Category: अर्थ

आइतबारको लागि एक अमेरिकी डलरको खरिददर १३३ रूपैयाँ ५७ पैसा र बिक्रीदर १३४ रूपैयाँ १७ पैसा तोकिएको छ।

यो मूल्य हालसम्मकै उच्च हो।

यसअघि गत असार ७ गते डलरको भाउ १३४ रूपैयाँ १५ पैसा पुगेर नयाँ रेकर्ड बनाएको थियो। पछिल्लो रेकर्डभन्दा यो मूल्य २ पैसा बढी हो।

नेपाल राष्ट्र बैंकले सार्वजनिक गरेको विनिमय दर अनुसार आइतबार युरोपियन युरो एकको खरिदमा भने १४५ रूपैयाँ ४७ पैसा र बिक्रीमा १४६ रूपैयाँ १२ पैसा पाइन्छ।

बेलायती पाउण्ड स्टर्लिङ एकको खरिददर आज १७२ रूपैयाँ ६२ पैसा र बिक्रीदर १७३ रूपैयाँ ३९ पैसा तोकिएको छ। 

त्यसैगरी, अष्ट्रेलियन डलर एकको खरिदमा आज ८९ रूपैयाँ ४४ पैसा र बिक्रीमा ८९ रूपैयाँ ८४ पैसा तोकिएको छ। क्यानेडियन डलर एकको खरिदमा भने ९७ रूपैयाँ ४४ पैसा र बिक्रीमा ९७ रूपैयाँ ८७ पैसा पाइन्छ।

यस्तै, कतारी रियाल एकको खरिदमा ३६ रूपैयाँ ६३ पैसा र बिक्रीमा ३६ रूपैयाँ ७९ पैसा पाइन्छ। राष्ट्र बैंकले साउदी अरेबियन रियाल एकको खरिददर आज ३५ रूपैयाँ ६१ पैसा र बिक्रीदर ३५ रूपैयाँ ७७ पैसा तोकेको छ।

युएई दिराम एकको खरिदमा ३६ रूपैयाँ ३७ पैसा र बिक्रीमा ३६ रूपैयाँ ५३ पैसा पाइन्छ। मलेसियन रिंगिट एकको खरिदमा आइतबार २८ रूपैयाँ ४९ पैसा र बिक्रीमा २८ रूपैयाँ ६२ पैसा पाइन्छ।

आइतबार कुवेती दिनार एकको खरिदमा ४३६ रूपैयाँ ७३ पैसा र बिक्रीमा ४३८ रूपैयाँ ६९ पैसा पाइन्छ। त्यसैगरी, आज बहराइन दिनार एकको खरिददर ३५४ रूपैयाँ ३४ पैसा र बिक्रीदर ३५५ रूपैयाँ ९४ पैसा तोकिएको छ।

काठमाडौं । राष्ट्र बैंकले घरजग्गा खरिदको लागि ऋण भुक्तानी आम्दानी अनुपातमा लचिलो नीति लिएको छ ।

शुक्रबार चालु आर्थिक वर्ष २०८०/८१ को मौद्रिक नीतिको तेस्रो त्रैमासिक समीक्षा गर्दै बैंकले घर जग्गा खरिद प्रयोजनका लागि ऋण भुक्तानी आम्दानी अनुपात (डेब्ट सर्भिस टू ग्रस इनकम रेसियो) लाई सहजीकरण गरेको हो । 

यो व्यवस्था लागू भएपछि ऋण लिएर घरजग्गा खरिद गर्नेले आम्दानीको ७० प्रतिशतसम्म रकम बैंकको साँवा तथा ब्याज अर्थात् किस्ता भुक्तानीका लागि प्रयोग गर्न सक्नेछन् । यसअघि आम्दानीको ५० प्रतिशतसम्म मात्रै त्यसरी भुक्तानी गर्न पाइने व्यवस्था थियो ।

‘घर जग्गा खरिद प्रयोजनको लागि ऋण भुक्तानी आम्दानी अनुपातलाई सहजीकरण गरी कर चुक्ता प्रमाण पेश गरेका आधारमा विद्यमान ५० प्रतिशतबाट ७० प्रतिशत कायम गरिने छ,’ मौद्रिक नीति समीक्षामा भनिएको छ ।

