काठमाडौ, ५ चैत । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको २५ औँ शृङ्खला शनिबार सम्पन्न भएको छ ।
अभ्यासमा ४५ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखनमा पृथकता एवं फरकपन भित्राउने सिलसिला उक्त शृङ्खला सञ्चालन गरिदै आएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको २५औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
कुरै सुन्दा उदेक लाग्छ, जबर्जस्ती रङ्ग हाल्नु हुन्न,
अधिकार हाम्रो हनन् भो हेर सक्दिनँ म केही सुन्न।
✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
कस्ले बाेल्या सुन्छन् यहाँ पावरले सब झुक्छ,
अधिकारकाे कुरा छाेडाैँ कानुन आफैँ लुक्छ ।
ताराप्रसाद चापागाई
धुनिबेसी ।
[२]
भएकै हो अधिकार हनन्, छिट्टै मुद्दा हाल्नुपर्छ,
चक्काजाम सडकमा, मसाल र राँको बाल्नुपर्छ ।
वसन्त अनुभव
घोराही, दाङ
[३]
चुनावताका सबैजसो नेताहरूले आश्वासनको पोका धेरै लेराउँछ
शक्तिमा गएपछि झनैँ कर बढाई जनतालाई समस्याले बेराउँछ !
पवन कुमार बुढाथेाकी
काठमाडौं
[४]
कस्लाई के को न्याय चाहियो हेर्छु सबै थोक सस्तो,
लाग्छ कुरा काट्नेलाई त सजाय त्यसै दिउँ जस्तो।
✍️ अच्युत घिमिरे
भुटान 🇧🇹
[५]
कुनै कर्म जबर्जस्ती गर्नु हुन्न मेरो साथी,
होलिकाको लगाऔँ टिका चट्ट निधार माथि ।
गुणनिधि घिमिरे
पाँचथर मोरङ हाल अमेरिका
[६]
बनाउनु खानु राम्रो परिकार,
स्वतन्त्र जिउनु आफ्नो अधिकार ।
अनुग्रह राना मगर ‘पुष्प’
संखुवासभा हाल मलेसिया
[७]
बाहिर बोलीमा रङ्ग भर्छन् भित्र उडिसके फुङ्ग,
कसको विश्वास गर्नु खै ! दलहरू गन्हाए डुङ्ग ।
प्रमोद भट्टराई ‘प्रतीक’
कौशलटार, भक्तपुर
[८]
अधिकार हनन् गरेर समस्या ल्याउन खोज्छन्,
त्यस्तैलाई जनता पनि त सरकारमा रोज्छन्।
दीपक ठटाल जलन
खरसाङ,१९.०३.२२
[९]
खेलौँ होली उठाएर पिच्कारी लगाऔँ रङ्ग,
अनुशासन पनि ख्याल गरौँ नगरौँ भङ्ग।
सुरेशकुमार पान्डे
दाङ घोराही १८
[१०]
आफू रमाइलो हुने भन्दै जताततै रङ्ग फ्याँक्ने ल्वाँठहरू,
सावधान! पर्वको नाममा जबर्जस्ती गर्ने बज्रस्वाँठहरू।
म्यामराज राई
हतुवीगढी- ६,भोजपुर
[११]
कुरा सुन्दा त उदेक नै लाग्छ जिब्रो चपाई बोल्छन् मात्रै ,
बाहिर बाहिर अधिकार खोज्नेले देखाइसके जात्रै।
गंगा खड्का
बूढानीलकण्ठ काठमाडौँ
[१२]
राम्रै हो होली पर्वलाई खुशि साथ मान्दा,
असर पर्नसक्छ जबर्जस्ती रङ्ग हान्दा।
शंकर कार्की
थाहा ३ मकवानपुर
[१३]
भन्नलाई सजिलो छ , गर्न पाएकै हैन,
लुट्न पाउँने अधिकार लेखिएकै छैन।
होम प्रसाद नेउपाने
धरान,सुनसरी
[१४]
काे वुझ्छ र परानुभुतिकाे मर्म ?
