साप्ताहिक ‘टुक्का माथि टुक्का’ व्यङ्ग्यात्मक टुक्का लेखन शृङ्खला- १०९

काठमाडौँ। साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १०९ औँ शृङ्खला सम्पन्न भएको छ ।
अभ्यासमा नेपाल लगायत विश्वका ५३ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।

टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।

टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।

‘टुक्का माथि टुक्का’ व्यङ्ग्यात्मक टुक्का लेखनको १०९ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।

अभ्यासका लागि राखिएको प्रतिनिधि टुक्का

राहत बाड्ने बहानामा उठाएर चन्दा,
बन्नुपर्छ है  मालामाल चलाएर धन्दा ।

वसन्त अनुभव
घोराही, दाङ

सहभागी टुक्काकारहरूले अभ्यासका क्रममा सृजना गर्नुभएको टुक्काहरू

---

---

१)
खोजीखोजी आफ्नामान्छे कार्यकर्ता पोसौँ,
वास्तविक   पीडितको    अधिकार   खोसौँ ।
✍️
वसन्त अनुभव
घोराही उपमहानगरपालिका १४, दाङ

२)
वास्तविक कुरा मोडी चलाउॅंने गर्छन् धन्दा,
सधैँ आफू नै पीडित बनी  उठाएर चन्दा ।
✍️
अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।

३)
तिम्रो भ्रष्ट मति पनि रहेछ है काइदा,
अरूलाई दु:ख पर्दा उठाउने फाइदा ।
✍️
पुष्पा सुवेदी
नेपालगञ्ज, बाँके ।

४)
हदैसम्मको  लालायित  नेता  पर्‍यौ गन्धा,
कति गर्छौ कालो कर्तुत मागी मागी चन्दा ।
बेदु न्यौपाने
काठमाडौँ

५)
उता जनता रुँदा पनि यता बसी हाँसौँ,
काम गरे जस्तो गरी सबै नियम मासौँ ।
✍️
सञ्जना शर्मा दाङ लमही न.पा.५

६)
आँखा गाड्यो राहतमा विपत हुँदा चन्दामा,
मानव हो कि दानव, निर्दयी हुन्छ धन्दामा ।
✍️
एवाइ प्रभात
सहिदभुमि धनकुटा

७)
वास्तविक पीडितले राहत पाउने हैन,
आफ्नामान्छे पोसेर यिनले गरेका छन् चैन ।
✍️
सरिता सेढाई धादिङ

८)
पीडितलाई सहयोग भनी उठाएर चन्दा,
कमाएछौ राम्रैसँग धन त गरी कालाे धन्दा ।
✍️
राज कुमार राजभण्डारी “खाेटाङ्गे”
मध्यपुर ठिमी  ५ संगम काेलाेनी भक्तपुर ।

९)
आडभरको  उपाय  नै  हो  राहत उठाउने,
उठाएपछि हो धेरै जसो आँफैले लुकाउने ।
✍️
अच्युत घिमिरे
सर्पाङ, भुटान🇧🇹

१०)
उठाएर चन्दा गरी कालो धन्दा राख कुहाएर,
धेरै  खुशी भएको हौला पिडितलाई रुवाएर ।
✍️
अनुग्रह राना मगर ‘पुष्प’
पाँचखपन नपा – ६ संखुवासभा ।

११)
आउँछ  विदेशबाट  नि राहतको धन,
पक्ष विपक्षको आज पनि उतै छ मन ।
✍️
सुरेशकुमार पाण्डे
दाङ घोराही १८

१२)
भुकम्प पीडित परे रामे श्यामे काले,
राहत दिनेले आफ्नै पार्टी हेर्न थाले ।
✍️
भुपेन्द्र राना मगर
धादिङ

१३)
पीडामा पनि यहाँ राजनीति हाबी मात्रै चल्छ,
प्रकोपले  गरिब नै  मार्ने  दिन  ठगको बल्छ ।
✍️
शंकर कार्की,
थाहा नगरपालिका ३ मकवानपुर।

१४)
पीडितले नि  राहत पाउने दिनहरू गए,
चन्दा भनी उठाउनेहरू पाे धनी बन्दै गए।
✍️
त्रिलाेचन भण्डारी
मेचीनगर,झापा

१५)
मेरै नामको बहानाले सोर्‍यो चन्दा उसले,
पाल्यो आफ्ना आफन्तलाई जन्ता लुटी घुसले !
✍️
समुद्र
जल्जला ७ गण्डकी

