“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयअठ्ठाइसीमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/०१/१८गते
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १२८[एकसयअठ्ठाइसीऔं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पाैडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]~~~~~
पञ्चाङ्ग:०१
घर परिवार पाल्न खाडी पसेँ म।
चुहिएको छाना टाल्न खाडी पसेँ म।
रातदिन नभनी काम गरेकै छु,
श्रमिकको काम थाल्न खाडी पसेँ म।
शत्रुको नजर ढाल्न खाडी पसेँ म।
-सुशीला पौडेल
पञ्चाङ्ग:०२
देशमा गरिखाने ठाउँ छैन,
पढे डिग्री के गर्नु नाउँ छैन।
देश त झन बिग्रेको देखिन्छ,
घर छोडेर पर जाउ छैन,
दु: खका गीतहरु गाउँ छैन।
-दुर्गा आचार्य
मोरङ
पञ्चाङ्ग:०३
विदेश गएर पनि तातो घाममा जुट्दछन्
परिवारसँग विदेशिएर पनि छुट्दछन्
मजदुर जाहिँ गए पनि सुख पाउँदैन
विदेशी ले पनि कामदार को पैसा लुट्दछ्न्
आफ्नो शरीरको श्रम विदेशमा नै भुट्दछन्
✍️ वेदु न्यौपाने 🌹🌹
ॐ
पञ्चाङ्ग:०४
जिउन पहिला काम छाइन्छ नानी
परिश्रम गरे माम खाइन्छ नानी
आजकाे दुनियाँ धेरै प्रतिस्पर्धा छ
जुन ठाउँमा छ दाम जाइन्छ नानी
राम्रो कार्य गर्दा नाम पाइन्छ नानी ।
-प्रद्युम्न चालिसे
भक्तपुर कटुञ्जे ।
पञ्चाङ्ग-
काम कहिल्यै सानो ठुलो हुँदैन श्रम गर्ने बानी बसालौँ
पछि हट्ने होइन सधैं हामी अघि नै सर्ने बानी बसालौँ
समान कामको लागि समान होस् ज्याला विभेद नगरियोस्
श्रम शोषणको विरुद्धमा हामी सबै मर्ने बानी बसालौँ
सम्मान गरौं श्रमलाई श्रमकै भर पर्ने बानी बसालौँ।
-पशपती राई खोटाङ ।