काठमाडाैँ,
अपाङ्गमैत्री समाजकाे आव्हान गर्दै टुक्का साहित्य समाजकाे आयाेजना २०८० मङ्सिर १५ गते टुक्का कविता लेखन श्रृङ्खला १०२ सम्पन्न भएकाे छ ।
टुक्का साहित्य समाजका अध्यक्ष ताराप्रसाद चापागाईँकाे संयाेजकत्वमा सञ्चालन भएकाे उक्त कार्यक्रममा नेपाल, भारत लगायत विश्वका विभिन्न स्थानबाट ६५ जना टुक्काकारहरूकाे सहभागिता रहेकाे थियाे । भर्च्युअल माध्यमबाट सञ्चालन भएकाे उक्त कार्यक्रमकाे प्रशिक्षण अध्यक्ष चापागाईँले नै गर्नु भएकाे थियाे भने सहभागीहरूले “अपाङ्गमैत्री समाज” भन्ने विषयमा केन्द्रित भई सुन्दर टुक्का कविताहरू सिर्जना गरेकाे थिए ।
टुक्का साहित्य समाजले विशेष अवसरहरूमा विशेष टुक्का कविता लेखन कार्यक्रमहरू सञ्चालन गर्नुकाे साथै अन्य विभिन्न किसिमका नियमित अभ्यासका कार्यक्रम तथा नियमित प्रशिक्षणहरू समेत सञ्चालन गर्दै आएकाे छ ।
कार्यक्रमकाे समापन गर्दै अध्यक्ष/ प्रशिक्षक चापागाईँले
अपाङ्गता भएका व्यक्तिहरुको हक अधिकारका सवालहरुलाई विश्वव्यापी रुपमा उजागर गर्न सन् १९९२ देखि संयुक्त राष्ट्रसंघको आह्वानमा हरेक वर्ष ३ डिसेम्बरका दिन संसारभर विभिन्न कार्यक्रम, गाेष्ठी तथा र्यालीहरू गरेर मनाइने गरिन्छ। याे वर्ष ३२ औँ अन्तर्राष्ट्रिय अपाङ्ग दिवस हाे । हामी सबै समान हाै अपाङ्गताकाे आधारमा भेदभाव हैन उनिहरूलाई माया गरेर अपाङ्गमैत्री समाजकाे स्थापनाकाे लागि हामी सबैले हाम्राे समाजलाई सुसूचित र जागरुक गराउनु पर्छ भन्दै कार्यक्रममा सहभागी भएर सुन्दर टुक्का कविताहरू सिर्जना गर्ने सम्पूर्णलाई धन्यवाद व्यक्त गर्नु भएकाे थियाे ।
उक्त कार्यक्रममा सङ्कलन गरिएका केही टुक्का कविताहरू
[१]
१.
अपाङ्गलाई घृणा हैन सीप सिकाई सबल बनाऊँ
अपाङ्गमैत्री समाज बनाई अपाङ्ग दिवस मनाऊँ ।
२.
सेवाभाव जगाउनु पर्छ असल बाटाे चुन्न
सहयाेग गराैँ, अपाङ्गलाई हेँला गर्नु हुन्न ।
✍️ ताराप्रसाद चापागाईँ
धुनिबेसी
[२]
१.
अपाङ्गमा घृणा हैन सद्भावी सीप सिकाउँदै अघि बढाउँ
अपाङ्गमैत्री निर्माण गरौँ सबैले अपाङ्ग दिवस मनाउँ ।
२.
अपाङ्गहरूलाई हामी घृणाको पात्र नबनाउँ
सद्भाव राखेर समजमा सबल मान्छे जनाउँ।
✍️ बेदु न्यौपाने
काठमाडौँ
[३]
१.
असक्षम हुनु दोष उसको होइन, जो छ अपाङ्ग
घृणाको पात्र त्यो जसले गाली गर्छ भएर सपाङ्ग ।
२.
अपाङ्गको पनि मन हुन्छ, बुझाैँ उनीहरूको भावनालाई
सकेसम्म पूरा गरॅौ है, उनीहरूका मनका चाहनालाई ।
✍️ राजेशराज गड्तौला
कॅाडाघारी, काठमाण्डौँ
[४]
१.