१६)
राहत बाँड्दा छलछाम गर्ने होऊन् रोगी,
जाली कर्म गर्नेले जानुपर्छ फल भोगी ।
✍️
कार्की डिबी माकुम
सुनवल-४, नवलपरासी

१७)
दिनेले जति दिए पनि गरिबको सधैँ छ खाली पेट र रित्तो हात,
माया हैन पहुँचको भरमा पाइने राहत धनीकै घरमा खात ।
✍️
सुशीला  शिखा
काठमाडौं  कागेश्वरी

१८)
राहतको  बहानामा  भित्र्या’कोछु  पाल,
भूकम्पमा काम लाग्ला फेरि अर्को साल !
✍️
कमला  देवकोटा, पाल्पा

१९)
सेवा गर्नेको  हातहरूमा प्रेम चाहिन्छ,
प्रेमको बास हुने दिल पो कहाँ पाइन्छ।
✍️
नीमा छिरिङ भोटिया
जलढका कालेबुङ

२०)
मर्द रुन्छ नामका लागि किन काममा रुन्न ?
नेता भए  साेचका गरिब  पढी लेखी हुन्न ।
✍️
जी.वि.चिन्तन
घाेराही-१४ दाङ

२१)
आँखा तानी हेर्छ पीडित राहत आउला भनी
होहल्ला अधिक सुनिन्छ आउँदैन केही पनि ।
✍️
कृष्णकुमार वैद्य
बनेपा ९, काभ्रे

२२)
राहतको प्रतीक्षा पनि कस्तो ?
बाँचेर पनि मरेतुल्य जस्तो ।
✍️
मोती सुब्बा

२३)
पीडामा मलम लगाऊ नछर्क खुर्सानी नुन,
राहत पनि खान थाल्यौ नेताजी नपुगी सुन ।
✍️
चिरञ्जीवी श्रेष्ठ
धनकुटा ।

२४)
दुःख लाग्छ एकातिर भूकम्पले चर्केको छ घाउ,
विडम्बना अर्कोतिर कत्तिलाई कमाउने दाउ !
✍️
विवश पारदर्शी
झापा,

२५)
राहत बाँड्ने सुनौलो मौका भूकम्पले ल्यायो,
टन्न खाऊ है  दुधभात  गोरुले  बाच्छो पायो ।
✍️
होम प्रसाद नेउपाने
धरान,सुनसरी ।

२६)
चुनावमा भोट अर्कैलाई दिएछन् क्यारे,
त्यसैले  राहत सामग्री  अर्कोतिर सारे ।
✍️
नागेन्द्रप्रसाद यादव, दाङ

२७)
उठाएर केवल  राहतका कुरा,
गर्छन् आफ्ना स्वार्थ यही बेलामा पूरा ।
✍️
बाबुराम पाण्डे
अर्घाखाँची

२८)
भूकम्प पीडितलाई राहत बाँड्दै गर्दा भाडभैलो नै मचायो,
तुच्छ नेताहरूले अनुदानलाई राजनीतिकरण बनायो।
✍️
कबिताहरी
सुन्दर हरैंचा नगरपालिका १ मोरङ

२९)
परिश्रमी पसिना राहत भनी दिन्छ,
गिन्ती छैन असलीकाे छट्टु जस लिन्छ ।
✍️
निरज कोइराला
बेलका १, उदयपुर, हालः इटहरी

३०)
राहत बाड्ने निहुँमा थालेकाछाै कमाउन,
यस्तै गरेर कहिलेसम्म सक्छौ  रमाउन ।
✍️
सहयात्री शाेभा अर्याल
बुटवल , रुपन्देही

३१)
भूकम्पले बनायो गरिबलाई आहत,
लुटे है नेताले तिनैको नामको राहत ।
✍️
सुस्मिता अधिकारी ,काठमाडौँ

३२)
स्वास्नी परिवार हेर्नेका झण्डा बोक्नुभन्दा आआफ्ना अधिकारका लागि लड्नू,
बेकारमा झोले बनेर किन हा मा हा मिलाई जिन्दगीभर यहाँ नै सड्नु !
✍️
पवन कुमार बुढाथेाकी
काठमाडौँ

३३)
गयाे भुइँचालाे लाैन लाै भयाे बेहाल,
भूकम्पको नाउँमा मालामाल दलाल ।
✍️
हरिगाेपाल प्राधान
बनेपा १४ साँगा काभ्रे ।

३४)
दुनियाँमा दुःख हुँदा तिनको भलो हुने,
पीडित सारा जनताको मन चाहिँ रुने ।
✍️
गुणनिधि घिमिरे अमेरिका

