काठमाडौ, २४ पौष । साप्ताहिक ‘टुक्का माथि टुक्का’ व्यङ्ग्यात्मक टुक्का लेखन अभ्यासको १६औं शृङ्खला शनिबार सम्पन्न भएको छ ।
अभ्यासमा ५७ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त अभ्यास शृङ्खला नियमित सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखन अभ्यासमा पृथकता एवं फरकपन भित्राउने सिलसिला उक्त शृङ्खला सञ्चालन गरिदै आएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
अभ्यासका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखन अभ्यासको १६औं शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
राखेको छु वृद्धाश्रम, वृद्ध बाबुआमा,
कमी नहोस् केही भनी, सुख सुविधामा ।
✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
१//
वृद्धाश्रम राखी आयौ आफ्नै बाबुआमा,
पक्कै फिर्छ पालो तिम्रो गरी बस सामा ।
✍️
वसन्त अनुभव
घोराही उपमहानगरपालिका १४, दाङ
२//
राम्रोसँग सुविधाले राखे त ठिकै होला,
नत्र भने त ति बृद्धहरूको मन रोला !
✍️
गुणनिधि घिमिरे पाँचथर
३//
आमाबाबु ईश्वर भन्दै वृद्ध मन्दिर राखेँ,
पालाे घुम्दै आएछ त्यही कर्मकाे फल चाखेँ।
✍️
ताराप्रसाद चापागाईं
धुनिबेसी ।
४//
कस्ताे छाेराे परेँछु म गरेँछु पाे है उल्टाे,
कुन मुखले पार्नु अब साेही काम सुल्टाे ।
✍️
त्रिलोचन भण्डारी
मेचीनगर झापा
५//
अनुभव ज्ञान बृक्ष बृद्धबृद्धा त्याग आज जवानीकाे जाेसमा,
चाेखाे मायाँ बाेध हाेला बृद्धबृद्धा आफ्नाे पालाे आएपछि हाेसमा ।
✍️
निरज काेइराला
बेलका १ भाैडादेवी टाेल उदयपुर
६//
कंहाँ हुन्थ्यो र आफ्नो घर जस्तो आश्रम छोरा,
बिर्सिएछ आफू रूझेर ओताएको त्यो मोरा ।
✍️
सुरेशकुमार पान्डे
दाङ घोराही१८
७//
खुसी भा’छौ छोरा हामी आश्रम बस्नु पर्दा,
गरगहना खोल्न आएस् पछी हामी मर्दा।
✍
नवशिला
बेलबारी-२,लालभित्ती,मोरङ ।
८//
पिण्ड दिने चाहिन्छ भनी जन्माएको छोराले,
सही र गलत छुटाएन दिमाग कोराले।
✍️
म्यामराज राई,भोजपुर
९//
स्वर्गै हो वृद्धाश्रम बाआमाको लागि,
वृद्धाश्रम राखेर टाढा जान्छु भागी ।
✍️
डम्बर थामी ‘अनुपम’
कालिन्चोक गाउँपालिका-६, दोलखा
१०//
सुपुत्र हैन त्याे साँच्चै कपुत पाे रहेछ मोरो,
जीवित ईश वृद्धाश्रम छाेड्ने कुलङ्गार छोरो ।
✍️
प्रद्युम्न चालिसे
भक्तपुर कटुञ्जे ।
११//
पति पत्नी हामी दुवै, जागीरमा व्यस्त,
सुखसॅग बस्नुस् पैसा, पठाम्ला प्रसस्त।
✍️
घनश्याम पौडेल, सृजना चोक
पोखरा
१२//
ठुला ठालु बन्छन् मान्छेहरु दुनियाँलाई पोसी,
बा-आमा वृद्धाश्रम पुर्याउछन् भएर बेहोसी।
✍️
पूर्णबहादुर श्रेष्ठ “हृदयङकृत”
पनौती-३,काभ्रे
१३//
नालायक हुन ती सन्तान आमा बाबुलाई वृद्धाश्रममा राख्ने,
तड्पाएर तिनलाई मिठो मसिनो व्यञ्जन आफूले मात्र चाख्ने।
✍️
दीपक ठटाल जलन,
खरसाङ,दार्जीलिङ।
१४//
जन्मदिने बुवाआमा भगवान भन्छन् धरतीमा,
हामी पनि तिनी जस्तै हुनुपर्छ छैन असतीमा !