अपाङ्ग हुन् झमक पनि साहित्यकी तारा
उनको कला देखेर छक्क संसार सारा ।
२.
अपाङ्ग हुन् अनेक थरी प्रतिभाका खानी
दृष्टि विहीन मेनका पौडेल गायनकी रानी ।
✍️ इन्दिरा देवकोटा
कपिलवस्तु न पा ३, आनन्दवाग
[५]
१.
समयको खेल हो अपाङ्गता हुने
अपाङ्ग भएँ भनि अब किन रुने ।
२.
अपाङ्गता हुनेले नि अब्बल गर्छन् काम
अपाङ्गलाई मौका दिन लागौँ अब लाम ।
✍️ रचना मोक्तान ” यात्री”
नमोबुद्ध न. पा.-५, काभ्रे ।
[६]
१
अपाङ्ग भनेर नहेप सपाङ्ग भन्दा सबल हुन्छ धेर
नपत्याए संगीत तताई रहेकी मेनका पौडेल हेर ।
२
दया होइन अवसर देउ उ भित्रको ज्ञान लेउ
अपाङ्गता दोष होइन यो सृष्टिको भुल बुझिदेउ ।
✍️ ध्रुव श्रेष्ठ
खोटाङ, हाल काठमाडौँ ।
[७]
१.
अपाङ्ग हुन् भनि गर्नहुन्न हेला
परिएला है फेरी भावीकाे फेला।
२.
अपाङ्ग भन्ने हाेइन अपाङ्गता भएका व्यक्ति भन
हिड्न बाेल्न नसके पनि तिम्रो जस्तै छ उनकाे मन।
✍️ भवानी पाेखरेल( बाबू विराज)
बाणगङ्गा १ चार नम्बर, कपिलवस्तु
[८]
१.
अपाङ्गलाई घृणा होइन मान सम्मान गर्नुपर्छ
जति घृणा गरे पनि त सबै एकदिन मर्नुपर्छ ।
२.
दया होइन अपाङ्गलाई दिने गरौँ अवसर
क्षमता हेरी ठाउँ दिए बन्न सक्छन् आत्मनिर्भर ।
✍️ बाबुराम पाण्डे
अर्घाखाँची
[९]
१.
अपाङ्गलाई घृणा होइन ज्ञान सीप सिकाई सम्मान गरौँ
अपाङ्गमैत्री निर्माण गरि अपाङ्ग दिवसको सन्देश छरौँ ।
२.
सपाङ्ग भन्दा कम छैन अपाङ्गकाे सिर्जना पनि हेर
अवसर पाए देशको मुहार फेर्न सक्छ एक फेर ।
✍️ राज कुमार राजभण्डारी “खाेटाङ्गे”
मध्यपुर ठिमी ५ संगम काेलाेनी भक्तपुर ।
[१०]
अपाङ्गलाई नहेपौँ उनी प्रेरणाका साथी
उनी प्रतिभाशाली हुन्छन् अरू भन्दा नि माथि ।
✍️ भगवती दवाडी
झापा
[११]
१.
अपाङ्ग असहायहरूकाे आत्मसम्मान गर्ने गरौँ
सदा सर्वदा उनीहरुको दिलमा साचो कुरा भरौँ ।
२.
आकाश झै अटल सागर सरि सरलता मिल्ने हुन्छन्
विभिन्न जिल्लाहरुमा प्रगति गर्नेहरुले मन छुन्छन् ।
✍️ अम्बिका अधिकारी
झापा बिर्तामोड
[१२]
१.
अपाङ्गता भएका व्यक्तिलाई गर्नु हुन्न हेला
आफू पनि हुन सकिन्छ अपाङ्ग त कुनै बेला।
२.
आपाङ्ग महिला पनि यही देशका हुन् नारी
त्यसैले त यस्ता व्यक्तिलाई नसम्झनु भारी।
✍️ कल्पना भण्डारी
सिन्धुपाल्चोक हाल काठमाडौंँ
[१३]
१.
घृणा र तिरस्कार भन्दा उनीहरूलाई माया गरौँ
एकदिन होइन अपाङ्ग दिवस सधैँ लागि परौँ ।
२.
