पञ्चाङ्ग लेखन अभ्यास शृङ्खला- १०९

“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग भाग:एक सय नौ अभ्यासमा हामी पुगेका छौ। सम्पूर्ण पञ्चाङ्ग स्रष्टाहरुमा पञ्चाङ्ग लेख्नु हुन हार्दिक अनुरोध छ:

अभ्यास पाठशालाको अभ्यास शृङ्खला दर्ता पछिको भाग :-१०९ —————————-

विधा :- पञ्चाङ्ग
अभ्यास गर्ने स्थान :- पञ्चाङ्ग अभ्यास पाठशाला
मिति:- २०८१/०५/०३
यसपटक अभ्यासको दिन जनै पूर्णिमा वा रक्षा बन्धन परेको हुँदा सोही विशेष पञ्चाङ्ग लेखि बुधबार बेलुका ०९ बजेसम्म पठाउनु हुन अनुरोध छ।
……………………………………….
प्रशिक्षक:-
……………
सोमनाथ लुइटेल
गुणनिधि घिमिरे
सुशीला पौडेल

………………………
भाषा शुद्धीकरण:-
———–
पुष्पा सुवेदी नेपाल
भवानी घिमिरे
जमुना आचार्य
पशपती राई

सङ्कलक :-
———-
दुर्गा रिजाल आचार्य

संयोजक:-

सोमनाथ लुइटेल “रवि पाल्पाली” ======================

अक्षर सङ्ख्या:- [बराबरी]
अनुप्रास :- आफुखुसी
स्थायी :- अनिवार्य

पञ्चाङ्ग:०१
हामीले चाडपर्व मान्नु पर्छ।
सबैले परम्परा धान्नु पर्छ।
रक्षा बन्धनको शुभकामना,
कसरी मनाउने जान्नु पर्छ।
पर्व आफ्नै देशकाे छान्नु पर्छ।
सुशीला पाैडेल

पञ्चाङ्ग:०२
तागाधारी जन जति सबै श्रावणी पर्व मान्छन्।
रक्षाबन्धन् सुखद मनले लाउदा गर्व मान्छन्।
ज्ञानी ध्यानी ऋषि जति सबै भावनामा जगाई,
श्रद्धा राख्दै तिल जल दिदै सानले अर्ब मान्छन्।
लेख्दै छाेडे हितकर कुरा शास्त्र ती खर्ब मान्छन्।
ताेयानाथ सुवेदी
२०८१/०५/०३

पञ्चाङ्ग:०३
रक्षा बन्धनले रक्षा गरोस् सबैमा
सुख शान्ति र समृद्धि भरोस् सबैमा।
सम्पूर्णमा शुभकामना छ आजको,
ज्ञानको प्रकाश पूरा छरोस् सबैमा।
दुःख र,पीडा सम्पूर्ण हरोस् सबैमा।
ह्यारिस

पञ्चाङ्ग:०४
पृष्टभूमीको झगडा कत्ति खर्ब रोकेर आयो
यो भाद्र महिना जात्रै जात्रा सर्व चोकेर आयो
ऋषितर्पणी, रक्षाबन्धन या त जनै पूर्णीमा
अमूल्य सम्बन्धको प्रतीक पर्व तोकेर आयो
विश्वास र दायित्वको मुख्य गर्व बोकेर आयो ।

✍️अच्युत घिमिरे, सर्पाङ, भुटान🇧🇹

पञ्चाङ्ग:०५
जनैपूणिर्माको महत्त्व खास हुन्छ
प्राय यो पर्व हाम्रो भाद्र मास हुन्छ,
परम्परा,संस्कृतिमा छ बिबिधता,
राम्रो संस्कारमा ईश्वर बास हुन्छ,
कर्ममा केही त प्राप्तको आस हुन्छ।
शोभा आचार्य गौतम
काठमाडौँ

पञ्चाङ्ग:०६
पर्वको आफ्नै विशेषता छ मनाउन हामीले जान्नु पर्छ
चाडले देखासिखी नगरि परम्परालाई धान्नु पर्छ
हरेक चाडपर्वको छ अर्थ किन डुब्नु ऋणमा व्यर्थ
दशैंमा टिका जमरा लाउने हो तिहारमा फूलमाला
जनैपूणिर्माको दिन दाइने हातमा डोरो बान्नु पर्छ
चाडपर्वलाई हामीले समाजको दर्शन ठान्नु पर्छ।
-पशपती राई खोटाङ ।

पञ्चाङ्ग:०७
तागाधारीहरूको महत्त्वपूर्ण पर्व यही हो
हिन्दु हुनुमा सबैलाई भएको गर्व यही हो
जनैपूर्णिमामा जनै र तागो लगाउनु पर्छ
तयारी जनैधागोमा रमाउँछन् सर्व यही हो
भारतका राखी बिक्छन् खर्बाैँ खर्व यही हो ।

श्रीकृष्ण शर्मा पोखरा –५, मालेपाटन