काठमाडौ, १९ चैत । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको २७ औँ शृङ्खला शनिबार सम्पन्न भएको छ ।
अभ्यासमा ४७ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखनमा पृथकता एवं फरकपन भित्राउने सिलसिला उक्त शृङ्खला सञ्चालन गरिदै आएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको २७ औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
चुनावी मौका छ हजुर, सुटुक्क नोट लिनुहोस्,
सट्टामा केही चाहिदैन, अमुल्य भोट दिनुहोस्।
✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
कति मनाउछौ अप्रिल फूल, तिमीले वर्षै भरी,
थाल्नामै सुताउछौ जनतालाई सधैँ यसै गरी।
वसन्त अनुभव
घोराही उपमहानगरपालिका १४, दाङ
[२]
कसले भन्यो र अमुल्य हो भोट भनेर,
हालिन्छ उतै जसले दिन्छ नोट गनेर।
अच्युत घिमिरे
भुटान 🇧🇹
[३]
नाेटले भाेट बेच्नु जनताहरू नेताले देशै बेच्लान,
भाषण सुन्नु किन पर्याे आखिर बेच्नु नै छ महादान ।
ताराप्रसाद चापागाईं
धुनिबेसी ।
[४]
आउनुस् मेरो साथ, मोटरसाइकल र नोट लानुस्,
भोट हालेर निश्चितरूपमा, टन्न मासु रक्सी खानुस्।
प्रदीप के रिमाल
इटहरी -आठ
[५]
जनताले त त्यति सजिलै नोट लिइन्न,
पाएमा बरू पैसा खाइन्छ भोट दिइन्न ।
गुणनिधि घिमिरे
पाँचथर मोरङ हाल अमेरिका
[६]
राजनीति गर्ने नेता चाँडै कसरी धनी बन्छन् ?
आफ्नो आँङमा नहेरी जनताको ओइरो खन्छन्।
रतन पाण्डे’पारतन’
दार्जीलिङ।
[७]
सित्तैमा नोट हामी लिॅंदैनौ,
गद्दारलाई भोट दिॅंदैनौं।
म्यामराज राई
हतुवागढी-६,भोजपुर
[८]
भोटजस्तो अमूल्य कुरा नोटमा थालेछ बिक्न,
बेइमान गरी किन पर्ने हो संसारमा टिक्न ?
गंगा खड्का
[९]
नोटले किनेको भोटमा नेताहरुको रजाईं हुने भयो,
बुझिलिनु जनता र राष्ट्रको पाँच वर्ष त्यसै खेर गयो।
दीपक ठटाल जलन
खरसाङ,०२.०४.२२
[१०]
बिकाउछ भोट आफैँलाई लाग्छ पछि चोट,
पैसाले भोट दिने लिनेको मनमा हुन्छ खोट।
सुरेशकुमार पान्डे
दाङ घोराही१८
[११]
पालाे मात्र एक हाे जनकाे यही नबिक्नुहाेला कबै,
भाेटै अमूल्य हक हाे जनकाे मनै चिन्नुहाेला सबै ।
निरज काेइराला
बेलका १ उदयपुर
[१२]
पैसामा बिक्नु हुन्न , लिनु हुन्न नोट,
चुनाव महायज्ञ हो , दान हो भोट ।
बिके माकजु
भक्तपुर ।
[१३]
सुटुक्क खल्तीमा राखाैँ, घुटुक्क पाराैँ प्यालाहरु,
पछिकाे भराेसा के छ? लिईहालाैँ पाएकाे बरु ।
मित्र उराठी गाैतम
[१४]
पैसा दिएर भोट माग्नेलाई, हान्ने हो भाटाले अब,
भोट दिनु मात्रै उसलाई, माग्न आउँछन् राम्रा जब ।
राजेशराज गड्तौला
रतुवामाई- १०, मोरङ हाल- प्रवास
[१५]
पूर्व कामको लेखाजोखा गरेर ठम्याउनु,
यस्तै चाल हो भने कानका लोती समाउनु ।
प्रेम थापा “मन”
बागलुङ
[१६]
साच्चै अब देशको हित खोज्ने भए असल ब्यक्ति छानौ,
लालच देखाई भोट किन्न आउने ब्यापारी लाई हानौ।
शंकर कार्की
थाहा,३ मकवानपुर।
[१७]
मासु रक्सी नोटमा अमुल्य भोट दिनुहुन्न,
जानीजानी आफैं डुब्ने कुनै चोट लिनुहुन्न ।
त्रिलाेचन भण्डारी
मेचीनगर, झापा
[१८]
मन्त्री पद पक्का भए दिउँला नि सबै भोट,
मेरो पाटी त्यागेर आउँछु समाउन नोट ।
अनिल खग्रास
[१९]
सधै भरि फेरि यस्तो मौका आउदैन हजुर,
घुस नखाइ चुनाउ दिनु किन लाग्छ कसुर ।
जि कुमार गौतम
भद्रपुर -१ पृथिविनगर झापा
[२०]
ढिला भयो सुध्रौँ अब त सुधारौँ अरूलाई पनि,
नोट लिई भोट दिनेलाई भाटाले हानौँ गनि-गनि।
अरुण कु.भुजेल
गोरूबथान,कालेबुङ्ग,भारत।
[२१]
समय आउँछ पर्खदैन्
बगेको पानी हो फर्कदैन्।
बुद्धिमान चौधरी
कनकाई नगरपालिका ४ झापा
[२२]
विचार सिद्धान्त उद्देश्य फरक, जनताहरुको दाल गल्दैन।
जुनसुकै पार्टीको होस् जीत, गठबन्धन नगरीकन चल्दैन।१।
कबिताहरी
सुन्दर हरैंचा नगरपालिका १ मोरङ
[२३]
हाच्छिउँ खायौं बाच्छिउँ खायौं भित्रभित्रै छ झुसको छिरलो,
पैसा भएपछि ऐश हुन्छ भोटको हजुर केको पिरलो ।
बेदु न्यौपाने💕 काठमाडौ
[२४]
घरेइघरी झुक्याएर चुनाबी नारा लिएर ,
धोकेबाज आउलान जालान पैसा दिएर !