गई सबै जना सहभागीता जनाऊँ
घर विद्यालय अपाङ्ग मैत्री बनाऊँ ।
✍️ हिमा आर सी
मेहेलकुना सुर्खेत
[१४]
१.
स्वावलम्बनको पाठ पढाऊँ सबल अबललाई
सहयोग र मित्रता गरौँ दिदी बहिनी दाजुभाई ।
२.
अपाङ्ग भएको कोही खोज्दैन आफ्नो रहरले
गाह्रो भएको हुन्छ उनको जीवन कहरले ।
✍️ गुणनिधि घिमिरे
अमेरिका
[१५].
अपाङ्ग पनि आखिर मानिस हुन भन्ने दिमागमा भरी
सकेको सद्बभावना बाँडौं तिनलाई खिसिट्युरी नगरी।
२.
अवसर पाउॅंदा देखिन्छ हर कुरा गर्न सक्ने सामना
विश्व अपाङ्ग दिवशको सबैमा छ हार्दिक शुभकामना।
✍️ अर्जुन प्रसाद चौलागाई
रामेछापः-सुनापति-१,
हालः-अमेरिका,बोस्टन।
[१६]
१.
सबैलाई शिक्षाको व्यवस्था गराऊ
असक्तलाई पनि मिलेर पढाऊ ।
२.
सबैलाई समान गरौँ
मनले मनलाई भरौँ।
✍️ नीमा छिरिङ भोटिया
जलढका कालेबुङ
[१७]
अपाङ्ग प्रतिभाशाली हुन् धेरै गुणका खानी
अवसर दिए यिनै देशका अब्बल रानी ।
✍️ कमला देवकोटा
पाल्पा
[१८]
१.
शारीरिक अपाङ्ग भएपनि बौद्धिकतामा अब्बल
खुट्टाले लेखेर ख्याति कमाए सपाङ्ग भन्दा डब्बल ।
२.
गर्मीमा छाँया अपाङ्गलाई माया हुनै पर्दछ
साहारा पाए विश्वमा ज्ञानको ज्योति छर्दछ।
✍️ अम्बिका गिरी
बिराटनगर
[१९]
१,
समान व्यवहार गरौ समाजमा अपाङ्ग मान्छेलाई
डाक्टर पाइलट बन्न सक्छ,सीप सिकाउँ जान्नेलाई।
२,
सद्भाव राखि अघि बढाउँ, विश्वमा हाम्रो समाजलाई
अपाङ्ग मैत्री निर्माण गरौ, छरछिमेकी अजानलाई।
✍️ एवाइ प्रभात
धनकुटा
[२०]
१.
अपाङ्गलाई हेला होइन कि हौसला प्रदान गरौँ
अपाङ्गमैत्री समाज बनाउन एकजुट भै सरौँ।
२.
अवसर पाए अपाङ्गले उत्तम काम गर्छ
मुलुकको हितका लागि रचनात्मक भै सर्छ।
✍️ अजय दनुवार
धनगढीमाई न.पा.-४, जयपुर, सिराहा
[२१]
१.
अपाङ्गका निरासपनलाई हौसला भरौँ
प्रेमभाव जगाउन तिनलाई सहयोग गरौँ।
२.
आदर गरौँ, मान गरौँ, अपाङ्गको साथमा
मानवीय आचरण भरौँ तिनको गाथमा ।
✍️ होम प्रसाद नेउपाने
धरान, सुनसरी ।
[२२]
१.
अपाङ्ग हुन् बाहिर हेर्दा ती त हुन्छन् सृजनाका खानी
सपाङ्गका बनेका छन् गुरु कति सम्मान गराैँ जानी ।
२.
जसलाई कमजोर ठान्छाैं ती कर्मले बनेका छन् नामी
तिनीहरू पूज्य ईश्वरीय अंश हुन् सम्मान गराैँ हामी ।
✍️ रामप्रसाद पुरी
बादेल, खाेटाङ ।
[२३]
१.
अपाङ्गता त दोष होइन सम्मान गरौँ
फरक क्षमता भएकालाई खुसी भरौँ ।
२.
