्री अल-खातीबले आफ्नो ट्विटर खातामा लेखे: “आज म लियोनल मेस्सी र उनका साथीहरूलाई साउदी अरबमा स्वागत गर्दछु। हामी तपाईंलाई लाल सागर, जेद्दा सिजन र हाम्रो पुरानो इतिहासको खजाना अन्वेषण गर्न उत्साहित छौं। यो उनको राज्यको पहिलो भ्रमण होइन र यो अन्तिम पनि हुनेछैन, र म मेस्सीलाई साउदी पर्यटनको राजदूत घोषणा गर्न पाउँदा खुसी छु, ”मन्त्रीले अरबीमा ट्वीट गर्दै भने।
ट्विटसँगै जोडिएको तस्बिरमा मेस्सी आफ्ना सहकर्मी लिएन्ड्रो परेडेससँगै जेद्दा पुगेका थिए। साउदी अरेबियाको पर्यटन ब्रान्ड एम्बेसडरको रूपमा मेस्सीको नयाँ भूमिकाको घोषणा सामाजिक सञ्जालमा फैलिएसँगै, साथी फुटबलरहरू सहित धेरै प्रयोगकर्ताहरूले नियुक्तिको लागि पर्यटन मन्त्रालयको प्रशंसा गरेका छन्।

I am pleased to welcome Lionel Messi to Saudi Arabia We are excited for you to explore the treasures of the Red Sea, the Jeddah Season and our ancient history.
This is not his first visit to the Kingdom and it will not be the last! @VisitSaudiNow pic.twitter.com/RDfxFIRjrt

— Ahmed Al Khateeb أحمد الخطيب (@AhmedAlKhateeb) May 9, 2022

सन् २०११ मा रियादको किंग फाहद इन्टरनेशनल स्टेडियममा साउदी राष्ट्रिय टोलीविरुद्धको मैत्रीपूर्ण खेलमा आफ्नो देशको नेतृत्व गरेपछि ब्राजिल र अर्जेन्टिनाबीचको सुपर क्लासिको कपमा सहभागी हुनुअघि मेस्सीको यो चौथो साउदी अरब भ्रमण थियो। २०२० मा तेस्रो भ्रमणको क्रममा, उनले जेद्दाको किंग अब्दुल्ला स्पोर्ट्स सिटी स्टेडियममा सेमिफाइनलमा एट्लेटिको म्याड्रिडसँग सामना गरेका थिए।

काठमाडौं । नेपाली राष्ट्रिय क्रिकेट टिमले आज ट्वान्टी–२० शृंखलाको पहिलो खेलमा जिम्बाब्वे ‘ए’विरुद्ध प्रतिस्पर्धा गर्दै छ । नेपाल र जिम्बाब्वेबीचको एकदिवसीय शृंखला शनिबारबाट सुरु हुने भनिएको थियो । तर, वर्षाका कारण शनिबार एकदिवसीय खेल सम्भव भएन । त्यसकारण नेपाल क्रिकेट संघ (क्यान)ले शनिबार साँझ जिम्बाब्वे ‘ए’विरुद्धको खेल तालिका परिवर्तन गरेको थियो ।

परिवर्तित तालिकाअनुसार नेपालले पहिलो ट्वान्टी–२० खेल आज कीर्तिपुरस्थित त्रिवि क्रिकेट मैदानमा खेल्न लागेको हो । यसअघि तीन खेलको एकदिवसीय शृंखला सकेपछि ट्वान्टी–२० शृंखला खेल्ने तालिका थियो । नयाँ तालिकाअनुसार ट्वान्टी–२० शृंखला सकिएपछि एकदिवसीय शृंखला सुरु हुनेछ ।

नेपाल र जिम्बाब्वे ’ए’ बीचको खेल दिउँसो १ बजेबाट हुनेछ । ट्वान्टी–२० शृंखलाका लागि क्यानले शनिबारै सन्दीप लामिछानेको कप्तानीमा १७ सदस्सीय टोलीको घोषणा गरेको थियो ।

आईसीसी क्रिकेट विश्वकप लिग–२ अन्तर्गत त्रिदेशीय शृंखला खेल्नका लागि नेपाली टोली अमेरिका जादै छ । त्यसको तयारीमा स्वरूप नेपालले जिम्बाब्वे ‘ए’सँग तीन ट्वान्टी–२० र तीन एकदिवसीय शृंखला खेल्न लागेको हो ।

