काठमाडौँ। साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १११ औँ शृङ्खला सम्पन्न भएको छ ।
अभ्यासमा नेपाल लगायत विश्वका ५६ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको १११ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको प्रतिनिधि टुक्का
नाँच्नुको विकल्प छैन, हामीले नचाएपछि,
मच्चिन्छन् भेडा जनता मजाले मचाएपछि ।
वसन्त अनुभव
घोराही, दाङ
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
१)
छैनन् अब सोझा जनता, भन्थ्यौ टाठा भइसके,
देखियो झल्झली नै, आफैँ प्रमाणित गरिसके ।
✍️
वसन्त अनुभव
घोराही उपमहानगरपालिका १४, दाङ
२)
चाहे सत्ता पक्ष होस् चाहे बिपक्ष कुरा नबुझेर उर्लने भेडा,
कोही पनि राम्रोमा गनिँदैन है कुरा गरेर मात्र यहाँ टेडा !
✍️
पवन कुमार बुढाथेाकी
काठमाडौँ
३)
काम छैन कसैको पनि नचाएपछि त नाँचिदिन्छन्,
धेरै हेप्दै गए कुन दिन यिनले खुट्टा भाँचिदिन्छन् ।
✍️
सुशीला शिखा
काठमाडौं कागेश्वरी
४)
सिधा साधा जनता पनि अब बाठा बनिसके,
जनविरोधी नेताको लागि चिहान खनिसके।
✍️
राज कुमार राजभण्डारी “खाेटाङ्गे”
मध्यपुर ठिमी ५ संगम काेलाेनी भक्तपुर ।
५)
कसरी कसरी यिनीहरू बजाउँछन्,
जनतालाई थाहै नदिई भचाउँछन् ।
✍️
नीमा छिरिङ भोटिया
जलढका कालेबुङ
६)
नेता टेढा जनता भेडा के चाहियो र अरू,
यही चटक हेर्नलाई रमाइलो छ बरु।
✍️
नवशिला,
बेलबारी-२,लालभित्ती,मोरङ ।
७)
जति नाँच्ने नाँच नेता के नै गर्छौ हेरौँ,
जनता अब लौ उठ, सबै मिली घेरौँ ।
✍️
शोभा आचार्य गौतम
काठमाडौँ
८)
आगो धेरै नबालौँ उम्लिएर पोखिएला,
हिँड्दा विचार गरौँ झुक्किएर ठोकिएला ।
✍️
गम्भीर दुवाडी
गजुरी – ५ , धादिङ्ग
९)
जो आए नि सबै कानै चिरिएका हुन्छन्,
भेडा भेडासँग बाख्रा बाख्रासँग रुन्छन् ।
✍️
अम्विका अधिकारी
झापा बिर्तामोड
१०)
भेडा हुन् नभने हुन्छ, सोझा हुन् जनता सब,
नचाउने छलीलाई, दिन्छन् दण्ड छिटै अब।
✍️
रामशरण न्यौपाने, भक्तपुर
११)
लठ्ठ हुन्छन् मै हुँ भन्ने नि औँला चटाएपछि,
जसाे भन्यो उसै गर्छन् हामीले खटाएपछि ।
✍️
केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा
१२)
उनकै लागि नाँच्ने हो नि, बारुले कम्मर भाँचेर,
हजुर कै झोला बोक्न पाउँ, भन्नुछ सधैँ हाँसेर।
✍️
होम प्रसाद नेउपाने
धरान,सुनसरी ।
१३)
जति मच्चिन्छ उति थच्चिन्छ घमण्डले हार्छ,
दानापानी भर्छ भेडालाई मान्छे भोकै मार्छ ।
✍️
कृष्णकुमार वैद्य
बनेपा ९, काभ्रे
१४)
गणतन्त्र दमनकारी बन्नैपर्छ अरे,
नत्र हेर ती शासकले कता भाग्नु भरे ?
✍️
विवश पारदर्शी
झापा,
१५)
सोझा जनता सधैँ दौडिने कस्तो यो तिम्रो चाला ?
नेताले सुशासन नगर्ने हो ? उठाउने भाला ।
✍️
भगवती दवाडी
१६)
रहेको यहाँ खाँचो नै गणतन्त्रको,
चाहिएको छैन भाँजो लडतन्त्रको ।
✍️
कार्की डिबी माकुम
सुनवल-४, नवलपरासी
१७)
भेडाहरूलाई घाँस अनि दिई दानापानी,
स्वार्थको लागि तिनलाई ल्याउँछन् तानीतानी ।
✍️
डम्बर थामी ‘अनुपम’
कालिन्चोक गा.पा. – ६, दोलखा ।
१८)
केही वर्ष मात्रै नचाएर हुन्न सक्नुपर्छ जहिल्यै
बुझ्नेले बुझेपछि सायद फिर्ता नहौँला नि कहिल्यै।
✍️
अर्जुन प्रसाद चौलागाई
रामेछापः-सुनापति-१ हालः-अमेरिका,बोस्टन।
१९)
एकोहोरो लागिरहन्छ टारेर टर्दैन,
नवजातको भेडाभन्दा फरक पर्दैन ।
✍️
भुपेन्द्र राना मगर
धादिङ
२०)
बुद्धिहिन भए विद्वान अनपढले नचायो,
बनायो रैती सधैँभरि मान्छे उसैले कजायो।
✍️
सुरेशकुमार पाण्डे
२१)
उकालीको बाटो राम्रो,
राम्रो जति सबै हाम्रो !