सहयोग दया ममता अपाङ्गले जब पाउँछ
तब अवसरले नै हौसलाको बहार आउँछ ।
✍️ प्रेम थापा “मन”
बागलुङ
[२४]
सिर्जनशील हात छन् उनका पनि
पाएमा अवसर, बन्न सक्छन् धनी ।
✍️ नागेन्द्रप्रसाद यादव
दाङ
[२५]
१.
हामीमाथि अहो मित्र कठोर नबनीदिनु
क्षमता भिन्नछन् हाम्रा अपाङ्ग नभनीदिनु।
२.
अपाङ्ग कसरी हामीमा क्षमता भिन्न हो भन
सवल छौँ काममा हामी आऊ मित्र तिमी बन ।
✍️ रामजी लामिछाने
पोखरा।
[२६]
१.
विलक्षण हुन्छन् अपाङ्ग पनि अवसर र संरक्षण पाए
विद्यालयमा अब अपाङ्गता रम्थे हेर सम शिक्षण आए।
२.
अपाङ्ग दिवस चियापान गरि कार्यक्रमले हुँदैन
पारिवारिक माया, संरक्षण दिए मन उस्को रुँदैन।
✍️ इन्दु श्रेष्ठ
चितवन
[२७]
१.
आजै देखि सबै मिलि ऎक्यबद्धता जनाउँ
पूर्वाधार कार्य गर्दा अपाङ्गमैत्री बनाउँ ।
२.
अशक्त र अपाङ्ग प्रति माया सद्भाव छरि
प्रेरणा दिउँ सदा यिनलाई स्नेहले भरि ।
✍️ इमानसिंह के.सी.
काठमाडाैँ
[२८]
१.
अपाङ्गलाई हेला नगरौँ छु भनेर आफू साङ्ग
अवसर पाए सबल बन्छन् जस्तोसुकै अपाङ्ग ।
२.
अपाङ्गलाई हेला होइन सधैँभरि माया गरौँ
अपाङ्गमैत्री समाज बनाई आत्मसम्मान भरौँ ।
✍️ बाबुराम गौतम
गुल्मी
[२९]
१.
जरुरी के छ अपाङ्गलाई बुझ्नुपर्छ साँचो
दया र भिखको हैन अवसरको छ खाँचो ।
२.
अपाङ्ग भनि कहिल्यै नि विभेद गर्नुहुन्न
वास्तवमा के चाहन्छ्न् उनी सक्नुपर्छ सुन्न ।
✍️ वसन्त अनुभव
घोराही उपमहानगरपालिका १४, दाङ
[३०]
१.
अपाङ्गलाई माया गरे फुल्छ तिनको छाती
माया गर्ने मान्छे जति लाग्छ तिनलाई जाति ।
२.
हेला होइन अपाङ्गलाई सिकौँ माया गर्न
मायाले जागृत गर्छ तिनलाई अघि सर्न ।
✍️ बिके माकजू
भक्तपुर ।
[३१]
१.
सम्मान गरौँ सहयोग गरौँ गरौँ मेलमिलाप
जसले गर्दछ अपमान मिल्दछ है अभिशाप।
२.
अष्टावक्रको जिवनी पढौँ मनन गरौँ इतिहास
सबै मानव समान हुन् हुन्न पराय अनि खास।
✍️ समुद्र
जल्जला ७ गण्डकी
[३२]
१.
अपाङ्गता भित्र पनि हुन्छ वौद्धिकताको साँचो
सहयोग र माया सँगै छ अवसरको खाँचो।
२.
सपाङ्ग र अपाङ्ग बीचमा गर्न हुन्न भेद
अवसर पाए तिन्ले पनि पढ्न सक्छन् वेद ।
✍️ विवश पारदर्शी
झापा
[३३]
१.
अपाङ्ग पनि हुनसक्छन् प्रतिभाशाली
नहेपौँ उनीहरूलाई कुदृष्टि फाली ।
२.
अपाङ्ग पनि हुन यहीँ देशका नागरिक
हरेक काममा हुन्छन् नि उनीहरू सरिक।
✍️ शोभा आचार्य गौतम
काठमाडौँ
[३४]
१.
सबैसँग मैत्रीभाव गर्नुपर्छ आज
अपाङ्गलाई हेला गरे हुन्छ है लाज।
२.