टिकाराम पुन
छ्त्रेश्वरी २ सल्यान
[२५]
देखाएर नोट फकाएर भोट लिनेले,
के माग्छौ भोट जनतालाई चोट दिनेले ।
महेश तामाङ
बेल्कोटगढी-६,नुवाकोट
[२६]
काँइयोले कोरी चटक्क पारेको कपालु,
बोलीले ठिक्क पार्न जानेको रैछ सिपालु ।
अनुग्रह राना मगर ‘पुष्प’
संखुवासभा हाल मलेसिया
[२७]
उठेकोछु जित्छु ढुक्क दिनुहाेला भाेट,
बदलामा गुप्पचुप्प लिनुहाेला नाेट ।
रामकृष्ण दुवाडी
[२८]
जनताले के नै पाए भोट दिएर,
देशको ढुकुटी रित्यो जाड पिएर ।
जगत थापा
बझाङ
[२९}
त्रिनेत्र पनि खुल्छन् अरे देखेपछि पैसा र नोट
पाए नोट लगाउन्न केही खोट दिइहाल्छु भोट ।
रचना शर्मा प्रतीक्षा
ललितपुर ।
[३०]
चुनाव चाहीँ स्वतन्त्र भएन यहाँ कहिले
कब्जा किनबेच अनि धाँधली भयो जहिले।
रामशरण न्यौपाने
भक्तपुर
[३१]
नेता अनि जनता दुवैको मनमा पस्यो खोट,
लोकतंत्र धमिलो बन्यो जता नोट उतै भोट।
बिके मुखिया
सिग्रीमताम बस्ती, दार्जीलिङ भारत।
[३२]
लोभ लालचमा फसेर नबेच्नु होला भोट,
गनी गनी दिनुपर्छ भष्ट नेतालाई चोट।
राम रावल सागर
कैलाली
[३३]
ठाउँ ठाउँ पैसा बर्षाएर नेता माग्छन् भाेट,
चुनाव जिती उल्टै थप्छन् जनता माथि चाेट ।
सहयात्री शाेभा अर्याल
रुपन्देही १४ बुटवल
[३४]
खै के जादु छ पैसामा मिलेमात्र भोट हाल्नु हुन्छ,
पैसामा भोट बेच्नु हुन्न सत्य कुरा कसले सुन्छ ।
जमुना आचार्य
सिन्धुपाल्चोक
[३५]
रोजगार दिन्छु भन्छन् मोहमा नभुल जनताहरु नोटमा,
घर घर आउछन् पर्चा बाडेर भन्दै पैसा साट है भोटमा।
सुरेखा चाम्लिंग
भक्तपुर
[३६]
विकास गर्छु भन्दै भोट माग्दै गाउँ हिड्नेलाई,
नदिनु साथ जितेपछि आफैँसँग भिड्नेलाई ।
अम्विका अधिकारी
झापा विर्तामोड
[३७]
चुनावी माहोल उच्च भाउ बढाएर आओस्,
मूल्यहीन मान्छेहरूले अमूल्य भोट पाओस्।
होम प्रसाद नेउपाने
धरान,सुनसरी ।
[३८]
आयाे चुनाउ भरिने भयो नेताकाे खल्ती,
साेझाे जनता परे मर्कामा के गर्यौ गल्ती !
रिना योल्मो
दार्जीलिङ
[३९]
नोट जति बटुलेर राखे पकेटमा,
नेता जिल्ल जनताको भोट रकेटमा।
पौडेल विमुन्स 💕
पोखरा कास्की 💕
[४०]
नोटमा बिक्री हुने जमाना गए अब,
आउछन् घर घरमा खेद्नु पर्छ तब।
दुर्गा आचार्य
मोरङ
[४१]
नेताले बाडेका जतिसक्दो नोट,
जित्छन् रे पक्कै उसैले धेरै भोट ।
भगवती दवाडी
[४२]
नेताले त स्वार्थका निमित्त दिन्छन् नाेट,
स्वीकार गरे जीवनभर मिल्छ चाेट ।
प्रद्युम्न चालिसे
भक्तपुर कटुञ्जे
[४३]
फोस्रा भाषणको भरमा त भोट हुन्न हाल्नु,
विकास नगर्ने नेतालाई हुन्न त्यसै पाल्नु ।
तारा घिमिरे
सङ्खुवा सभा
[४४]
पैसामा हेर बिक्ने दिन गए,
सबै जनता अब बुझ्ने भए।
दुर्गा भट्टराई
मोरङ
[४५]
भाेट दिई नाेट लिने आयाे फेरि माैका,
हुनुपर्छ हिस्स भाेलि आजै हानाैँ चाैका।
केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा।
[४६]
चुनावी लहर आयो नोट पनि आयो,
साम, दाम, दण्ड, भेदले संसारै खायो ।
डम्बर थामी ‘अनुपम’
कालिन्चोक गा.पा. -६, दोलखा
[४७]
नाेटसँग भाेट किन्ने याे जमाना ठिक भएन,
ढाँट छल गर्ने बानी नेताकाे कहिल्यै गएन।
नवीन जाेशी
कैलाली ।
✡️✡️✡️✡️ जय टुक्का ! जय साहित्य !! ✡️✡️✡️✡️