राष्ट्र बैंकको यस व्यवस्थापश्चात बैंकिङ प्रणालीबाट २ करोड रुपैयाँसम्मको घर जग्गा खरिद बढ्ने देखिएको छ । यस व्यवस्थाले राम्रो आम्दानी भएकाहरूका लागि घरजग्गा खरिद सहज भएको छ ।

ईस्लाम धर्मावलम्बीहरुको ईद ऊल अधाको अवसर पारेर गैरआवासीय नेपाली संघ राष्ट्रीय समन्वय परिषद साउदी अरब द्वारा “परं परोपकारार्थं यो जीवति स जीवति ” भन्ने मूल मन्त्रका साथ आयोजित “ 2nd NRNA GOLD CUP 2024” फूटबल प्रतियोगिता भव्यताका साथ सम्पन्न भएको छ I संघ द्वारा आयोजित उक्त दुई दिने प्रतियोगिता १६ जुनको साँझ सुरु भएर १८ जुनको बिहान समापन गरिएको हो I

संघका अनुसार साउदी अरबको पूर्वी सहर अलखोबार स्थित तुक्बा खेल मैदानमा भएको उक्त प्रतियोगितामा २२ वटा फुटबल क्लबहरुले सहभागिताको लागि प्रतिबद्धता जनाएको थियो भने २१ फुटबल क्लबले टिम दर्ता गरेका थिए I प्रतियोगितामा सहभागिताको लागि दर्ता भएको फुटबल क्लबहरु मध्ये २० वटा क्लबहरु सहभागी भएका थिए I जस बाट युनाइटेड एफसीले पेनाल्टी शूटआउटमा समरानी एफसीलाई पछी पार्दै तृतीय पुरस्कार(नगद साउदी रियालः१,६१६/-) प्राप्त गरे भने जोयम एफसीले किंरात राई यायोक्खा एफसी संगको फाईनल खेलमा उपविजेता बन्दै द्वितीय पुरस्कार (नगद साउदी रियालः ३,३३३/-) हाशिल गरे । यसरी किंरात राई यायोक्खा एफसी उक्त 2nd NRNA GOLD CUP-2024 को च्याम्पीयन बन्दै प्रतियोगिताको विजेता बनेI किँरात राई यायोक्खाले विजेता भए संगै प्रथम पुरस्कार (नगद साउदी रियालः ६,६६६/-) प्राप्त गरेका छन्।

फाईनल खेल सके संगै महावाणिज्य दूतावास जेद्धाका लागी कार्यवाहक महावाणिज्यदूत शत्रुध्वन पोख्रेल प्रमुख अतिथि र विशिष्ट अतिथिको रूपमा उपस्थित नेपाली राजदूतावास रियादका लागी जनसम्पर्क अधिकारी नारायण पासवान संगै साउदीअरब स्थित क्रियाशील सामाजिक तथा राजनीतिक संघ संस्थाका प्रतिनिधिहरू अतिथिको रूपमा उपस्थित रहेको समापन कार्यक्रममा पुरस्कार विवरण संगै बेस्ट गोल किपर, बेस्ट डिफेन्डर, बेस्ट मिडफील्डर, बेस्ट फर्वाड, हाई स्कोरर्, बेस्ट म्यानेजर र बेस्ट कोचलाई ट्रफीका साथ प्रशंसा पत्र प्रदान गरिएको थियो ।

उक्त प्रतियोगिता आयोजना सफलतापूर्वक सम्पन्न गर्नका लागि चित्र कुमार चाम्लिङ राईको सयोजकत्वमा गठित खेलकुद उप-समितिलाई संघले प्रेस विज्ञप्ती जारी गर्दै बधाई तथा धन्यवाद ज्ञापन गरेका छन्। उक्त समिति सदस्यहरुमा एनआरएनए एनसीसी सदस्य पदम महत, आरसीसी पूर्वी क्षेत्रका क्षेत्रीय अध्यक्ष विष्णु प्रसाद भण्डारी, सह-कोषध्यक्ष दीपक खांड, सदस्य घनेन्द्र ईजम लिम्बु, पूर्व एनसीसी सदस्य गणेश अर्याल, NRNA सदस्य पासाङ शेर्पा, तुल्सी नेयोङ, प्रेम भण्डारी, सदस्य सचिव शुक्र मोक्तान, पर्यवेक्षक द्वय श्रीप्रसाद यावा लिम्बु र राजेन्द्र अर्याल रहेका थिए I
संघले विज्ञप्ती मार्फत उक्त प्रतियोगितालाई प्रायोजन गरेका प्रायोजकहरू, स्वयंसेवकहरू, विवाद रहित तथा अनुशासित खेल खेलाएका रेफ्री र लाईनस मेनहरू, सहभागी फुटबल क्लबहरूलाई आयोजकका तर्फ बाट विशेष धन्यवाद ज्ञापन गरेका छन्।