सग्लो शरीर हुनेले गर्नु सेवा
सेवा गरे भन्छन् मिल्छ अरे मेवा।
✍️ सहयात्री शोभा अर्याल
बुटवल, रुपन्देही
[३५]
१.
नबनाऔँ अपाङ्गतालाई अन्धताको सिकार
पाल्नु हुन्न फाल्नु हाँगाबिँगा रूढिवादी विकार ।
२.
दुर्बलता देख्दा साथ दिनु त्यही हो महानता
मानवीय व्यवहार गरि ल्याऔँ है समानता ।
✍️ कृष्णकुमार वैद्य
बनेपा ९, काभ्रे
[३६]
१.
उ पनि मानव नै हुन् हेला नगरौँ अपाङ्ग भनेर
हातेमालो गर्दै जाऔं थपिएको अङ्क जस्तै बनेर ।
२.
मित्रता नै बलियो हो अझै गहिरो होस् सम्बन्ध हाम्रो
दुनियाले भन्नेछ आहा! क्या सुनखरी फुल झैँ राम्रो ।
✍️ अनुग्रह राना मगर ‘पुष्प’
पाँचखपन नपा – ६ संखुवासभा ।
[३७]
गरौँ सम्मान, गरौँ माया अपाङ्गलाई
खुसी हुन्छन् हाम्रो साथ सहयोग पाई ।
✍️ बुद्धिमान दनुवार ( सुरुङ्गेली कान्छो )
कनकाई ४ झापा
[३८]
असक्तलाई नहेपौँ हुन्छन् गुणका खानी
आदर गरौँ है प्रतिभाशाली हुन जानी ।
✍️ दुर्गा भट्टराई
मोरङ
[३९]
१.
अपांगहरुलाई माया गरौँ चसक्क न भनौँ
सके गरौँ सहयोग सबैले निर्दयी नबनौँ ।
२.
व्यवहार राम्रो गरेर उनको लागाैँ घाउ भर्न
बाटो उहीँ हो हामी सबैको पर्छ एकदिन मर्न।
✍️ सञ्जना शर्मा
लमही दाङ ।
[४०]
१.
तिमी सबल हौ भन्ने उदाहरण छन् साथी
झमक, स्टीफन भन्दा आज को नै छ र माथी ?
२.
अपाङ्गको दर्जा दिई अब तल राख्ने हैन
सर्वव्यापी रुपले हेर्दा कोही फरक छैन ।
✍️ धनुष न्यौपाने
गुठीचौर गाउँपालिका ०४, बिगारे जुम्ला
[४१]
१.
क्षमतामा कमी हुन्नन् तिनमा पनि
तिरस्कार नगरौँ अपाङ्ग हो भनि ।
२.
कुभावना नदेखाऔँ उनीहरू माथी
दया माया दिएर बनाऔँ प्रिय साथी।
✍️ सरिता सेढाई
धादिङ
[४२]
१.
शिक्षा आर्जनका क्षेत्र, कर्म-क्षेत्र समागत
बनुन् अपाङ्ग मैत्री नै, सबै अड्डा अदालत।
२.
अपाङ्गमा लुकेका छन्, सिर्जनाका मुनाहरू
मिल्दा औसर साँच्चै नै, बन्छन् बेजोडका तरु।
✍️ रामशरण न्यौपाने
भक्तपुर
[४३]
अपाङ्गमा नि लुकेका हुन्छन् प्रतिभाको खानी
अवसर पाए ती देशका बन्छन् राजा रानी ।
✍️ काेपिला अधिकारी
सिरानचाेक -७, गाेरखा
[४४]
१.
नगरौँ हेला कसैले पनि अपाङ्गलाई
सक्छन् गर्न उनले साथ सहयोग पाई।
२.
अपाङ्गमा पनि हुन्छ है प्रतिभाको खानी
अवसर दिउ यति कुरा हामीले जानी ।
✍️ रुना कर्माचार्य दाहाल
चितवन
[४५]
१.
बनोस् राम्रो सेरोफेरो नसोचुन है अपाङ्ग
कला सिप प्रयोगले मन बन्नेछ सपाङ्ग।
२.
