१.
वर्षा
वर्षे झरी
जताततै बाढी उर्लिएको !
२.
वर्षा
सिमसिमे झरी
कोदो बाली रोपाइभरि !
३.
वर्षा
किसानको पर्व
अन्न फलाउने गर्व !
४.
वर्षा
किसानको काम
बाली लाउने हतार !
५.
वर्षा
सर्वत्र पानी
डर त्रासमै जिन्दगानी !
६.
वर्षा
हिलाम्मे बगर
लपक्क भिजेको माटो !
७.
वर्षा
असारे झरी
जताततै उर्लिएका खहरे !
८.
वर्षा
किसानी माटो
रोप्न तयार आँठाे !
९.
वर्षा
खोलामा घर
सधैँ जोखिमको डर !
१०.
वर्षा
सुकुम्बासी बस्ती
नित्य रातमा गस्ती !
- दुर्गा भट्टराई, मोरङ