गन्तव्य स्पोर्टिङ् क्लब बुरैदाद्वारा बृहत साउदी स्तरीय भलिबल प्रतियोगिता २०२२ आयोजना गर्दै

  • २६ जेष्ठ २०७९, बिहीबार ०१:५३ मा प्रकाशित
  • “पुरस्कार ५ हजार रियल सम्म”

    ८ जुन २०२२! साउदी अरबको अल कासिमको बुरैदा स्थित गन्तव्य स्पोर्टिङ् क्लबले इस्लाम धर्मावलम्बीहरुको महान पर्व “इदुल अधा” को पावन अबसरमा बृहत साउदी स्तरीय भलिबल प्रतियोगिता २०२२ आयोजना गर्ने भएको छ ।

    “स्वास्थ्यका लागि खेलकुद, राष्ट्रका लागि खेलकुद” भन्ने मुल भावनाका साथ साउदी अरबमा छरिएर रहेका खेल प्रेमी नेपालीहरुलाई एक आपसमा जोड्ने र मनोरञ्जन दिने उद्देश्यका साथ आयोजना गरिएको उक्त भलिबल प्रतियोगिता आगामी ८ जुलाई २०२२, शुक्रबारका दिन बुरैदामा हुने कुरा क्लबका प्रतिनिधि मनिष कोइरालाले जानकारी गराएका छन् ।
    इदको छुट्टीको समयमा सबै स्थानबाट आउन सहज हुने र इदको अवसरमा मनोरञ्जन पनि हुने हुँदा कोइरालाले साउदी अरबको सबै स्थानहरुबाट प्रतियोगितामा उपस्थित हुनका लागी समेत आब्हान गरेका छन् !
    प्रथम पुरस्कार ३ हजार रियल, (नेपाली करिब एक लाख रुपैयाँ ), दोस्रो पुरस्कार १५ सय रियल( नेपाली करिब ४८ हजार रुपैयाँ ,) र तेस्रो पुरस्कार ५ सय रियल (नेपाली करिब १६ हजार रुपैयाँ) रहेको उक्त प्रतियोगितामा ५०० रियल टिम दर्ता शुल्क रहेको छ । पुरस्कारहरुको साथमा बिजेता, उप-बिजेताहरुलाइ प्रमाणपत्र, ट्रफी सहित मेटलहरु पनि प्रदान गरिने कुरा कोइरालाले हिमालयन दृस्टी लाई जानकारी गराए ।

    अन्य बृस्तित जानकारीका लागि तल दिएका सम्बन्धित ब्यक्ति तथा समपर्क नम्बरहरुमा सम्पर्क गर्न सकिनेछ ।

    Leave a Reply

    Your email address will not be published.