त्यसैले चल्छ मनाेमानिकाे कर्म ।
मित्र उराठी गाैतम
गुल्मी
[१५]
जबर्जस्ति गर्न नपाउँदा, अधिकार हनन् भयो भन्छौ
आफूलाई किन महान् ठान्छौ, जब अरूलाई तुच्छ गन्छौ ।
राजेशराज गड्तौला
रतुवामाई- १०, मोरङ, हाल- प्रवास
[१६]
साँढेको जुधाइ बाच्छाको मिचाँइ हुँदैछ,
लोकतन्त्र, संविधान कुना पसी रुदैछ।
बिके मुखिया
सिग्रीमताम बस्ती, दार्जीलिङ, भारत।
[१७]
रिस -राग हटाऔँ मनबाट मिलेर सबै खेलौँ टोलीमा ,
रङ्गाउनु पर्छ साथै हामीले वर्षौको खुशी ऎले होलीमा।
सुरेखा चाम्लिंग
भक्तपुर //
[१८]
होली खेल्नु भाइचारा प्रेमको निसानी,
रमौँ सबै खेली रङ्ग सकल किसानी ।
अम्विका अधिकारी
झापा विर्तामोड
[१९]
आफ्नो मात्र कुरा भन्ने अरूको नसुन्ने,
नभएका कुरा गरी जालसाजी बुन्ने।
पौडेल विमुन्स
पोखरा कास्की 💕
[२०]
सल्लाहमा च्याँतेपनि, सारी अनि चाेली,
अधिकार निचाेरेर, किन खेल्छाै हाेली?
✍️केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा
[२१]
कसैलाई लाग्छ मज्जा रङ्ग दल्दा कसैलाई दलेको हेर्दा,
एलर्जी हुन्छ आफूलाई त समय समयमा बोली फेर्दा ।
रचना शर्मा प्रतीक्षा
इमाडोल, ललितपुर ।
[२२]
जबर्जस्ती रङ्ग दल्ने काम भयो,
इज्जत र धन सारा कता गयो?
विक्रम तिरुवा सलिन
जुम्ला
[२३]
रिसाउनु हुन्न सुन ! थोरै रङ्ग दल्दा,
देखिन्छ चिटिक्क, रङ्गिन मुहार बल्दा ।
बिके माकजु
भक्तपुर ।
[२४]
मन मिले सबै कुरा मिल्दाेरै’छ जान ,
नमिलेमा भन्ने हाेला भयाे अपमान।
रामकृष्ण दुवाडी
पाेखरा ।
[२५]
छेपारो झैँ रङ्ग फेर्छन्, हाम्रो देशका नेताहरू,
बाहिर बाहिर एउटा कुरा, भित्र गर्छन् अरू ।
बुद्धिमान चौधरी
कनकाई नगरपालिका ४ झापा
[२६]
अधिकार अनि कानून भनेको ठूलाको मात्रै हुन्छ,
युक्रेन माथि रुसले खेलेको होली देख्दा मन रुन्छ।
अरुण कु.भुजेल
गोरूबथान,कालेबुङ्ग,भारत।
[२७]
अर्धनग्न नवयौवना कुद्छन् होलीमा तन रङ्ग्याउँदै,
नवयुवा नशामा छन् तरुनी देखेर मन बङ्ग्याउँदै।।
लक्ष्मी प्रसाद फुयाल
मोरङ पथरी शनिश्चरे
[२८]
हात हातमा रङ्ग लिएर खेलौँ सबै मिलेर होली।
अर्को वर्ष त भेट होला नहोला कस्ले देख्या छ भोलि ।
राम रावल सागर
कैलाली
[२९]
भो म त खेल्दिनँ भन्दै, अन्त्यमा आफैँ गर्छन् सुरु,
संस्कृतिमा विकृती भित्र्याउने यस्तै हुन्छन् गुरु।
प्रदीप के रिमाल
इटहरी :- आठ
[३०]
खेलौँ होली सप्तरङ्गी अबिर रङ्गले, गाउँघर चौराहाचोक डुलेर,
दुश्मनी गर्नेहरू यहिँ मौका छोपी, एसिड रङ्ग खेलेनन् कतै भुलेर?