✍️
टिकाराम पुन (टिपु)
सल्यान छत्रेश्वरी २
१५//
बाआमाको जिउँनी फुत्काइ हालें मैले,
बृद्धाश्रम मज्जासँग बस्नु हुन्छ ऐले।
✍️
होम प्रसाद नेउपाने
धरान,सुनसरी ।
१६//
बाबुआमाले खोज्छन् सदा सन्तानका सुख,
तर निष्ठुरी सन्तानले खाली दिन्छन् दुख ।
✍️
मनोहरी पौडेल
गैडाकोट १, नवलपुर
१७//
धर्मकर्म गर्ने भनी तीर्थ व्रत जान्छौं धाम,
वृद्वाश्रममा आमा छोडेर गर्यौ ठुलै काम।
✍️
भगवती दवाडी
१८//
भोकप्यास नभनी, छोरालाई पाले, हुर्काए बढाए,
सपुत छोरा वृद्ध आश्रम बुवाआमा पुगाई आए ।
✍️
अम्विका अधिकारी
झापा विर्तामोड
१९//
झन्झट त्यही हुने बाआमालाई पाल्न,
साेच यही सन्तानले वृद्धाश्रम हाल्न ।
✍️
रामकृष्ण दुवाडी
पाेखरा ।
२०//
वृद्धाश्रम जीवन शब्द नै पवित्र छ आफैमा,
आफ्नो कर्मले दुषित नबनाउँ गुनौं मनैमा ।
✍️
कविन्द्र लाल प्रधान
ललितपुर सुन्धारा धाल्छें १७ ।
२१//
मातापिता देवीदेवता, घर हो धाम,
वृद्ध वृद्धा वृद्धाश्रम, नपठाऊ राम ।
✍️
बिके माकजु ,भक्तपुर ।
२२//
जीवनभर यो शोकको अनि नौ-नौ महिना तिम्रो कोखको रिन,
चुक्ता भयो बाआमा छोराले तिम्लाई वृद्धाश्रम पठाएको दिन।
✍️
बी.कुलुङ
दार्जिलिङ (भारत)
२३//
फूल लाएको छोरो म दुधको भार तिरेँ,
बाबाआमा आश्रम राखी अमेरिका फिरेँ ।
✍️
राम कुमारी खडका
तुल्सिपुर उ न पा १९ दाङ
२४//
कति गर्व गर्दै भन्छौ वृद्धाश्रम राखेको कुरा,
सुनेर पनि मेरो छातिमा त धसियो नि छुरा ।
✍️
गंगा खड्का
बूढानीलकण्ठ १, काठमाडौँ
२५//
युग बदलियो जमाना बदलियो, भयो रामलीला,
वृद्धआश्रममा बुवाआमा राखी पुज्दैछौ ढुङ्गे शिला ।
✍️
मोहन मगर
२६//
बाबुआमा वृद्धाश्रम, म छु ससुराली,
कति धेरै भाग्यमानी पत्नी मेरी काली ।
✍️
रामजी लामिछाने पोखरा , कास्की
२७//
कति राम्रो बुद्धि आएछ मेरो छोरा आर्शिवाद तँलाई,
दु:खै परे पनी म त बस्छु घरमै नराख है मलाई ।
✍️
अनुग्रह राना मगर ‘पुष्प’
संखुवासभा हाल मलेसिया
२८//
वृद्ध हुनुभयो आमाबाबा गर्न सक्नुहुन्न काम,
हिड्नुहोस् बृद्धआश्रम लगेर कमाउँछु म नाम ।
✍️
गणेश तामाङ वाइबा
धादिङ नेपाल।
२९//
बृद्ध बाआमालाई ईश्वर भन्दै छलेर बृद्धाश्रम पुर्याइयो,
घुम्दै फिर्दै अब आफ्नै पालो आएछ आफ्नै छोरोलाई सुर्याइयो ।
