“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग भाग:एक सय दुई अभ्यासमा हामी पुगेका छौ। सम्पूर्ण पञ्चाङ्ग स्रष्टाहरुमा पञ्चाङ्ग लेख्नु हुन् हार्दिक अनुरोध छ:
अभ्यास पाठशालाको अभ्यास शृङ्खला दर्ता पछिको भाग :-१०२ ——————————-
विधा :- पञ्चाङ्ग
अभ्यास गर्ने स्थान :- पञ्चाङ्ग अभ्यास पाठशाला
मिति:- २०८१/०३/१७
बुधबार बेलुका ०९ बजेसम्म पञ्चाङ्ग वा समपञ्चाङ्ग पठाउनु हुन अनुरोध छ।
……………………………………….
प्रशिक्षक:-
……………
सोमनाथ लुइटेल
गुणनिधि घिमिरे
सुशीला पौडेल
………………………
भाषा शुद्धीकरण:-
———–
पुष्पा सुवेदी नेपाल
भवानी घिमिरे
जमुना आचार्य
पशपती राई
सङ्कलक :-
———-
दुर्गा रिजाल आचार्य
संयोजक:-
सोमनाथ लुइटेल “रवि पाल्पाली” ======================
अक्षर सङ्ख्या:- [बराबरी]
अनुप्रास :- आफुखुसी
स्थायी :- अनिवार्य
पञ्चाङ्ग:०१
प्रेमको बिज रोपौं मिलेर हामी।
दुश्मनलाई घोपौ मिलेर हामी।
हँसाउने भन्दा रुवाउने धेरै छन्,
यस्ता सदैव छोपौ मिलेर हामी।
खडलतिर चौपौ मिलेर हामी।
सुशीला पाैडेल
पञ्चाङ्ग:०२
समयले स्वार्थी दुनियाँलाई नजिकैबाट चिनाएको छ।
अवसरवादीको नकाव नजिकैबाट पिनाएको छ।
समय चर्खा हो घुमीफिरी सबको पालो पक्कै आउँछ,
बुझ यो एक खेल हो अघिपछि सबलाई हिनाएको छ
रङ्गमञ्चको नाटक देखाएर सबैलाई किनाएको छ ।
भूमिका गैरे, तिमिल्सिना
गैंडाकोट ४, नवलपुर
पञ्चाङ्ग:०३
वेदना बोक्ने मुटुमा घाऊ पारेर जानेले
सम्बन्ध बिर्सि लाएको माया मारेर जानेले
रुवायो आज यो संसार सारा दुःखी बनाइ
भगवान् साक्षी गरेको वाचा हारेर जानेले
जिन्दगीसँग बेवास्ता गरि टारेर जानेले।
✍️ अच्युत घिमिरे, सर्पाङ, भुटान 🇧🇹
.पञ्चाङ्ग:०४
फलाममा फलामकाे चाेट हुनुपर्छ
अलिकति भावना विष्फोट हुनुपर्छ
मनले चाहे नहुने कुरा के नै छ र ,
गर्छु भन्ने आफैमा अठाेट हुनुपर्छ
दाेषी बन्न त एउटा खाेट हुनुपर्छ ।
सूर्य गिरी पाेखरा ।।
पञ्चाङ्ग:०५
कस्तो राम्रो के नराम्रो चुन्न सकिँदैन
आपसी सद्भाव कहिले बुन्न सकिँदैन
कमजोरले पाएको छैन स्वतन्त्रता
बोल्ने बोलकै छन् मुख थुन्न सकिँदैन
हामीले राम्रो विचार गुन्न सकिँदैन।
✍️सोमनाथ लुइटेल “रवि पाल्पाली” पाल्पा ।
पञ्चाङ्ग:०६
आज यता भोलि उता बाधिन्छ जोडी, देश जहिल्यै निराश
को कहिले कता जान्छ सम्झौता तोडी, देश जहिल्यै निराश
जनताले कुरा बुझे शान्ति आउने थियो होला महोदय
मौसम बदल्न बिजुली चम्क्यो मोडी, देश जहिल्यै निराश
धेरै छ धोका अनि व्यवहार छोडी, देश जहिल्यै निराश
अम्बिका अधिकारी
झापा बिर्तामोड
पञ्चाङ्ग:०७
अक्षर-१५
हुदैनन् रे सबै आफ्ना पीरमा नारी देलान् ,
तिम्रो इज्जत लुटि लुटि सिरै झारी देलान्।
मागे भने फोटो चित्र नदिनु कसैलाई ,
तिनै फोटा र चित्रलाई नाङ्गो पारि देलान्
अनि आइडि ह्यक गरि अन्तै सारि देलान्
दुर्गा आचार्य
मोरङ
पञ्चाङ्ग:०८
जाउ भन्दा मान्ने भए तिम्रो मायालाई मैले जाउ भन्थें
यो बर्खाको मासमा गएर आफ्नै गैरीखेत साउ भन्थें
मैले भनेको यति सजिलै किन मान्थ्यो र तिम्रो मायाले
नत्र मन्त्र जपेरै दिन्थें ओखती नचबाइ खाउ भन्थें
अनि त अरुको पछि नलाग मेरै नजिक आउ भन्थें
-पशपती राई खोटाङ ।
पञ्चाङ्ग:०९
अनगिन्ती सपना बोकेर यहाँ।
माया प्रेम दिलमा तोकेर यहाँ।
प्रेमील संसार सजाउनु पर्छ,
आफ्नाे प्याराे मायालु रोकेर यहाँ।
बनाउनुछ छाती ठाेकेर यहाँ।
ह्यारिस
पञ्चाङ्ग:१०
कार्य सम्पन्न हुँदैन मात्र बोलेर किन?
जुठो मात्रै त पार्ने रहेछ घोलेर किन?
जीवनमा पर्ने समयको घामछाया सधैं
देखायौ दुनियाँलाई लुगा खोलेर किन?
सत्य कुरामा मिसायौ झुठो मोलेर किन?
कार्की डिबी माकुम
सुनवल-४, नवलपरासी
पञ्चाङ्ग:११
चारैतिर वर्षा आयो आजभोलि।
खेतबारी बाली खायो आजभोलि।
देशै भरि बाढी पैरों झरेको छ,
मानिसमा डर छायो आजभोलि।
गैरिखेतले के पायो आजभोलि
बेदु न्यौपाने