सक्छन् उभिन कार्य क्षेत्र अपाङ्ग मैत्री गरौँ
जानौँ विशिष्ट क्षमतालाई हौसलाले भरौँ।
✍️ सुस्मिता अधिकारी
काठमाडौँ
[४६]
१.
तँ यस्तो भनि बोलाउन छोडौंँ हामीहरू
सबै मिलि त्यो अपाङ्ग शब्दै हटाऊँ बरु ।
२.
घर बनाउने सबैलाई यस्तो नियम आओस्
एउटा अशक्तले सजिलै भित्र प्रवेश पाओस् ।
✍️ पुष्पा सुवेदी
नेपालगञ्ज, बाँके ।
[४७]
१.
अपाङ्ग भए तापनि बुद्धि तीक्ष्ण हुन्छ
नहेपौँ अपाङ्गलाई सार्है मन रुन्छ ।
२.
समाजका कुसंस्कार र कुरीतिलाई तोडौँ
अपाङ्गमैत्री हुन हामी हातमा हात जोडौं ।
✍️ डम्बर थामी ‘अनुपम’
कालिन्चोक गा.पा. – ६, दोलखा ।
[४८]
१.
अपाङ्ग नि मानिस हुन् नगरौँ है तिनलाई हेला
देशलाई सहयोग गर्न सक्छन् समस्याको बेला।
२.
पारिजात, हेलेन केलर , झमक जस्ता व्यक्ति
अपाङ्ग नै भएर नि बने देशका महान् शक्ति।
✍️ पद्मा काश्यप पाण्डे
मोरङ
[४९]
१.
जन्मजात वा दुर्घटनाबाट अपाङ्ग बन्दामा
जीवनभरि दिनचर्या पर्छ कष्टकाे फन्दामा ।
२.
बस अफिस शाैचालय सहजै जान
सुलभ हुनुपर्छ ह्विलाचियर लैजान ।
✍️ सुशीला शिखा
काठमाडौँ, कागेश्वरी
[५०]
१.
हामी शरिरको बनावटलाई होइन सर्वगुणलाई मान्छौँ
झमकको गाँउको मान्छे हामी अपाङ्गतालाई वरदान ठान्छौँ।
२.
अपाङ्ग कोही सपाङ्ग कोही ईश्वरको हो सृष्टि
त्यो सृष्टि भित्र परेको हुन्छ ईश्वरकै सुदृष्टि ।
✍️ चिरञ्जीवी श्रेष्ठ
धनकुटा ।
[५१]
१.
अपाङ्गलाई हेला होइन सम्मान गर्ने गरौँ
के थाहा खै के हुन्छ ? भोलीकाे समयसँग डरौँ।
२.
ऊ आपाङ्ग थियो हामी त सपाङ्ग छौँ होला
विवेकशील बनौँ आउँछ सबैको चोला।
✍️ सुरेशकुमार पाण्डे
दाङ घोराही १८
[५२]
१.
दुई दिनको घामछायाँ जिन्दगानी हाम्रो
भिन्न क्षमता हुनेलाई चिन्न सक्नु राम्रो ।
२.
सहस्राब्दी लक्ष्य भेटाउन इटा थप्ने गराैँ
अपाङ्गमैत्री समाज निम्ति हामी लागि पराैँ ।
✍️ केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा
[५३]
१.
अपाङ्ग हुने कसैकाे पनि हुदैन चाहाना
हाेच्याउने काम नगराै कुनै पनि बाहाना ।
२.
शारीरिक अपाङ्गता कुनै कारण जाेसुकै हुन्छन् अशक्त
बाैद्धिकताले हाम्राे समाजलाई सिंगार्न सकिन्छ सशक्त ।
✍️ प्रद्युम्न चालिसे
भक्तपुर, कटुञ्जे ।
[५४]
१,
पूर्ण कोही पनि छैनन् चिन्ता नगर है साथी
कुनै रुपमा साथ दिने भगवानछन् माथि ।
२,
सबैको रहोस् अपाङ्ग प्रति प्रेम भावना
आज अपाङ्ग दिवसको यो शुभकामना।
✍️ चिरञ्जीवी ढकाल
नेपालगन्ज -२०, राँझा एयरपोर्ट बाँके
[५५]
१.
