साप्ताहिक पञ्चाङ्ग भाग- ७८

“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग भाग: अठहत्तराैंमा हामी पुगेका छौ। सम्पूर्ण पञ्चाङ्ग स्रष्टाहरुमा पञ्चाङ्ग लेख्नु हुन् हार्दिक अनुरोध छ:
अभ्यास पाठशालाको अभ्यास शृङ्खला दर्ता पछिको भाग :-७८ ——————————-

विधा :- पञ्चाङ्ग
अभ्यास गर्ने स्थान :- पञ्चाङ्ग अभ्यास पाठशाला
मिति:- २०८०/१०/०१गते
बुधबार बेलुका ०९ बजेसम्म पञ्चाङ्ग वा समपञ्चाङ्ग पठाउनु हुन् अनुरोध छ।
……………………………………….

प्रशिक्षक:-
……………
गुणनिधि घिमिरे
घनश्याम पौडेल
तोयानाथ सुवेदी
………………………
भाषा शुद्धीकरण:-
———–
जमुना आचार्य
भवानी घिमिरे
पुष्पा नेपाल सुवेदी

सङ्कलक :-
———-
दुर्गा रिजाल आचार्य

संयोजक:-

सोमनाथ लुइटेल “रवि पाल्पाली” ======================

अक्षर सङ्ख्या:- [बराबरी]
अनुप्रास :- आफुखुसी
स्थायी :- अनिवार्य

पञ्चाङ्ग:०१
पीडामा पनि जिएको देख्ने को छ र?
मनले आँसु पिएको देख्ने को छ र?
जिन्दगीमा के छ आशा अनि भराेसा,
मायाले राम्रो दिएको देख्ने को छ र?
अरूले खुशी लिएकाे देख्ने काे छ र?
सुशीला पाैडेल

पञ्चाङ्ग:०२
ठण्डीकाे महिना हुँदा घाम हरायाे ।
फुस्स जाने दिन हुँदा काम हरायाे ।
आकाशकाे हुस्सुले पार्याे आच्छुआच्छु,
अधिक जाडाेमा गर्मी नाम हरायाे ।
रुमलिँएर कागकाे ठाम हरायाे ।
भवानी घिमिरे
सर्लाही ।

पञ्चाङ्ग:०३
रोगलाई जितेर आउँदै छु म।
खुशी र हर्षतिर धाउँदै छु म।
पीडा वेदना भुल्न अक्षर कोर्छु,
मेरो नयाँ जीवन पाउँदै छु म।
जिन्दगीकाे कथामा छाउँदै छु म।
ह्यारिस

पञ्चाङ्ग:०४

आवाज उठाउँदा कुरा नै काटे जस्तो लाग्छ।
राम्ररी बोल्दाखेरि यहाँ त चाटे जस्तो लाग्छ।
मायाले चाट्नु पर्ने हो अभिशप्त हुँदै गएँ,
नरुचाएपछि बोली पनि फाटे जस्तो लाग्छ।
झुपडीमा झुन्डिन डोरि नै बाटे जस्तो लाग्छ।

✍️सोमनाथ लुइटेल “रवि पाल्पाली”

पञ्चाङ्ग:०५
महिना अर्कै फेरियो आज।
माघीको पर्व हेरियो आज।
घरैमा बसी नेट नेटैमा।
मीठा खानाले घेरियो आज।
सञ्जालभरि बेरियो आज।

पञ्चाङ्ग:०६
नेपाल आमाको व्यथा त मात्र कथामा पो लेखिन्छ अचेल।
छोरो भने युरोप कि त अमेरिका तिरै भेटिन्छ अचेल।
आफ्नै देशको सगरमाथा चढ्छु भन्ने त्यो सपनाको पनि,
चाहानाहरु उज्यालो नै पो हुन नपाइ फेरिन्छ अचेल।
माया पनि कति छिटो हो,पैसाकै बोटमा जेलिन्छ अचेल।
-पशपती राई खोटाङ ।
घनश्याम पौडेल, पोखरा

पञ्चाङ्ग:०७
यो चिसो माघको जाडो टसरले छेक्दैन।
सुर्यको किरणलाई पसरले छेक्दैन
हेमन्त ऋतु सकियो चिसो झन बढ्दो छ,
दिउँसो घाम चिसोको असरले छेक्दैन।
मुस्कानलाई मनको कसरले छेक्दैन।
शोभा आचार्य गौतम
काठमाडौँ

ॐ

पञ्चाङ्ग:०८

मनकाे अहंकारलाई झिकेर फाल तिमी ।
मस्तिष्ककाे बिकारलाई झिकेर बाल तिमी ।
अनन्त जीवन सबैकाे बन्ने खरानी रै छ,
सद्भाव साथ प्रेमलाई झिकेर पाल तिमी ।
अन्याय अत्याचार खुडा झिकेर ढाल तिमी ।
प्रधुम्न चालिसे
भक्तपुर , कटुन्जे ।

पञ्चाङ्ग:०९

नेपाली मन नेपालीपन र नेपाली पाराले भन्छु म।
पर्देशमा दुःख गरेर धन ल्याउँछन् साराले भन्छु म।
घरमा बालबच्चा पत्नी आमा बावु छाडेर परिवार,
दुःखसुख त हेर्दैन होला आकासको ताराले भन्छु म।
दिएन काम स्वदेश बसी सडकको नाराले भन्छु म ॥

         गुणनिधि घिमिरे अमेरिका