“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग भाग: त्रिसठीऔंमा हामी पुगेका छौ। सम्पूर्ण पञ्चाङ्ग स्रष्टाहरुमा पञ्चाङ्ग लेख्नु हुन् हार्दिक अनुरोध छ:
अभ्यास पाठशालाको अभ्यास शृङ्खला दर्तापछिको भाग :-६३ ——————————-
विधा :- पञ्चाङ्ग
अभ्यास गर्ने स्थान :- पञ्चाङ्ग अभ्यास पाठशाला
मिति:- २०८०/०६/१५ गते
भोलि बेलुका ०९ बजेसम्म पञ्चाङ्ग वा समपञ्चाङ्ग पठाउनु हुन् अनुरोध छ।
……………………………………….
प्रशिक्षक:-
……………
गुणनिधि घिमिरे
घनश्याम पौडेल
तोयानाथ सुवेदी
………………………
भाषा शुद्धीकरण:-
———–
जमुना आचार्य
भवानी घिमिरे
पुष्पा नेपाल सुवेदी
सङ्कलक :-
———-
दुर्गा रिजाल आचार्य
संयोजक:-
सोमनाथ लुइटेल “रवि पाल्पाली” ======================
अक्षर सङ्ख्या:- [बराबरी]
अनुप्रास :- आफुखुसी
स्थायी :- अनिवार्य
………………………………………………
पञ्चाङ्ग:०१
गरीब र दुःखी रुनु परेको छ।
आँसुले मुहार धुनु परेको छ।
सानालाई ऐन ठूलालाई चैन,
धनीको गोडामा छुनु परेको छ।
टुट्दा मन एक हुनु परेको छ।
सुशीला पाैडेल
पञ्चाङ्ग:०२
चाडबाड त आयो तर के गर्नु।
कमाई सुको छैन घर के गर्नु।
सँधै यस्तै पीडा विदेशमा पनि,
आफूलाई जे होला पर के गर्नु।
चौतारीमा एकलो वर के गर्नु।
घनश्याम पौडेल,पोखरा
पञ्चाङ्ग:०३
खुसी कता भाग्यो आज।
अशान्ति यो जाग्यो आज।
बुद्ध जन्मिएको देश,
जन न्याय माग्यो आज।
देख्दा दुःख लाग्यो आज।
▪️शोभा आचार्य गौतम
काठमाडौँ
,
पञ्चाङ्ग:०४
सोझा साझाको दिन गिर्दै गएको छ।
भ्रष्ट लठेत तक्मा भिर्दै गएको छ।
इमान्दारीताको कहाँ कदर यहाँ,
यी तस्करीले मुटु चिर्दै गएको छ।
सामन्तीहरु भित्र छिर्दै गएको छ।
कमला देवकोटा, पाल्पा
पञ्चाङ्ग:०५
नुन पुग्दैन महङ्गी चर्को छ।
छैन घर खर्च झर्कोफर्को छ।
कसरी चलाउने व्यवहार,
दोष मेरो देखाउने अर्को छ
अन्यायमा परेकाको लर्को छ।।
होम प्रसाद नेउपाने
धरान,सुनसरी ।
पञ्चाङ्ग:०६
जनताको जीवनस्तर तल झर्दै छ।
विकृतिले हाम्रो राम्रो सँस्कृति मर्दै छ।
न कान सुन्छ न त आँखा नै देख्छ बरै,
ज्युँदो लास जस्तो सरकार के गर्दै छ।
अझै पनि चोखो भएको भ्रम छर्दै छ।
श्रीकृष्ण शर्मा पोखरा
पञ्चाङ्ग:०७
दसैँ आयो खान पाइन्छ ।
मामा घर जान पाइन्छ ।
टीका लाउने वडाबाट ,
आशीर्वाद मान पाइन्छ ।
सँस्कृतिकाे सान पाइन्छ ।
भवानी घिमिरे
सर्लाही ।
पञ्चाङ्ग:०८
बेइज्जतिलाई कहाँ लाज हुन्छ र सानी।
सुन्ने भएता पनि कैले पो सुन्छ र सानी।
ठगी खान पल्केकाले नसुन्दा नि भयो,
स्वार्थीले राम्रो कुरा कहाँ गुन्छ र सानी।
इज्जतै छैन भने गतिलो चुन्छ र सानी।
- बेदु न्यौपाने, काठमाडौँ ❤️
पञ्चाङ्ग:०९
दसैँ कसैको पासा हुन्छ।
बालपनामा खासा हुन्छ।
महँगीले झन् शिखर चढ्यो,
उज्यालो नभई बासा हुन्छ।
नयाँ लाउने आशा हुन्छ।
भगवती दवाडी ,दमक, झापा
पञ्चाङ्ग:१०
न त उद्योग धन्दा खोल्छ न बारी खनाउँछ सरकार।
उत्पादन शुन्य पारी लोकतन्त्र भनाउँछ सरकार।
सोझासाझा जनता भोट दिँदा दिँदा हैरान भइसक्यो,
चुनिन्छ त्यही नेता महिनैपिच्छे बनाउँछ सरकार।
हेर्दा सुकिलो छ तर भ्रस्टाचार गनाउँछ सरकार ।
-पशपति राई खोटाङ ।
पञ्चाङ्ग:११
सुन्दर कागजकाे पाना पनि,कहिलेकाहीँ केरिन सक्छ।
हासाे मात्रै हुँदैन जीवन,राेदनले पनि घेरिन सक्छ।
आज म माथि छु भनेर घमण्ड नगर्नुहाेस् महाेदय,
तिमीप्रति दुनियाँले हेर्ने नजर पनि त फेरिन सक्छ।
बलवान हुन्छ समय हजुर परिस्थिति बेरिन सक्छ।
उर्मिला के.शी.
धनकुटा
पञ्चाङ्ग:१२
टोकेर टोकिन्न समयलाई।
ठोकेर ठोकिन्न समयलाई।
समय देखि भाग्नै सकिदैन,
बोकेर बोकिन्न समयलाई।
रोकेर रोकिन्न समयलाई।
✍️अच्युत घिमिरे, भुटान🇧🇹
पञ्चाङ्ग:१३
पानी परेर दुःख दिएको छ।
जसोतसो मान्छे जिएको छ।
मौसमले कति सताएको,
दु:खीको पसिना पिएको छ।
कतिको ज्यान पो लिएको छ।
ह्यारिस
पञ्चाङ्ग१४
फेरिँदो मौसम चिसोतातो बदला पिएको छ ।
आकाशले गह्रुँगो बादल साथैमा लिएको छ ।
खुल्ला आकाशमुनि काम गर्नेको पीडा के थाहा
मनसुन न खेतीबाली भित्र्याउन दिएको छ ।
किसान समयको मौका हेर्दाहेर्दै खिएको छ ।
जमुना आचार्य सिन्धुपाल्चोक