बाटोको बर पिपलमा, हाम्रो नाम लेखेर आउनू !

सुशील शर्मा, मकवानपुर

घुम्ती अनी मोडहरुमा, पाईला सोचेर चाल्नू !
उज्यालो आशा बोकी, बिश्वासको दियो बाल्नू !!

सास्ती खेपेर होइन, फूलमा टेकेर आउनू !
मायालु दुबै आखाँ, हातले सेकेर आउनू !!
पीडाले कस्लाई छुन्न, झर्छ त्यो फूल पनी !
तर तिमी रसाउनु , बालुवामा मूल बनी !!

काँडा जो छुनु हुन्न, अब फेरि रुनु हुन्न !
केवल मायाँको केवल, चौबन्दी फेरेर आउनू !!
बाटोको बर पिपलमा, हाम्रो नाम लेखेर आउनू !
घुम्तीको मठ मन्दिरमा, मायाँ देखेर आउनू !!