-मेरो देशदेशको समसामयिक वास्तविक कुरा
गर्न मलाई मन लाग्यो हुन्छ हुन्न पुरा ।१।
कोही नेता केही गर्छु भन्दै अघि सर्ने
कोही चाहिँ पद खोज्न जबर्जस्ती गर्ने ।२।
जनतामा जाँदा कोहिता चुनावमा गिरे
राष्ट्रिय सभा भित्र त्यसै झ्यालबाट छिरे ।३।
जनतालाई बिर्सिएर कुर्सीको लोभ् गरे
जनता चाहिँ अशान्ति मै अलपत्र परे ।४।
द्वन्द्व काल प्रलयमा चल्थे बारुद गोला
प्रधानमन्त्री हुँदा कस्ले के के गरे होला ।५।
दुनियाँमा साँचो सत्य त्यस्को हिसाब हुन्छ
नेता खुशी हुँदा होलान् जनता यहाँ रुन्छ।६।
जनतालाई रुवाएर कति चइन् गर्छौ
अजम्बरी कोही छैन नी तिमी पनि मर्छौ ।७।
प्रधानमन्त्री हुँदा खेरी के के नाप्यौ भन
कस्तो काम गर्यौ तिमिले रुष्ट भए जन ।८।
कस्तो मुख लाएर जान्छौ जनतामा फेरि
जनता पनि चुप लागी बस्ने छैनन् हेरी ।९।
हामी जनता पनि उस्तै पछि पछि लाग्ने
पाए सम्म बसी रहने नपाएमा भाग्ने ।१०।
राजा राखौँ योग्य राजा हुने कोही छैनन्
खोक्रा नेता धोक्रा भर्ने गर्ने केही हैनन् ।११।
मान्छे मारे धोखा दिएर सिधा सादा लाइ
आफु मात्रै महल चढे ठुला राजा भइ ।१२।
सिनो माथि गिद्ध जस्तो लुछा चुँडी गर्छन्
तिम्रा लागि गाउँ घर्का जन्ता कति मर्छन् ।१३।
तिम्रा राम्रो बुद्धि भए जनता किन रुन्थ्यो
हाम्रो देश मा छिट्टै छिट्टै विकास त हुन्थ्यो ।१४।
मेरो देश नेपाल लाई कति रुवाएको
नेताहरू ! किन यसरी देश डुवाएको ।१५।
सुइँको पाई बिदेशी ले राष्ट्र हाम्रो खाला
हाम्रो देश इण्डिया र चाइना तर्फ जाला ।१६।
जनता पनि होसियार हुनु पर्छ अब
अशान्ति र खतरा लाइ तोड्दै जाउँ सब ।१७।
देशको रुप फेर्नलाइ बुद्धि हुने जति
एकै ठाउँमा जम्मा हुनु गर्नु एकै मति ।१८।
फटाहा चोर जाली चिनी निचोरेरै मार
अत्याचारी अन्यायी लाइ निमिट्यान्न पार ।१९।
अनि मात्र देश बन्दछ सत्य बाटो छान्नु
सत्य शुद्ध मान्छे हरुको कुरा सबै मान्नु ।२०।
दुष्ट क्रुद्ध पापी हरुको पिछा गर्न छोड
सबै मिली अन्याय अत्याचार लाइ तोड ।२१।
घुँडा धसी बक्सिङ हान्दै दुष्ट नेता मार्न
नयाँ पिँढी जाग अब देश सुन्दर पार्न ।२२।
शान्ति पूर्ण तरिकाले मार्न सिक्नु पहिले
संसदिय मुड्की हान्नु मौका पर्छ जहिले ।२३।
बदमास फटाहालाई जेल्मा कोची हाल्नु
भ्रष्टाचार गर्नेलाई कारबाही ले गाल्नु ।२४।
जायजेथा जफत गर्नु चारै पाटा मोड्नु
गाउँ घर का कुना कुना घुमाएर छोड्नु ।२५।
पद्धतिको शासन भए देशको मुहार
फिर्ला नत्र सधैं नै माग्नु पर्ला है गुहार ।२६।।।
— गुणनिधि घिमिरे #पाँचथर #प्रसंग #देश
—++ मोरङ हाल अमेरिका