“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग भाग: एकसय छयालीसौं अभ्यासमा हामी पुगेका छौ। सम्पूर्ण पञ्चाङ्ग स्रष्टाहरुमा पञ्चाङ्ग लेख्नु हुन अनुरोध छ।
अभ्यास पाठशालाको अभ्यास शृङ्खला दर्ता पछिको भाग :-१४६—————-
विधा :- पञ्चाङ्ग
अभ्यास गर्ने स्थान :- पञ्चाङ्ग अभ्यास पाठशाला
मिति:- २०८२/०१/२२
पञ्चाङ्ग वा समपञ्चाङ्ग लेखी बुधबार बेलुका ०९ बजेसम्म पठाउनु हुन अनुरोध छ।
……………………………………….
प्रशिक्षक:-
……………
सोमनाथ लुइटेल
गुणनिधि घिमिरे
सुशीला पौडेल
………………………
भाषा शुद्धीकरण:-
———–
भवानी घिमिरे
पशपती राई
सङ्कलक :-
———-
दुर्गा रिजाल आचार्य
संयोजक:-
पञ्चाङ्ग साहित्य समाज नेपाल ======================
अक्षर सङ्ख्या:- [बराबरी]
अनुप्रास :- आफुखुसी
स्थायी :- अनिवार्य
पञ्चाङ्ग:०१
अरूको कुरा काट्ने धेरै छन्
खाना दिएर चाट्ने धेरै छन्
मानिस पनि अजीब प्राणी,
खरानी पिङ्ग बाट्ने धेरै छन्
सफेद झुट फाट्ने धेरै छन्।
सुशीला पौडेल
पञ्चाङ्ग:०२
अन्याय र अत्याचारमा मर्नु हुन्न
दुनियाँ स्वार्थी हुन्छ पर सर्नु हुन्न
समाजमा विकृति आएको छ यस्तो ,
आफू गिर्ने काम कहिल्यै गर्नु हुन्न
फेसनको नाम इज्जत हर्नु हुन्न।
-दुर्गा आचार्य
मोरङ
पञ्चाङ्ग:०३
गर्दै गरेको सबै कामहरूमा बार लाग्यो
व्यथा लुकाउने ठाउँ नभएर हार लाग्यो
औँसीलाई लास्टै जूनको खाँचो परे जसरी
प्रबन्धमा त्यो अन्तिम भनाइको सार लाग्यो
जीवन सकिनलाई होला तिखो धार लाग्यो ।
✍️अच्युत घिमिरे, सर्पाङ, भुटान🇧🇹
ॐ
पञ्चाङ्ग:०४
जगबिनाकाे घर बलियाे हुँदैन राजा
स्वार्थभित्रकाे भर बलियाे हुँदैन राजा
कलियुग संस्कार संस्कृतिभित्र विकृति
काँचो दुधकाे तर बलियाे हुँदैन राजा
ज्ञान बिनाकाे सर बलियाे हुँदैन राजा ।
-प्रद्युम्न चालिसे
पञ्चाङ्ग:०५
सोचे भन्दा बढी संघर्ष गर्छु तर हार हुन्छ
केही काम नपाएपछि ज्यान पनि भार हुन्छ
जहाँ गई जे गर्दा पनि सफल नभएपछि,
सम्पुर्ण घर -परिवारबाट के को सार हुन्छ
एक दिन भुक्लुक्क लड्यो जिन्दगी नै पार हुन्छ।
-मल्ल लक्ष्मी श्रेष्ट
मेची किनार
बिर्तामोड झापा
पञ्चाङ्ग-६
आफैंले गरेको काम सम्झी-सम्झी किन रुने हो
जे हुनु भयो झन् दुखाएर मुटु किन छुने हो
सबै छन् समान संसारमा,अरुको लुट्नु हुन्न
अभावलाई भावले राम्ररी पखाली धुने हो
बुद्धिले काम गर्न छाडेपछि झगडा हुने हो।
-पशपती राई खोटाङ ।
पञ्चाङ्ग:०७
मेरो मनमा चोट परेको छ।
अत्याचार दिनहुँ गरेको छ।
कसले बुझ्ने मनको भावना,
यी आँखाबाट आँसु झरेको छ।
दुखाइले बसाई सरेको छ।
ह्यारिस