काठमाडौ, । साप्ताहिक ‘टुक्का माथि टुक्का’ व्यङ्ग्यात्मक टुक्का लेखन अभ्यासको २० औँ शृङ्खला शनिबार सम्पन्न भएको छ ।
अभ्यासमा ७२ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त अभ्यास शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखन अभ्यासमा पृथकता एवं फरकपन भित्राउने सिलसिला उक्त शृङ्खला सञ्चालन गरिदै आएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
अभ्यासका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखन अभ्यासको २० औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
तिमीले खायौ हिजोसम्म, आज मेरो पालो,
मिलीजुली नै जनतामा, फ्याक्नु पर्छ जालो ।
✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
पालै पालाे मिलिमिली देश लुट्दै जानुपर्छ,
कानुन बनाउने हामी नै हाे कस्ले के गर्छ ?
ताराप्रसाद चापागाईं
धुनिबेसी ।
[२]
खाने मात्रै कुरा तिम्रा केही त गर्देउ विकास,
ऋण थुपार्छौ जनता माथी देउ छिटो निकास।
पूर्णबहादुर श्रेष्ठ “हृदयङकृत”
पनौती न.पा.-३,काभ्रे
[३]
सके जति खानुपर्छ, फुटे भुँडी फुट्छ,
सिलाऔँला फुट्यो भने खुटेपछि जुट्छ ।
वसन्त अनुभव
घोराही उपमहानगरपालिका १४, दाङ
[४]
तिमी हामी मिलिजुली नै देश लुट्ने ठाउँ,
देश लुटी सकेपछि त हामी अन्तै जाउँ ।
💕बेदु न्यौपाने काठमाडौ💕
[५]
पाएसम्म खानुपर्छ है, समय हुँदै आज,
भेटेसम्म खाने हामी, हामीलाई के को लाज ।
प्रदीप के रिमाल
इटहरी -८ सुनसरी
[६]
हाम्रो देश बनिसक्यो लुटी खाने भाँडो,
यस्तालाई सबै मिली कटाउ है डाँडो।
ललिता अभागी
सुनकोशी५सिन्धुली
[७]
हामी नै संसद देशका लुट्ने वरिष्ठ नेता पनि,
देश तहसनहस पार्न बाँकी कहाँ राख्छौ अनि।
हरिनारायण चौधरी
सुन्दर हरैंचा नगरपालिका १ मोरङ
[८]
लुटेको नै होस् आफूसँग पैसा भएकै राम्रो,
जे गर्छौ सफल हुन्छ राजनीति पनि हाम्रो।
दस्ता कौशिक
पाँचथर।
[९]
मिलीजुली यिनीहरू खेलिरहन्छन् सधैं खेल,
जनता मिली नधपाउन्जेल गर्छन् जालझेल।
म्यामराज राई
हतुवागढी,भोजपुर
[१०]
जनता बाठो भए, हटाउन्छन् अब जालो,
फेरि गाउँमा गयौ भने घसी दिन्छन् कालो
अनुग्रह राना मगर ‘पुष्प’
संखुवासभा हाल मलेसिया
[११]
हिजोसम्म भनेर कहाँ हुन्छ जतिसक्दो एक्लै हो खाने,
आफू खाएर जनतालाई झुटो आश्वासन तिर लाने ।
अनिश बाबू उपाध्याय
पाँचथर
[१२]
जतिसुकै गरेपनि रोइ कराइ नेताले टेर्दैनन्,
जनताको पीडा र छट्पटी मरिकाँटे पनि हेर्दैनन् ।
गोमा गुरागाई इटहरी – २
[१३]
ढिला किन नेता साथी आऊ आजै जुटौँ,
बाडीचुडी खानुपर्छ देशलाई लुटौँ ।
✍ नवशिला
बेलबारी-२,लालभित्ती,मोरङ।
[१४]
भोलि यो सत्ता नरहला हसुर्छु भेटेजति,