नेपाली टोलीः
सन्दीप लामिछाने (कप्तान), दीपेन्द्रसिंह ऐरी, कुशल भुर्तेल, आसिफ शेख (विकेटकिपर), आरिफ शेख, रोहित पौडेल, करण केसी, सोमपाल कामी, सागर ढकाल, किशोर महतो, आदिल अन्सारी, भीम सार्की, अविनाश बोहरा, बासिर अहमद, लोकेश बम, विवेक यादव, साहब आलम ।

गैरआवासीय नेपाली संघ स्थानीय समन्वय समिति दमामले यहि आउँदो मे २ तारिखमा दमाम ९१को अलओजामी कम्पनीको पछाडि खेल मैदानमा खुल्ला भलिवल प्रतियोगिता आयोजना गर्ने भएको छ।

सो खेलमा नेपाली खेलाडीलेमात्र सहभागिता जनाउन पाउने छन् भने खेल आयोजक समक्ष सूचीकृत हुनु अगावै सहभागी खेलाडीहरूको नाम उनीहरु आवद्ध टिममा सूचिकृत हुनुपर्नेछ, अन्यथा नाम सूचीकृत नभएका खेलाडीहरूले कुनै पनि खेलमा सहभागिता जनाउन पाउने छैनन्

खेलमा आफ्नो टीमको प्रतिनिधित्व गराउन चाहेमा तोकिएको समयसीमाभित्र आयोजक समक्ष आफ्नो टिम सुचिकृत गरिसक्नुपर्नेछ भने प्रत्येक टिममा अतिरिक्त खेलाडि र टिम क्याप्टेन समेत गरी जम्मा १० जना खेलाडीहरूको नाम मात्र समावेश गराउन पाइनेछ ।

समय सिमा भित्र दर्ता नभएका टिमहरूले खेलमा सहभागित जनाउन पाउने छैनन्। खेलमा कुनै बिवाद आएमा निर्णायक मण्डल तथा रेफ्रिको निर्णय नै अन्तिम मानिने जनाएको छ।

प्रतियोगितामा प्रथम हुने टिमलाई नगद पुरस्कार राशीे दुई हजार साउदी रियाल करीब (६६,००० नेपाली रुपैयाँ) र एउटा खसी तथा द्धितिय टोलीलाई १३५० साउदी रियाल करिब (४३५०० नेपाली रुपैया साथै ट्रफी , मेडल र प्रमाणपत्र तथा तृतिय हुने टोलीलाई ७५० साउदी रियाल करिब (२४०००हजार नेपाली रुपैयाँ साथै ट्रफी , मेडल र प्रमाणपत्र
प्रदान गरिने आयोजकले जानकारी दिएको छ।

अष्ट्रेलियाका टेस्ट कप्तान तथा तीव्र गतिका बलर प्याट कमिन्सले कोलकाता नाइट राइडर्सबाट इन्डियन प्रिमियर लिग(आइपिएल) २०२२ मा मुम्बई इन्डियन्सविरुद्ध १४ बलमै अर्धशतक प्रहार गरेका छन् ।

१ सय ६२ रनको विजयी लक्ष्य पछ्याउनेक्रमा कमिन्सले १४ बलमै अर्धशतक पूरा गर्दै कोलकातालाई १६ ओभरमै जित दिलाए । ५ विकेटको सानदार जित निकाल्न कमिन्सले १५ बलमा ४ चौका र ६ छक्कासहित ५६ रनको विष्फोटक इनिङ खेले । १४ बलमै कमिन्सले अर्धशतक पूरा गरेका थिए । आइपिएल इतिहास कै सर्वाधिक छिटो अर्धशतक पूरा गर्ने कीर्तिमान बराबरी हो ।

सन् २०१८ मा पन्जाब किंग्सका लोकेश राहुलले दिल्ली क्यापिटल्सविरुद्ध पनि १४ बलमै अर्धशतक पूरा गरेका थिए । कमिन्स १४ औं ओभरको दोस्रो बलमा मैदान प्रवेश गरेका थिए । तीव्र गतिका बलर टाइमल मिल्सको १४ औं ओभरको पहिलो बलमा आन्द्रे रसेल एज लागेर प्वाइन्टमा डेवाल्ड ब्रेभिसबाट ११ रनमा क्याच भएपछि कमिन्स मैदान छिरेका थिए ।