✍️
आर्त अकुलीन
२२)
जनता नचाउने र झुक्याउने बानी नै हो हाम्रो
आफ्नो दुनो सोझ्याउन हामीले जे गरेपनि राम्रो ।
✍️
राजेशराज गड्तौला
कॅाडाघारी, काठमाण्डौ
२३)
तिमीलाई जसले शक्तिमा पुर्याए उनैलाई भन्छौ है भेडा,
यस्तै हेप्दै गयौ भने एक दिन खोस्छन् तिम्रो मुखबाट पेडा ।
✍️
पुष्पा सुवेदी
नेपालगञ्ज,बाँके ।
२४)
भेडाको बथानमा बाख्रा पनि मिसिएका,
बैँक ब्याज मिनाहा हुन्छ भन्दै पिसिएका ।
✍️
इन्दिरा देवकोटा
२५)
भेडाको बथानमा एउटा बाख्रो परेछ,
त्यो असल बाख्रोमा सबै नजर रहेछ।
✍️
एवाइ प्रभात
२६)
आखिर उही जनता नै पर्दछन् मारमा,
आफ्नो काम भएपछि त गन्दछन् झारमा ।
✍️
गंगा खड्का
बूढानीलकण्ठ ,काठमाडौँ
२७)
परिवर्तन गर्न भन्दै आन्दोलनमा गए,
तर्सिएको भेडा बथानमा अलपत्र भए।
✍️
अच्युत घिमिरे, सर्पाङ, भुटान🇧🇹
२८)
जनतालाई उल्लु बनाइकन दुनियाँको नबनाउँ हाँसो,
त्यही हाँसो एकदिन बन्नेछ डरलाग्दो आफ्नै मृत्युको पासो।
✍️
अनुग्रह राना मगर ‘पुष्प’
पाँचखपन नपा – ६ संखुवासभा ।
२९)
नचाउँदैमा नाँच्नेहरू परदेश गए,
सोझासाझा नचाउनेनै भ्रष्ट नेता भए ।
✍️
समुद्र
जल्जला७गण्डकी
३०)
बेतालमा नचाएर अझै कति हसाउँछौ ?
झुक्याएर पालैपालो अब कति फसाउँछौ ?
✍️
त्रिलाेचन भण्डारी
मेचीनगर,झापा
३१)
भेडी गाेठमा भेडा हेर्ने हुन्छन् कुकुरहरू,
भेडा बथान के छुट्टेलान् र? राेज सत्य बरु ।
✍️
जी.वि.चिन्तन
घाेराही-१४ २०८०/०८/०९ बिहान ६:४६
३२)
नेताजी हाम्रै मान्छे रडाको किन ?
मच्चाउँछन् ती यस्तै हरेक दिन ।
✍️
कमला देवकोटा, पाल्पा
३३)
घरधन्दा केही नगरी जुलुसमा जाने,
मान्छे जातको भेडाले हो लाठीचार्ज खाने ।
✍️
बिके माकजू , भक्तपुर ।
३४)
कहिले फाल्ने अनि कहिले ल्याउने खेलमा,
मेटिएला अस्तित्व नै बगिजाउला भेलमा।
✍️
बिके मुखिया
दार्जिलिङ भारत
३५)
रणभूमिका नाटककारको के भन्नु गणतन्त्र,
अस्थिरताका पात्रहरूमा जहिले छ मनतन्त्र ।
✍️
प्रेम थापा “मन”बागलुङ
३६)
बाेक्राे सुनैकाे भए नि हेर केही हुँदैन,
हुनुपर्छ सत्य कर्म असत्यले छुँदैन ।
✍️
हरिगाेपाल प्रधान
बनेपा १४ साँगा बजार
३७)
भोकाको भोजन, निर्धाको आश थियोे सडक,
जनता होइनन् क्या उल्टै बन्यो भेडो शासक ।
✍️
नन्दलाल आचार्य, सिद्धार्थटोल, उदयपुर ।
३८)
जुध्ने सोझा नै हुन् आन्दोलन चर्काएपछि,
के विकृति हट्ला र ? पुराना तर्काएपछि।
✍️
सुस्मिता अधिकारी ,काठमाडौँ
३९)
जसले पनि नचाउने जनता भेडा सुन,
सत्र हजारले के पाए त बगाएर खुन ?
