“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयउन्नातीसौंमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/०१/२५गते
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १२९[एकसयउन्नतीसौऔं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पाैडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]~~~~~
पञ्चाङ्ग:०१
मकै दानाको लुगा परेको छ।
एक अर्कोमा प्रेम गरेको छ।
मानिसको कला छ गज्जबको,
भएका दुःख जति टरेको छ।
खुसीमा भुल्ने मन भरेको छ।
-सुशीला पौडेल
पञ्चाङ्ग:०२
मकैको दाना परेको जस्तो लुगा लाइछे नानीले
कति राम्रो हँसिलो सुन्दर छोरो पाइछे नानीले
पँहेलो केश पँहेलै कपडा कति राम्रो सुहायो
यसरी मकै नाश गरेर के पो खाइछे नानीले
कुरो बुझ्दा त पक्कै ज्वाइँकै घर धाइछे नानीले ॥
-गुणनिधि घिमिरे
पाँचथर खान्द्रोङ्ग
हालः- अमेरिका
पञ्चाङ्ग:०३
मकै गुणले भरिएको हुन्छ दाना दानामा
बाँचेको हुन्छ यसैमा छ सारा माना दानामा
न सुगर न प्रेसर शुद्ध हुन्छ सांच्चै भोजन
स्वाद झनै हुन्छ गुन्द्रुक आटो खाना दानामा
भुलिन्छन् मकैमा मानिस ठुला साना दानामा।
सुरेशकुमार पाण्डे दाङ घोराही १८
पञ्चाङ्ग :०४
आहा! कुँदिएको कला कति राम्रो
सुहाउने रङ्ग उस्तै अति राम्रो
मेहनत धेरै छ बनावटमा
सीपको लागि धैर्यता मति राम्रो
कहाँ भेटिन्छ यो कला जति राम्रो
-शोभा आचार्य गौतम
काठमाडौँ
पञ्चाङ्ग:०५
यहाँ आमाकाे जस्तो शुद्ध प्यार कसले गर्छ ?
याे धर्तीमा देखाउने संसार कसले गर्छ ?
आमा नै शब्द ठुलो हाे वास्तवमा भन्नूपर्दा ,
रेखदेख गर्ने काम आधार कसले गर्छ ?
दुःख र सुखमा सेवा सत्कार कसले गर्छ ?
नाम केसर बाेहरा ( आदर्श )
सुदूरपश्चिम अछाम ।
हाल भारतबाट ।
पञ्चाङ्ग-०६
खेतबारीमा फल्ने मकै त आज फेसबूकमै फल्न थाल्यो
कृषकको हातमा पनि नया नया मोबाइल चल्न थाल्यो
हाम्रो चाल देखेर प्रविधि पनि ट्वाँ खाएर हेरिरहेछ,
चलाउँदा चलाउँदा थाकेन हात
समय नै गल्न थाल्यो
आफ्नै गति थाम्न नसकेर आधुनिकता आफैं ढल्न थाल्यो।
-पशपती राई खोटाङ