“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग भाग: एकसय त्रियानब्बेऔं अभ्यासमा हामी पुगेका छौं। सम्पूर्ण पञ्चाङ्ग स्रष्टाहरुमा अनुरोध छ।
अभ्यास पाठशालाको अभ्यास शृङ्खला दर्ता पछिको भाग :-१९३———-
विधा :- पञ्चाङ्ग
अभ्यास गर्ने स्थान :- पञ्चाङ्ग अभ्यास पाठशाला
मिति:- २०८२/०३/०८
पञ्चाङ्ग वा समपञ्चाङ्ग लेखि बुधबार बेलुका ०९ बजेसम्म पठाउनु हुन अनुरोध छ।
……………………………………….
प्रशिक्षक:-
……………
सोमनाथ लुइटेल
गुणनिधि घिमिरे
सुशीला पौडेल
………………………
भाषा शुद्धीकरण:-
———–
भवानी घिमिरे
पशपती राई
सङ्कलक :-
———-
दुर्गा रिजाल आचार्य
संयोजक:-
पञ्चाङ्ग साहित्य समाज नेपाल
======================
अक्षर सङ्ख्या:- [बराबरी]
अनुप्रास :- आफुखुसी
स्थायी :- अनिवार्य
पञ्चाङ्ग:०१
मिलेर माया र प्रीति गाँसेर जाउँ
दुष्टकाे दुष्ट्याइ सबै मासेर जाउँ
चाेथाले मुखले नपार्नु ठिक्क अब,
तिताे बाेल्नेकाे त्याे बाेली नासेर जाउँ
हातेमालो गर्दै प्रिय हाँसेर जाउँ।
-सुशीला पौडेल
पञ्चाङ्ग:०२
नर र पशुमा प्रकृत कुरा सबै मिल्छ साथी
जीवकाे सद्भाव र प्रेमले संसार खिल्छ साथी
प्रकृति एउटै हुन्छ विश्वमा परिवेश भिन्नै ,
पशुले खाने र नखाने छुट्यएर निल्छ साथी
जस्तै समस्या आए नि सहने दिलछ साथी ।
-प्रद्युम्न चालिसे
भक्तपुर ,कटुञ्जे ।
पञ्चाङ्ग:०३
सपनाले तिमीलाई माग्छ सधैँभरि
रात भरिको निदरि भाग्छ सधैँ भरि
प्रकृति नै दोषी होकि बन्यो मन दोषी ,
किन किन तिम्रो माया लाग्छ सधैँ भरि
अब सम्झनाले सिमा नाग्छ सधैँ भरि।
- दुर्गा आचार्य
मोरङ
पञ्चाङ्ग :०४
हिँड्दैछन् बटुवा उकालाे वनको बाटो भएर हाेला
माटोले सम्झिन्छ सधैं नै पूर्खाको टाटो भएर हाेला
परिचित बाेटबिरुवाले हात हल्लाइ स्वागत गरे,
निर्धक्क हिँड्छन् बटुवा आफ्नो गाउँकाे बाटो भएर हाेला
हरियाली चौर , मुस्कुराएकाे दृश्य पाटाे भएर हाेला ।
भवानी घिमिरे (सद्भावना )
सर्लाही ।
पञ्चाङ्ग:०५
खुसीको बीज छर्दै आऊ
मनका पीडा हर्दै आऊ
डाह गर्नेले गरून् सधैं,
मेरो मायामा पर्दै आऊ
सुखी कामना गर्दै आऊ।
-ह्यारिस
पञ्चाङ्ग-०६
धान दिवस खुब मनाउने चलन छ नेपालमा
किसान बन्न पो अन्कनाउने चलन छ नेपालमा
पछि मङ्सिरमा चामल चाहिँ पारीबाट नै ल्याएर,
देश कृषिप्रधान भनाउने चलन छ नेपालमा
किसानलाई मुर्गा बनाउने चलन छ नेपालमा।
-पशपती राई खोटाङ ।