३५)
अप्ठ्यारोमा परेकालाई गर्नुहुन्न घात,
काम गरी देखाऔँ बरु छोडी चिल्ला बात ।
✍️
गंगा खड्का
बूढानीलकण्ठ , काठमाडौँ

३६)
दु:खमा साथ नदिने तिमी कस्तो यो चलन,
आर्तको मन पीडाले औधी भएछ जलन !
✍️
आर्त अकुलीन

३७)
भुइँचालोले घर परिवारका छोराछोरी लग्यो,
सबैले सकेको राहत दिए चोर नेताले ठग्यो ।
✍️
चुडामणी देबकोटा
चनपा १३ काठमाडौँ हाल सिमरा बारा

३८)
यसपालि पनि उठिहाल्छ सहयोग रकम फालाफाल,
राहत बाँडफाँडको धन्दा चलाई बनिहाल्छौँ मालामाल l
✍️
बाबुराम गौतम, गुल्मी

३९)
राहत दिने नाममा नगर पीडितमा धन्दा,
होश गरी कदम चाल नत्र परौला नि फन्दा।
✍️
शोभा आचार्य गौतम
काठमाडौँ

४०)
मानवीयताकाे छ सर्वत्र खडेरी,
दुष्टात्माहरूले थाले जाेड्न घडेरी ।
✍️
प्रद्युम्न चालिसे

४१)
भूकम्प पीडितलाई राहत पुगोस्,
उद्दारमा श्रद्धाले तिम्रो शिर नुहोस् ।
✍️
प्रेम थापा “मन” बागलुङ

४२)
ए नेतृत्व ! राहतको ठाउँमा  आघात  बाँडेर ,
सक्ने भयाै साेझा जनतालाई तिमीले भाँडेर ।
✍️
रामप्रसाद पुरी, बादेल, खाेटाङ

४३)
मै खाऊँ र मै लाऊँको लालचले गर्दा,
राहत नि लुटी खान्छन् यहाँ मौका पर्दा ।
✍️
पद्मा काश्यप पाण्डे, मोरङ

४४)
आफूलाई फाइदा नभए कसले गर्छ काम ?
बारम्बार मौका मिल्दैन उठाउनु पर्छ दाम ।
✍️
बुद्धिमान दनुवार (सुरुङ्गेली कान्छो )
कनकाई ४ झापा

४५)
स्वार्थले जित्यो हजुर मानवताको भयो हार,
देखावटी  दयालुहरूले  भरियो  यो संसार ।
✍️
बि.कुलुङ रंगबूले
दार्जिलिङ

४६)
महङ्गीले आकाश छुँदा भोको पेटले माग्छ,
हातको कुरा बाँड्नुअघि मनमा लोभ जाग्छ ।
✍️
कमला पौडेल
चा न पा भक्तपुर

४७)
खान पाउनेको रजाइँले त अरूको दुःख कहाँ लेख्छन् ?
सम्पत्ति टाढा भएपनि टाढैबाट साना आँखाले देख्छन् ।
✍️
अम्बिका अधिकारी
झापा बिर्तामोड

४८)
अपेक्षा थियोे रे मलमपट्टिकाे, पीडामा मिल्ला कि भन्ने राहत,
भाेगेर  विभेदकारी  व्यवहार, सहयोगापेक्षी  झनै आहत।
✍️
मित्र उराठी गाैतम
अमरपुर गुल्मी हाल तिलाेत्तमा-२,रुपन्देही

४९)
देखाउने नाटक जस्तो पो बनाइदैछ कथा,
कुन चराको नाम हाे राहत, के हाे खाँटी व्यथा ?
✍️
रामकृष्ण दवाडी

५०)
पीडितको नाउँ गर्दै उठाएकाे राहत,
पचाउने अपराधी हुनुपराेस् आहत ।
✍️
शम्भु गजुरेल

५१)
राहतको नाम पारी खाएँ मैले खजुर,
मौकामा चौका दाउ त हान्नैपर्‍यो  हजुर !
✍️
ईमान सिंह के.सि.
ब्यास ९ धनुबासे,कलेस्ति,तनहुँ

५२)
भूकम्प पीडितको दुःखमा दया गरिदिएँ,
राहत नपुगेको सुन्दा मनमा कष्ट लिएँ ।
✍️
भगवती दवाडी ,झापा

५३)
देशको नेता  भएपछि  नखाई  कहाँ हुन्छ ?
जति खाए पनि कानुनले कहिले पो छुन्छ ?
✍️
राजेशराज गड्तौला
काँडाघारी, काठमाडौँ