पचाउन नसके घरै डाक्टर कति कति।
अनिल खग्रास
फनपा ९ पर्वत
[१५]
घरकाे खाई सकियाे अब अरूसँग मागाैँ,
बिराेधी जन बढे घेरै घर बेचेरै भागाैँ ।
निरज कोइराला
[१६]
रोडबाट करोड भएँ, यस्तै धन्दा गरी,
आफूलाई हाइ सुख छ, यो जिन्दगी भरि।
घनश्याम पौडेल
सृजना चोक, पोखरा
[१७]
नातागोता पैसावाला जाऔँ टिप्दै नाम,
सबै खाले पद भरौँ ढुक्क आफ्नो ठाम।
मनोहरी पौडेल
गैडाकोट १, नवलपुर
[१८]
आलोपालो मिली खाऊ तिम्रै भयो बिर्ता,
होस् गर जनताले कुट्दै गर्ने छन् फिर्ता।
लक्ष्मी प्रसाद फुयाल
मोरङ पथरी शनिश्चरे
[१९]
सबै मिलौ खुसी पारौँ जनता हसाउँने,
सत्ता छ प्यारो, तिम्रो हाम्रो भाँडो कमाउँने ।
होम प्रसाद
धरान,सुनसरी ।
[२०]
हिजो अस्ति तिम्रो पालो अब मेरो पालो,
सकेजती लुटने हो फ्याकेर भ्रम जालो ।
कमला देवकोटा, पाल्पा
[२१]
जहिल्यै तिम्रो मात्रै हालीमुहाली गर्ने देश,
अहिले मेरो पालो सपार्नु परेको छ भेश।
भगवती दवाडी ,दमक
[२२]
मै खान्छु मै लाउँछु तिमीलाई के को पीर,
खान नपाए कहाँ हुन सक्छु र म धीर ।
राजेशराज गड्तौला
रतुवामाई- १०, मोरङ, हाल- प्रवास
[२३]
तिमी कुटे झैँ गर , म रोए झैँ गर्छु,
म र तिमी आलोपालो ढुकुटी भर्छु ।
बिके माकजु , भक्तपुर ।
[२४]
जब फिजाउँछन् उनले दम्भ स्वार्थको जालो,
जुट्नु र उठ्नुपर्छ समाउन अब कठालो ।
प्रेम थापा
[२५]
देश खाने धमिरा हो कुटु-कुटु खाऊ,
कहाँ कस्ले कति खाने मिली पालो लाऊ ।
रामजी लामिछाने
[२६]
जतिसक्दो खानुपर्छ पाए जति सारा,
हाम्रा लागि उभिनेछन् तिनै सर्वहारा ।
डम्बर थामी ‘अनुपम’
कालिन्चोक गा.पा. -६, दोलखा
[२७]
हामी भ्रष्टाचार सधैँ गर्ने,
आफ्नो खल्ती मात्र हामी भर्ने ।
साहित्य प्रेमी श्री लिम्बू ( प्रयासी)
पाँचथर
[२८]
खाइदेऊकाे संस्कार हुर्कियो यो देशमा हलहली,
खान नपाउनेको चित्र आउँछ आँखामा झलझली।
दीपक ठटाल जलन
खरसाङ।
[२९]
सहिदले देखाएको बाटाे भुल्याै दाजै ,
रगतले सिंचाएकाे माटाे पुर्याै आजै ।
रामकृष्ण दुवाडी
[३०]
धुर्त नेताको भयो देश, संसद अनि कानून,
जनताले अब भोट हाल्दा धुर्त साधु जानून।
बिके मुखिया
दार्जीलिङ भारत।
[३१]
जसरी नि जनतालाई नियत रैछ मार्ने,
साँचिलो भई सदैव गोहीको झैँ आँसु झार्ने ।
गंगा खड्का
बूढानीलकण्ठ काठमाडौँ
[३२]
त्यसै भन्या होइन रहेछ लुट्न सके लुट,
कसै गरे भ्रष्टाचारीलाई दिने हैन छुट ।।
गुणनिधि घिमिरे
पाँचथर मोरङ हाल अमेरिका
[३३]
कमाइ खाने भाँडो भयो राजनीतिक खेल,
आलो पालो लुट्नु पर्छ सबैलाई पुगुञ्जेल ।
सरस्वती वली
बर्दिया
[३४]
जनतालाई भेडा बनाई मुखमा बाँधी टालो,
भागबण्डा मिलाई खानुपर्छ गर्दै आलोपालो ।
बिबस पारदर्शी
भद्रपुर – २ ( झापा )