✍️
सरिता सेढाई धादिङ्ग
४०)
आफू टिक्न अनेक भाँती गर्छौँ हामी जोहो,
जनता त भेडा नै हुन् हिड्छन् बनाई गोहो l
✍️
बाबुराम गौतम, गुल्मी
४१)
सबकाे बुद्धि भुटेर मानवलाई बनाए भेडा,
साेझा सक्षम युवा विदेशिए सत्तामा चढे टेडा ।
✍️
ताराप्रसाद चापागाईँ
धुनिबेसी
४२)
मदारीले बाँदर नचाउने, नेताले हो जनता,
जसले जे भने पत्याउने, हिँड्दैछ समाज कता?
✍️
बुद्धिमान दनुवार ( सुरुङ्गेली कान्छो )
कनकाई ४झापा
४३)
जो आए पनि अब जनतालाई सधैँभरि सास्ती,
सतिले सरापेको देश भन्थे बुद्धि सबैका नास्ती।
✍️
शंकर कार्की ,थाहा नगरपालिका ३ मकवानपुर।
४४)
जागे जनता अब शक्ति सडकमा हेर,
अन्तिम युद्ध यो अब रगत जान्न खेर ।
✍️
ध्रुव श्रेष्ठ
खोटाङ हाल काठमाडौ ।
४४)
नेताले जनता नचाउँछन् भेडा बाख्रासरि,
जनताले उल्टै ताली पिट्छन् किन सधैँभरि ?
✍️
बाबुराम पाण्डे
अर्घाखाँची
४५)
भेडा होइन है जनता तिमीले नचाउँदैमा नाँचिदिने,
बरु शुरू भयो दिनगन्ती तिम्रो जनताले बदला लिने ।
✍️
चिरञ्जीवी श्रेष्ठ
धनकुटा ।
४६)
मच्चिँदा नि लड्न सक्छ डोरी कमजोर भए,
आखिरमा जनता मर्छन् आन्दोलनमा गए ।
✍️
पद्मा काश्यप पाण्डे, मोरङ
४७)
धान काट्ने आलु रोप्ने गहुँ छर्ने सिजन छ बहुलाएर ननाचौँ,
नारा कस्तो छ देश जनता बिरुद्ध छ भने नेताको करङ भाचौँ ।
✍️
चुडामणी देबकोटा
चनपा १३ काठमाडौँ । हाल बारा सिमरा
४८)
नेता बने मदारी रम्छन् कार्यकर्ता बाँदरनाँच नाँचेर,
उठाउँछन् फाइदा आफैँलाई जनताको कम्मर भाँचेर ।
✍️
शुक्रराज कुँवर
धरान १०
४९)
नचाउँन सकुन्जेल लौ नचाउँ जनताहरू बिस्तारै कुद्नेछन्,
पालो, समय आएपछि तिम्रो अनि बन्दुकको कुञ्जाले खुद्नेछन्।
✍️
बेदु न्यौपाने
काठमाडौँ 🇳🇵
५०)
सोझासाझा जनता छन्, जे भने नि मान्ने,
ठुलाठालु बाठा छन्, गद्दार बन्न जान्ने।
✍️
अजय दनुवार
धनगढीमाई न.पा.-४
जयपुर, सिराहा
५१)
आन्दोलन पनि यहाँ कति हुन् कति,
यो लडाइँ झगडा भयो साह्रै अति।
✍️
दुर्गा भट्टराई
मोरङ -३
५२)
आफ्नो विवेकले निर्णय गर्न जहाँ जनता चुक्तछन्,
नटुवाले पनि नचाईनचाई आफू चाहिँ भुक्तछन् !
✍️
प्रमोद भट्टराई ‘प्रतीक’
कौशलटार, भक्तपुर
५३)
जनताको आँखामा गरी छारो हाल्ने काम,
सयौँ काम गराएर कुम्ल्याई बसे दाम ।
✍️
जमुना आचार्य सिन्धुपाल्चोक
५४)
सिद्धान्तको पात्राे काखी च्यापेर जनता भुलाउने ,
अब पालाे आयाे तिम्राे जनताले नाङ्गै डुलाउने ।
✍️
प्रद्युम्न चालिसे
भक्तपुर कटुञ्जे।
५५)
कसका लागि किन जाने थाहा छैन केही नारा ?
मुख मिठ्याउॅंदै चिच्याउॅंछन् आबा न चाबा सारा ।
✍️
म्यामराज राई, भोजपुर
टुक्का माथि टुक्का कविता
५६)
राणा, पञ्चायत वा राजतन्त्रै किन नहाेस् सबैको सत्ता टिकाउने मन्त्र,
आफ्नो समर्थकहरूमा मात्रै सिमित थियो र छ जहिल्यै यो प्रजातन्त्र ।
✍️
रामप्रसाद पुरी, बादेल, खाेटाङ । हाल बु न पा ११,फूलबारी कुवा टाेल,काठमाडौ