कृतिकार: सुरेशकुमार पाण्डे
समीक्षक: डा.शंकरप्रसाद गैरे
‘जेईकाे सम्झना’ लघुकथासङ्ग्रह वि. सं २०८० फागुनमा प्रकाशित कृति हो । यसका लेखक सुरेशकुमार पाण्डे साक्षर व्यक्ति हुन् । यद्यपि लामाे समय भारतमा पेशा गरेका पाण्डेले साहित्य साधनामा लामै समय व्यतित गरेको देखिन्छ ।
लघुकथा, कविता, गजल आदि विधामा कलम चलाउँदै आएका पाण्डेका दुईवटा गजलसङ्ग्रह प्रकाशित छन् भने सन् २०२१ मा ‘अनुभव’ नामक हिन्दी भाषाको लघुकथासङ्ग्रह प्रकाशित छ ।
‘जेईकाे सम्झना’ नेपाली भाषामा लेखिएको उनको पहिलाे लघुकथासङ्ग्रह हाे । दाङ जिल्लाको घाेराही उपमहानगरपालिकामा बस्दै आएका पाण्डेले आफ्नो कृतिकाे नाम स्थानीय बाेलीकाे प्रचलित शब्दबाट राखेका छन् । जसमा जेईको अर्थ आमा हुन्छ ।
कृतिको बाह्रौँ क्रममा यही शीर्षकको लघुकथा समाविष्ट छ, जसमा आमाप्रति अगाध श्रद्धा गर्ने छाेराकाे आमाप्रतिकाे आस्थालाई प्रस्तुत गरिएको छ । प्रस्तुत कृतिको नाम ‘जेईकाे सम्झना’ रहनुमा त्यही शीर्षकको एउटा कथामात्र आधार नभएर सङ्ग्रहभित्र आमालाई विषय बनाइएका थुप्रै लघुकथा समावेश हुनुले शीर्षक सार्थक भएको देखिन्छ ।
लेखक पाण्डेले कतै आदर्श आमाका कथा प्रस्तुत गरेका छन् भने कतै व्यक्तिगत स्वार्थ र सुखसुविधाका लागि सन्तानको हत्यासम्म गर्ने स्वार्थी ममताहीन आमाका कथा पनि प्रस्तुत गरेका छन् । जसरी आमाका आदर्श रूपका साथै कुरूप रूपको प्रस्तुति यिनका लघुकथामा पाइन्छ त्यसैगरी छाेरा वा सन्तानका पनि आदर्श र कुरूप स्वार्थी रूप यिनका लघुकथामा पाइन्छ । यसबाट पाण्डेले परिवार र समाजका एकपक्षकाे नभएर बहुपक्षकाे प्रस्तुति गरेकाे पाइन्छ ।
पाण्डेले सङ्ग्रहमा समावेश अत्यधिक रचनामा आमालाई केन्द्रीय विषय बनाएको भए पनि अन्य विविध विषयलाई समेत प्रस्तुत गरेका छन् ।
वेश्याको समाजसेवी रूप र भूमिका, जातीय विभेद गलत हो भन्ने तर आफूले अवलम्बन नगर्ने आडम्बरी प्रवृत्ति, बालश्रम बन्द गर्दा श्रमिक बालकको समस्या, आदर्श तथा स्वार्थी लोग्ने, डाक्टरको लापरबाही, वैदेशिक रोजगारीमा जानेका विविध समस्या, भविष्यवाणीका नाममा ठगी धन्दा चलाउनेहरू, आफन्त बनेर झुक्याउने चोर, जोगी बनेर बालबच्चा चोरी गर्ने, घुसखोर कर्मचारी, पशुप्रेम, ऋण लिएर नतिर्ने आफन्त, मित्रता, जुवाको लत, रक्सीको लत, पर्वलाई भड्किलो बनाउन नहुने सन्देश यिनका लघुकथामा प्रस्तुत भएको छ ।
सरल भाव र भाषाशैलीको प्रयोग गरेर सामाजिक चेतनामूलक लघुकथा लेख्न मन पराउने पाण्डे कुशल लघुकथा शिल्पी हुन् । उनको कुशल लेखनको परिचय दिने लघुकथासङ्ग्रहका रूपमा जेईको सम्झना प्रस्तुत भएको छ ।
Magnificent beat I would like to apprentice while you amend your site how can i subscribe for a blog web site The account helped me a acceptable deal I had been a little bit acquainted of this your broadcast offered bright clear idea
I do trust all the ideas youve presented in your post They are really convincing and will definitely work Nonetheless the posts are too short for newbies May just you please lengthen them a bit from next time Thank you for the post