” म !” गद्यकविता~~
लोभ
र मोह
त्याग गर्न नसक्ने
भौतिकतामा नभई
आध्यात्मिकतामा
विश्वास गर्न नसक्ने
पारिवारिक मोह
त्याग्न नसक्ने
तर उच्च सफलता खोजिरहने
मानवजीवको
यथार्थता बुझ्न नसक्ने
अज्ञानी मान्छे हुँ
म!
महान् व्यक्तिका
जीवनी पढ्ने
तर प्रेरणा लागू गर्न नसक्ने
असक्षम पात्र हुँ
म!
तर पनि सहयोग
र सद्भाव बाँढ्न चाहन्छु
कोही
दु:खी नहोओन् भन्न चाहन्छु
मबाट पनि
लोभमोह
र इर्ष्या हट्न सकेको छैन
अरूलाई शीतलता दिन नसक्ने
समाजलाई
योगदान दिन नसक्ने
एक स्वार्थी मनुवा हुँ
म!
पारिवारिक
मोहको
दल्दलमा चुर्लुम्म डुब्दै
कैयौँ महत्वपूर्ण
लक्ष्यहरू
भुसुक्कै बिर्सेर हिड्ने
मनुवा हुँ
म!
सबैलाई
खुसी देख्न खोज्दा खोज्दै
आफैँ दु:खी बन्न पुगेको
अक्षम्य कल्पना बोकेर हिँड्ने
भावुक मनुष्य हुँ
म!
एक साधारण
गाउँमा जन्मेर
अौपचारिक शिक्षा
स्नातकोत्तर लिएको
तर जीवनको
वास्तविकता बुझ्न नसकेको
एक अज्ञानी मनुष्य हुँ
म!
तर पनि अरूलाई
ज्ञान बाढ्दै हिँडिरहेछु
बुबाका दुई श्रीमती
स्वर्गवास भएर
संयोगले
मेरी आमालाई
तेस्रो विवाहको
रूपमा भित्र्याएर
जन्मिएको मनुष्य हुँ
म!
संयोगले पाएको
यो जीवन
सार्थक होस् भन्न चाहने
तर सार्थकताका लागि
त्याग गर्न नसक्ने
एक बबुरो मनुष्य हुँ
म!
तर मसँग
धेरै मान्छेहरू डराउन खोज्छन्
अनेक जालझेल बुन्न खोज्छन्
त्यो बेला आफूमा
केही कुरा भएको
महसुस गर्ने
एक मनुष्य हुँ
म!
भन्दा गाउँ राम्रो भन्ने
तर बजारमा बसाइँ सरेको
एक मनुष्य हुँ
म!
भनाइ
र गराइमा
एकरूपता ल्याउन नसकेको
आदर्श बाँड्दै हिड्ने
व्यक्ति हुँ
म!
अज्ञानै
अज्ञानताको भुमरीबाट
ज्ञानगुन लिँदै
पछिल्ला दिनहरूमा
विचारमा
परिवर्तन ल्याउँदै गरेको
जीवन बुझ्दै गरेको
दुधे बालक हुँ
म!
मलाई दिव्य ज्ञान
दिनुहोस् प्रभु
अनेलो यात्रामा
हिँड्दै गरेको
एक अनजान यात्री
हुँ म!!
तेजप्रसाद खनाल(भावुक) लमही,दाङ।