[३५]
पहिले त लुटे आफैले देश रित्तियो के गरूँ,
अब कमिसनमा ल्याउँन थाले अंग्रेजहरू।
सुरेशकुमार पान्डे
दाङ घोराही१८
[३६]
मिलेर खायौ या छलेर खायौ देश यो सिध्दियो,
लुट्नुसम्म लुट्यौ सारा ढुकुटी आज त्यो रित्तियो ।
सुर्य मणि रेग्मी
चितवन
[३७]
मैले पिटे जस्तो तिमी रोए जस्तो गर,
अहिले म पेट भर्छु, पछि तिमी भर ।
इन्दिरा देवकोटा
[३८]
पुरानालाई माँस्ने भन्थे आफू बन्न रहेछ,
सामन्तका नयाँ रुप फेरिनलाई रहेछ।
अमर सन्तती
[३९]
भाग्यले पाएको हो यो कुर्सी र लगाएको यो बर्दी,
पाइयो घुस अनि झ्वाम्म खाइयो लाग्दैन कि सर्दी
ओमकुमारी बन्जारा रानाभाट
सामाखुसी काठमाडौं
[४०]
म रोए तिमी फकाऊ, गर्नुपर्छ पालो पालो,
जनतालाई यसैगरी, फिजाऔँ हाम्रो जालो ।
बुद्धिमान चौधरी
कनकाई नगरपालिका ४ झापा
[४१]
खानु खायौ देश भण्डारनै पार्ने गरि रित्तो,
काम केही भएन ठ्याप्पै बिकास छैन बित्ताे।
बिमला पौडेल
भरतपुर ७ कृष्णपुर
[४२]
हिजो पनि लुटेकै थियो, आज पनि लुट्छौँ,
ढुकुटी त हाम्रो बिर्ता हो आनन्दले भुट्छौँ।
लक्ष्मी श्रेष्ट
बिर्तामोड झापा
[४३]
बेचिसके नेताहरुले नदी चुरे डाँडो ।
जति लुटेपनि नपुग्ने कस्तो रैछ भाँडो ।
चुडामणी ध्रुव देवकोटा
सुर्य नेपाल सिमरा बारा
[४४]
झुकेको छैन अहिले नेपाली जनता वीर,
बैरीको सामुन्नेमा गएर नटेकाऊ शिर ।
अम्विका अधिकारी
झापा बिर्तामोड
[४५]
कस्तो मज्जा आलोपालो घुमिघुमी खाने,
फेद देखि टुप्पैसम्म आफ्नालाई लाने।
दुर्गा आचार्य
मोरङ
[४६]
आफ्नो मात्र पालो नसम्झ नेता जनता रुवाएर,
भोलि अरुको पालो आउँदा छोड्लान नी डुबाएर ।
तारा घिमिरे संखुवासभा
[४७]
राजनीति गठबन्धन सत्ता चलाई मिलिजुली खाने,
समावेशीको नाममा आफ्नै श्रीमतीलाई कुर्सीमा लाने ।
राम कुमारी खडका
तुल्सिपुर उ न पा १९ बिजौरी , दाङ्ग ।
[४८]
खानलाई लुछाचुँडी गर्छाै पालाे हाली,
देशै टाट पल्टाउने फटाहा र जाली ।
केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा
[४९]
मैले खाए तिमी खाऊ नमानी डर रत्तिभर,
चोख्या भनेर फाल्दै गर नत्र भुँडी फुट्ने डर।
मन्दिरा सेढाई
मलेखु,धादिङ
[५०]
देश लुट्ने लुटेरा हाे मिलीजुली खाऊ,
कस्को कति भाग लाग्छ बराबर लाऊ ।
दुर्गा भट्टराई
मोरङ
[५१]
राष्ट्रका अध्यक्ष भई दिए फरार,
जन्ता अब कहाँ गई माग्ने गुहार ।
संझना कुसुम
[५२]
तिमीले देश सिध्याई सक्यौ अब मेरो पालो,
सबै मिली गर्नुपर्छ है देशमा धन्दा कालो।
निर्मला शाही ठकुरी
दैलेख
[५३]
हाम्रै पालो पुग्या छैन, अरु कसलाई दिनु,
भ्रष्ट गरि कमाएकै छ, कोसँग पर्छ लिनु ।
जमुना आचार्य
सिन्धुपाल्चोक
[५४]
खाँदै गर पालैपालो फ्याक्दै गर जनतामा जालो,
