प्रवासी नेपाली समन्वय समिति(पीएनसीसी)साउदी अरेबियाले करिब ३ वर्ष अघि वैदेशिक रोजगारीका लागि साउदीअरब आएका ४ जनालाई खाद्यान्न सहयोग गरेको पीएनसीसीका प्रवास संयोजक गणेश अर्यालले बताएका छन् ।
संयोजक अर्यालका अनुसार चामल, दाल, तेल, प्याज लगायतका खाद्यान्न सामग्री २०दिन सम्म पुग्ने खाद्यान्न सहयोग गरेका हुन् । साउदि अरबको दक्षिण पश्चिमी प्रान्तिय सहर जिजानस्थित उनीहरूलाई कम्पनीद्वारा कामविहीन भई खान को समेत समस्या रहेको निवेदन आएपछि खाद्यान्न अभाव झेलिरहेकाहरुलाई सहयोग गरेको अर्यालले बताए ।
काठमाडौंको अनामनगरमा केन्द्रिय कार्यालय रहेको पीएनसीसीले वैदेशिक रोजगारीका क्रममा विभिन्न समस्या झेलिरहेकाहरूलाई आफ्नै सेल्टरमा राखेर कानुनी, लगायत अन्य मुद्दाहरू पहल गरिनुका साथसाथै पीडितलाई बिदेशमा बाट वा सोदेशबाटै घरसम्म पुग्ने टिकट खर्चको व्यवस्था पनि गरिरहेको अर्यालले बताए।
पीएनसीसीको प्रवास शाखा हालसम्म साउदी अरेबिया, दुबई, कतार, ओमान, कुवेत लगायतका देशमा छन् ।