काठमाण्डौ । नेपाली बजारमा आज सुनको मूल्यमा ह्वात्तै बढेको छ। अघिल्लो दिन प्रतितोला ६ सय रुपैयाँले बढेको सुनको मूल्य आज पनि बढेको हो ।  

नेपाल सुनचाँदी व्यवसायी महासंघका अनुसार आज छापावाला सुनको मूल्य २३ सय रुपैयाँले बढ्दै प्रतितोला १ लाख ४० हजार ५ सय रुपैयाँ कायम भएको छ ।  

अघिल्लो दिन छापावाला सुनको मूल्य प्रतितोला १ लाख ३८ हजार २ सय रुपैयाँ कायम थियो ।  

त्यस्तै आज तेजावी सुनको मूल्य पनि २३ सय रुपैयाँले बढ्दै प्रतितोला १ लाख ३८ हजार ८ सय रुपैयाँ कायम भएको छ ।

अघिल्लो दिन तेजावी सुनको मूल्य प्रतितोला १ लाख ३७ हजार ५५० रुपैयाँमा कारोबार भएको थियो ।

आज चाँदीको मूल्य भने घटेको छ । आज चाँदीको मूल्य ३० रुपैयाँले घट्दै प्रतितोला १ हजार ९०० रुपैयाँ कायम भएको छ ।

समर्पण रम्जान

जेद्दा साउदी अरब ! साउदी अरबको जेद्दामा बिगत दुई हप्ता देखि भइरहेको वाफ महिला च्याम्पियनसिप २०२४ का उप- बिजेता नेपाली राष्ट्रिय महिला फुटबल खेलाडी टिमका 23 खेलाडी लाई साउदी अरब रियाद स्थित लालिगुँरास नेपाली रेस्टुरेन्टका संचालक एवम् सबैमाझ चिरपरिचित समाज सेबि मनको धनी अनि सबै दुखि गरिबिका लागि सदैब अग्रपंक्तिमा रहनु हुने यम तमु आफ्नो ब्यक्तिगत तर्फबाट नेपाली महिला खेलाडीहरुको सम्मान तथा हौसला प्रोत्साहन लागि नेपाली रु १० लाख सहयोग गर्ने प्रतिबद्धता जनाउनु भएको छ ।

प्रीमियम र सेमिफाइनल खेलमा लगातार जित हासिल गर्दै २९ फेब्रुअरी २०२४ बिहिवार बेलुकी फाइनल खेलेको नेपाली टिमले खेलमा निकै प्रतिस्पर्धात्मक रुपमा खेलेर २-२ गोल बनाउन सफल भएपनि पेनाल्टी मिस गरि वाफ महिला च्याम्पियनसिप २०२४ को उप बिजेता बन्न पुगेको खेलाडी टिमहरुको सम्मान र हौसला प्रदान गर्नका लागि आफ्नो ब्यस्त समयका बाबजुद पनि बिहिवार बेलुकी नै रियाद देखी १२०० किलोमीटरको यात्रा गरि जेद्दा आएर खेलाडीहरुलाइ हौसला दिदै सम्मान स्वरुप १० लाख रुपैयाँ सहयोग रकम प्रदान गर्ने प्रतिबद्धता गर्नुभएको छ ।

यम तमु ले यो सहयोग रकम आफ्नै ब्यक्तीगत रहेको र बिगतका दिनहरुमा पनि स्वदेश तथा बिदेशी भुमिमा धेरै नेपालीहरुलाइ सहयोग गर्दै आउनु भएको छ ।

नेपाल वायुसेवा निगमले का.म.न.पा.वडा न ९ सिनामंगलस्थित आफ्नो ३४-१४-२-३ क्षेत्रफलमा फैलिएको जग्गामा बुट मोडलमा अतिआधुनिक केन्द्रीय कार्यलय भवन निर्माण गर्ने भएको छ।

