” पाँच तत्त्व पाँचै विकार, पञ्चाङ्ग नै ठिक आधार “
पञ्चाङ्ग ०१
दिलको सुख मायाको मोल कहाँ पाइन्छ
मलम अनि आँखाको झोल कहाँ पाइन्छ
आनन्दले बस्ने थिएँ साथमा साथ पाए
मनलाई नै ढाकिने खोल कहाँ पाइन्छ
सुख, शान्तिले बस्ने त्यो टोल कहाँ पाइन्छ ।
पञ्चाङ्ग: ०२
पिरमा आँखा पनि किन रसाउने गर्छ
चमेली फुल जस्तो सधैँ बसाउने गर्छ
मनको तारले बाँधेसी दुरि हुन्न टाढा
तिक्तता बोलिले कहिले हँसाउने गर्छ
सत्यले सधैँ यथार्थमा कसाउने गर्छ।
पञ्चाङ्ग ०३
कसैको नाममा बिक्ने भएँ आज
नजानेर होला सिक्ने भएँ आज
आँखाको तारा भएँ सधैँ उनैको
दु:ख सुख गर्दै टिक्ने भएँ आज
प्रसाद मायाको झिक्ने भएँ आज ।
पञ्चाङ्ग ०४
तिमी र म बिच झगडाको चर्चा चलायौ
सम्बन्धा कायम गराउन अर्चा चलायौ
झगडालाई धुप हाल्ने हाम्रो कुसंस्कार
जनता दुषित बनाउन मर्चा चलायौ
आफू जोगिनलाई तिमीले पर्चा चलायौ ।
पञ्चाङ्ग ०५
सानो तिनो कुरामा झगडा हुन्छ साथी
त्यही झगडाले सधैँ मन छुन्छ साथी
भविष्यमा सम्झनाको फूल बन्नु पर्छ
दु:ख पर्दा आँखाले नै मन धुन्छ साथी
कोही नहुँदा सधैँ हृदय रुन्छ साथी।
समपञ्चाङ्ग १
देशको लागि कहिले मर्न सक्छौ नेता ?
गरिबको खाली पेट भर्न सक्छौ नेता ?
भ्रष्ट भयौ जनताको कर खाएकै छौ ,
कागजमा नै कार्वाही गर्न सक्छौ नेता ?
जनताको पाउ कैले पर्न सक्छौ नेता
तिमी दुखिको घरमा चर्न सक्छौ नेता?
गरिबको दु:ख दर्द हर्न सक्छौ नेता ?
यति गर्छौ भने आउनु घर घरमा ,
के आधारात तिमी झर्न सक्छौ नेता ?
अँध्यारोमा खोली तर्न सक्छौ नेता?
🇳🇵सोमनाथ लुइटेल “रवि पाल्पाली”
पाल्पा
आभार अनि नमन , हिमालयन दृष्टि साथै वसन्त सर लगायत सबैलाई मेरो अभिवादन छ ।
सुन्दर पञ्चाङ्गहरू । बधाई छ सर ।