✍️
बेदु न्यौपाने काठमाण्डौ
३०//
अर्ति दिने बा छोड्दिएँ आश्रम ह्या मानी,
नयाँ केटी खोज्दै हिँड्ने परेको छ बानी।
✍️
पौडेल विमुन्स 💕 पोखरा कास्की 💕
३१//
बधाई छ, तर डोको चाहिँ सुरक्षित राख्नु होला,
भोलि उतै बोकी लान्छ आफ्नो छोराले लाँदैन खोला।
✍️
अरुण कुमार भुजेल
गोरूबथान,कालेबुङ्ग,भारत।
३२//
आमाबाउको पीडा बुझ्ने छोरो भएन,
वृद्धाश्रम राख्यो उसमा दया रहेन ।
✍️
बिबस पारदर्शी
भद्रपुर न० प० २ झापा
३३//
कसैले पुर्याउछन् वृद्धाश्रम कसैले लान्छन् धाम,
सेवामा समर्पित बनी सदा जप्दछु तिम्रै नाम ।
✍️
जिकुमार गौतम
भद्रपुर-१ (पृथिविनगर) झापा
३४//
आधुनिक सन्तान हुँ म बाउआमा किन पाल्नु,
घरमा धेरै दु:ख दिन्छन् अब कता लगि फाल्नु ?
✍️
राजेशराज गड्तौला
रतुवामाई- १०, मोरङ हाल- प्रवास
३५//
आमाबालाई बुढेसकालमा राख्ने वृद्धाश्रम,
कहिले बुझ्लान जिम्मेवारी छुट्ला कहिले क्रम ।
✍️
बिक्रम तिरुवा सलिन
जुम्ला
३६//
वृद्धाश्रम जाँदा काँडा टिप्दै पन्छाउँदै गइन् आमा,
सोचिकन छोरो फर्किदा काँडा नबिझोस् ती खुट्टामा ।
✍️
हरिनारायण चौधरी
सुन्दर हरैंचा नगरपालिका १ मोरङ
३७//
बसाल्नु बसालीहालेछौं नि संस्कार कति राम्रो,
बुझ कुरा सन्ततिले पनि सिकिरहेछन् हाम्रो ।
✍️
रामचन्द्र भट्टराई ,स्याङ्जा
३८//
बुवाआमा ईश्वर हुन, म गर्न सक्छु काम,
उनैको आशिर्वादले कमाउँनेछु सुनाम ।
✍️
दुर्गा भट्टराई
मोरङ
३९//
मानवताको सुधार भन्नुनै आश्रममा वृद्ध आमाबाबा रुवाउँदै भर्नु,
स्वतन्त्रताको नाममा जग्गा जमिन सिध्याई छोरा छोरी सहरतिर सर्नु।
✍️
अच्युत घिमिरे-भुटान
४०//
सन्तानले डाँडाकाँडा ढाकेको छ मेरो ऐले,
नतमस्तक भै वृद्धाश्रम जानु पर्यो मैले ।
✍️
लक्ष्मी श्रेष्ट
बिर्तामोड झापा
४१//
कहिले लगानी नगर्नु आफूले नै वृद्धाश्रम पठाउनु ,
संख्या बढ्यौ यहाँ लान्छ है सन्तानले पर्छ अब हटाउनु।
✍️
सुरेखा चाम्लिंग
भक्तपुर
४२//
छोराले भन्दा बुहारीले माया बर्साउँछे,
ज्वाइँले स्याहार्दा आफ्नै छोरीले तर्साउँछे।
✍️
डा. चन्द्र खत्री “भूषण जंग “
काठमाडौं
४३//
हेरचाह हुन्छ भनी बाआमा वृद्धाश्रम राखियो,
कहिलेकाही भेट्न आउँछु है भन्दै बाटो लागियो ।