त्यसपछि कमिन्सले बाउन्ड्रीको वर्षा बनाए । त्यसै ओभरको पाँचौं बलमा छक्का र छैटौं बलमा चौका प्रहार गरे । १५ औं ओभरको चौथो बलमा कमिन्सले जस्प्रित बुमराहलाई छक्का र पाँचौं बलमा चौका प्रहार गरे ।

कमिन्सले १६ औं ओभरमा तीव्र गतिका बलर ड्यानियल साम्सलाई ४ छक्का र २ चौका प्रहार गर्दै कुल ३५ रन जोडेपछि आइपिएल इतिहासकै सर्वाधिक छिटो अर्धशतकको कीर्तिमान बराबरी गरेका थिए । कमिन्सले आफ्नै देशका साम्सलाई पहिलो बलमा लङअनमा छक्का प्रहार गर्दा अर्को बलमा मिडविकेटमा चौका प्रहार गरे ।

त्यसपछि डिम मिडविकेट र फाइन लेगमा लगातार दुई छक्का प्रहार गरेका थिए । पाँचौं बलमा कमिन्स सूर्यबाट लङअफमा क्याच भए । सूर्यले छक्का बचाउँदै उत्कृष्ट क्याच लिएका थिए । जसको कारण १३ बलमै अर्धशतक हुन पाएन । तर नो बलको कारण जीवनदान पाए । पाँचौं बलमा कमिन्सले चौका प्रहार गर्दै १४ बलमा आफ्नो आइपिएल इतिहासमा तेस्रो अर्धशतक पूरा गरेका थिए ।

अन्तिम बलमा छक्का प्रहार गर्दै कोलकातालाई ४ ओभर अगावै जित दिलाए । यसअघि कोलकाताबाट युसुफ पठानले २०१४ मा सनराइजर्स हैदराबादविरुद्ध र सुनिल नारायणले बेंगलोरविरुद्ध २०१७ मा समान १५ बलमा अर्धशतक प्रहार गरेका थिए । साम्स आइपिएलमा एकै ओभरमा सर्वाधिक रन खाने तेस्रो बलर हुन् । बेंगलोरका हर्षल पटेल र प्रशान्त परमेश्वरनले एकै ओभरमा ३७–३७ रन खर्चेका थिए ।

कमिन्सले जारी आइपिएलमा पहिलो खेल खेलेका हुन् । पाकिस्तानसँगको तीन टेस्ट खेलेर फर्किएको हुँदा सुरुवाती तीन खेल गुमाएका थिए । कमिन्सलाई यस पटक अक्सनमा कोलकाताले ७.२५ करोड भारुमा किनेको थियो । २०२० मा कोलकाताले अक्सनमा १५ करोड ५० लाख भारुमा किनेको थियो ।

एजेन्सी : फिफा विश्वकप २०२२ मा पूर्व विश्वकप विजेता स्पेन र जर्मनी एउटै समूहमा परेका छन्। कतारमा शुक्रवार बेलुका भएको ड्र मा स्पेन र जर्मनी समूह ई मा परे।

२०२२ को आयोजक कतार, नेदरल्यान्ड्स, सेनेगल र इक्वेडर ए समूहमा परेका छन्। इंग्ल्यान्डले अमेरिका, इरान र युरोपेली प्लेअफको विजेतासँग खेल्नेछन्।

प्लेअफमा वेल्सले स्कटल्यान्ड र युक्रेनको विजेतासँग खेल्नेछ। अर्जेन्टिना रहेको समूह सीमा समूहमा मेक्सिको, पोल्यान्ड र साउदी अरेबिया छ।

समूह डिमा फ्रान्स, डेनमार्क, ट्युनिसिया तथा अन्तर महादेशीय प्लेअफको पहिलो खेलको विजेता खेल्नेछन्। उक्त प्लेअफमा अस्ट्रेलिया र युएईको विजेताले पेरुसँग खेल्नेछ।

ब्राजिल, सर्बिया, क्यामरुन र स्विटजरल्यान्ड समूह जीमा छन्। पोर्चुगल, दक्षिण कोरिया, घाना र उरुग्वे समूह एच मा छन् ।