कबिताहरी
सुन्दर हरैंचा नगरपालिका १ मोरङ
[३१]
होलीको बहानामा खाने नखाने के के खाएँ,
दुर्घटनामा नपाउनुसम्मको दुःख पाएँ ।
भगवती दवाडी
[३२]
मन मिल्दा त रङ्गिन रमझम रमाईलो मोजमस्ती,
मन फाटेपछि उदेकलाग्दो भैदिन्छ उल्टो जबर्जस्ती !
बिबस पारदर्शी
भद्रपुर – २ झापा
[३३]
पैसा र पावरको भरमा कानुन पार्दछन् फितलो,
देशमा अनिष्ट आइलाग्दा जनतामा हुन्छ किचलो ।
बेदु न्यौपाने💕
काठमाडौ
[३४]
देखावटी नीति निर्माणभन्दा, व्यावहारिक बन्धनहरू ताेड,
ल्याएर मुलधारमा डुबाउनुभन्दा, भाे बरू किनारामै छाेड ।
शान्ति याक्साे
काठमाडौं ।
[३५]
मोज गर न गर्नसम्म चित्त बुझेजति,
पछि आफैँ कराऊ फेरि भयो भन्दै क्षति।
दुर्गा आचार्य
मोरङ
[३६]
बाँधेर तटबन्ध खोलाको पानी रोक्नु सान्नानी,
रङ्गाइदेऊ होलीको रङ्गले उर्लदो जवानी ।
जि कुमार गौतम
भद्रपुर १ (पृथिविनगर) झापा
[३७]
मैले त केही नि बोल्न जान्दिनँ र बोल्दिनँ पनि अरू,
बाहिर बाहिर रङ्गिन हुन्छन् मन कालो हुनेहरू ।
ललिता अभागी
सुनकोशी५ सिन्धुली
[३८]
ईच्छा भए खेल सानू नभएमा जाऊँ,
मिलाएर भोज दिन्छु मेरो घर आऊँ ।
आचार्य जमुना
[३९]
जति पुकार्यो मान्दैनन् कोही हरिल्वाठ कुरा सुन्न,
मुर्खलाई छैन औषधि, आउँदैन है केही गुन्न।
लक्ष्मी श्रेष्ट
बिर्तामोड झापा
[४०]
रमाउँदा रमाउँदै झगडा गर्छन् त भाई,
रङ्गको बहानामा दुर्व्यवहार केटीलाई ,
बिनिता विश्वकर्मा बिनु
बाजुरा
[४१]
भिजाउँछौ भने चोली टाढैबाट भिजोस्,
तिम्रो हर्कतले उनको दिल नबिझोस् ।
रिजाल विनोद
[४२]
संसारभरनै चलेकाे याे स्वार्थकाे धन्दा,
सर्वसाधारण जनतामात्र पर्ने फन्दा ।
प्रद्युम्न चालिसे
[४३]
जस्तो कर्म गर्यो उस्तै फल मिल्छ यहाँ साथी,
धेरै धेरै शुभकामना दिन्छु है शिर माथि ।
सहयात्री शाेभा अर्याल
रुपन्देही १४ बुटवल
[४४]
सबल बन्नु संस्कार सिक्नु राम्रो परिवार,
स्वतन्त्र भएर बाँच्न पाउनु हो अधिकार ।
दुर्गा भट्टराई
मोरङ
[४५]
मनायौँ होली मिलेर सबै सद्भाव बाँडेर,
हुँदैन हान्न मानव माथि शत्रुता बाटेर ।
तारा घिमिरे
✡️✡️✡️ जय टुक्का ! जय साहित्य !! ✡️✡️✡️