आज मिति २०८०/१०/१३ गते उक्त जग्गामा अत्याआधुनिक सुविधा सम्पन भवन निर्माण गर्नाका लागि माननीय साँस्कृतिक ,पर्यटन तथा नागरिक उड्डयनमन्त्री सुदन किराँती र निगमका कार्यकारी अध्यक्ष श्री युवराज अधिकारी ज्यूवाट भुमि पुजन कार्यक्रम सम्पन्न भएको छ।

यश विषयमा हामीले नेपाल वायुसेवा निगम कर्मचारी युनियन ( सिबिए) का पुर्व वरिष्ठ उपाध्यक्ष तथा सार्वजनिक संस्थान तथा प्रशासनविद् डा. ऋषिकेश पन्थीसँग संवाद गरेका थियौं ।

उहाँले बताउनु भए अनुसार निगमले वुट मोडलमा वा सफ्ट लोन मार्फत निगम आफैले उक्त संरचना निर्माण गरि हाल निगमको न्युरोडमा रहेको केन्द्रीय कार्यलय स्थान्तरण गर्ने र उक्त स्थानमा समेत आधुनिक सुबिधासम्पन भवन निर्माण गरि कमर्सियल प्रयोजनमा दिईनेछ साथै सिनामंगलस्थित नयाँ बन्ने भवनमा निगमको केन्द्रीय कार्यलय स्थान्तरण गर्ने, त्रिभुवन अन्तर्राष्ट्रिय एयरपोर्ट भित्र महङ्गो भाँडा तिरेर राखिएका निगमका कार्यलयहरू समेत स्थान्तरण गरिनेछ।

ईन फलाईट किचन तथा क्याटरिङ्ग सञ्चालन गर्ने,होटल सञ्चालन गर्ने,बाँकी स्पेश अन्य एयरलाइन्स ,ट्राभल्स एजेन्सी, तथा ब्यापारीक प्रयोजनका निमित्त दिईनेछ।जसवाट निगमकाे खर्चमा कटाैती हुनुको साथै निगमलाई थप आय आर्जन गर्न महत्त्वपूर्ण भुमिका निर्वाह गर्दछ।यतिमात्त्रै होईन निगमको देशभरिमा २३ स्थानमा रहेका जग्गाहरूको क्रमशः यसरीनै योजनाबद्धरूपमा उपयोग गर्दै लगिनेछ।

त्यस अभियानको थालनी आज सिनामंगलवाट शुरूभईसकेको छ।हामी यसलाई निरन्तरता दिन्दै जान्छौ।यो हाम्रो निकै लामो समयदेखिको माग पनि हो । जसको फलरूप निगमका कार्यकारी अध्यक्ष ज्यू , माननीय मन्त्रीज्यू ,निगम ब्यवस्थापन, टेडयुनियनकर्मी साथीहरू र आम कर्मचारीहरूको अर्थक प्रयासले यो निर्माण गर्ने कार्यको शुभ-आरम्भ भएको छ। हामी निगमको सम्पुर्ण माननीय तथा भौतिक श्रोत तथा साधनलाई समुचित उपयोग गर्दै क्रमशः निगमको क्षमता तथा सक्षमता अभिवृद्धि गर्दै निगमलाई दक्षिण एसियाकै उत्कृष्ट वा नमुना एयरलाइन्सको रूपमा विकास गर्ने अभियानमा जुटिसकेका छाै।सरकार,राजनीतिकदल तथा आम नागरिकको साथ र सहयोग भयो भने यो सम्भब छ समेत भन्नू भयो !

काठमाडौं– नेपाली बजारमा मंगलबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुन तोलामा ६०० रुपैयाँले बढेको छ ।

महासंघका अनुसार मंगलबार छापावाल सुन प्रतितोला एक लाख २० हजार ५०० रुपैयाँ र तेजाबी सुन एक लाख १९ हजार ९०० रुपैयाँमा कारोबार भइरहेको छ ।

सोमबार छापावाल सुन प्रतितोला एक लाख १९ हजार ९०० रुपैयाँ र तेजाबी सुन एक लाख १९ हजार ३५० रुपैयाँमा कारोबार भएको थियो ।

यस्तै, चाँदीको मूल्य पनि तोलामा १० रुपैयाँले बढेको छ । आज चाँदी तोलाको १४ सय ८५ रुपैयाँमा कारोबार भइरहेको महासङ्घले जनाएको छ ।