घृणा गर्नु हुन्न कसैलाई नि अपाङ्ग भनि
झमक जस्तै आउन सक्छन् यहाँ महान् बनी ।
२.
महान् बने कर्मगरि हेलेन, झमक अनि पारिजात
अवसर पाए युग बदल्छन् देखाएर ज्ञानकाे हात ।
✍️ एस वि प्रगति
प्यूठान (हाल:पाल्पा)
[५६]
१.
अपाङ्ग भनि नगर्नु हेला छ फरक क्षमता
हामीमा पनि उस्तै छ हजुर माया र ममता।
२.
सपाङ्ग सरह छौँ हामी पनि सिपले भरेको
कम छैनौँ हामी पक्का छ काम हामीले गरेको।
✍️ नवशिला
बेलबारी -२, लालभित्ती, मोरङ।
[५७]
१.
केही गर्न सक्छन् अपाङ्गहरुले अवसर पाए भने
जसरी स्टफेन हकिन्स, झमक चर्चित मानव बने ।
२.
तिरस्कार, घृणा हाेइन दया माया, दिनु राम्रो
अपाङ्गलाई सहयाेग गर्नु मानवता हाम्राे ।
✍️ रामकृष्ण रिजाल
बागलुङ
[५८]
१.
सके गर्ने माया नै किन गर्ने हेला ?
हेय दृष्टि राख्ने पर्छ दैवको फेला ।
२.
मानिस माझ बढोस् सद्भाव
अपाङ्गप्रति बढोस् लगाव ।
✍️ कार्की डिबी माकुम
सुनवल -४, नवलपरासी
[५९]
मेला भेला पनि गर्न पर्छ अपाङ्ग जनलाई लिएर
आत्म निर्भर बनाउनु छ तकनिकी तालिम दिएर ।
✍️ माेती सुब्बा
दार्जिलिङ, भारत।
[६०]
१.
हरेक पल अपाङ्गकाे सेवामा लागि पराैँ
आफूबाट जति सकिन्छ त्यति मद्दत गराैँ ।
२.
हामीले अपाङ्गलाई सिपमूलक तालिम सिकाओैँ
आफ्नै देशमा बुनेका कपडा नै विश्व भरि विकाओैँ ।
✍️ केसर बाेहरा ( सङ्घर्ष )
सुदूरपश्चिम अछाम ।
[६१]
विकृति, विसङ्गति, घृणा अब समाजबाट हटाउने
अपाङ्गता भएकाहरूकाे पनि मनाेबल बढाउने ।
✍️ सुशीला पाैडेल
[६२]
१.
देख्छु अपाङ्ग भएका ति दलित दुखिहरू
अपाङ्गमैत्री समाज बनाउँ नसाेचाैँ अरू ।
२.
असल ज्ञानी सिपालु बनाउन अब
अपाङ्गलाई सिपहरू सिकाऊँ सब ।
✍️ भाेलामान बर्देवा
धरान ८ सुनसरी
[६३]
क्षमताका हुन्छन् खानी माैका खै कहाँ मिल्छ?
तुच्छ भाषा व्यवहारले सेवा उहीँ निल्छ ।
✍️ जी.वि.चिन्तन
घाेराही-१४ दाङ ।
[६४]
१.
हाट बधाउँ सेवामा राखाैँ मानव मूल्य
अपाङ्गकाे सेवा परम कर्म हाे जाजुल्य।
२,
दिव्य नर चाेला याे हाम्राे नफालाैँ उसै कहिल्यै
पर सेवा नै परम कर्म नबिर्साै है जहिल्यै ।
✍️ हरिगाेपाल प्रधान
बनेपा १४ साँगा बजार
[६५]
अपाङ्गलाई हेला हैन सिप सिकाई आत्म निर्भर बनाउँ
अपाङ्गमैत्री समाज बनाई विश्व अपाङ्ग दिवस मनाउँ ।
✍️ पुनिता कुमारी चौधरी
सुरूङ्गा न.पा.:११,महेशपुर ,सप्तरी
::::: जय टुक्का! जय साहित्य !! :::::