“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयत्रिचालीसौंमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/०८/०४
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १४४[एकसय चवालिसौंऔं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पौडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]~~~~~
पञ्चाङ्ग:०१
गुलावको फूल झैँ फूल्न मन छ
प्रेमील संसारमा झुल्न मन छ
फूलको संसारमा सदैव रम्नु,
मनको मान्छेसँग खुल्न मन छ
पिरतीका कुरामा डुल्न मन छ।
-सुशीला पौडेल
पञ्चाङ्ग:०२
संसारको भलाइका लागि फूलले धेरै गरेको छ
माटोको काखबाट सुगन्ध संसारभरि छरेको छ
डाँक्लामा काँडा भएपनि राम्रो फूल फुल्ने क्षमताले,
सुन्दरताको सङ्केत दिँदै धेरैको बाधा टरेको छ
संसारमा सारा दुनियाँलाई फूल मन परेको छ ।
✍️अच्युत घिमिरे,
सर्पाङ, भुटान🇧🇹
पञ्चाङ्ग,:०३
भ्रमर भई आउ तिमी रातमा पनि फुली दिन्छु
प्रेमले गोडमेल गरे बागमा सँधै झुली दिन्छु
प्यारसँग सजाईराख कोठा उज्यालो हुन्छ सँधै,
चट्ट पारी शिरमा सिउर सुन्दर भै’ खुली दिन्छु
तिम्रो साथमा जताततै सुगन्ध भइ डुली दिन्छु।
-मल्ल लक्ष्मी श्रेष्ट
मेची किनार
बिर्तामोड झापा
पञ्चाङ्ग :०४
“”””””””
कस्तो जमाना आयो लाज सर्म पचाई खायो प्रभु
नीतिगत निर्णय धर्म कर्म बचाइ खायो प्रभु
प्रकृतिले हराभरा सुन्दर फुलबारी नेपाल,
नेपाली इमानमा मिठाे सर्व कमाइ खायो प्रभु
हाम्रो पुर्खाले सगाैरव गर्व जनाइ खायो प्रभु ।
-प्रधुम्न चालिसे
पञ्चाङ्ग-०५
गुलाफको फूललाई मायाको प्रतीक मान्छ मान्छे
काँडाको डर छैन कोपिला नै निमोठ्नु जान्छ मान्छे
यहाँ प्रेमको नाममा गुलाफकै गरिन्छ व्यापार,
बेचेर बजारमा जसोतसो जिन्दगी धान्छ मान्छे
फूलको हत्या गरी आफूलाई महान ठान्छ मान्छे।
-पशपती राई खोटाङ ।