साप्ताहिक पञ्चाङ्ग चित्रपट भाग- ५४

“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- चौउनौँ हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८०/०७/३० गते

आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार ” पञ्चाङ्ग साहित्य समाज नेपाल” को आधिकारिक दर्ता पछिको:५४[ चौउन्नौं] चित्रपटमा छौं।

     यहाँहरुलाई हार्दिक स्वागत गर्दै

यस् शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!

प्रशिक्षक :

गुणनिधि घिमिरे
घनश्याम पौडेल
तोयानाथ सुवेदी

चित्र संकलन

सुशीला पाैडेल

शुद्धीकरण

जमुना आचार्य
भवानी घिमिरे
पुष्पा नेपाल (सुवेदी )

संरचना

अनुप्रास :- आफू खुसी
स्थायी :- आफू खुसी
अक्षर :- बराबरी

समायोजक

सोमनाथ लुइटेल “रवि पाल्पाली”
तथा

पञ्चाङ्ग साहित्य समाज नेपाल

चित्र अनुसार पञ्चाङ्गहरू [चित्रपट]

चित्रमा पञ्चाङ्ग
~~

पञ्चाङ्ग:०१
सुर्य पूर्वबाट उदाउछ लिएर सुनाैलाे किरण।
मुस्कुराउछ धरती यहीँ पिएर सुनाैलाे किरण।
हेर्न त कति अनाैठाे नियम रहेकाे छ प्रकृतिको,
जिन्दगीमा उमंग उत्साह दिएर सुनाैलाे किरण।
प्रभातमा धरती आकाश सिएर सुनाैलाे किरण।

सुशीला पाैडेल

पञ्चाङ्ग:०२

सूर्य जस्तै चम्किन सक्नु पर्छ।
पोल्दा पानी छम्किन सक्नु पर्छ।
प्राकृतिको महिमा छ असाध्यै,
यस्मै हामी लम्किन सक्नु पर्छ।
परी आए गम्किन सक्नु पर्छ।
ह्यारिस

पञ्चाङ्ग:०३
घामसँग माया प्रेम गाँसेको राम्रो ।
फुलसरी जिन्दगानी हाँसेको राम्रो।
आमा जस्तै न्यानो माया घामले दिने,
मनभित्र कुभावना मासेको राम्रो।
साहित्यमा आफ्नो नाम टाँसेको राम्रो।
✍️मन्दिरा सेढाई
मलेखु,धादिङ

पञ्चाङ्ग:०४
प्रकृतिको रचना यो लोभ लाग्दो खाले।
मनका वितृष्णाहरू त्यसै भाग्दो खाले।
अचम्म छ प्राकृतिक लीला पनि साथी,
सुसुप्त सारा चाहनाहरू जाग्दो खाले ।
यो मनले पनि यस्तै स्वर्ग माग्दो खाले।
घनश्याम पौडेल,पोखरा

पञ्चाङ्ग:०५

झुल्केकाे घाम बिहानी पख पहाडी पाखामा मेराे।
सुसायाे नदी उर्लेर यहाँ झ्याउरे भाखामा मेराे ।
नेपाली माटाे हिमाली बाटाे छ छाँया गगनकाे ,
मौसमी फूल फुलेर ढाके आआफ्नाे शाखामा मेराे ।
हरियाे वन सङ्लाे त्याे मन झल्झली आँखामा मेराे ।

भवानी घिमिरे
सर्लाही ।

पञ्चाङ्ग:०६
बिहानीमा झुल्केको घाम लोभ लाग्ने आहा।
उच्चतम दृश्य, मनको दुःख भाग्ने आहा।
सूर्यको तापले यो जगत चम्चमाउँछ,
सूर्यको रापले सारा जगत जाग्ने आहा।
फूलले पनि सूर्यसँग ताप माग्ने आहा !
शोभा आचार्य गौतम
काठमाडौँ

पञ्चाङ्ग:०७

पञ्चदेव मध्ये सूर्यपनि मानिएका धरामा
त्यसैले हामी छौँ आज तानिएका धरामा।
फूलहरू फक्रनपनि चाहिन्छ यसको ताप,
छठपूजामा आराध्यदेव जानिएका धरामा।
तापमान वृद्धिले हामी हानिएका धरामा ।
कार्की डिबी माकुम
सुनवल-४, नवलपरासी

पञ्चाङ्ग-०८
पूर्वबाट सूर्य उदाउनु अघि नै जाग्नु पर्छ।
सारा थकान मेटाएर निद्रा पनि भाग्नु पर्छ
अज्ञानताले ढाकिएको संसारमा छौ तिमी,
सूर्यदेव सित थोरै भए नि ज्ञान माग्नु पर्छ।
तिम्रो दिन सुरु भो अब सत्कर्ममा लाग्नु पर्छ।
-पशपती राई खोटाङ ।

पञ्चाङ्ग ०९

सूर्योदयसँगै फूलका गुच्छा स्वागत गरिरहेछन् यहाँ ।
कुहिरो र पहाडका ढिस्काले लालित्य छरिरहेछन् यहाँ ।
बिहानी किरणमै हराएर खोजी सिर्जनात्मक दिन ,
करोडौंको माइलबाट दूरसञ्चार झरिरहेछन् यहाँ ।
बासमा पुग्न अनेकौँ झरना र खोली तरिरहेछन् यहाँ ।

जमुना आचार्य सिन्धुपाल्चोक