✍️
बुद्धिमान चौधरी
कनकाई नगरपालिका ४झापा
४४//
यसै त्यसै कुनै दिन अवश्य पर्छ फाल्न,
सुखै हुन्छ, बृदाश्रममा बाबुआमा पाल्न ।
✍️
केशवप्रसाद ढकाल `प्रीतबीज´
गाेरखा
४५//
दिक्दार भएर आफै वृद्धाश्रम चाहेका हुन,
भरोसा टुटाएर पछि रोजेका रहेछन् जुन ।
✍️
संझना (कुसुम)
४६//
घरको रेखदेख हुन्छ भनी दुई कुकुर पाले,
खर्च केही बच्ला ठानेर बाआमा वृद्धाश्रम फाले।
✍️
शर्मिला श्रेष्ठ
भैंसेपाटी,ललितपुर
४७//
एक्लै घरमा छाेड्नु भन्दा वृद्धाश्रममै राख,
विदेश गए´नि तिम्रा बच्चा च्याँप्नु आफ्नै काख।
✍️
मित्र उराठी गाैतम
अमरपुर गुल्मी हाल तिलाेत्तमा न पा-२ रुपन्देही
४८//
उनका कर्म किन देख्थेँ अहिले मै कमाउन धाएँ,
तिमी जाँदा एक्लै हुन्छौ दुख पाउँछौ पुर्याउन आएँ ।
✍️
जमुना आचार्य
सिन्धुपाल्चोक
४९//
कर्म खोटो छोरा र छोरीसँग बस्न कर्ममा छैन अरे,
बाटो हेर्छिन बृद्धआश्रममा आमा छोरो आउँछ भरे।
✍️
दुर्गा आचार्य
मोरङ
५०//
बाबुआमा गनगन गर्दै बस्छन् सबै बेला,
वृद्धाश्रममा पठाइ दिए अब हुन्न हेला।
✍️
सहयात्री शाेभा अर्याल
रुपन्देही
५१//
चलअचल धनसम्पत्ति सबै राख्याे उसले आफ्नै नाममा,
वृद्धाश्रम छाेडेर बाबाआमा डुलीरहन्छ ऊ बिना काममा ।
✍️
रामकृष्ण रिजाल
बा न पा 13 बागलुङ
५२//
संसार देखाउने बाबुआमा आश्रम तिर लान्छन्,
पुर्ख्यौली धनसम्पत्ति भएजति आफैतिर तान्छन् ।
✍️
तारा घिमिरे सङ्खुवा सभा
५३//
बाबाआमा वृद्धाश्रम घरमा छोरा मस्ती,
गाउँघरमा यहि काम दोहोरियो अस्ति ।
✍️
ललिता अभागी
सुनकोशी५सिन्धुली
५४//
वाह ! अनाथालयमा दानी बन्दै दाता कर्ण बन्यो,
वृद्धाश्रममा आमाबा पुऱ्याई नर्कको बाटो खन्यो।
✍️
अर्जुन उप्रेती (अप्रतिम)
असम भारत
५५//
वृद्धाश्रम पनि चाहिन्छ असहायको लागि नचाहिने त हैन,
गर्न पाऊँ सेवा र स्याहार बुबाआमाको वृद्धाश्रम लाने छैन ।
✍️
रचना शर्मा प्रतीक्षा
ललितपुर इमाडोल ।
५६//
मन्दिर ठुलाे थियो तर मुर्ती राख्ने स्थान भएन,
आमाबुवा पाल्नलाई घरमा राख्ने ठाउँ रहेन ।
✍️
सुमिना तिमल्सिना
चागुनारायण 8 भक्तपुर
५७//
पाए होलान् बाबुआमाले छोरा वर मागी,
वृद्धाश्रम बस्न पुगे विचरा ती अभागी।
✍️
पवित्रा महरा
दाङ