मरेको जनता जागेको दिन चैँ दलिदिन्छ कालो।
अरुण कुमार भुजेल
गोरूबथान,कालेबुङ्ग,भारत।
[५५]
कति खान्छौ खाऊ मनपरि गरेर खाऊ,
तिम्रै छ पालो जनतामा भ्रम छरी खाऊ ।
सुरेश विश्वकर्मा
डोटी
[५६]
कति दिन फ्याँक्दो रहेछौ मिलीजुली जालो,
आउने छ निमुखाको नि एक दिन पालो ।
रचना शर्मा प्रतीक्षा
ललितपुर ।
[५७]
जालझेल कस्ताे राजनीतिक खेल ,
अब जनताकाे पालाे, पाराैँ है फेल ।
प्रद्युम्न चालिसे
[५८]
मेरो देशको राजनीतिक देखेर आफैँ दु:ख लाग्दो,
कठै हाम्रा नेताको दुर्गतिदेखि मनमा मायाजाग्दो ।
विक्रम तिरुवा सलिन
जुम्ला
[५९]
लाज छैन सरम छैन पालैपालो लुटमार,
गतिहीन देशद्रोही लाइ थुक्नु पर्छ खकार ।
जि कुमार गौतम
(भद्रपुर -१) पृथिविनगर झापा
[६०]
तिमीले खायौ मेची र कोशी म खान्छु महाकाली,
पालो आउँदा लुट्नुपर्छ राख्न हुन्न हात खाली।
गणेश तामाङ वाइबा
ताल्ती,धादिङ नेपाल।।।
[६१]
फेरि पनि आउँन लाग्यो निर्वाचनको पालो,
कोही पनि नपर्नु है लोभ लालचको जालो ।
माहादेब भट्ट
दशरथ चन्द नगरपालिका 01 गुरुखोला कलौन बैतडी
[६२]
जनता धेरै बाठा भए अब सक्दैनौं लाउन जालो,
चुनाव आयो भनी भोट माग्न गए घस्छन् उल्टै कालो।
सरस्वती श्रेष्ठ
इटहरी
[६३]
चुनाव आउँदा हात जोडी गाउँघर सँगै धाउँला,
मिलीजुली राज्यकोषको ढुकुटी बिस्तारै सकाउँला ।
सुमिना तिमल्सिना
चाँगुनारायण 8 भक्तपुर
[६४]
लुट्नु जति लुटिसके अझैँ कति लुट्छ्न्,
बाउको पार्टी नमिले छोरा आई कुट्छन्।
निरु भट्ट
सुर्नया३बैतडी
[६५]
खाऊ खाऊ खानुपर्छ भुँडी फुटुञ्जेल,
यस्तै गरि खेलिन्छ राजनीतिकाे खेल।
मित्र गौतम `उराठी´
अमरपुर,गुल्मी हाल तिलाेत्तमा न पा-२
[६६]
पालैपालाे मिलीजुली खानुपर्छ बाँडीचुँडी ,
नेतृत्व तहले पैला भर्नुपर्छ आफ्नाे भुँडी।
रामकृष्ण रिजाल
बागलुङ
[६७]
राज्यसत्ता चलाउँनु, मिलेमतो गरी,
दुनियाँ सबै घुम्ने छन् हाम्रै वरिपरि ।
कर्ण दयाल
मेलौली नगरपालिका ७, बैतडी
[६८]
राम्रा राम्रा पहिरन गरी उनी आएका,
चिन्ने गाह्रो बनाउन अनुहार भ्याएका।
पौडेल विमुन्स
💕 पोखरा कास्की 💕
[६९]
कहिले मेची खायो कहिले खायो काली,
आलोपालो सबै जनाले इज्जत फाली।
राम रावल सागर
कैलाली
[७०]
भ्रष्टाचारको कालो धन बिदेश पुगे देश लुटे,
कालाे धन्दा गरेका नेताकाे छाेरा जेलबाट छुटे।
सहयात्री शाेभा अर्याल
रुपन्देही १४ बुटवल
[७१]
पालो मिलाई मिलाई देशलाई लुटलाट गरौँ,
कानुन हाम्रै हातको मैलो, आफ्नो गोजी टन्न भरौँ।
अच्युत घिमिरे
भुटान
[७२]
आलोपालो गरी खाऊ हुन्छ तिम्रै दिन गनाइ,
कहिलेकाही त सुन्ने गर जनताको भनाइ ।
धनुष न्यौपाने
गुठीचौर गाउँपालिका ०४ बिगारे जुम्ला
जय टुक्का ! जय साहित्य !!