झिल्का कविता
१)
विकासको नौलो योजना
खोजमूलक कार्य थालौँ
कृषि उत्पादनको सपना ।
२)
पेसाको लागि राजनीति
नगरौँ सहमति कसैले
संस्कारमा बन्दैछ बेथिति ।
३)
हरियो वन जोगाए
निरोगी हुन्छौँ हामी
खुसहाल दिन उदाए ।
४)
देश जलाउनेहरू दलाल
विदेशी थिए बुझौँ
पछि हुनसक्छ मलाल ।
५)
नेपाली वीरहरूका सन्तान
बन्नुहुंँदैन विदेशीको गोटी
जोगिँदैन आफ्नो स्वाभिमान ।
६)
अखण्ड देशका लागि
भ्रष्टाचार निर्मूल पारौँ
कोही नबनौँ दागी ।
७)
आत्मनिर्भर बनाउन योगदान
हुन्छ कर्तव्य नागरिकको
जोगाउन आफ्नै स्वाभिमान ।
८)
भन्छौ विकास बराबर
गर्छौ झारफुक देशमा
छाड कुरीतिको सफर ।
९)
विज्ञानले पुग्यो संसार
आकास पाताल खगाल्यो
छाड्न सकेनौँ कुसंस्कार ।
१०)
राजनीतिमा भई इमान्दार
गरौँ स्वच्छ राजनीति
सकिन्छ देशबाट भ्रष्टाचार ।
✍️
सुरेशकुमार पाण्डे
दाङ घोराही १८