🌺 केही उदक 🌺
———————- … ✍️ आर्त अकुलीन
१
सन्तान
आशाको दीपक
मनमा छाएको उज्यालो !
२
सुन्दर
डालीको फूल
कञ्चन मूलको पानी !
३
जीवन
भोगाइमा एक
मानिसको दृष्टिकोण अनेक !
४
बिहानी
चराको चिरविर
सुन्दर दिनको सङ्केत !
५
काँडा
बाहिरी स्वरूप
वचन मनमनै बिझाउने !
६
जिन्दगानी
बगेको पानी
सुखदुःखको लामो कहानी !
७
समय
चैतको हुरी
बढाउने मनको दुरी !
८
चैत्र
हुरी बतास
पिर व्यथाको समास !
९
प्रकृति
सुन्दर आकृति
विश्व ब्रह्माण्डको सम्पत्ति !
१०
दम्भ
विनासक तत्त्व
विकृत प्रदुषित उपज !
- आर्त अकुलीन
देवाश्रम, कैलाली