बेल्जियम, मोरक्को, क्यानडा र क्रोएसिया समूह एफ मा छन् । समूह ई मा स्पेन र जर्मनीसँगै र जापान र दोस्रो अन्तर महादेशीय प्लेअफको विजेताले खेल्नेछन्। दोस्रो अन्तर महादेशीय प्लेअफमा कोस्टारिका र न्युजिल्यान्ड खेल्नेछन्।

समूह ए – कतार, इक्वेडर, नेदरल्यान्ड्स, सेनेगल

समूह बी – इंग्ल्यान्ड, इरान, अमेरिका, युरोपेली प्लेअफको विजेता (वेल्स/युक्रेन/स्कटल्यान्ड)

समूह सी – अर्जेन्टिना, साउदी अरेबिया, मेक्सिको, पोल्यान्ड

समूह डी – फ्रान्स, डेनमार्क, ट्युनिसिया, प्लेअफ १ को विजेता (अस्ट्रेलिया/युएई/पेरु)
समूह ई – स्पेन, जर्मनी, जापान, प्लेअफ २ विजेता (कोस्टारिका/न्युजिल्यान्ड)

समूह एफ – बेल्जियम, मोरक्को, क्रोएसिया, क्यानडा

समूह जी – ब्राजिल, सर्बिया, स्विटजरल्यान्ड, क्यामरुन

समूह एच – पोर्चुगल, उरुग्वे, दक्षिण कोरिया, घाना

काठमाण्डाै – कतारमा आयोजना हुने फिफा विश्वकप फुटबलको समूह विभाजन ड्र सार्वजनिक भएको छ । फिफाले विश्वकपमा सहभागी हुने ३२ राष्ट्रलाई वरीयता क्रममा राखेर ड्र गरेको हो ।

सार्वजनिक ड्र अनुसार समूह ए मा कतार, नेदरल्याण्ड, सेनेगल र इक्वेडर छन् । यस्तै समूह बी मा इंल्याण्ड, अमेरिका, इरान छन् भने समूह सी मा अर्जेन्टिना, मेक्सिको, पोल्याण्ड, साउदी अरेबिया छन् । यस्तै,साविक विजेता फ्रान्स समूह डीमा परेको छ । यो समूहमा फ्रान्ससँगै डेनमार्क, ट्युनिसिया र प्ले अफबाट आउने एक टोली रहनेछ । यस्तै, समूह ईमा उपाधि दाबेदार स्पेन र जर्मनीका साथै जापान परेको छ ।

समूह एचमा पोर्चुगल, उरुग्वे, दक्षिण कोरिया र घाना छन् भने समूह जीमा ब्राजिल, स्विजरल्याण्ड, सर्बिया र क्यामरुन छन् ।  उद्घाटन खेलमा आयोजक कतारले इक्वेडरसँग प्रतिस्पर्धा गर्ने छ । कतार विश्वकप आगामी नोभम्बर २१ देखि डिसेम्बर १८ तारिखसम्म हुनेछ ।

कतार विश्वकप २०२२ को लागि एसियाबाट जापान र साउदी अरेबियाले आफ्नो स्थान पक्का गरेका छन्।

बिहीबार भएको खेलमा जापानले अष्ट्रेलियालाई २–० गोलले पराजित गरेको हो।

जापानको जितसँगै साउदी अरेबियाले चीनसँग १–१ को बराबरी खेले पनि उसको विश्वकपको स्थान पक्का भएको हो।

जापान लगातार सातौंपटक विश्वकपमा पुग्न सफल भएको हो। समूह बीको तेस्रो स्थानमा रहेको अष्ट्रेलियाले भने विश्वकपमा छनोट हुनको लागि प्ले अफ खेल्नुपर्ने भएको छ।

त्यस्तै समूह ए मा इरानलाई २–० गोलले पराजित गर्दै दक्षिण कोरियाले पनि विश्वकपमा आफ्नो स्थान पक्का गरेको छ।

इरानले यसअघि नै विश्वकपमा आफ्नो स्थान पक्का गरिसकेको छ।

यससँगै कतार विश्वकपमा खेल्ने ३२ मध्ये १७ टोलीको टुङ्गो लागिसकेको छ।